Nwayoomoe

17/02/2026

နှစ်ယောက်ထိုင်ခုံမှာ
တယောက်တည်းထိုင်နေရတဲ့ အခါ
ကျယ်ဝန်းတယ် လွတ်လပ်တယ် လို့ ထင်ရပေမယ့်
တကယ်တော့ အဖော်မဲ့တယ်
ကြေကွဲတယ်လို့ အမည်ထွက်တယ် မလွယ်ပါဘူး
လမ်းပေါ်မှာလည်း လူတွေမတွေ့ဘူး
လူတွေထဲမှာလည်း ပျောက်သောသူ မတွေ့ဘူး
မလွယ်ပါဘူး လွယ်ထားတဲ့
လွယ်အိတ်ထဲမှာလည်း လိပ်စာမရှိဘူး
မလွယ်ပါဘူး လွယ်လွယ်မေ့မပစ်တတ်တော့
လိပ်စာရှိတော့လည်း လူကိုမတွေ့ဘူး
ပျောက်သောသူ တယောက်။

#ဝင်းမြင့်

13/02/2026

မင်းကို နားလည်ပြီး
ငါ့ကိုယ်ငါ နားမလည်နိုင်ခဲ့တဲ့နေ့ရက်တွေပါပဲ။
ဘာကတိစကားမှ မပါဝင်ဘဲ
စောင့်နေတာမျိုးဟာ
ပြန်မလာတော့တဲ့သူတွေ မလွန်ဘူးမဟုတ်လား။

- Lionel Sn

11/02/2026

ပြန်လာမှာ သေချာတယ်ဆိုရင်
နောက်ဘဝတွေပါ ခဏငှားပြီးစောင့်နေချင်တယ် ..

ချစ်သောသူနဲ့ ပေါင်းရကံတွေပြည့်ဖို့
ဘယ်ဘုရားဆီမှာ ဆုပန်ရမလဲ ။


ရိပ်ငြိမ်

11/02/2026

ကော်ဖီတွေသောက်မယ် ။
တစ်ဦးတစ်ယောက်ကိုရင်ထဲထည့်ပြီ လွမ်းနေမယ် ။
မသိမသာ ငေးရတဲ့ ရပ်ဝန်းလေးတစ်ခု ။
မပိုင်ဆိုင်ရရင်တောင် ချစ်တာလေးကိုတော့
သိစေချင်တယ် ။
မဆက်သွယ်တော့ဘူးဆိုတာ
မနှောင့်ယှက်ခြင်းတစ်မျိုးပါပဲ ။
နေနိုင်လို့ နေတာမျိုးမဟုတ်ပေမယ့်
ကိုယ့်ကြောင့် အနှောင့်ယှက်ဖြစ်နေမလားဆိုတဲ့စိတ်နဲ့
နေတတ်အောင် နေပေးလိုက်တာမျိုးပါ ။
ပြောချင်ပေမယ့် ပြောခွင့်မရှိတော့တဲ့ စကားတွေ
တွေ့ချင်ပေမယ့် တွေ့ခွင့်မရှိတဲ့ အခြေနေတွေ
ဒီလိုနဲ့ ငါတို့ဟာ ဝေးသထက်ဝေး စိမ်းသထက်စိမ်းရတယ် ။

08/09/2025

ပြန်လည်မွေးဖွားခြင်း
******************

နှစ်သက်သလို
အဓိပ္ပါယ်ဖွင့်ဆိုခွင့်ဝါကျများနဲ့
အေးရာအေးကြောင်းစိတ်ကူးတစ်ကြောင်းဟာ
စက္ကူဖြူ ပါးလွှာလွှာပေါ်မှာရှိတယ်
ရင်ဘတ်ကိုဆွဲဖွင့်
ဖုန်စုပ်စက်နဲ့စုပ်ထုတ်ပြီး
နှလုံးသားကို ဘရပ်ရ်ှနဲ့ဖိတိုက်လိုက်တယ်
အဲ့ဒါပြီး
ထူပိန်းခြောက်ကပ်နေတဲ့ဦးခေါင်းကိုဆွဲချွတ်
အသ်ိစိတ်ကိုတစ်လွှာချင်းရေစိမ်ပြီး
ဗားရှင်းအသစ်တွေ ရိုက်ထည့်လိုက်တယ်
ဒါကျွန်မရဲ့ AI
ဆက်ဆိုဖုန်းထဲက အသံလို
ကီးကြောင်နေတဲ့ ရစ်သမ်ဂီတာတစ်လုံးလို
နားထဲခြေဆောင့်ဝင်လာတဲ့ Rhyme မကွဲတဲ့သံကြောင်တွေ
စကန်ဖတ်မိတဲ့ ဝေဖန်ရေးဗျူဟာများ
ထားလိုက်ပါ
အဲ့ဒါ ကျွန်မစားဖူးပြီးသားမီနူးတွေ
ကျွန်မက
အရိပ်ကို ဘာသာပြန်ရတဲ့ပါေဖာမန့်စ်တွေ
လူနားမလည်တဲ့ဘာသာစကားနဲ့
( S )သုံးမကျတဲ့ကဗျာတွေရေးတဲ့
အမြစ်ကျအငုံ့စိတ်နဲ့ လေထဲကနွားတစ်ကောင်ပဲ
နယ်မြေသစ်မှာပျော်မွေ့သူကြီး
လက်ခုပ်သံဆင်းရဲမှုဟာ အရယ်သန်လွန်းခဲ့တယ်
နေပါ ထားလိုက်ပါ
ကမ္ဘာမြေအတွက် အပွင့်မပွင့်လည်း
အရွက်နဲ့ ခစားတဲ့အလှတရားအကြောင်းပါ
ဒါပါပဲ
ဒီလိုပါပဲ
မာနခပ်တုံးတုံးတစ်ကောင်ကိုသာ ချွန်စက်ထဲထည့်ချွန်ရင်း
ဖီးနစ်တစ်ကောင်လို တိတိကျကျ ပျံထွက်ခဲ့မိ။ ။

NwayOoMoe 2019 Sep 8

28/02/2025

သံပတ်နာရီတို့၏့အနားသတ်မျဉ်းများ
************************

ရှင်သန်ခြင်းက
သံပတ်ပေးထားတဲ့ နာရီတစ်လုံးလိုပဲ
အားကုန်ချိန်ကို စောင့်ရှောက်နေရတာ
အဆီတဝင်းဝင်းလဲ ဒီအထပ်ပဲ
သဲနဲ့တရှပ်ရှပ်လည်း ဒီအထပ်ပဲ
ဘယ်အရာကမှ
ဘုံခုနှစ်ဆင့်မှာအလံလွှင့်ထူမရပါဘူးကွယ်

ဘုရားသခင်ထံ အပြန်ခရီးမှာ
နိုင်ငံကူးယာဉ်ပျံက်ိုစီး
ဘုမ္မိရဲ့ ရင်ခွင်မှာင်ိုညည်းရင်းရောက်လာရမှာ
အလှတွေပြင်လို့ ပန်းတွေဆင်လို့
သိပ်ကြိုက်တဲ့အင်္ကျီကို
ရှေ့နောက်လွှဲလို့့ဆင်မြန်းပေးလိမ့်မယ်

ချစ်သူမုန်းသူ
အားလုံး ယူဇနာတွေအဝေးမှာကျန်ခဲ့မယ်
ရှင်သန်ခြင်းရဲ့ ဟိုမှာဘက်ဆီ
မျက်ရည်တဖြိုက်နှစ်ဖြိုက်နဲ့
ဘယ်အရာမှပွေ့ပိုက်လို့မရနိုင်တာ

700'C မှာအေးခဲထားတဲ့ကိုယ်ဟာ
အနွေးဓာတ်ရမယ်
900'C မှာ ညှော်နံ့နဲ့အတူအသွင်ပြောင်းလာမယ်
မီးလျှံတန်းလန်းကိုယ်ကို
မလွယ်ပေါက်ကအထုတ်
အစိုးမရတဲ့လောကသရုပ်က
လောင်ကျွမ်းရတာတောင် မစို့မပို့

ရေစီးရေလာကောင်းရင်တော့
ဆွေမျိုးသင်္ဂဟကျေးဇူးနဲ့
12နာရီ အပူတိုက်မှ ပြာမှုန်ဖြူဖြူရလိုက်မှာ
အဲ့သည်လိုမှမဟုတ်ရင်တော့
တွဲလွဲအပုံထဲမှာ ခွေးအအဆွဲကို
လောင်ကျွမ်းအစနနဲ့ ရင်တမမစောင့်ကွယ့်

အဲ့ဒီအခါ
ရာထူး ဂုဏ် စည်းစိမ် ဆွေမျိုး
အခြံအရံ အပေါင်းအဖော်ကတော့
မီးခိုးတအူအူနဲ့
မင်းအမည်ကို
ယပ်ခတ်ရင်းခေါ်မြည်နေကြပါလိမ့်မယ်။ ။

NwayOoMoe 2019 March2

26/02/2025

ဒီနွေ
****

ငါ့ရာသီခွင်မှာ
ဥသြဟာ သွေ့ခြောက်ယန္တရားနဲ့
ရင်ကွဲတေးသွားကို တဒင်္ဂခုတ်ပိုင်းတယ်

တစ်ပင်လုံးချွတ်ချခဲ့ပေမယ့်
ပုရစ်ဖူးတွေ အားယူထူမခဲ့တာတောင်
ရိုးတံပြိုင်းပြိုင်းမို့
ရိုင်းလိုက်တာတဲ့

လက်ပံပေါက်လဲနဲ့ ဖေဖော်ဝါရီနှင်းဆီတွေထဲ
တစ်ရွက်ထဲကြွေလဲ နွေပါပဲ
တစ်ပင်လုံးခြွေလဲ နွေပါပဲ
နွေဆိုတာ နေရဲ့တမန်တော်
အိုဇုန်းလွှာပေါ်ကို ထီးဖြူဖိနပ်ပါးနဲ့
လမ်းသလားနေတဲ့ ခွေးရူးရာသီ

တိမ်ကနုတ်က
နွေသရုပ်ကို အရှင်းလင်းဆုံးပေါ်အောင်
လေနီရိုင်းဟာ
အဓမ္မတရားအတိုင်း
နောက်ဆုံးအတွင်းခံကို ဆွဲအချွတ်
ဝတ်လစ်စလစ် ပိတောက်တွေ
တဝဲဝဲပုံကျနေပြီ

ပုံပြင်တွေကိုယုံလို့
ဥသွလဲ အလံမလှဲပဲ
နွေနဲ့အပြိုင်ကြဲလို့ ဟစ်အော်မြဲ
အေပရယ်လ် ရေ
ဒီတစ်နွေဟာလည်း
ရစေိုစိုနဲ့ အဇ်ြစ တ်တကိုဖုံးလဲ
ချွေးတွေနဲ့ရွှဲလို့
ဖုန်ထူလေပူနဲ့ နွေနေကျွက်ကျွက်ဆူဦးမှာပဲ။ ။

NwayOoMoe 2019Feb 24

19/01/2025

လွင့်ပြယ်သွားသောတိမ်စိုင်များ
***********************

သတိရခြင်းဟာ
ရှူရှိုက်တဲ့ လေထုထဲမှာရှိတယ်
နှုတ်ခမ်းလေးပေါ်မနားဖူးပေမယ့်
သူ့အာငွေ့နွေးနွေးလေး
ပါးနံဘေးမှာစိတ်နဲ့ ဖြတ်ပြေးတယ်

တစ်ခုခုတွေ့ရနိုးနဲ့
သူ့ကောင်းကင်ကိုငေးမိတော့
အလွမ်းတစ်စက်က
အိပ်ကပ်ထဲခုန်တက်လာတယ်
ပြယ်လွင့်တိမ်စိုင်တို့ရဲ့အတောင်တစ်ဘက်ကို
ကျောက်ဆူးချကြည့်တဲ့အခါ
မမီနိုင်တဲ့ကောင်းကင်ဆီက
ရင်ကွဲနာနံ့ရပါတယ်

မထုဆစ်နိုင်တဲ့မနက်ဖြန်တွေထဲ
အရှုံးတရားက လမ်းသလားလို့လှောင်တယ်
စုံတောမြိုင်သီချင်းနဲ့
ရွာလည်နေတဲ့အိပ်မက်ထဲ
သူရယ် ကျနော်ရယ် မျှော်လင့်ခြင်းရယ်
စွဲလမ်းမှုအလွဲအကန်းနဲ့
ကျနော့ရဲ့မပြန်လမ်းက လှတယ်။ ။

NwayOoMoe (2018Jan 4 )

19/12/2024

09/12/2024

သူတော်ကောင်းလို့အထင်ခံရမှာ အကြောက်ဆုံးပါ
အာမခံနိုင်တာဆိုလို့
ဘယ်သူ့အပေါ်မှ မယုတ်မာဖူးတာပဲရှိပါတယ်
ကျန်တာကတော့ သူလိုကိုယ်လိုပါပဲ
တရားနာချင်တဲ့အခါ နာပြီး
အရက်နာကြတဲ့အခါ ကျနေတာပါပဲ။

စောနန္ဒာခိုင်

06/12/2024

ဖိတ်ခေါ်ကြိုဆိုခြင်းမရှိပါဘူး
ကျနော့်ဘာသာ တွယ်တာပြီး
ကျနော့်ဘာသာ ဖယ်ခွါလာတာပါ ။

Lukhay