Меѓународен Фолклорен Фестивал „Итар Пејо“

22/08/2026

Во склоп на активностите на првиот МФФ „Итар Пејо“ имавме и заедничка работилница на тема сатира и традиции. 🎭✨ На нашата заедничка работилница ги измешавме групите, државите, искуствата и ставовите и отворивме една малку поинаква тема, хуморот, сатирата и традициите на нашите народи. 🌍

Во мешани групи, заедно со нашите гости од Полска и Словачка, разговаравме за тоа што нè засмејува, кои приказни и обичаи ги носиме од генерациите пред нас, но и колку всушност имаме сличности и покрај различните јазици и култури.

Имаше различни мислења, споредби, по некоја добра дебата 💬 и, нормално, многу смеа.  Затоа што фолклорот не е само песната, орото и носијата – во него се и мајтапот, досетката, карактерот на народот и сите оние приказни што најдобро се пренесуваат кога луѓето ќе седнат заедно. 🪗💃

Уште еден дел од приказната на МФФ „Итар Пејо“ ❤️ што се случуваше надвор од сцената, а токму таму се создадоа некои од најубавите фестивалски моменти. ✨

19/08/2026

15.08 и втората фестивалска вечер на МФФ „Итар Пејо“. ❤️

Ако првата вечер го донесе фестивалот низ улиците на Прилеп, втората покажа колку многу луѓе сакаат да ја видат традицијата кога таа е раскажана малку поинаку.

Салата на НУЦК „Марко Цепенков“ беше полна. Публика од различни генерации, многу аплаузи, уште повеќе смеа и сцена на која во текот на целата вечер се менуваа приказни, носии, ритми и карактери.

Токму таков го замислувавме „Итар Пејо“.

На сцената се сретнаа впечатливи кореографии, до моменти во кои целата сала се смееше. Од звуци што ретко имаме можност да ги слушнеме во живо, до оние добро познати мелодии на кои тешко се останува мирен на столчето.

А можеби најубавиот момент беше токму погледот кон публиката.

Полна сала која внимателно гледа, аплаудира, се смее и реагира. Доказ дека интересот за фолклорот не исчезнал, само треба да најдеме начини повторно да го доближиме до луѓето.

Втората вечер заврши, а со неа и првото издание на МФФ „Итар Пејо“.

И судејќи по полната сала и насмевките на излезот, Итар Пејо има уште многу приказни за раскажување. 😉

17/08/2026

И токму тоа сакавме да биде МФФ „Итар Пејо“.

Кога го замислувавме фестивалот, сакавме на едно место да собереме сè што го прави фолклорот жив. Токму таква беше и првата фестивалска вечер.

Сакавме да се слушне. Да се облече. Да се заигра. Да се раскаже. Да нè насмее. И некој што случајно застанал да погледне, да си замине знаејќи барем една приказна повеќе.

Народното не мора да остане во минатото за да биде автентично.

Може да живее и денес. Само треба да продолжиме да го пренесуваме. ❤️

17/08/2026

13.08.2026
Е па, го почнавме! 😄

Првата фестивалска вечер ја започнавме со дефиле низ Прилеп напред домаќините, по нив гостите, а од страна прилепчани... 😂

Потоа се собравме на платото пред Итар Пејо, каде Итар Пејо веќе нè чекаше. Не помогна многу околу логистиката, ама барем место си фатил навреме. 😌

На сцената ни се претставија нашите гости од Словачка и Полска, а македонската фолклорна страна ја бранеа КУД „Мирче Ацев“, КУД „Илинден“ Демир Хисар и КУД „Илинден“ Кривогаштани, додека во ликот на Итар Пејо го видовме нашиот познат Игор Трпчески.

А бидејќи фестивал што го носи името „Итар Пејо“ без мајтап не го бива, Здружението „Преродба“ се погрижи да не останеме само на оро и песна, со нивната хумореска нè потсетија дека кај нас традицијата отсекогаш одела рака под рака со добар хумор. 😂

Игравме, пеевме, се смеевме, Прилеп беше раздвижен... И ова беше само првата вечер. А кој го знае Итар Пејо, знае дека најголемиот мајтап никогаш не го кажува на почеток. 😉

📸 Дел од атмосферата ви ја оставаме во продолжение

📸Slavisa Cvetanoski | Photography & Videography
#МФФИтарПејо

16/08/2026

🎨🧒 Традицијата најубаво живее кога ја пренесуваме на најмладите!

Во рамките на МФФ „Итар Пејо“ на 14.08(петок) организиравме детска креативна работилница исполнета со бои, игра, смеа и многу детска фантазија. ❤️

Преку цртање, боење и креативни активности инспирирани од македонскиот фолклор и традиција, нашите најмали учесници имаа можност да го запознаат културното наследство на еден поинаков, весел и современ начин.

А за атмосферата да биде уште повесела, со нас беа и маскотите од Маскоти.мк 🐻✨ кои донесоа дополнителна доза смеа, танцување, фотографирање и незаборавни детски моменти.

Ви пренесуваме само мал дел од прекрасната атмосфера! 📸

16/08/2026

Голема благодарност за учеството и на нашите пријатели КУД „Илинден“ од Демир Хисар за прекрасниот настап и поддршката на првата фестивалска вечер.

16/08/2026

Најсилно не' радува полната сала која ги проследи изведбите од богатиот реперторар до самиот крај! ✅

16/08/2026

Импресиите од главната фестивалска вечер не прекинуваат, вашите коментари се нашиот мотив за уште подобро второ издание. 🫵

Синоќа во Прилеп се одржа главната фестивалска вечер на првото издание на Меѓународниот фолклорен фестивал „Итар Пејо“, со настапи на учесници од Македонија, Пол....

16/08/2026

Пред присутните гости и учесници се обрати претседателката на Советот на Општина Прилеп, Билјана Кржеска, која во своето обраќање им посака срдечно добредојде на гостите и истакна дека ваквите настани се значаен придонес за културниот живот на градот и за зачувувањето на традицијата. 👇