Rim'jah Ofisialy

Rim'jah Ofisialy HANORATRA AHO ANIO MBA HO TSIARO RAHATRIZAY

RIM'JAH📖

MILA MIHEZAKARaha misy tanjona kasainaHo tratrarina dia izaoAtaovy foana ao antsainaFa mila mihezaka ianaoTe ho tonga ir...
23/11/2025

MILA MIHEZAKA

Raha misy tanjona kasaina
Ho tratrarina dia izao
Ataovy foana ao antsaina
Fa mila mihezaka ianao

Te ho tonga ireo mpiandriaka
Ka nisedra ny onja mahery
Nikiry izy ka tafita
Ity farihy be mangeniheny

Jereo ny ataon'ny vitsika
Raha mahita sakafo any ho any
Na dia aza izy kely sy bitika
Raha te ho voky dia lanjainy izany

Ka raha te ho tafita ary ianao
Ho tonga amin'ilay faniriana
Dia tsarovy foana izao
Ny fiainana mila fihafiana

RIM'JAH
14 NOVEMBRE 2025
ady ny fiainana hoy i Voahangy😊

MANDRAKIZAYTsy miova ny ahy ny teniko na be ireo mpanaratsyHoe ny antsika roa akia malala fitia varo-matyAleo izy hitaba...
21/11/2025

MANDRAKIZAY

Tsy miova ny ahy ny teniko na be ireo mpanaratsy
Hoe ny antsika roa akia malala fitia varo-maty
Aleo izy hitabataba fa tsy hanova izay nekena
Satria izaho sy ianao nifankatia tsy noterena
Ireo mpisompatra, mpialona manery antsika hisaraka
D'ilay tady vita fato-maty hirian'izy ireo koa mba ho tapaka

Tsy diso ny ahy ilay safidy fa ianao ilay anjara
Ilay vady andefimandry hoentina eny ambony alitara
Ianao ilay vehivavy hanome taranaka any afara
Ka na inona hiseho isika roa tsy hiala
Fa ho reraka eo foana ireo tsy tia sy mpankahala
Fa efa mafy o***a ny antsika akia malala

Ka aza manana ahiahy ianao
Fa tsy ho lefy nahoviana ilay voady efa natao
Ny toky izay nomeko tsy miova hatramin'izao
Ny tebiteby amin'ny hoavy akia malala hialao
F'efa iray ihany ny fontsika sy ianao
Dia ireo mpandrabiraby indray no ho lao
Ny fiarahan-tsika roa efa voarakitra an-diary
Mandrakizay doria doria isika roa tsy hifanary

RIM'JAH
21 NOVEMBRE 2025
❤❤❤

RY FOKO Ry foko a!Mbola tsy fay foana ve ialahy?Sa minia tsy ta hahalala?Ny ratra mahamay,Hila hahalasa adala.Mitia iala...
21/11/2025

RY FOKO

Ry foko a!
Mbola tsy fay foana ve ialahy?
Sa minia tsy ta hahalala?
Ny ratra mahamay,
Hila hahalasa adala.

Mitia ialahy androany
Dia rahampitso indray voaratra
Tohizany hatrany
Sa va re efa mahazatra?

Ry foko a!
Mba meteza moa leisy
Hanova pejy indray
Raha toa ialahy ka mety
Dia aleo izy hoany amin'izay

Tsy aleon'ialahy ve aloha
Mba miato kely
Maka sisiny rehefa voa e
Manasitrana ny fery
F'ialahy akory tsy voangaly ka ho faty ankazo-tokana

Izay ry foko a! Mahereza.

RIM'JAH
10 NOVEMBRE 2025
aingam-panahy sendra nandalo😊

I MIKOLOI Mikolo dia tovolahy kely zanaka tantsahaAvy any Ambanivohitra no fihavianyMivelona amin'ny fambolena sy fiompi...
18/11/2025

I MIKOLO

I Mikolo dia tovolahy kely zanaka tantsaha
Avy any Ambanivohitra no fihaviany
Mivelona amin'ny fambolena sy fiompiana ny Ray Aman-drenin'ity tovolahy
Fa dia nilofo tamin'ny fianarana izy hanatanterahany ny faniriany
Izy moa efa mianatra eny amin'ny anjerimanontolo
Voambanimbany sy voahilikilika tokoa raha i Mikolo
Mantsy hono zanaka tambanivolo

Ireo Ray Aman-dreniny moa mihezaka mandefa fanampiana ho azy ihany
Saingy tsy maharaka ny filàny anefa izany
Ka dia mihezaka izy miasa kely eny
Mba ho fanampin'ireo vatsy alefan'i Dada sy Neny
Ny hafa rehefa tsy mianatra dia manao hadalàna
Misotro, mifoka ary mqmpiaraka eran'ny tanàna
Fa i Mikolo dia tsy tohizany mihintsy
Hitadiavany vola ny fotoana tsy hianarany raha misy

Indray andro ary nigrevy ireo mpanao politika
Mantsy hono leo ny delestazy lava eto amintsika
Dia nandray anjara tamin'izany moa ireto mpianatra GEN-Z
Saingy rehefa mihetsika kely dia voageja
Norahonana, novonoina ihany koa noratraina
Misy mihintsy aza ireo nogadraina
Tsy vitsy no nalatsak'aina

Tsy kivy anefa ireo mpitolona fa niroso hatrany
I Mikolo ihany koa dia mba tao anatin'izany
Naneho ny alahelony izy nandohalika nitomany
Tanjona moa dia iray ihany
HATSAHARO NY RAMATAHORA SY HERISETRA SESILANY

Rehefa nihamafy anefa ny tolona
Dia teo i Mikolo no nosambo***a
Hihezaka aho hoy izy ny tsy hitomany intsony
Na dia voadaroka aza dia nampiakatra ny ambompony

RIM'JAH
18 NOVEMBRE 2025
ity aingam-panahy ity dia notsoahana tamin'ilay tantara niseho teto Antananarivo. Nijery ny horonan-tsary nisy an'ingiahy Mikolo no nampiakatra ny aingam-panahy teto
Marihina moa fa noforonina ihany izy ity ka ny ampahany betsaka ao dia mety zavatra tsy nisy akory fa nataoko fotsiny.

Tianareo ve raha hasiana tohiny izy ity👇

(....)Nifanena izaho sy ilay malalako taloha androanyNoharabaiko izy fa tsy namalyHeverina angamba fa mbola tia azy ahoK...
18/11/2025

(....)

Nifanena izaho sy ilay malalako taloha androany
Noharabaiko izy fa tsy namaly
Heverina angamba fa mbola tia azy aho
Kanefa fahalalam-pomba ilay miarahaba dia natao

Ny tany antsaiko tany aloha dia nihomehy
Vao nisaraka izahay dia niharatsy ilay tarehy
Sendran'izay lehilahy ratsy taiza angamba izy ity
Fa toa hita ho niha nahia

Izaho koa moa te hanadroadro
Dia mody nisisika niresaka ihany
Fangaha ianao dia vokisan'ilehiry mangahazo
No toa marenindrenina izany

Hay maheno ihany fa mody mitapy
Mangalam-pijery dia avieo mangarika
Aiza ianao taloha ilay mafatifaty
Amin'izao toa ohatran'ny varika😂

RIM'JAH
15 NOVEMBRE 2025
aleo tsy tohizana intsony sao hitomany eo io😂

IZAHO SY RAFOTSYIzaho sy Rafotsy rehefa mampiarakaEny andalam-be no mifampitantanaOhatran'ny tsy ho faty fa mifampi-tosi...
17/11/2025

IZAHO SY RAFOTSY

Izaho sy Rafotsy rehefa mampiaraka
Eny andalam-be no mifampitantana
Ohatran'ny tsy ho faty fa mifampi-tositosy
Izay ilay fiainana miaraka amin'ny Rafotsy

Tsy mahatakatra gastronomie fa mamango lasopy
Mandrezaka kely rehefa voky
Dia avieo miantsena eny Ambodin'isotry
Izay ilay fiainana miaraka amin'ny Rafotsy

Tsy manana vola handehanana pikla
Fa izaho sy Rafotsy moa mbola kikina
Dia aleo tairina amin'ny "ligne onze"
Sady mampiaraka koa moa dia tsy misy kaozy

Tsy adino moa ilay mandalo eny Andravoahangy
Mijerijery fripy fa mbola mafy ady
Jereo izay tianao fa ho vidiako
Iretsy izao ny SOLDE silipo😏

Rehefa reraka dia mody amin'izay
Any antrano tohizana indray
Safosafo,orokoroko sy rotsirotsy
Vonoina ny jiro dia ao izaho sy rafotsy
Manao ny fiainan'ny mpifankatia
Mihanoka ilay hasambarana lafatra ery.

RIM'JAH
17 NOVEMBRE 2025
😊sangy-kalo👍

TEO AMIN'NY FASAN'I NENYInay aho izao mba nanaraka ny teninao ry NenyRaha mba tsy nanampi-tsofina aho tamin'irenyAngamba...
17/11/2025

TEO AMIN'NY FASAN'I NENY

Inay aho izao mba nanaraka ny teninao ry Neny
Raha mba tsy nanampi-tsofina aho tamin'ireny
Angamba tsy ho toy izao no niafaran'ity fiainako
Mety mba namiratra ihany ny marainako.

Raha nanaraka ireny hanatranatrao Manko aho
Tsy nivoaka ny vala fa nanaiky nofehezinao
Dia tsy latsa-panenenana mafy toy izao

Neny a! Neny oh! Efa lasana ianao vao tongasaina,
ity maditranao velon-taraina
Tsy misy intsony ho antenaina
Manjombona lava ny andro maraina.

Neny malala a! Eo moa mba mitahia e,
Avoty fa resy ilay zaza nania
Inoako manko fa na aza ianao any ambany rangolahy
Dia afaka hitantana sy hitsimbina ahy.

Efa nihova aho Neny a, efa nihova
Tonga saina rehefa nidiran-doza
Ka aza faizina fa tokan'irery
Vesaran'ny nenina tena mahery

Eto alohan'ny fasanao aho izao
Latsain'ny "tahak'izay" sy ny "raha teto mantsy ianao"
Mibanjina ity dongon-tany hisitrihanao aho
Dia... Toy ny misy sabatra manindrona ao anatiko ao.

Neny oh! Maheno ahy ve ianao? Enonao ve ny fitarainako?
Ny ngidin'ny fiainana tena tsy zakan'ny fisainako
Zary mandatsa ahy ny tontolo rehetra
Zaza maditra ka tsy misy mpitsetra

Izay ry Neny a! Handeha aho
Mandriampiadanana ianao
Handeha hisedra ny esoesom-piarahamonina
Hizaka ny raby sy latsan'ny olona...
Satria zanaka adala tsy mendrika ho tiana.

RIM'JAH
17 NOVEMBRE 2025
Fehiny: Hajao i Neny raha mbola eo.😊❤

ALAHELO😓Ry fasam-ponenan'ny fo malaheloO! Faingana, faingana hampitony ahy izaoTongava re raha toa ianao ka mahenoNy tor...
16/11/2025

ALAHELO😓

Ry fasam-ponenan'ny fo malahelo
O! Faingana, faingana hampitony ahy izao
Tongava re raha toa ianao ka maheno
Ny toreon'ity fo miantso anao

Aza ela fiavy f'izaho efa liana
Ilay safosafo ao aminao
Trotraka loatra ity fo vesaram-pahoriana
O! Ry fasam-ponenan'ny fo mitalaho

Mafy ka mafy ny ady setraina
Torovana aho ka tena tsy mahatanty
O! Ry fasam-ponenan'ny fo mitaraina
Aiza re ianao? Miavia malaky.

Ianao dia ianao no sisa antenaina
Hanasitrana ny ratra navelan'ny lasana
Hanakatona ilay fery mbola tsy maina
O! Ry fasam-ponenan'ny fo mitondra faisana

RIM'JAH
15 NOVEMBRE 2025
😪😓

NY ANTSIKA ROATantara mamy tsy misy fiafaranyNy antsika roa malalaIreo mpankahala aleo izy ho anyIreo tsy tia no ho lasa...
15/11/2025

NY ANTSIKA ROA

Tantara mamy tsy misy fiafarany
Ny antsika roa malala
Ireo mpankahala aleo izy ho any
Ireo tsy tia no ho lasa adala

Ireo mpialona maniry antsika ho rendrika
Dia misompatra ombieny
Tsy fantany fa isika tsy hihemotra
Tsy mahasakana akory ireny

Ho porofoin-tsika amin'izao tontolo izao
Fa na inona vato misakana ny dia
Dia vonon-kisedra izany izaho sy ianao
Vonon-kitambatra mandrakizay doria

Ny ranomasina mangeniheny
Sy ny lanitra manga iry
No ho vavolom-belon'ilay ENY
Mbamin'ireo dinan'ny fitia

Ilay tady mamatotra antsika roa
Dia tsy azon'iza tapahana tokoa...

RIM'JAH
15 NOVEMBRE 2025
😊📖

EMBONANy eto ho'aho dia malaheloLavi-tany tsy anilan-tianaManangatra toa aveloIrery lahy ka dia manginaAny izay ry KakyS...
14/11/2025

EMBONA

Ny eto ho'aho dia malahelo
Lavi-tany tsy anilan-tiana
Manangatra toa avelo
Irery lahy ka dia mangina

Any izay ry Kaky
Sy ry Neny mbamin'iry Zoky,Zandry
Ny embona ato hila tsy ho tanty
Tsy afamanoatra na te mba hamangy

Lavi-tany niaviana
Irery aty antanin'olona
Any ianareo ry havan-tiana
Ny alahelo ato no mitambolona

Iny faravodilanitra iny
Manopy mena toa jaky
Toa maneso ity vahiny
Voton'alahelo anaty

Ry volana tomaratra
An'habak'iny raha mba mety
Ity re mba misy hafatra
Hampitao any vetivety

RIM'JAH
14 NOVEMBRE 2025

MAHEREZA RY FOKO!Ry foko mangina fa aza tomanyAza akory misisika ny manontanyHoe nahoana indrindra no dia mampijalyIlay ...
14/11/2025

MAHEREZA RY FOKO!

Ry foko mangina fa aza tomany
Aza akory misisika ny manontany
Hoe nahoana indrindra no dia mampijaly
Ilay olona mba tiana teto antany

Ajanony ny seto sy ny toreo
Aza akory mampiaka-peo
F'izay rehetra rehetra mitranga eo
Ry foko mba ekeo

Raha nandratra ilay tiana androany
Nanadino ny dinam-pitia omaly
Dia hiangaviako indrindra ianao ry foko
Aza milofika na mitoloko

Aleo izy handeha raha izay no tiany
Aza arahina alahelo amin'izay mety ho diany
Fa any andro iray mbola hoavy ny nenina
Ireo lokam-pitia no injao hitamberina
Ka handatsa ny hoaviny ...

Ry foko, mahereza ary koa mitonia
Fa mbola hoavy ihany ny todim-pitia

RIM'JAH
14 NOVEMBRE 2025

MAFY ANGAHA?Mafy angaha ny mizaka?Ny nenin'ny lasa toa zary nandatsa?No isan'andro lava izao,Tsy tapaka ireo hafatra hal...
08/11/2025

MAFY ANGAHA?

Mafy angaha ny mizaka?
Ny nenin'ny lasa toa zary nandatsa?
No isan'andro lava izao,
Tsy tapaka ireo hafatra halefanao.

Mafy angaha ny tsakoin'ny nenina?
No milaza ianao fa hoe hifamerina.
Izaho tsy zaza ka atao tohizany,
Hoe hiverina aty rehefa voa avy any.

Mafy angaha ny ketokin'ny jaly?
No izato ianao toa voton-tomany?
Milaza indray fa hoe mbola tia...
Tsy adala anie aho akory sanatria.

Ianao anie no nisafidy ny handao
Ka zakao izay vokatrin'ny nataonao.
Akory aho tsy mandatsa anao velively,
Fa safidinao no nandao tamin'ireny.

RIM'JAH
Antananarivo faha 2 Novembre 2025

abonneo hatrany ny pejy😊

Address

Ankadindramamy
Antananarivo

Website

Alerts

Be the first to know and let us send you an email when Rim'jah Ofisialy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category