04/06/2026
Wings of Pride 🏳️🌈🏳️⚧️👼🏻
June လ အတွက် ပထမဆုံး paper quilling ကားချပ်လေးကတော့ Pride month ကို ဂုဏ်ပြု တဲ့အနေနဲ့ ဖန်တီးထားတဲ့ ကားချပ်လေးနဲ့ စတင်လိုက်ပါတယ်။ ကျတော့်စိတ်ကူးထဲက အတိုင်း ဖန်တီး ရေးဆွဲခဲ့တဲ့ one line artwork လေးတစ်ခုကို paper quilling နဲ့ ထပ်ဆင့် ဖန်တီး ပုံဖော်ထားပါတယ်။
One line art ရဲ့ ရိုးရှင်းမှု နဲ့ rainbow colored wings ကို ပေါင်းစပ်ထားပြီး Pride month ရဲ့ လွတ်လပ်စွာ ကိုယ့် ကိုကိုယ် ဖော်ထုတ်ခွင့်၊ ဂုဏ်ယူမှု၊ မတူကွဲပြားမှုတို့ကို ပေါ်လွင်အောင် ဖန်တီးထားပါတယ်ဗျ။
လူတိုင်းမှာ ကိုယ်ပိုင် အရောင်ရှိပါတယ်။ ကိုယ့်ဖြစ်တည်မှုကို ဖုံးကွယ်မထားပဲ လွတ်လပ်စွာ ထုတ်ဖော်နိုင်တဲ့ ဒီအချိန်မှာ အဲ့ဒီအရောင်တွေက အတောင်ပံတွေလို ဖြန့်ကျက်လာပါတယ်။
Rainbow wings တွေကတော့ LGBTQ+ တို့ရဲ့ မတူကွဲပြားမှု၊ ခံနိုင်ရည်ရှိမှုနဲ့ ဂုဏ်ယူမှုတွေကို ကိုယ်စားပြုပေးထားတာပါ။ နောက်ကို လှည့်ကြည့်နေတာကတော့ အတိတ်က နာကျင်မှုတွေကို အသိမှတ်ပြုပေမယ့် ရှေ့ကိုဆက်ပြီး ပျံသန်းဖို့ အားအင်တွေ အပြည့်နဲ့ ဆိုတာကို ဖော်ပြပေးထားတာပါခင်ဗျ။
အားလုံးပဲ “Happy Pride Month” ပါ ခင်ဗျာ။
