Brigade GN Foulpointe

16/04/2026

FANOLANANA VEHIVAVY LEHIBE MANAN-KILEMA. NOSAMBORINA NY NAHAVANON-DOZA, HATOLOTRA NY FITSARANA.

♦️Vehivavy lehibe, zokiolona, 64 taona, sady manana fahasembanana no niharan’ny fanolanana nataon’ny lehilahy iray 28 taona.

♦️Raha mba nivoaka kely hanatanja-tena noho ny kilema mahazo azy izy no hamangy fianakaviana dia narahin’ity lehilahy ity ka noterena ho any amin’ny toerana mangina, ary norahonany ka tsy afa-niaro tena.

♦️Nanamparany ny filàny ilay vaviantitra ka naolany tamin’ny fomba feno habibiana tsy misy indrafò. Simba tanteraka ny taovam-pananahany ary voatery niditra hopitaly, nizaitra sy nanaraka fitsaboana. Nitondra takaitra noho izany ny tenany.

👮 Nanatona ny biraon'ny Zandarimaria izy taty aoriana nametraka fitarainana noho ny nahazo azy.

♦️Nosamborina ny nahavanon-doza izay olona mpiara-monina ihany.

💰 Mbola nitady fomba hanaovana raharaham-pihavanana ihany saingy tsy neken'ny mpanao famotorana. Notambaziny ny mpitory azy mba hanatsoaka fitoriana. Fa tsy nilefitra.

⚖️ Hatolotra ny Fitsarana ny raharaha aorian’ny famotorana.

05/04/2026

🚨 FILAZANA FIKAROHANA🚨

🙏 Mitady fiaraha-miasa amin’ny vahoaka izahay.

♦️Ity olona hita amin’ny sary ity dia voarohirohy amin’ny fanaovana sintomahery, ka ilaina ny fanampian’ny rehetra amin’ny fitadiavana azy.

👉 Izay olona mahita na mahafantatra ny misy azy dia iangaviana hampandre haingana ny Zandary eto Foulpointe.

⚠️ Aza misambotra samirery fa mety hampidi-doza. Aleo ny tompon’andraikitra no mandray andraikitra.

Ny fiaraha-mientan’ny rehetra no antoka hahitana vokatra tsara.

: 034.14.005.64

04/04/2026

‼️VOASAMBOTRA IREO MPAMAKY TRANO FANTADAZA ETO FOULPOINTE ‼️

♦️Taorian’ny fitarainana voaray momba ny vaky trano nitranga tao ANDRANONAPANGO/FOULPOINTE dia voasambotry ny Zandary i VENANT, fantatra amin’ny solon’anarana hoe POSY sy i FREDO.

♦️Ireo olona ireo dia efa fanta-daza amin’ny vaky trano sy fampihorohoroana ireo mpiala sasatra, ka nampitaraina hatrany ny mponina sy ny vahiny tonga eto FOULPOINTE.

♦️Tratra tamin’izy ireo nandritra ny fisamborana ny saron-tava sy fitaovana fanatanterahana asa ratsy.

♦️Tazonina ato amin’ny Tobim-paritra izy ireo ary hatolotra ny Fitsarana rehefa vita ny famotorana.

03/04/2026

‼️ FEPETRA FIAROVANA MANDRITRA NY FIALAN-TSASATRA ETO FOULPOINTE ‼️

♦️Amin’izao fotoam-pialan-tsasatra izao dia maro ireo fianakaviana, tanora ary fikambanana tonga mankafy ny hakanton’i Foulpointe.

♦️Manoloana izany dia manentana sy mampitandrina ny Zandarimariam-pirenena mba hanaja sy hanaraka ireo fepetra fisorohana rehetra, ho fiarovana ny aina sy ny fananana.

♦️Araho maso akaiky ny ankizy rehefa milomano, na anaty piscine na eny amin’ny plage. Tsy azo avela irery ao anaty rano izy ireo satria tsy ampoizina ny loza.

♦️Mitandrema amin’ireo faritra lalina sy onjan-dranomasina mahery, izay mety hampidi-doza. Araho hatrany ny toromarika omen’ny tompon’andraikitra sy ny mpamonjy voina.

♦️TSY AZO ATAO NY MITONDRA FIARA REHEFA MAMO. Tsy mifanaraka ny alikaola sy ny familiana. Arovy ny ainao sy ny an’ny hafa.

♦️Aza mandeha mafy amin’ny lalam-pasika, indrindra amin’ny faritra misy fiolanana.

♦️RARÀNA ny fivezivezen’ny fiara eny amin’ny tora-pasika amoron-dranomasina, ho fiarovana ny mpitsangatsangana sy ny ankizy milalao.

🙏 Ny fiarovana dia andraikitry ny tsirairay. Koa aoka isika hanaja sy hanaraka ireo toromarika rehetra mba hahafahan’ny rehetra mankafy fialan-tsasatra milamina eto Foulpointe.

🙏MIRARY FIALANTSASATRA MILAMINA SY FENO FIFALIANA HO AN’NY REHETRA.

Raha misy ilaina maika, antsoy avy hatrany ny Zandarimaria Foulpointe : 034 14 005 64

02/04/2026

NANOLOTRA SOLIKA HO AN’NY ZANDARY NY FIKAMBANANA DIA RAIKA ISIKA

Ho fiatrehana ny fetin’ny P***a, dia nanolotra solika (essence) ho fanohanana ny asan’ny Zandarimaria eto Foulpointe ny fikambanana DIA RAIKA ISIKA.

Izao fanampiana izao dia manamafy sy manatsara ny fahafahanay miantoka ny fandriam-pahalemana mandritra ny fety, ho fiarovana ny vahoaka sy ny fananana.

Amin’ny anaran’ny Zandarimaria no hanoloranay fisaorana sy fankasitrahana ho an’ny fikambanana DIA RAIKA ISIKA noho izao fanohanana izao.

Ho ela velona sy hiroborobo hatrany anie ny fikambanana.

27/03/2026

04/03/2026

🚨 JIOLAHY FANTA-DAZA MPAMAKY TRANO ETO FOULPOINTE VOASAMBOTRY NY ZANDARIMARIA 🚨

Tokan-trano iray tao Tolongoina / Foulpointe no nampandre ny Zandary fa nisy namaky ny tranony nandritra ny alina. Soa fa tratran’ny caméra de surveillance ny endrik’ilay mpanao ratsy.

Tsy niandry ela fa nidina ifotony avy hatrany ny Zandary eto Foulpointe nanao fikarohana sy fanadihadiana lalina. Voasambotra i DONNÉ sy DADAPANGO, jiolahy efa ikoizana sy mpamerin-keloka, izay efa ela no nampitaraina ny mponina.

Nandritra ny fisavana ny trano fiafenan’izy ireo dia nahitana:
♦️Entana halatra maromaro
♦️Fitaovana enti-mamaky trano
♦️Kojakoja ampiasaina amin’ny asa ratsy isan-karazany

⚠️ Tsiahivina fa izy ireo dia isan’ireo voatonona matetika amin’ny :
✓ Famakiana trano fandraisam-bahiny
✓ Fanaovana sinto-mahery
✓ Fampihorohoroana vahiny sy mpizaha tany

Fantatra ihany koa fa mpandray olon-dratsy avy any amin'ny faritra hafa izy ireo.

💢 Mbola karohina fatratra kosa i POSY sy ROWY (Plagiste teo aloha).

⚖️ Hatolotra ny Fitsarana ireo voasambotra raha vantany vao vita tanteraka ny famotorana.

👏 Mankasitraka ireo olom-pirenena nandray andraikitra, nampandre avy hatrany ny Zandarimaria.

🔐Ny fiaraha-miasa no lakilen’ny fandriampahalemana 🔐