Little Cozy Space

21/05/2026

မေမေတွေနောက်ထပ် အမေးများတဲ့မေးခွန်းလေးပါ
AEIS မဖြေဘဲ စင်ကာပူကျောင်းဝင်ခွင့်ရနိုင်လားဆိုရင်
နိုင်ငံခြားသားတွေအနေနဲ့ AEISကို မဖြေဘဲစင်ကာပူ အစိုးရကျောင်း ဝင်ခွင့်ရဖိုဆို တနည်းဘဲရှိပါတယ်
ကလေးအသက်က စာသင်နှစ်မှာ ၆ နှစ်ပြည့်ပြီးဖြစ်မယ်ဆိုရင်တော့ AEIS ဖြေစရာမလိုဘဲ P1 အတွက် ကျောင်းလျောက်လို့ရပါတယ် ။
ဥပမာ ။ 2027 ပညာသင်နှစ်အတွက် 2026 May သို့ June လလောက်ထဲက စလျောက်ရပါတယ် ။ ကလေးအသက်က 2027 January 2 ရက်မှာ 6 နှစ်ပြည့်ပြီးဖို့တော့လိုပါတယ် ။
ရနိုင်ခြေက AEIS ဖြေတာထက်တော့ပို နည်းနိုင်ပေမယ့် မရတာမျိုးလည်းမဟုတ်တော့ ကလေးကို စလုံးမှာကျောင်းထားဖို့စိတ်ကူးရင် ကလေးလဲ အသက်မှီရင် ဝင်လျောက်ကြည့်စေချင်ပါတယ် ။ ရသွားတဲ့သူတွေလဲရှိပါတယ်။
နိုင်ငံခြားသားကလေးများအတွက်2027 ခုနှစ်ပညာသင်နှစ်မှာတက်ခွင့်ရဖို့
9 May 2026 to 25 May 2026 အထိ interest to register ဖွင့်ထားပါတယ်။ interest to register ပါနော် ။ register မဟုတ်ပါဘူး ။
ကျောင်းရွေးလို့မရပါဘူး ။
ကျောင်းလျောက်ဖို့ ဘာတွေလိုအပ်မလဲဆိုတော့
- ကလေး passport number
- ကလေး မိဘ နှစ်ယောက်ရဲ့ personal particulars
- email
-မိဘက စင်ကာပူမှာအလုပ်လုပ်ပြီး ကလေးက DP နဲ့နေရင် pass details
အာ့ဒါတွေလိုပါမယ်
အသေးစိတ်သိချင်ရင် MOE link အောက်မှာပေးထားပါတယ် ။ ဖွင့်ပြီး လေ့လာကြည့်ကြပါရှင် ။ ဒီတလော အလုပ်လေးနဲနဲများနေလို့ အသေးစိတ်မရေးပေးနိုင်တာအားနာပါတယ် ။ 25 May 2026 အထိ ဘဲ interest to reg ကဖွင့်တာမလို့ မသိလိုက်တာမျိုးဖြစ်မှာစိုးလို့ ခပ်မြန်မြန်ရေးလိုက်ပါတယ် ❤️

https://www.moe.gov.sg/primary/p1-registration/international-students/indicate-interest

08/05/2026

ကျွန်မလို လေ့ကျင့်ခန်းစာအုပ်တွေ အဝယ်လွန်ပြီး နှစ်ကုန်ရင်သူများပေးပစ်ရတဲ့မေမေတွေရှိလား 🤭

07/05/2026

စာအုပ်ဖိုးလွှဲထားတဲ့ မေမေတွေ reply မပြန်ရင် စိတ်မပူကြနဲ့နော် ကလေးစာမေးပွဲရှိလို့ စာခဏသင်လိုက်ပါဦးမယ်

07/05/2026

07/05/2026

ကလေးက AEIS အောင်ပြီးကျောင်းရပြီးနောက် Student Pass လျောက်မယ်ဆိုရင်
✅ကျောင်းရကြောင်း email ရပြီးတာနဲ့ ကျောင်းကို အကြောင်းကြားပါ။ ကျောင်းက solar No.ပေးတော့မှ student pass တင်လို့ရပါမယ် ။ Student Pass တင်တဲ့အခါ PR သို့ Citizen တယောက်က Sponsored လုပ်ပေးဖို့လိုပါတယ် ။ ကလေးကျောင်းရတာနဲ့ sponsored လုပ်ပေးနိုင်တဲ့ မိတ်ဆွေကြိုရှာထားပါ ။ ဖြစ်နိုင်ရင် ၂ ယောက်လောက်ရှာထားပါ ။ ကျွန်မ အတွေ့အကြုံကတော့ sponsored ပြောင်းပါဆိုပြီး စာလာလို့ နောက်တယောက်ပြောင်းတင်မှ အဆင်ပြေခဲ့ပါတယ် ။
ဒီနေရာမှာနောက်တခုပြောချင်တာက sponsored အတွက်အကူညီတောင်းတဲ့အခါ တချို့က ပေးဖို့အဆင်မပြေလို့ငြင်းခံရရင် စိတ်မဆိုးကြပါနဲ့လို့ ။ သူ့ နာမည်သုံးရတာမို့ သူ့မှာလဲ တာဝန်ကြီးပါတယ် ။ တချို့ဆို စိတ်တွေဆိုး ၊မိတ်တွေပျက်ကြတာမြင်ဖူးလို့ပါ 🤭
✅ကျောင်းအများစုကတော့ ကလေးတွေကို အတန်းခွဲဖို့အတွက် Test ထပ်စစ်ပါတယ် ။ စိတ်ပူစရာမရှိပါဘူး ။ ဒီတိုင်းသွားဖြေလိုက်ပါ ။ သူတို့သင့်တော်တဲ့အခန်းထားပေးပါလိမ့်မယ် ။ တချို့ကျောင်းက ၄ ဘာသာလုံးပြန်စစ်ပါတယ် ။ တချို့ကျောင်းက Eng နဲ့ Maths ဘဲပြန်စစ်ပါတယ် ။တချို့ကျောင်းတွေက test စစ်ပြီးမှ Solar No.ပေးပြီးမှ စစ်တယ် ။ တချို့ကျောင်းတွေက စစ်ပြီးမှ Solar No. ပေးတယ် ။ တချို့ကျောင်းက လုပ်ပေးတာနှေးလို့ ကျောင်းဖွင့်ခါနီးမှ student pass တင်ရတယ် ။ ဒီလိုဘဲ စိတ်ရှည်ရှည်နဲ့ စောင့်ရပါတယ် ။
✅Pass ရပြီးနောက် ကျောင်းက ဝယ်ရမယ့် စာရင်း list ပေးပါတယ် ။ AEIS အောင်တဲ့ ကလေးတွေကတော့ ကျောင်းစာအုပ်ဆိုင်မှာ အကုန်ဝယ်လို့ ရနိုင်ပါတယ် ။ SAEIS အောင်တဲ့ကလေးတွေကတော့ တချို့စာအုပ်တွေ ကျောင်းစာအုပ်ဆိုင်မှာ မရတော့ပါဘူး ။ စိတ်မပူပါနဲ့ Popular မှာသွားဝယ်လို့ရပါတယ် ။Uniform ကတော့ကျောင်းမှာဝယ်ရပါတယ် ။

06/05/2026

COVID တွေစဖြစ်တော့ ကျွန်မကလေးက ၄ နှစ်နဲ့ ၃ လ
မူကြိုကို ၄ နှစ်ကျော်မှ ထားမယ်စဉ်းစားထားတော့ မူကြိုတောင် အစမ်း ၂ လဘဲတက်ရသေးတယ် မူကြိုမတက်ရတော့ဘူး
ဖြစ်နိုင်ရင် အပြင်ပစ္စည်းဘာမှ မယူချင်တဲ့အချိန်ဆိုတော့ စာအုပ်လဲ မမှာချင်ဘူးပေါ့ ။ အာ့မှာ IXL app လေးကို စသတိထားမိပြီး သင်ကြည့်မယ်ဆိုပြီး ၁ နှစ်စာဝယ်လိုက်ပါတယ် ။ ကလေးကတော့ ၄ နှစ် ၈ လလောက်ဖြစ်နေပါပြီ ။
ကျွန်မ အတွက်ကတော့ တော်တော် လေးအဆင်ပြေတဲ့ App ဖြစ်ခဲ့ပါတယ် ။ ကျွန်မက ၂ ဘာသာယူပါတယ် ။ English နဲ့ Maths ပါ ။ သူ့ရဲ့အားသာချက်က
✅အသံဖွင့်လို့ရတဲ့အတွက် ကလေးက မဖတ်တတ်သေးရင်တောင် အဆင်ပြေပါတယ် ။ နောက်ပြီး listening skill လဲတိုးတက်လာတယ်ထင်ပါတယ် ။
✅နောက်တခုက မှားတာတွေကို ပြန်ရှင်းပြပေးတာလဲ တော်တော်လေးအဆင်ပြေပါတယ် ။
✅UK or US curriculum ရွေးလို့ရတယ် ။ ကိုယ့်ကလေးနဲ့ အဆင်ပြေတာရွေးလို့ရတယ်။
✅တနေ့ လေ့ကျင့်ခန်းတခု လုပ်မယ်ဆို ပုံမှန်လေးလုပ်သွားယုံဘဲ ။ ကလေးလုပ်ထားတာတွေလဲပြန်ကြည့်လို့ရတယ် ။
✅ကလေးများတဲ့ မိဘဆို ပို အဆင်ပြေတယ် ။ Account တခုဝယ်ထားရင် ကလေး တွေကို အလှည့်ကျ သုံးခိုင်းလို့ရတယ် ။ ဒါပေမယ့် အကောင့်တခုထဲ ဖြစ်တဲ့အတွက်တော့ ကလေးတွေလုပ်ထားတဲ့ လေ့ကျင့်ခန်းကို ပြန်ကြည့်မယ်ဆို ရောနေပါလိမ့်မယ် ။
✅အတန်းကြီးအတွက်တော့မသိပေမယ့် Primary level အတွက်တော့ အတော် အဆင်ပြေတယ်ပြောရမယ် ။
✅စာအုပ်ဝယ်ဖို့ အဆင်မပြေတာဖြစ်ဖြစ် စာအုပ်တွေမဝယ်ချင်တာဘဲဖြစ်ဖြစ် internet သုံးလို့ရမယ်ဆို ဒီ appက အဆင်ပြေတယ်ပြောရမယ် ။
✅သုံးတာကြာလာရင်တော့ ကလေးလဲပျင်းနိုင်ပါတယ်
ကျွန်မကလေးတော့ AEIS အောင်ပြီးမှ ထပ်မဝယ်ဘဲ ရပ်လိုက်ပါတယ် ။
📝❌ IXL app ကျွန်မ မရောင်းပါဘူးနော် ။ မြန်မာမှာရောင်းတဲ့သူတွေရှိပါတယ် ။ သူတို့က အများဟာဝယ်ပြီး အကောင့်ခွဲပြီး ပြန်ရောင်းပေးလို့ ကိုယ့်ဟာကို တယောက်ထဲသီးသန့်ဝယ်တာနဲ့ စာရင်စျေးသက်သာပါတယ် ။ဘယ်က ဝယ်လဲလည်းမမေးပါနဲ့နော် ။ ကျွန်မလဲ မဝယ်တာကြာပြီဆိုတော့ ကျွန်မ ညွှန်လိုက်တဲ့သူက အဆင်မပြေတခုခုဖြစ်ရင် ကျွန်မတာဝန်မယူနိုင်လို့ပါ ။

04/05/2026

KET ဖြေခါနီး လေ့ကျင့်ခဲ့တဲ့ မေးခွန်းအပြည့်အစုံ 4 Skills ကိုမေးကြလို့ ကျွန်မ ကလေးကျင့်ခဲ့တာလေးကို ပြန်ရှာပြီး ထုတ်ထားတာပါ ။ အဖြေပါပါတယ် ။
မေးခွန်တွေဖြေဖို့ OAS နမူနာထည့်ပေးထားပါတယ် ။ ကလေးက စာရရုံနဲ့ မပြီးပါဘူး ။ အဖြေလွှာမှာ စနစ်တကျဖြေတတ်ဖို့လဲ ဂရုစိုက်သင်ပေးဖို့လိုပါတယ် ။ ကလေးကြီးတွေက ကိစ္စသိပ်မရှိပေးမယ် ၆ နှစ်ကျော် ကလေး KET ဖြေမယ်ဆို တော်တော်လေး စိတ်ရှည်ရှင်းပြပေးရပါတယ် ။ ၆ နှစ်ကျော် ကလေးတွေက စာမေးပွဲ အတွေ့အကြုံလဲ မရှိတာမလို့ တခါတည်းမေးခွန်းအများကြီးဆက်တိုက်ဖြေဖို့ သေချာလေးပြောပြသင်ပေးရပါတယ် ။

✅Royal နဲ့ delivery အပ်ပေးပါတယ် ။ delivery ခကတော့ရောက်မှရှင်းပေးပါ ။ စာအုပ်ဖိုးက Prepaid ပါ ။ COD မရပါရှင် ။

04/05/2026

စင်ကာပူမှာ ကျောင်းတက်ဖို့အတွက် မဖြစ်မနေလုပ်ရမယ့်ဟာ နောက်တခုကတော့ HPB မှာ ကလေးမွေးစထဲကနေ ထိုးလာတဲ့ ကာကွယ်ဆေးတွေကို reg လုပ်ရတာပါဘဲ ။
ကျွန်မကလေးတုန်းကတော့ ကလေး AEIS လာဖြေချိန်မှာတခါတည်းတင်ထားလိုက်ပါတယ် ။ AEIS အောင်မလား မအောင်မလား ကျောင်းရမလား မရဘူးလား မသိပေမယ့် တင်ထားလိုက်ပါတယ် ။ တခါတလေ တပတ်နဲ့ approved ဖြစ်ပေမယ့် တခါတလေ ၂ ပတ် ၃ ပတ်လောက်စောင့်ရပါတယ် ။ ကိုယ်တင်ထားတဲ့ documents တွေ မစုံရင်လည်း ကြာတတ်ပါတယ် ။
HPB မှာ approved မဖြစ်သေးရင် ကလေး ကျောင်းရတဲ့အခါ student pass တင်လို့မရပါဘူး ။ ကျောင်းရမှတင်ရင် အဆင်ပြေရင်တော့ ၁ ပတ်နဲ့ ရနိုင်ပေမယ့် အကြောင်းကြောင်း ကြောင့် နှောင့်နှေးမှာစိုးလို ကြိုတင်ထားတာတော့မမှားပါဘူး ။
HPB တင်ဖို့အတွက် မွေးထဲက ထိုးထားတဲ့ ကာကွယ်ဆေး records တွေကို ယူပြီး ဆရာဝန်ဆီမှာ HPB ကဖောင်ယူပြီး သွားဖြည့်ရပါတယ် ။ သူပြောထားတဲ့ဆေးမစုံရင် လိုအပ်တာကို ထပ်ထိုးပေးဖို့လိုပါတယ်။
ကျွန်မကတော့ အာယုက ဒေါက်တာ ဖြူဖြူဝင်း ဆီမှာလုပ်ခဲ့ပါတယ် ။ ပါရမီမှာလည်း လုပ်ပေးတယ် ပြောကြပါတယ်။
ကျွန်မကလေးကတော့ ဆေးနှစ်မျိုးလို လို့ဆရာမက တခါတည်းထိုးပေးလိုက်ပါတယ် ။ ကျွန်မကလေးတုန်းကတော့ HPB တင်တာ ၁ လကျော်ကြာခဲ့ပါတယ် ။

အောက်က ပုံကတော့ form နမူနာပုံပါရှင် ။