https://www.facebook.com/haja.page.1999

HAJA PAGE, Antananarivo (2026)

04/08/2026

📞 ANTSO AVY AMIN'NY MATY

FIZARANA 3 – Ilay Tarehy Nofafana

Nijoro tsy nihetsika i Rado, mbola nibanjina ilay sary tranainy teny an-tanany. Na dia efa nofafana tamin'ny antsy aza ny tarehin'ilay lehilahy fahefatra, dia mbola hita mazava fa olona akaiky azy sy i Bako izy fahiny. Tsy kisendrasendra ny nanimbana ilay sary. Nisy olona ninia namafa ny mombamomba azy mba tsy hisy hahalala intsony hoe iza izy. Nataon'i Rado tao anaty kitapony ilay sary sy ilay lakile vy mainty, saingy raha vao hitodika hivoaka izy dia re indray ilay feo efa nahazatra azy. "Rado... vonjeo aho..." Feon'i Bako indray izany. Tsy diso izy. Nanaraka moramora ilay feo i Rado mandra-pahatongany teo amin'ny varavarana hazo efa bobongolo teo ambanin'ny tohatra. Nampidiriny tao amin'ilay hidy ilay lakile hitany teo amin'ny boaty. Gaga izy rehefa niditra tsara ilay izy. Vao nahodiny ilay lakile dia nisy feo nanakoako nanerana ilay trano, ary nisokatra moramora ilay varavarana miafina.

Tao anatiny dia nisy efitra kely efa rakotra vovoka sy tranon-kala. Teo afovoany nisy latabatra hazo tranainy, ary teo amboniny no nisy kahie mainty sy boaty vy efa harafesina. Vao nanatona ilay latabatra i Rado dia re tampoka ny dian'olona avy any ambony rihana. Tok... tok... tok... Toa nisy olona nidina tsikelikely. Nijanona izy, nihaino tsara. Tsy nisy olona tokony ho tao amin'ilay trano. Naka ny findainy izy ary niantso ny Kaomisera Hery. "Kaomisera, ato amin'ilay trano aho." Gaga ilay kaomisera. "Rado! Mivoaha avy hatrany! Tsy tokony ho irery any ianao!" Tsy mbola nahavita ny teniny akory izy dia tapaka tampoka ny antso. Tsy nisy tambajotra intsony.

Nijery manodidina i Rado. Nangina tampoka ny zava-drehetra. Rehefa nitodika tany amin'ilay latabatra indray izy dia taitra. Nisokatra ho azy ilay kahie mainty. Tsy nisy olona nanakaiky azy. Nandeha moramora izy ary namadika ny pejy voalohany. Vao nahita ilay sora-tanana izy dia nitempo mafy ny fony. Fantany avy hatrany ilay soratra. An'i Bako izany. Voasoratra teo hoe: "Raha mamaky ity ianao, dia midika izany fa efa tsy velona intsony aho. Tsy lozam-pifamoivoizana no nahafaty ahy. Nisy olona nikasa hamono ahy satria hitako ny marina. Raha mbola eo am-pelatananao ity kahie ity dia tandremo i Mialy... ary aza matoky..." Tapaka teo ny hafatra satria voarovitra ny pejy manaraka. Niezaka nitady ilay tohiny i Rado, saingy tsy tao intsony ilay pejy.

Tamin'izay indrindra no nisy dona mafy namely ny varavarana. BAM! Nangovitra i Rado. Nisy olona tany ivelany nanandrana niditra. Nihamafy hatrany ny dona. BAM! BAM! BAM! Naka hazo lava iray teo akaikiny i Rado ary niomana hiaro tena. Tampoka teo anefa dia nangina ny zava-drehetra. Segondra vitsy taorian'izay dia naneno indray ny findainy. Ilay laharana an'i Bako ihany. Nandray moramora izy. Nisy feo nibitsika hoe: "Aza sokafana ny varavarana... mbola mijoro ao ivelany ilay namono ahy..." Nitsahatra vetivety ilay feo, avy eo nanampy hoe: "Ary fantatrao tsara izy..." Vao tapitra izany teny izany dia vaky tampoka ilay varavarana. Maty niaraka tamin'izay ny jiron'ny findain'i Rado. Tao anatin'ny haizina dia nisy aloka iray nanatona azy moramora, ary rehefa nisy tselatra niditra avy teo am-baravarankely dia nahita zavatra iray i Rado izay nampangatsiaka ny rany... Ilay olona nijoro teo anatrehany dia nitazona sary iray, ary tao amin'ilay sary dia hita mazava fa niaraka tamin'i Rado sy Bako izy ireo fony mbola ankizy. Midika izany fa olona efa fantany hatramin'ny ela ilay olona niezaka namono azy.
Mbola hitohy....

🔜Rahampitso hariva ny tohiny dia:
❤️Asio réaction ny publication
💬Commenteo hoe Part 4
🔔Aboneo ny pejy na kitiho ny
🔄Partageo ity publication ity.
📌Rahampitso hariva ny tohiny ka manasa anao hi ny pejy raha mbola tsy aboné ianao🙏

04/08/2026

📞 ANTSO AVY AMIN'NY MATY

FIZARANA 2 – Ilay Taratasy Tsy Feno

Nijanona tsy nihetsika i Rado. Mbola nihazona ny findainy teo an-tanany izy, sady nibanjina ilay varavarankely nahitana an'ilay aloka vao avy nanjavona. Tsapan'ny Kaomisera Hery avy hatrany fa nisy zavatra tsy nety, ka nivoaka haingana nijery ny tokotany. Saingy efa foana ilay toerana. Tsy nisy olona hita, ary ny hany sisa tavela dia dian-kiraro lena vitsivitsy nankany amin'ny arabe lehibe. "Toa efa nanomana ny fandosirany izy," hoy ny kaomisera sady niondrika nijery ireo dian-tongotra. Nijanona teo i Rado, mbola tsy afaka niala tao an-tsainy ilay feo re tamin'ny finday. Feo mitovy tanteraka amin'ny an'i Bako. Tsy nisy hadisoana.

Nentin'ny Kaomisera Hery nody ilay valopy sy ilay taratasy i Rado. Nandritra ny lalana dia niverimberina tao an-dohany ilay fehezanteny hoe: "Tsy maty tamin'ny loza i Bako..." Raha marina izany, iza no namono azy? Ary nahoana no nafenina nandritra ny enim-bolana ny marina? Rehefa tonga tao an-tranony izy dia nalainy indray ilay taratasy. Nampanakaiky jiro izy mba hijery tsara. Tamin'izay no nahitany soritra hafahafa teo amin'ilay taratasy, toy ny hoe nisy soratra hafa nofafana na nafenina. Naka jiro manazava izy ka natodiny tamin'ilay pejy. Niseho tsikelikely ny litera sasantsasany: "...ny lakile dia ao amin'ilay trano..."

Nitempo mafy ny fon'i Rado. Ilay trano tranainy teny Ambohimanarina indray no tonga tao an-tsainy. Trano nilaozana efa an-taonany maro, toerana nilalaovany sy Bako fahiny. Tao no nisy ilay zava-nitranga izay nifanarahan'izy roa lahy tsy holazaina amin'olona mihitsy. "Mety ho io ve ilay lakile resahina?" hoy izy nibitsika.

Tsy nahita tory izy tamin'io alina io. Tamin'ny iray ora maraina katroka dia naneno indray ny findainy. Ilay laharana ihany. Nangovitra ny tanany rehefa nandray. "Rado..." hoy ilay feo malefaka. "Aza avela hahita anao miaraka amin'ilay taratasy izy..." Tsy mbola afaka nanontany akory i Rado dia nisy feon'olona hafa nikiakiaka mafy tany ambadika hoe: "Tapaho ilay antso!" Avy eo dia re ny tabataban-javatra nianjera, ary tapaka tampoka ny antso.

Ny ampitso maraina dia nihaona tamin'i Mialy i Rado. Tsy nolazainy taminy ny momba ilay taratasy vaovao, fa notantarainy kosa ilay antso faharoa. Gaga izy nahita fa toa tsy taitra firy i Mialy. "Rado, aleo ajanona ity raharaha ity. Tsy hitondra zavatra tsara aminao izany," hoy ilay tovovavy tamin'ny feo somary nangovitra. "Fa nahoana ianao no toa te hanakana ahy?" hoy i Rado nanontany. Tsy namaly i Mialy. Niondrika fotsiny izy, toy ny olona manafina zavatra lehibe.

Tsy ela taorian'izay dia nitsidika an'i Nenibe Soa i Rado. Izy irery no olona antitra mbola nahafantatra tsara ny tantaran'ilay trano tranainy. Rehefa ren'ilay nenibe ny teny hoe Ambohimanarina, dia niova tampoka ny endriny. "Aza miverina any, anaka," hoy izy tamin'ny feo feno tahotra. "Tsy ilay trano no mampidi-doza... fa ireo olona mbola miaro ny tsiambaratelo ao anatiny." Gaga i Rado. "Olona? Midika ve izany fa mbola misy mifandray amin'ny nahafatesan'i Bako?" Nijery azy ela i Nenibe Soa vao namaly moramora hoe: "Tsy i Bako no olona voalohany maty noho io tsiambaratelo io... ary raha tsy mitandrina ianao dia mety ho manaraka."

Nony hariva dia tsy nahatohitra intsony i Rado. Nalainy ny lakilen'ny fiarany ary nandeha nankany amin'ilay trano tranainy. Efa nilentika ny masoandro rehefa tonga teo amin'ny vavahady harafesina izy. Nitsoka mafy ny rivotra, ary toa nisy fofona mando sy tranainy nitsena azy. Rehefa nanosika moramora ny varavarana izy dia nisy feo nikiakiaka avy tao anatin'ilay trano, toy ny feon'olona nangataka vonjy.

Nandrehitra ny jiron'ny findainy i Rado ary niditra tsikelikely. Vao nanao dingana vitsivitsy izy dia nahita boaty hazo efa feno vovoka teo ambanin'ny tohatra. Rehefa nosokafany ilay izy dia nisy sary tranainy iray sy lakile vy mainty tao anatiny. Nony nakariny ilay sary dia nangatsiaka ny vatany manontolo...

Satria teo amin'ilay sary dia nisy olona efatra mitsiky: i Rado, i Bako, i Mialy... ary lehilahy iray izay nofafana tamin'ny antsy ny tavany, ka tsy nisy nahafantarana intsony hoe iza izy.

Mbola hitohy...
👉 Iza araka ny hevitrao ilay lehilahy nofafana tao amin'ilay sary? Ary nahoana no nisy nanandrana hanafina ny mombamomba azy?
💬Zarao ao amin'ny commentaire ny vinavinanao
❤️Asio reaction ny publication.
🔄Partageo max.
🔔Aboneo ny pejy mba tst ho tara amin'ny fizarana manaraka ianao.

03/08/2026

📞 ANTSO AVY AMIN'NY MATY

FIZARANA 1 – Antso tamin'ny misasakalina

Tao anatin'ny alina mangina, efa ho tamin'ny roa ambin'ny folo ora, dia nandry irery tao amin'ny efitranony i Rado. Reraka tamin'ny asa tontolo andro izy ka nanantena hatory tsara. Tampoka teo anefa dia naneno ny findainy. Nitselatra teo amin'ny efijery ny laharana iray izay nahatonga ny fony hitepo mafy. "Bako" no voasoratra teo. Nangovitra ny tanany. Tsy tokony ho azo natao izany. Efa enim-bolana izay no nalevina i Bako taorian'ilay lozam-pifamoivoizana nahafaty azy. Noheveriny ho hadisoan'ny tambajotra ilay izy ka tsy noraisiny ilay antso. Nijanona vetivety ny feo, saingy segondra vitsy taorian'izay dia naneno indray. Tamin'ity indray mitoraka ity dia nandray i Rado. Tsy nisy feo nandritra ny fotoana fohy, fa rivotra mangatsiaka sy tabataba hafahafa ihany no re. Avy eo dia nisy feo lehilahy malefaka sady mangovitra niteny hoe: "Rado... aza matoky an'i Mialy... ary aza miverina any amin'ilay trano tranainy eny Ambohimanarina..." Tapaka avy hatrany ny antso.

Nitsangana tampoka i Rado. Nangatsiaka ny vatany manontolo. Tsy nisy olona nahalala ilay trano tranainy afa-tsy izy sy Bako. Fony mbola ankizy izy roa dia efa nilalao tao matetika, ary nisy zava-nitranga tao izay nifanarahan'izy ireo tsy horesahina amin'iza na iza. Hatramin'izao dia mbola nitondra vesatra tao am-pony izany tsiambaratelo izany. "Tsy mety izao..." hoy izy nibitsibitsika. Nosokafany haingana ny lisitry ny antso. Mbola teo ilay laharana. Nantsoiny hiverina, saingy valiny tokana no azony: "Tsy azo ampiasaina intsony ity laharana ity."

Ny ampitso maraina dia nihaona tamin'i Mialy izy. Hitan'ilay tovovavy avy hatrany fa nisy zavatra nampisavoritaka azy. "Fa maninona ianao no toa tsy natory?" hoy i Mialy nanontany tamim-pitiavana. Nisalasala i Rado, nefa farany dia notantarainy ilay antso. Tsy niteny avy hatrany i Mialy. Toa nisy tahotra nandalo vetivety teny amin'ny masony, saingy niezaka nitsiky izy. "Angamba misy olona manao vazivazy fotsiny. Aza mampaninona ny sainao izany." Na dia izany aza, tsapan'i Rado fa tsy toy ny mahazatra ny fihetsik'i Mialy. Toy ny hoe nisy zavatra fantany nefa tsy sahiny lazaina.

Ny hariva ihany dia nankany amin'ny biraon'ny Kaomisera Hery i Rado mba hanontany raha mbola voatahiry ny antontan-taratasin'ny loza nahafaty an'i Bako. Gaga ilay kaomisera nahita azy. "Fa maninona ianao no mbola miverina amin'izany raharaha izany? Efa nakatona io." Namaly moramora i Rado: "Satria nahazo antso avy amin'i Bako aho omaly alina." Nangina ny efitra. Nijery azy ela ny kaomisera, avy eo dia nanokatra vata iray tao ambadiky ny biraony. Namoaka valopy efa tranainy izy ka natolony an'i Rado. "Nisy olona namela ity talohan'ny nandevenana an'i Bako. Hoy izy hoe: Aza omena an'i Rado raha tsy misy zavatra hafahafa mitranga. Mety izao angamba no fotoana."

Nangovitra ny tanan'i Rado raha nandray ilay valopy. Vao nosokafany dia taratasy iray ihany no tao anatiny. Soratra vitsivitsy no hita: "Tsy maty tamin'ny loza i Bako..." Tsy nisy tohiny intsony satria voatapaka ny ambany pejy, toy ny hoe nisy ninia nandrovitra azy.

Tsy nahateny i Rado. Raha tsy loza no nahafaty an'i Bako, iza ary no namono azy? Ary nahoana no vao izao no nisy olona nanomboka nampahafantatra azy ny marina? Vao nametraka indray ilay taratasy izy dia naneno ny findainy. Ilay laharana ihany. Nandray izy sady tsy niteny. Re indray ilay feo mangatsiaka: "Rado... tara loatra ianao... efa fantatr'izy ireo fa nanomboka nitady ny marina ianao..."

Tapaka tampoka ny antso. Tamin'io fotoana io ihany dia nisy olona nijoro teny ivelan'ny varavarankelin'ny biraon'ny kaomisera, nijery mangingina an'i Rado, ary rehefa nifanojo ny mason'izy ireo dia nitodika ilay aloka ka nanjavona tao anatin'ny haizin'ny hariva.
Mbola hitohy...
👉 Araka ny hevitrao, iza no niantso an'i Rado? Tena i Bako ve sa misy olona milalao saina?
💬Zarao ao amin'ny commentaire ny vinavinanao.
🔄Partageo mba ho hitan'ny hafa🙏
🔔Ary aboneo ny pejy fa mbola vao manomboka ny mistery ao amin'ity tantara ity .

02/08/2026

🥳Arahabaina ianareo efatra mivady dia arahin-jaza lahy sy zaza vavy😍

Mahareta hatramin'ny farany🥰🙏

01/08/2026

Efa vonona ve ianareo mpanaraka amin'ity tantara vaovao ity😍

📌Asio présence kely ao am coms fa havoakantsika amin'ny lundi fa mbola sahirana kely ny admin🙏🙏

31/07/2026

Tena marina loatra ity zavatra ity🤧😰

30/07/2026

💔 AMOUR TOXIQUE 💔

FIZARANA 4 (FARANY)

Nijanona tsy niteny i Miora. Tsapany fa raha vao diso teny iray monja izy dia mety hampidi-doza azy. Niezaka nitsiky kely izy sady namaly tamim-pahanginana hoe: "Tsia... tsy nisy olona teto." Tsy niala teo amin'ny mason'i Andry anefa ny ahiahy. Niditra tsikelikely tao an-trano izy, nijery ny efitra rehetra, nosokafany ny varavarana sy ny varavarankely, toy ny olona mitady olona miafina. Nitempo mafy ny fon'i Miora. Tao anaty akanjony mbola nafeniny ilay taratasy nomen'i Lova. Raha hitan'i Andry izany dia fantany fa tsy hisy hiverenana intsony. Rehefa tsy nahita na inona na inona ilay lehilahy dia nanatona azy indray. "Tsarovy fa fantatro foana rehefa mandainga ianao." Hoy izy sady nandray ny tanany mafy loatra ka saika nampitaraina azy. Tsy namaly i Miora. Tamin'io alina io dia tsy nahita tory izy. Tao an-tsainy niverimberina ny tenin'i Lova sy ny fiainana niainany. Tsapany tampoka fa mitovy daholo ny zavatra nitranga tamin'izy roa. Tsy fitiavana intsony izany, fa fanagadrana olona amin'ny tahotra sy ny fanerena. Ny ampitso maraina, raha nivoaka hividy zavatra i Andry, dia nanararaotra i Miora. Naka haingana ilay taratasy izy, nivoaka tamin'ny varavarankely kely tao aorian'ny trano ary nihazakazaka nankany amin'ny adiresy nosoratan'i Lova. Vao nahita azy i Lova dia nandray azy avy hatrany. "Fantatro fa ho tonga ianao," hoy izy tamim-pitiavana. Teo vao notantarainy tamin'i Miora ny zava-drehetra. Tsy izy irery no niharan'ny herisetran'i Andry. Efa nisy vehivavy roa hafa koa talohany niaina tahotra sy fanaraha-maso mitovy. Nisy aza voatery nifindra tanàna vao afa-niala taminy. Nitomany i Miora rehefa nahare izany. Tsy noho izy nalahelo irery, fa noho izy nahatsapa fa efa ela no tokony niala tamin'io fifandraisana io. Nanapa-kevitra izy fa tsy hiverina intsony. Niantso ny ray aman-dreniny sy ny havany i Lova mba hanampy azy. Tsy ela dia tonga izy ireo, namihina an'i Miora sady nilaza fa tsy irery izy. Ora vitsy taorian'izay dia tonga nitady azy tao amin'ny tranon'i Lova i Andry. Tezitra mafy izy, nitaky an'i Miora hivoaka. "Anjarako izy! Tsy afaka mandao ahy izy!" hoy izy sady nikapoka ny vavahady. Fa tamin'ity indray mitoraka ity dia tsy irery intsony i Miora. Teo ny fianakaviany, teo i Lova, ary nantsoina ihany koa ny tompon'andraikitra rehefa nanomboka nandrahona i Andry. Rehefa hitany fa tsy afaka mifehy an'i Miora intsony izy dia lasa nandeha tamim-pahatezerana. Nijery azy niala i Miora. Nisy ranomaso nilatsaka, saingy tsy ranomason'alahelo intsony. Ranomason'olona afaka tamin'ny fatorana nandritra ny fotoana ela izany. Volana maromaro tatỳ aoriana dia niverina niasa izy, nihaona indray tamin'ny namany sy ny fianakaviany, ary tsikelikely dia niverina ny tsikiny. Indray andro, raha nijery ny fiposahan'ny masoandro izy, dia tsapany fa misy lesona iray tsy hohadinoiny mandrakizay: ny olona tena tia anao dia tsy hampatahotra anao, tsy hanasaraka anao amin'ny olona tianao, ary tsy hifehy ny fiainanao. Ny tena fitiavana dia manome fahalalahana, fanajana ary fiadanam-po. Raha tahotra sy ranomaso no betsaka noho ny tsiky ao anatin'ny fifandraisana iray, dia tsy fitiavana izany fa "amour toxique". Nanomboka teo dia nianatra nitia ny tenany i Miora, satria fantany fa rehefa manaja ny tenanao ianao dia tsy hanaiky intsony ny ho voafehin'olon-kafa.
Ny fitiavana tena izy dia tsy herisetra, tsy fanaraha-maso ary tsy fanagadrana. Tsy tokony hanaiky hijanona ao anatin'ny fifandraisana mampatahotra sy manimba tena isika satria mendrika hotiavina amim-panajana sy amim-pilaminana ny olona rehetra.

❤️Raha nahaliana anao ity tantara ity dia asio "J'aime".
🔄Partageo mba hahafahan'ny hafa mandray lesona ihany koa.
💬Soraty ao amin'ny commentaire ny lesona lehibe noraisinao.
🔔Aza adino ny manaraka ny HAJA PAGE fa mbola hisy tantara vaovao sy mampientanentana indray atsy ho atsy!

30/07/2026

🙀🙀𝐓𝐚𝐧𝐭𝐚𝐫𝐚 𝐡𝐚𝐟𝐚 𝐤𝐞𝐥𝐲.

🚨 NISY FOTOANA TENA NINOAN'NY DOKOTERA FA NY FAMPIANARANA SETROKY NY PARAKY TAO AMIN'NY FITOMBENAN'NY OLONA RENDRIKA DIA MAHAVERINA NY AINY! 😳

Mety hieritreritra ianao hoe vazivazy izany. Tsy vazivazy anefa fa tantara tena nisy.

Tamin'ny taona 1772, tany Frantsa, nisy tovolahy mpanao m**o antsoina hoe René Huaut nilomano tao amin'ny reniranon'i Seine. Indrisy anefa fa rendrika izy ary nijanona ela tao ambanin'ny rano ka noheverina ho efa maty.

Nentin'ny miaramila haingana tany amin'ny tobim-pamonjena izy. Tsy mbola nisy tamin'izany fotoana izany ny fitaovana maoderina toy ny défibrillateur na ny CPR ampiasaina ankehitriny. Koa nampiasa izay noheveriny ho fomba mahomby indrindra ireo dokotera.

Nohosorana toaka ny vatany. Notsofina rivotra ny vavany. Ary farany... nampidirina setroky ny paraky tao amin'ny fitombenany!

Mahagaga fa rehefa vita izany dia nifoha tampoka ilay tovolahy ary niantso mafy. Velona indray izy, ary afaka andro vitsy dia niverina nisaotra ireo olona namonjy ny ainy.

Tsy io ihany anefa no fomba nampiasaina tamin'izany fotoana izany. Nisy koa ny nandrakotra ny vatana tamin'ny zezika mafana, nametraka ilay olona teo anelanelan'ny olona roa miboridana mba hampafana azy, ary nisy aza dokotera sasany nanoro ny hampidirana urine tao am-bavan'ilay olona.

Ankehitriny dia toa mampihomehy sy hafahafa izany rehetra izany. Saingy tamin'izany fotoana izany dia vokatry ny fikarohana sy ny fahalalana nananan'izy ireo no nahatonga izany. Tsy mbola nisy ny siansa sy ny teknolojia ananantsika ankehitriny.

📖 Ny siansa dia tsy tonga lafatra avy hatrany fa mivoatra tsikelikely izy, mianatra avy amin'ny fahadisoana sy ny fanandramana. Izany no nahatonga antsika hanana ireo fomba famonjena aina mahomby ampiasaina amin'izao fotoana izao.

💬 Raha ianao no niaina tamin'izany vanim-potoana izany,nanaiky hampiasa io fomba io ve ianao mba hamonjena ny ainao?
📌 Valio amin'ny "ENY" na "TSIA", ary hazavao ny antony!
🔄 Aza adino ny mizara ity tantara mahaliana ity.
🔔𝐀𝐛𝐨𝐧𝐞𝐨 𝐧𝐲 𝐩𝐞𝐣𝐲 𝐫𝐚𝐡𝐚 𝐦𝐚𝐡𝐚𝐥𝐢𝐚𝐧𝐚 𝐚𝐧𝐚𝐨 𝐧𝐲 𝐟𝐢𝐳𝐚𝐫𝐚𝐧𝐚 𝐨𝐭𝐫𝐢𝐳𝐚𝐨.

29/07/2026

💔 AMOUR TOXIQUE 💔

FIZARANA 3

Vao nivoaka tao anaty fiara i Andry dia hitan'i Miora fa niova tampoka ny endriny. Tsy ilay tsiky mahafinaritra nasehony teo imason'ny olona intsony no teo amin'ny tavany, fa fijery mangatsiaka sy feno ahiahy. Nijery manodidina izy, avy eo nanatona an'i Miora. "Iza ilay niresahanao teo?" hoy izy tamin'ny feo milamina, nefa nahafantatra tsara i Miora fa tao ambadik'izany fahanginana izany no nisy hatezerana lehibe. Niezaka nifehy tena i Miora. Tsy tiany ny handainga, nefa fantany koa fa raha lazainy ny marina dia mety hitera-doza izany. "Tsy fantatro akory izy," hoy izy moramora. Nibanjina azy ela i Andry, toy ny olona mamaky ny ao am-pon'olona. "Aza mandainga amiko, Miora. Hitako niresaka ela be ianareo." Tsy namaly intsony i Miora. Niondrika fotsiny izy, satria tsapany fa na inona na inona lazainy dia tsy hino azy ihany i Andry. Rehefa tafody tao an-trano izy ireo ny hariva dia tsy nisy resaka firy. Nipetraka teo ambony seza i Andry, sady nanara-maso ny fihetsiky Miora rehetra. Tampoka teo dia hoy izy: "Omeo ahy ny findainao." Tsy nisalasala i Miora nanolotra izany. Nofotoran'i Andry ny hafatra rehetra, ny antso rehetra ary ny tambajotra sosialy rehetra. Tsy nahita na inona na inona izy, nefa mbola tsy afa-po ihany. Noraisiny ny karatry ny finday ary novakiny teo imason'i Miora. "Manomboka anio dia tsy mila finday intsony ianao. Raha misy mila anao dia izaho no hiresaka aminy." Toy ny potika tao anatiny i Miora. Tsy noho ilay finday akory, fa noho izy tsapany fa voafehin'olona tanteraka ny fiainany. Ny ampitso dia tsy nandeha niasa izy. Tsy noho izy tsy te handeha, fa satria nalain'i Andry ny lakilen'ny fiarany sy ny kitapony. "Hijanona eto an-trano ianao mandra-pahaizanao mankatò," hoy izy sady nivoaka ny trano. Rehefa lasa i Andry dia nitomany mangina i Miora. Sambany izy no nahatsapa fa tsy tao anatin'ny tantaram-pitiavana intsony no nisy azy, fa tao anatin'ny fonja tsy hita maso. Te hiantso ny reniny izy, nefa tsy nisy finday intsony. Te hivoaka izy, saingy hitany fa voahidy avy any ivelany ny vavahady. Raha mbola very hevitra teo izy dia nandre nandondòna moramora teo am-baravarankely. Gaga izy rehefa nahita ilay vehivavy niresaka taminy omaly. Nijery manodidina aloha ilay vehivavy sao misy mahita, avy eo nanatona moramora. "Miora, tsy manam-potoana firy isika. Izaho no Lova. Sipan'i Andry talohanao aho." Taitra i Miora. "Fa maninona ianao no manaraka anay?" Nitomany i Lova. "Satria tsy tiako haveriny aminao ny zavatra nataony tamiko. Tamin'ny voalohany dia fitiavana no nasehony. Avy eo nanomboka nanasaraka ahy tamin'ny namako sy ny fianakaviako izy. Nalainy ny findaiko, nosarahiny tamin'ny asako aho, ary rehefa niezaka handao azy aho dia nodarohany. Soa ihany fa tafatsoaka velona aho." Nangovitra i Miora. Tsaroany tampoka ny fihetsik'i Andry rehetra tao anatin'ny volana vitsy lasa. Tsy fialonana noho ny fitiavana izany, fa fomba hifehezana azy tsikelikely. Namoaka taratasy kely tao anaty poketrany i Lova ka natolony an'i Miora. "Ity ny adiresiko. Raha vantany vao mahita fotoana ianao dia tongava aty. Hanampy anao aho." Vao noraisin'i Miora ilay taratasy dia nisy feon'ny fiara nijanona teo anoloan'ny trano. Nivadika fotsy ny tavan'i Lova. "Tonga izy!" hoy izy sady nihazakazaka nandositra. Nafenin'i Miora haingana tao anaty akanjony ilay taratasy. Segondra vitsy taorian'izay dia nisokatra mafy ny varavarana. Niditra i Andry, nijery an'i Miora tamin'ny maso feno ahiahy, ary ny teny voalohany nivoaka avy tao am-bavany dia hoe: "Nisy olona teto, sa tsy izany? Lazao amiko ny marina... satria raha mandainga ianao dia hisy vokany ratsy izany."

HITOHY...

📌Mihevitra ve ianao fa ho tafavoaka amin'ity fifandraisana mampidi-doza ity i Miora? Sa vao mainka hiharan'ny herisetran'i Andry izy?
💬 Soraty ao amin'ny commentaire ny hevitrao.
❤️Asio réaction ny publication.
🔄Partageo maximun
🔔Aboneo ny ny pejy mba tsy ho tara amin' ny FIZARANA 4 (FARANY), izay hivoahan'ny marina rehetra.

28/07/2026

💔 AMOUR TOXIQUE 💔

FIZARANA 2

Nijanona tsy nihetsika i Miora. Ny masony mbola nibanjina an'i Andry, izay nijoro teo anoloany sady feno fahatezerana. Toa tsy ilay lehilahy nankafiziny intsony no hitany, fa olon-tsy fantatra tanteraka. Nitempo mafy ny fony, ary nanomboka nangovitra ny tanany. Tsy nisy teny nivoaka tao am-bavany. Tsy noho izy meloka, fa noho izy natahotra ny fihetsik'ilay lehilahy izay vao mainka niha-mahery setra isan'andro. Naka aina lalina i Andry, avy eo nanatona azy moramora. Tsy nikiakiaka intsony izy, fa ilay feony mangina no vao mainka nampangovitra an'i Miora. "Henoy tsara aho. Manomboka anio dia tsy mila miasa intsony ianao. Izaho no hikarakara anao. Tsy mila mivoaka ny trano ianao, tsy mila miresaka amin'olona, ary tsy mila manana namana intsony. Izaho irery dia ampy." Tsy nino ny sofiny i Miora. Tamin'ny voalohany dia nihevitra izy fa vazivazy izany, saingy hitany tamin'ny endrik'i Andry fa tena matotra izy. Niezaka nanazava tamim-pitoniana i Miora. "Andry, tiako ianao... saingy tsy afaka mamela ny asako aho. Mbola manana adidy amin'ny ray aman-dreniko aho." Tsy nahavita ny teniny akory izy dia namely mafy ny rindrina teo akaikiny tamin'ny totohondriny i Andry. Niparitaka ny vovoka, ary taitra mafy i Miora ka nitomany avy hatrany. "Tsy hamerina izany intsony aho raha mankatò ahy ianao," hoy Andry tamin'ny feo mangatsiaka. Nony alina dia tsy nahita tory i Miora. Nieritreritra ny fiainany taloha izy. Ilay tovovavy tia mihomehy, tia miresaka amin'ny namany ary tia mitsidika ny ray aman-dreniny dia toa tsy hita intsony. Tsapany fa efa niova tanteraka izy tao anatin'ny volana vitsy. Ny ampitso maraina dia nandeha niasa mangingina izy. Tsy nilaza tamin'i Andry akory satria fantany fa tsy hanaiky izy. Kanjo raha vao tonga teo am-bavahadin'ny orinasa izy dia nandre feo fiara nijanona tampoka tao aoriany. Rehefa nitodika izy dia gaga nahita an'i Andry nidina avy tao anaty fiara. Nandeha nanatona azy izy sady nitsiky teo imason'ny olona rehetra. Noheverin'ny mpiara-miasa fa lehilahy romantika izy. Fa i Miora irery no nahafantatra ny tena tao ambadik'io tsiky io. Nofihinin'i Andry izy, avy eo nibitsika moramora teo an-tsofiny. "Tsaroanao ve izay nolazaiko omaly? Rehefa mody ianao dia mbola hiresaka isika." Nangatsiaka ny vatany manontolo. Nandritra ny tontolo andro dia tsy afaka nifantoka tamin'ny asany izy. Isaky ny mijery ny findainy dia nahita hafatra maromaro avy amin'i Andry. "Alefaso sary hoe aiza ianao." "Iza ilay niresaka taminao?" "Fa maninona ianao no nitsiky tamin'ilay lehilahy?" Vao mainka nitombo ny tahony. Tamin'ny atoandro, raha nivoaka hividy sakafo izy, dia nisy vehivavy iray nanatona azy tampoka. Vehivavy tokony ho telopolo taona teo ho eo izy, hita fa reraka sy feno alahelo ny endriny. Nijery an'i Miora ela izy, avy eo nanontany tamim-pahanginana hoe: "Ianao ve no sipan'i Andry?" Gaga i Miora, saingy namaly hoe: "Eny... fa misy inona?" Nitomany tampoka ilay vehivavy. Naka aina lalina izy vao nahavita niteny hoe: "Miala aminy dieny mbola tsy tara ianao. Izaho koa dia mba nino fa hiova izy... saingy saika namoy ny aiko aho." Toy ny nijanona ny fotoana tamin'i Miora. Tsy fantany izay tokony hinoany. Nijery an'ilay vehivavy izy, nefa talohan'ny nahafahany nanontany bebe kokoa dia nisy fiara mainty nijanona teo akaiky teo. Vao nahita ilay fiara ilay vehivavy dia taitra mafy, nihodina ary nandositra tsy niteny intsony. Nijery ilay fiara i Miora... ary nangovitra ny vatany rehefa hitany hoe iza no nivoaka tao.
Andry.
HITOHY...

📌Raha ianao no teo amin'ny toeran'i Miora, hino an'ilay vehivavy ve ianao sa mbola hanome fahafahana an'i Andry? 💬Soraty ao amin'ny commentaire ny hevitrao.
❤️Asio réaction ny publicstion
🔄Partageo ity publicstion ity
🔔Aboneo ny pejy mba tsy ho tara amin'ny Fizarana 3, satria hivoaka ny tsiambaratelo lehibe nafenin'i Andry.

HAJA PAGE

04/08/2026

04/08/2026

03/08/2026

02/08/2026

01/08/2026

31/07/2026

30/07/2026

30/07/2026

29/07/2026

28/07/2026

Address

Website

Alerts

Shortcuts

Share

Category

Listing takedown request