29/07/2025
Letër ngushëllimi
në emër të Kryesisë së SHKA “BURIMI”
E nderuara familje Zeqiri,
Të nderuar anëtarë dhe miq të SHKA “BURIMI”,
Me dhimbje të thellë dhe zemra të pikëlluara, morëm lajmin për ndarjen e parakohshme nga jeta të anëtarit tonë të dashur, Resul Zeqiri.
Resuli ishte më shumë se një anëtar i thjeshtë i Shoqatës sonë – ai ishte frymëzim, mik, vëlla dhe kontribues i palodhur në ruajtjen dhe promovimin e vlerave tona kulturore. Me përkushtimin e tij, zërin e tij të bukur dhe shpirtin artistik, ai la gjurmë të pashlyeshme në zemrat tona dhe në historinë e SHKA “BURIMI”.
Në këto çaste të rënda, në emër të gjithë kryesisë dhe anëtarëve të Shoqatës, ju shprehim ngushëllimet më të sinqerta. Humbja e Resulit është humbje për të gjithë ne – por kujtimi për të, buzëqeshja dhe kontributi i tij do të mbeten përherë gjallë në mesin tonë.
U prehtë në paqe shpirti i tij!
Zoti ju dhëntë forcë dhe durim për të përballuar këtë dhimbje!
Me respekt dhe dhembje,
Kryesia e SHKA “BURIMI”
