Diam-penin'i Jean Rijaniaina

Diam-penin'i Jean Rijaniaina SOMBITANTARA sy TONONKALO

Kitio io "suivre" io ambany io👇

29 MARTSATao anaty alina mangina no naharenesana ilay feoAntso vonjy sy taraina, toloko sy toreoMantsy tao anaty alina m...
29/03/2026

29 MARTSA

Tao anaty alina mangina no naharenesana ilay feo
Antso vonjy sy taraina, toloko sy toreo
Mantsy tao anaty alina mangina no nisy ilay rà nipatrapatraka
Mba ho fahafahana hono mantsy e,izay ilay teny fisandratana

Dia indreo ireo mahery fo nanao sorona ny ainy
Mba hahaleo tena ity tanindrazana lalainy
Saingy, tao anaty alina mangina nisy ireo milaza azy ho namana
Mpisolelaka izy anefa, namadika ity tanindrazana

Tsy kivy anefa ireo mpitolona na aza voakaravasy
Tsy natao hampihemotra ny firefodrefotrin'ny basy
Dia tao anaty alina mangina no naharenesana ilay feo
Antso vonjy sy taraina, toloko sy toreo

ARY ANKEHITRINY

Moa tena mahaleo tena tokoa ve isika?
Moa mba nisy vidiny ve ireny rà mandriaka?
Hatraiza ny fetran'ny tolona natao?
Moa ve tsy mbola andevo ihany isika izao?

Ilay rà nantenaina hanadio ity nosy
No indrisy, indrisy fa dia tena voahosihosy
Dia very momoka teo ilay tolona nimasoana
Satria... Manjaka amin'ny hendriny hafa indray ny fanatontolona

JEAN RIJANIAINA

28/03/2026

RATRA

Tampoka tamiko ilay teninao omaly
Hoe aleo hifarana eto any antsika fa tena tsy anjara
Tsy Nino ny saiko ny foko koa narary
Satria vao niantomboka dia nofarananao ilay tantara

Izaho ilay nanantena hoe tsy misy toa anao
Nefa ankehitriny ianao nisafidy ny handao
Mahaleova, mahalasàna akia raha izay no hitanao fa mety
Tsy hitanondrika aho akory n'a mahatsiaro tena ho resy

Mafy tamiko iny nefa dia zakaina
Mandehana mora ihany fa ny tany anie malama maina
Na dia sarotra amiko aza ny hino hoe dia vitanao tokoa
ny nanapaka ilay fitia izay noheveriko hamelana ao ampo

Dia hitraka aho satria ny fiainana mitohy
Ka misaotra anao aho na dia vitanao aza ny namoy
Tia aho tena nitia kanefa noratraina
Tsy misy tsiny akia f'izany koa angamba ilay miaina...

JEAN RIJANIAINA

MILA MIADY RAHA TE HANDRESYNahatsiaro ireny tantaraDia io fa namoaka feoNatao ambony tasitaraMba ho ahy sy ho anareoMito...
24/03/2026

MILA MIADY RAHA TE HANDRESY

Nahatsiaro ireny tantara
Dia io fa namoaka feo
Natao ambony tasitara
Mba ho ahy sy ho anareo

Mitodika ny lasa mba hibanjinana ny hoavy
Dia atao bokona ny saina satria ny eto tena ady
Ilay hanatranatr'i Neny no atao fitaovam-piadiana
Dia ilay betrokan'i Dada nasolo fanamiana
Raha te ho lasa ambony dia tsy hilaina ny hakiviana
Raha te hahatratra tanjona dia mila fihafihana

Tsy manaiky resy leisy ny tena SOLDAT
VICTOIRE aloha no tanjona ao anatin'ny COMBAT
Raha lava ialahy miarena fa mandeha be ny lera
Ilay miteny hoe tahak'izay leisy ry zandry tsy afera
Raha variana manenina ialahy tsarovy fa tavela

Ny fahadisoana teo aloha ataovy lesona amin'ny hoavy
Mila miketrika ny saina satria mamelom-bady
Tsy zanaka PATRON fa mbola mafy ady

JEAN RIJANIAINA

AMBOHITRAVELO "fiz 3" Fa ahoana izao e, nankaiza ilay fiara? Hahahahaha, tena mpangalatra very fananana isika ity leaz...
04/03/2026

AMBOHITRAVELO "fiz 3"

Fa ahoana izao e, nankaiza ilay fiara?
Hahahahaha, tena mpangalatra very fananana isika ity leaza.
F'inona no mampiomehy an'ialahy amin'izany? Sa mitady ialahy io? 😠
a, a, a ka!
Aza hilaozana mifamaly eo fa inona no tokony hatao e?
Andao tadiavina aloha izay misy ilay fiara ko. Fa ny mahagaga ahy dia hoe ny lakile aty nefa dia vitan'iry lehirony ny namelona ilay fiara
Ary sao mba nobatain'iry lehirony kosa ny naka azy teto? Hahahaha😂😂😂😂
Io vavan'ialahy mipetsopetsona io ho'aho "SADY NAMELY TOTOHONDRY NY VAVAN'I TEFY"
Kay lehity e, tena nandeha rà mihintsy ny vavako😧
Ka izay no tadiavin'ialahy ka... Fa andao aloha hitady ilay fiara e, sady mandroso ho atoandro ihany ity ny andro...

Dia lasa izy efatra mirahalahy nihodinkodina erakin'ny tanàna. Nivezivezy teo anefa izy ireo fa tsy nahita mangirana akory, ny mahagaga azy ireo ihany koa dia ny hivereneny amin'ilay toerana izay nanasiany an'ilay fiara nefa dia mandeha toerana hafa sy lavitra izy ireo, toa ny hoe voan'ny tamberitany...

Tena asio fakana aina kely aloha zalahy a, valaka aho izany nefa isika ity toa eto ihany no mihodikodina
Tena marina izany kozin'ialahy izany, miala eto isika dia miverina eto ihany...
Fa ialahy isany ve tsy mahatsikaritra hoe toa tsy mahita trano izany isika rehefa mandeha, ohatran'ny hoe tany efitra izany ity misy antsika ity, nefa anie tamin'ny maraina isika vao nandeha kelikely dia nahita tanàna e, nahita ilay tsena nisakafoanana iny...
Tena izany tokoa. Fa... Jereon'ialahy isany itsy lalana masaka mizotra miantsinana itsy. Tena mbola tena mbola tsy nandeha tany isika a...
Andao indray hoany e, sady sao mba any no hahitan-tsika an'ilay fiara...

Dia lasa indray ireto farany nanaraka ilay lala-masaka.

Ary... Fa iza io olona alohan-tsika io? Ohatran'ny lahy antitra izy izany a,.
Fa aiza koa izay olona eo fa ialahy ve efa manonofy e...

EMBONAMidon-tokana iny ankaratra inyToa mampitamberina indray ny fahinyIry volana baliaka toa feno mananaNo maneo kisary...
03/03/2026

EMBONA

Midon-tokana iny ankaratra iny
Toa mampitamberina indray ny fahiny
Iry volana baliaka toa feno manana
No maneo kisary ireo niarahana

Dia indro mifafy izany erika mahakotsa ity tavako
Mantsy mbola mamy izany anilanao rahavako
Manina ny eto e, ka mametsovetso irery
Ny anaranao foana ato no atao tsianjery

Ny voahary manoloana toa mitahiry fahatsiarovana
Dia ity foko lavi-tiana mahatsiaro ho torovana
Ny aty tsy manadino akia, fa miandry anao hatrany hatrany
Fa moa mbola tsy miova ve ilay fitiavanao any?

Dia eto ampototr'ilay hazo aho izao
Mamerina mitanisa ireo rehetra izay natao
Dia miainga ny fanahy, te hamangy anao any
Nefa indrisy tsy afa-manohatra satria... Sarahan'elanelan-tany

JEAN RIJANIAINA
03 martsa 2026

Indraindray aho te hanontany Hoe.... Ny eto ve tsy natokana ho ahy? Sao mba diso ary i Dada sy i N...
02/03/2026

Indraindray aho te hanontany
Hoe....
Ny eto ve tsy natokana ho ahy?
Sao mba diso ary i Dada sy i Neny
Fa....
Tsy tokony nateraka akory aho
Asa...
Toa hitako maneso ahy izany izay jereko
Toa mandatsa ahy ny misiko
Dia.....
Mandraby ahy ny rehetra
Fa eny e...
Hanaiky aho
Akory tsy handa izay miseho
Fa rehefa mby tokoa ny tokoa
Dia....
Hanao veloma aho
Eny, hametraka ny peniko
Ka....
Hifindra lasy any ambany RANGOLAHY😢

JEAN RIJANIAINA

AMBOHITRAVELO "FIZ 2"Rehefa tonga teo Ambatolampy moa izy ireo dia nizotra niankandrefana indray, nihazo iny lalana mank...
02/03/2026

AMBOHITRAVELO "FIZ 2"

Rehefa tonga teo Ambatolampy moa izy ireo dia nizotra niankandrefana indray, nihazo iny lalana mankeny ankaratra iny, manomboka miditra ala mikitroka moa ireto farany ka ny feom-boron-dolo no mandravaka ny dia, ny angelin-kary koa dia mitabataba toa hoe faly mandray ireto vahiny angaha. Tampoka teo anefa
oay lehity e! Hitan'ialahy isany ve izy teo?
Inona lehity no hitanay? Fa angaha nahita an-dranenitoa ialahy? Hahaha😂
Ohatrany nisy aloka niserana teo a,.
Sao dia alokan'ny ranenitoa marina le. Hahahahaha😂 Aza sarim-bavy leisy fa olona hamaky fasana ve ialahy dia matahotra mpam's a
Sssss, aleo hivalona any izany fa misy ody risika ao raha toa ka matahotra ialahy e.
siora mihintsy pata be a. Aleo tonga dia mandray kely aloha, sady tahakan'ny mamirifiry izany alina izany ko.
Tandremo ary sao ho mamo eo ialahy ka hanahirana anay aty a,
Okay leisy a...

Dia nitohy hatrany moa ny dian'izy ireo, efa manomboka mirotsaka ny fanala, ny sahona koa efa migoreoka izay manambara fa madiva haraina ny andro, tafiditra eto antanànan'Ambohitravelo izy ireo...

Kaiza e, efa ho tonga isika fa mifohaza amin'izay ialahy isany...
Fa aty izany ilay Ambohitravelo?
Ie, efa io manangasanga io ny tanàna, aleo aloha isika mitady toerana milamina asiana ny fiara, rahalina no manomboka manao ny "action"
Okay ary e...

Ary ohatran'ny hoe mivandravandra antsika izany anie itsy lahy antitra itsy e, fa inona ary ny an'ilahio...
Eny tokoa, sambany vao nahita "vam"angamba lehiry ko,hahaha
Aleo rangaha mody antsafaina a. Azafady anie dadabe e
Ie, inona angaha ny anareo izay ry anaka isany, dia manao inona aty ianareo? Raha izaho ianareo miverina fa hahita loza aty
Fa hahita loza ahoana koa?
e, e, e, mandehana fotsiny ho'aho miverina...
Niteny an'izay moa i Dadabe Rabary dia lasa, tsy nihaino ny tenin'ireto tovolahy intsony

AMBOHITRAVELOSombitantara MalagasyAmbohitravelo dia tanàna iray izay mbola tena vitsy mponina, tanàna lavitrin'ny Renivo...
01/03/2026

AMBOHITRAVELO
Sombitantara Malagasy

Ambohitravelo dia tanàna iray izay mbola tena vitsy mponina, tanàna lavitrin'ny Renivohitra moa izy io ary isan'ireo mbola tena mitana ny fady tokoa, manaja fomba ny mponina ao. Tanàna tsy tia vahiny I Ambitravelo ka izay vahiny miditra ao dia mahita loza avokoa ary tsy tafavoaka velona. Indro ary ho atolotra anareo ny misiterin'Ambohitravelo sy ny loza hahazo izay vahiny miditra ao...

: Allo! Salama deba a!... Ie ato antrano izaho izao ka...! Aleo ary fa hanatona anareo any aho e.

Dia niomana i Ranto ary lasa namonjy an'i Doda sy Tefy ary i Njato patiraon'izy ireo...

: Kaiza daholo a!? Miala tsiny raha taraiky kely zalahy a!
: Tsy olana izany e! Fa izao ho'aho ny hamoriako an'ialahy is any, momban'ilay sera taolam-paty iny dia mahita toerana izaho. Ilay izy aloha somary lavidavitra miala eto amin'ny "ville" a...
: Fa aiza izany ry deba a?
: Ambohitravelo izay ny anaran'ilay tanàna e, toerana ambanivohitra be izay izy io, ary ny mampilay azy a, misy karazana firavaka volamena manaraka ny razana milevina ao,izany hoe sady maka ilay entana isika no maka izay firavaka mihahaka ao.
: Ny anaran'ilay tanàna aloha tena mamono lolo be a, izany ve tsy ho be matoatoa be leaza a? Na koa hoe be mpamosavy?
: ssss! Anarana fotsiny leisy izany a, ohatran'ny anaran-tanàna rehetra ihany. Fa momban'ilay fotoana aloha miainaga rahalina isika dia mba tonga atoandro any a, dia mitady toerana hilafiana aloha mandrampaha alina ny andro hanaovana ny "mission". Ka ahoana vonona tsara ve ialahy isany e?
: Vonona tsara ka. Raha vao resaka vola izany ho'aho tsy misy "sentiment" fa raikitra foana...

Dia nirevy teo moa izy ireo mandrampaha tongan'ny tamin'ny folo ora alina hiaingana.
Nihazo iny lalampirenena faha fito mizotra mianatsimo iny izy ireo.
Teny andalana dia samy tsy haharenesana feo ny iray fiara fa samy mankafy ny hakaton'ny alina ravahan'ireto ala midola atopan'ny rivotra mifioka mora...

MANANDOLO fizarana fahatelo sady faranyTonga eto Manandolo i Evah sy ireo namany, na dia mbola amin'ny dimy ora hariva a...
18/01/2026

MANANDOLO
fizarana fahatelo sady farany

Tonga eto Manandolo i Evah sy ireo namany, na dia mbola amin'ny dimy ora hariva aza ny andro dia rakotr'aizina i Manandolo, ny orana koa moa tena nivatra fiavy be, narahin-kotroka sy tsela-baratra ka dia nitady trano hialofana sy handriana izy telo mianadahy.

AO AMIN'NY KAOMANTERA HATRANY NY TOHINY

Manoratra: Jean Rijaniaina
Sokajy: Sombitantara
Abonneo ny pejy: Diam-penin'i Jean Rijaniaina
👊

MANANDOLO fizarana faha roa Iray volana izay no lasa, tsy nahazo antso avy amin'i Faly mihintsy i Evah. Lasa ny sain'i E...
17/01/2026

MANANDOLO fizarana faha roa

Iray volana izay no lasa, tsy nahazo antso avy amin'i Faly mihintsy i Evah. Lasa ny sain'i Evah hoe nanadino azy ve ilay vadiny sa misy mahazo azy any alavitra any. Inona ary ny antony tsy mampandeha ny findain'i Faly? Sa va re ny "resau" no tsy misy e? Hoy ny fanontaniana mibosesika ao antsain'i Evah
-"Aody akia Evah a! Ato ihany ve ndry e? Hoy i Malala mandondona ny varavarana.
-"Mandrosoa akia a, mandrosoa fa ato aho e. Hoy i Evah no sady niala teo ampandriana ary namonjy an'i Malala
-"Fa angaha akia mbola matory foana hatramin'izao a? Efa amin'ny valo ora maraina anie izao e. Hoy i Malala mahita ity namany mbola miraiki-maso
-"Efa niharina aho teo nikenona sakafo maraina fa ohatrany narary ny lohako dia niverina nitsilay kely aho. Hoy i Evah no sady mikoso-maso ihany
-"Ka sao akia mba hanantona mpitsabo isika a.
-"Aoka akia amin'izao a, mety ilay izaho tsy nahita tory alina anagamba no mankarary ny lohako. Fa izany akia eo ihany fa tena mbola tsy niantso ahy mihintsy anie akia i Faly e, antsoina ny findainy anefa tsy mandeha, izany koa akia no antony tsy nahitako tory alina a, efa ho iray volana anefa izay no nandehanany. Hoy i Evah no sady misento.
-"Izany ve akia? Dia inona izany no heritreretin-dry hatao?
-"Tena handehanako any akia iny a, sao manko misy mahazo azy any, ndry marina sao mba afaka hiaraka amiko hoany?
-"Sao mba tsy mety akia izany a, fa maninona aloha raha hanontaniana ny lehibeny ny antony tsy mampandeha ny findainy e. Hoy i Malala manahy ny fanampahan-kevitr'i Evah...

AO AMIN'NY KAOMANTERA NY TOHINY

MPANORATRA: Jean Rijaniaina
SOKAJY: SOMBITANTARA
abonnez-vous👉Diam-penin'i Jean Rijaniaina

KRISIMASIN´IREOAny hoany izao misy olona efa tsindrindaonaHitsena ity noely amim-pifaliana aok´izanyKanefa ao koa ireo m...
24/12/2025

KRISIMASIN´IREO

Any hoany izao misy olona efa tsindrindaona
Hitsena ity noely amim-pifaliana aok´izany
Kanefa ao koa ireo mety misaona
Namoy havana ka voton-tomany

Misy ireo somebiseby hankalaza ity krisimasy
Mamono akoho amam-borona hanaovana fety
Fa ao koa ireo miaina anaty krizy mafy
Tsy manan-katokona fa zanak´olona efa resy

Dia ao ireo mandeha any amin´ny faritra
Manao vakansy sy miala voly
Fa tsy vitsy ireo mahantra
Mitsiriritra fotsiny an´iretsy mpanam-bola..
Lasa ny saiko hoe rahoviana ary re ry Zanahary
Vao mba hitovy ny farim-piainan´ny olom-belona eto antany
Ka tsy hisy intsony izany hoe ambony sy ambany
Fa ny rehetra hiadana sy ho lavitra tomany

Jean Rijaniaina
24 decembre 2025
Diam-penin'i Jean Rijaniaina

Address

Ankadindramamy
Antananarivo

Website

Alerts

Be the first to know and let us send you an email when Diam-penin'i Jean Rijaniaina posts news and promotions. Your email address will not be used for any other purpose, and you can unsubscribe at any time.

Shortcuts

Share

Category