https://www.facebook.com/197275734537089/

Banmaw Diocese,OSC

Home
Myanmar
Banmaw
Banmaw Diocese,OSC

Contact information, map and directions, contact form, opening hours, services, ratings, photos, videos and announcements from Banmaw Diocese,OSC, Art, Banmaw.

02/05/2026

Sasana Shang (100) Ning Hpring Jaw Jubilee Poi Saw Shaga Laika

Ding Sing Jau Ginwang hta Karai Mungga du Sasana shang ai (100) Ning Hpring Jaw Jubilee Poi hte Tarahkaw Sara marai (11) a Jubilee Poi hte hpawn galaw na lam saw shaga dat ga ai.

Poi Lamang

Jubilee Missa - May 5, 2026 jahpawt 8:00 a.m
Jubilee Shara - Hkristu Hkawhkam Nawku Jawng Wang, Nba Pa, Lang B**g Kawng.

25/04/2026

Wa Jau Dr. Stephen Nangzing Nawng Lat A Jau Prat ( 25 ) Ning Hpring Gumhpraw Jubilee Poi Saw Shaga Laika

Ya aten Manmaw Saradaw Ginwang kata Manje Jau Ginwang hta Ginwang Up Jau magam gun nga ai Wa Jau Stephen Nangzing Nawng Lat @ Zaw Min Latt a Karai magam gun, Jau Prat ( 25 ) Ning hpring Gumhpraw Jubilee poi hpe Han Htet Mare Nnan na San Yawhan Nawku jawng wang hta galaw na ga ai majaw shara shagu na Nawku Hpung masha ni hte jinghku jingyu ni yawng Chyeju Dum Jubilee Poi M***a Hkungga hta sa du akyu hpyi shang lawm let Jubilee shaman chyeju hpe hkam la ga ngu saw shaga dat ai.

Poi Lamang

Ninghtoi - May 6, 2026 ( Bat hpang 3 ya )

Jubilee Missa - 8: 00 AM

Hkalum ten - 10:00 AM

Shara - San Yawhan Nawku Jawng Wang, Han Htet Mare Nnan.

19/04/2026

Dai ni gaw Wa Jau Dr. Stephen Nangzing Nawng Lat a Jau Tai Aya hkam la ai (25) Ning hpring rai nga ai.
Jubilee Madu Wa Jau a ntsa Karai Kasang grau nna shaman ya u ga

Jau tai aya hkam la ai Nhtoi: April 19, 2001
Shara: St. Patrick Cathedral, Banmaw
Ga Manoi: LORD YOU KNOW EVERYTHING : YOU KNOW THAT I LOVE YOU

02/03/2026

Wa Saradaw a Matsun Ndau Mungga

Manmaw Saradaw Ginwang a Sagu rem wa, Wa Saradaw Raymond Sumlut Gam a Matsun Ndau Mungga

09/02/2026

Wa Jau ni a Wutsawk hte zuphpawng

Manmaw Saradaw Ginwang Wa Saradaw hte Wa Jau ni a Wutsawk (Annual Retreat) hte zup hpawng hpe ( Jan 26-29, 2026 ) ya du hkra Mai Ja Yang Jau Ginwang Ja Reng Yang San Joseph Nawku Jawng Wang hta galaw gawgap da lu sai Wa Saradaw hte Wa Jau ni a Dum nta nnan ( Diocesan Temporary Center ) hta galaw la lu sai. Ndai Wutsawk hpe Wa Jau Bernard Dashi Tang Ji (Eden Chyum College hte Ginwang up Jau-Myitkyina Saradaw Ginwang )kaw na jaw ya lai wa sai. Matut nna mung (Jan 30- Feb 2) ya Shani du hkra gaw Wa Saradaw hte Wa Jau ni a zuphpawng Kaba hpe galaw la lu sai.

Ndai Wa Saradaw hte Wa Jau ni a Annual Retreat hte zuphpawng hta Jau Ginwang hkan na akyu hpyi ya ai hte alu sak jaw ya lai wa sai hpung masha ni yawng hpe mung chyeju dum ga ai.

05/02/2026

Diocesan Temporary Center Hpaw Poi
Feb 1, 2026

Manmaw Saradaw Ginwang Wa Saradaw hte Wa Jau ni a jahkring jahkra hkringsa shara hte rung nta hpe Mai Ja Yang Jau Ginwang Ja Reng Yang San Joseph Nawku Jawngwang kaw Wa Saradaw a matsun hte maren Ginwang Up Jau, Wa Jau Paul Lahpai Aung Dang woi awn let hpung masha ni a shang lawm shakut ai hte alu madu ni a garum madi shadaw ya ai n gun atsam ni hte galaw gawgap da lu ai Diocesan Temporary Center hpe kyuhpyi shaman ai lamang hpe (Jan 26, 2026) ya jahpawt 7:30 a.m Aten hta Sagu rem wa, Wa Saradaw Raymond Sumlut Gam kaw nna shaman hpaw ya Lai wa sai. Dai hpang (Feb 1, 2026) ya jahpawt 9:00 a.m Aten hta gaw Dingshawn poi Missa hkungga Kaba hpe Wa Saradaw hte Wa Jau ni kaw nna nawng jau ya lai wa sai.

01/01/2026

Mara Nkap ai Nu Maria Lungpu shaman poi
Dec 29, 2025

Nmawk Jau Ginwang Goi Kahtawng (Deng 17) hta galaw gawgap da lu sai Mara nkap ai Na-Um Nasin ai Nu Maria Lungpu hpe Momauk Ginwang up Jau, Wa Jau Luka Lahpai Hka Li woi awn let shatsawm jahtap sha ngut shakre la lu sai Nu Maria lungpu hpe Manmaw Saradaw Ginwang Sagu rem wa, Wa Saradaw Raymond Sumlut Gam kaw nna Dec 29, 2025 ya jahpawt 8:00 a.m aten hta shaman hpaw ya let Jau Ginwang Christmas Missa Hkungga hpe mung nawng jau ya lai wa sai.

18/11/2025

Happy Anniversary Wa Saradaw

Dai ni November (18) ya shani gaw Manmaw Saradaw Ginwang sagu rem wa, Wa Saradaw Raymond Sumlut Gam a Saradaw tai aya hkam la ai (19) ning hpring ladu hkrum ai nhtoi rai nga ai. Wa Saradaw matut nna hkam kaja sak galu ai hte sagu hpung masha ni hpe lam woi madun woi awn sa wa lu u ga kyu hpyi dat ga ai.

09/05/2025

Wa Sarabyin Nnan langai bai lu
(Wa Sarabyin Leo XIV)

Wa Sarabyin Francis April 21, 2025 ya shani nnga mat ai hpang mungkan ting na Cardinal marai (133) gaw Vatican Cicistine Chapel hta zuphpawng let Wa Sarabyin nnan bai lata la lu na matu May 7, 2025 ya shani kaw nna akyu hpyi let zuphpawng ma ai.
May 8 ya shana hkying 11:15 p.m aten hta Wa Sarabyin nnan lata la lu sai.

Wa Sarabyin a mying hpe Leo XIV ngu na shaming nna shi gaw American mung dan kaw na rai nhtawm sep 14,1955 ning hta shangai wa nna asak 69 re. 2023 ning hta Wa Sarabyin Francis kaw nna Cardinal dang da hkrum ai wa mung rai nga ai. Wa Sarabyin Leo XIV gaw Kasa Petru a hkang galai ai 267 lang ngu na Wa Sarabyin rai nga ai.

Wa Sarabyin Leo XIV a matu akyu hpyi ya nga ga.

01/05/2025

Nu Maria Lungpu Shaman Poi
April 20, 2025- Maing Hkawng

Namlim Pa Jau Ginwang, Maing Hkawng Mare hta gawgap da ai Nu Maria Lungpu hpe Ginwang Up Wajau Peter Maran San Tawng woi awn let kalang bai gram gawgap la nna Karai Kasang hpe ap ya ai lamang hpe Manmaw Saradaw Ginwang up, Wa Saradaw Raymond Sumlut Gam shaman hpaw ya ai Missa Hkungga hpe April 20, 2025 ya (P***a Poi) shani hta galaw la lu sai.

Dai shani hta Wa Saradaw kaw nna hpung masha ni marai (201) mung N-gun Shaja Sacramentu jaw ya lai wa sai.

Ndai Missa Hkungga hta DERT kaw nna mung hpyen koi yen ai hpung masha ni hpe n-gu, sau hte jum ni hpe mung karan ya ai lam mung galaw lai wa sai.

Dai hpang shana de daw hta Wa Saradaw kaw nna gawgap da lu sai hpyen koi yen ni shanu na camp ni hpe mung sa du shaman ya lu ai lam galaw lai wa sai

Address

Banmaw

Telephone

07451085

Website

facebook.com

Alerts

Be the first to know and let us send you an email when Banmaw Diocese,OSC posts news and promotions. Your email address will not be used for any other purpose, and you can unsubscribe at any time.

Shortcuts

Want your establishment to be the top-listed Arts & Entertainment in Banmaw?