KineNova Film Festival

22/02/2026

СВЕЧЕНОТО ОТВОРАЊЕ НА 10то ИЗДАНИЕ НА МФФ КИНЕНОВА 2025 БЕШЕ НЕКЛАСИЧЕН, МОДЕРЕН ПЕРФОРМАНС, НАДОПОЛНЕТ СО ИЗВЕДБА НА БАРДОВИТЕ НА МАКЕДОНСКОТО ГЛУМИШТЕ, ДИМЕ ИЛИЕВ И АНАСТАС ТАНОВСКИ-ТАШЕ, ПО ОРИГИНАЛЕН ТЕКСТ НА ГЕНИЈАЛНИОТ МАКЕДОНСКИ ПИСАТЕЛ, СЦЕНАРИСТ И РЕЖИСЕР АЛЕКСАНДАР РУСЈАКОВ.
ПРЕКРАСНАТА ВОДИТЕЛКА САЊА САВЕСКА БЕШЕ ПРЕКИНАТА ВО МОДЕРИРАЊЕТО ОД “ФИЛМСКИТЕ ДЕБИТАНТИ“...
ДЕЛ ОД ТЕКСТОТ ВО ПРОДОЛЖЕНИЕ:
Сања (водителката): А кои сте вие господа?
ИЛИЕВ
Ние сме филмски режисери.
ТАШЕ
Режисери... дебитнати.
ВОДИТЕЛКАТА
О, значи ќе учествувате на нашиот фестивал. Ова е фестивал за дебитантски филмови.
ИЛИЕВ
Нема да учествуваме.
ТАШЕ
Уште не сме снимиле дебитантски филмови.
ВОДИТЕЛКАТА
Па како сте дебитанти ако не сте снимиле дебитантски филмови?
ИЛИЕВ
Ни рекоа дека ако сакаме да ни дадат пари за дебитантски филм, мора да имаме снимено филм. Најмалку два.
(Од овој момент сите светла се гасат, на сцена се поставува клупа или некаков сценски елемент на кој Диме и Таше седнуваат. Се вклучува сноп светло само на нив двајцата)
Сега двајцата, како разочарани лузери седат на клупата и гледаат кон напред.
ТАШЕ
И уште ни рекоа да почекаме, за уметноста во нас да созрее.
ИЛИЕВ
И еве ја, скапа созревајќи.
ТАШЕ
Битно, не сме најмладата генерација македонски режисери.
САЊА (ВОДИТЕЛКА):
Извинете... ама не изгледате толку младо.
ИЛИЕВ
Не?
ТАШЕ
Грешка си.
САЊА (ВОДИТЕЛКА)
Извинете. Колку години имате?
ИЛИЕВ
Седумдесет.
ТАШЕ
Исто. Седумдесет и две.

ВОДИТЕЛАКТА
Седумдесет не звучи така младо.
ИЛИЕВ
Не може да звучи, ние сме од ерата на немиот филм.
ТАШЕ
Ама логиката кажува дека сме млади.
ИЛИЕВ
Дебитантите се секогаш млади.
ТАШЕ
Тоа е генијален проект.
ВОДИТЕЛКАТА
Каков проект?
ИЛИЕВ
Генијален проект како да останеме вечно млади.

15/02/2026

ФИЛМСКИОТ ФЕСТИВАЛ КИНЕНОВА ЈА ПОДДРЖУВА И УМЕТНОСТА СОЗДАДЕНА ОД НЕЗАВИСНИТЕ УМЕТНИЦИ ОД СИТЕ ОБЛАСТИ ВО МАКЕДОНИЈА И СОЗДАВА СИНЕРГИЈА СО СИТЕ НИВ, ШТО КОНЕЧНО Е И СУШТИНАТА НА ФИЛМОТ КАКО УМЕТНОСТ.
ПА ТАКА, ДЕЛ ОД ОВОГОДИНЕШНИОТ ПОСТЕР Е СКУЛПТУРА НА НЕЗАВИСНИОТ УМЕТНИК МИТО ТАСЕВСКИ, КОЈА Е СОЗДАДЕНА ОД СТАРИ МЕТАЛНИ ДЕЛОВИ СПЕЦИЈАЛНО ЗА ОВАА НАМЕНА.
МФФ КИНЕНОВА СО ОВА УШТЕ ЕДНАШ ЈА ПОТВРДИ ВИЗИЈАТА ЗА КРЕАТИВНОСТА ДА ОСТАНЕ ЦВРСТО ПОВРЗАНА СО РЕАЛНИОТ, ОПИПЛИВ СВЕТ.

Кратка изјава на Мито Тасевски, креаторот на оригиналната скуултура која беше инспирирана од Филмскиот фестивал КИНЕНОВА и која беше дел од официјалниот постер за 10то издание на фестивалот кое се случи во Октомври минатата година:
„Фестивалскиот постер за 10то јубилејно издание содржи видео проектор, скулптура од метални отпадни делови, кои биле на чекор пред своето исчезнување. Токму овој избор, сметам дека испраќа порака за вредноста на автентичните реални продукти во време на доминација на виртуелни содржини. Скулптурата и нејзината крајна намена, се обид да ја претстават дополнителната тежина, фигуративно и буквално, која реалните форми и материјали ја носат при обединување со графичкиот дизајн.
Инспирацијата за оваа скулптура како и за речиси се друго што правам од метал, произлегува од просторот каде што тоа се случува, односно погоните на поранешната фабрика ОХИС. Тоа е место со историја, сурова естетика и слоеви на минато што постојано комуницира со сегашноста. Денес, ОХИС е пренаменет во мрежа од мали и самостојни работилници, каде што некогашната импресивна индустриска функција добива нови значења. На сличен начин, скулптурите се креирани од делови создадени за една практична намена, трансформирани во нова контрастна улога. Таму, и просторот и железото се резултат на трансформација, на продолжен живот преку нов контекст.
Можноста да изработам скулптура за јубилејното издание на фестивалот КИНЕНОВА, сама по себе претставуваше слобода, предизвик и инспирација. Најмногу поради фактот што немав однапред зададени визуелни решенија и сугестии. За да може еден креативен продукт успешно да се финализира, неопходна е соработка која ќе ги одржува во контакт со процесот сите вклучени, но паралелно, да се зачува слободата на изразување на тој што креира. Токму во тој правец се одвиваше нашата соработка.“

25/01/2026

Интервју на Уметничкиот директор на МФФ КИНЕНОВА за МИА, за достигнувањата и успесите на фестивалот, за неговиот досегашен развој, меѓународното позиционирање и амбициозниот план за идните изданија, како и за институционалниот одговор и предизвиците да се опстане и функционира со поддршката од домашните институции.

Со мотото „Најдоброто од Киненова“ од денеска до 24 јануари во Кинотеката на Македонија ќе бидат прикажани избрани филмови од фестивалот „Киненова“, кој во 2025 год...

24/01/2026

Вечерва, програмата НАЈДОБРОТО ОД КИНЕНОВА ја заокружуваме со победникот на десеттотот јубилејно издание на фестивалот, филмот ПАНОПТИКОН на грузискиот режисер Ѓорѓи Сикуралиѕе.
Во Кинотека на Македонија од 20:00 часот.
Уживајте!

Најдено на Google од en.wikipedia.org

23/01/2026

Вечерва како дел од програмата НАЈДОБРОТО ОД КИНЕНОВА, филмот со кој беше отворено 10то јубилејно издание на МФФ КИНЕНОВА 2025, ИЗГУБЕНИОТ СОН НА ТИМОТ ОД СОНИШТАТА на Јуре Павловиќ.
Улоги: Владе Дивац, Жарко Паспаљ, Дино Раџа, Тони Кукоч и други.
20:00 часот
И наградуваниот филм ТАТКО на истакнатиот српски филмски режисер Срдан Голубовиќ.
18:00 часот.
Во Кинотека на Македонија.

19/01/2026

Во среда, 21ви јануари, ја започнуваме специјалната програма НАЈДОБРОТО ОД КИНЕНОВА со два филма во Кinoteka.mk.
Од 18:00 часот, во чест на големиот професионалец и креативец, македонскиот кинематографер Владимир Самоиловски, инаку лауреат на 10то издание на КИНЕНОВА 25, ќе го прикажеме македонскиот филм ИСЧЕЗНАТИОТ на Арбен Тачи.
А од 20:00 часот, ќе игра српскиот филм ПОМЕЃУ БОГОВИТЕ, на Младен Ршумовиќ, овенчан со две награди на КИНЕНОВА 25, за НАЈДОБРО СЦЕНАРИО и НАЈДОБРА РЕЖИЈА, филм каков не сте погледнале. Автентична приказна заснована на траумите од големите бегалски бранови, кои поминуваат низ балканската рута, а каде во случајов попатна станица е Белград. Што се може да се случи на една жена која попатно го загубува својот брат? Веројатно само рефлексија на нејзината драма и траума. Ќе можат ли таа и нејзиното најтесно семејство да продолжат по патот на потрагата по основна егзистенција или административниот лавиринт во Белград ќе ги зграпчи и ќе им ја долови заробеноста на еден западен општествен систем каков што е српскиот, каде човечките души се извршители на суровиот систем? Филм-ремек дело, направен во манир на најдобрите филмови од иранската школа. Ќе видите филм каде авганистански, ирански и балкански актери играат во манир на Иранската актерска школа. Меѓу главните улоги е и Никола Ристановски, кој совршено се изразува на Фарси.
Уникатен филм по многу нешта.
Целата програма е на линкот подолу:
https://kinoteka.mk/%d0%bf%d1%80%d0%be%d0%b3%d1%80%d0%b0%d0%bc%d0%b0-%d0%ba%d0%b8%d0%bd%d0%b5%d0%bd%d0%be%d0%b2%d0%b0-%d0%b2%d0%be-%d0%ba%d0%b8%d0%bd%d0%be%d1%82%d0%b5%d0%ba%d0%b0/

18/01/2026

НАСКОРО!
Она што некои го пропуштија, а некои бараа повторна можност.
За вас драга наша публико: НАЈДОБРОТО ОД КИНЕНОВА
Од 21ви до 24ти јануари.
Во Кинотека на Македонија.

11/01/2026

КИНЕНОВА НАГРАДЕНИ 2026
Драга наша публико, драги пријатели на филмот,
На ваше барање, а на наше огромно задоволство ја најавуваме програмата Киненова - НАГРАДЕНИ 2026та, која ќе се одвива во Кинотека на Македонија, од 21ви до 24ти јануари, а во склоп на која ќе имате уште една ретка можност да ги погледнете најдобрите и наградените филмови соред проценката на Меѓународното жири и публиката.
Ви посакуваме пријатно уживање во уникатните дела на големите мајстори, но и на новите сили во светот на филмот кои ги откри Киненова!
Програмата е на линкот подолу:

21 Јануари (среда) 18:00 VANISHED by Arben Tachi / North Macedonia/Kosovo/Albania/ Fiction / 2021 / 100′ ИСЧЕЗНАТИОТ на Арбен Тачи / Македонија, Косово, Албанија / 2021 / 100 мин.   21 Јануари (среда) 20:00 ПОМЕЃУ БО...

06/01/2026

RIP Béla Tarr (1955-2026)

31/10/2025

The speech of the inimitable Liv Ullmann on the occasion of receiving the highest award FOR LIFETIME ACHIEVEMENT at the 10th KINENOVA 2025:

Dear friends of the Kinenova International Film Festival,
I am deeply honored to receive this award, and I want to express my heartfelt gratitude to the festival for recognizing my work. To be acknowledged by artists and audiences in North Macedonia, a country with such a rich cultural heritage, is profoundly meaningful to me.
Although I have not yet had the opportunity to visit your beautiful country, I have long wished to do so. The thought that my films and my commitment to human rights have reached and touched people so far from where I live fills me with joy and humility.
I know that North Macedonia has a vibrant community of filmmakers, artists, and intellectuals, and to feel your support and warmth is a gift. It is my hope that one day soon I will be able to come to Skopje, to meet you in person, and to share in the passion for cinema that unites us across borders.
Thank you again for this honor. It strengthens my belief that stories, whether told through film or through our actions as human beings, can connect us, inspire us, and bring us closer to one another.
With gratitude and warmest regards,
Liv Ullmann

Драги пријатели на Меѓународниот филмски фестивал „Киненова“,
Длабоко сум почестена што ја добивам оваа награда и сакам да ја изразам мојата искрена благодарност до фестивалот за признанието што го добивам за мојата работа. Да добијам вака високо признание од уметниците и публиката во Македонија, земја со толку богато културно наследство, е длабоко значајно за мене.
Иако сè уште немав можност да ја посетам вашата прекрасна земја, долго време посакував да го сторам тоа. Помислата дека моите филмови и мојата посветеност на човековите права стигнаа до луѓе толку далеку од местото каде што живеам и ги допреа длабоко, ме исполнува со радост и понизност.
Знам дека Македонија има потентна заедница на филмски режисери, уметници и интелектуалци, а да се почувствува вашата поддршка и топлина е подарок. Се надевам дека еден ден наскоро ќе можам да дојдам во Македонија, да ве запознаам лично и да ја споделам страста за филмската уметност што нè обединува сите преку границите.
Ви благодарам уште еднаш за оваа чест. Тоа го зајакнува моето верување дека приказните, без разлика дали се раскажани преку филм или преку нашите постапки како човечки суштества, можат да нè поврзат, да нè инспирираат и да нè зближат еден со друг.
Со благодарност и најтопло почитување,
Лив Улман