Ljf's Choir - Light Joy and Fraternity

Ljf's Choir - Light Joy and Fraternity Fantaro ny zavatra rehetra ; hazony mafy izay tsara
I Tesaloniana 5 : 21

19/04/2026

Mirary herinandro mahafinaritra ho antsika rehetra
Video :

Sary vitsivitsy, mankasitraka rankizy. mirary faran'ny herinandro mahafinaritra ho antsika rehetra. 🙏
27/03/2026

Sary vitsivitsy, mankasitraka rankizy. mirary faran'ny herinandro mahafinaritra ho antsika rehetra. 🙏

Manasa antsika rehetra 🙏
26/03/2026

Manasa antsika rehetra 🙏

🙏
28/02/2026

🙏

23/01/2026

Mofon’aina Zoma 23 Janoary 2026 NY FIFIDIANAN’NY LANITRA

2 Pet. 1:10. « Ary amin’izany dia mazotoa kokoa, ry rahalahy, hampitoetra ny fiantsoana sy ny fifidianana anareo; fa raha manao izany zavatra izany hianareo, dia tsy ho tafintohina akory mandrakizay. »

Izany no hany fifidianana resahin’ny Baiboly. Na dia tafalatsaka tao anatin’ny fahotana aza isika, dia afaka ny ho mpiray amin’ny fomban’Andriamanitra sy hahazo fahalalana ambony lavitra noho ny siansa rehetra. Amin’ny fandraisana ny nofo sy ran’ilay Tompontsika izay nohomboana tamin’ny hazo fijaliana no hahazoantsika ny fiainana mandrakizay. Hoy i Jesosy : “Izay mihinana ny nofoko sy misotro ny rako no manana fiainana mandrakizay.” – Jao. 6:54.

Tsy misy olona tokony hamoy ny fiainana mandrakizay. Izay rehetra mifidy isan'andro ny hianatra amin’llay Mpampianatra avy any an-danitra dia hanao ny fiantsoana sy ny fifidianana azy ho azo antoka. Andeha isika hanetry tena eo anatrehan’Andriamanitra, ary hanao izay hahalalana Azy, fa ny fahafantarana Azy marina no fiainana mandrakizay. “Mazotoa kokoa, ry rahalahy, hampitoetra ny fiantsoana sy ny fifidianana anareo; fa raha manao izany zavatra izany ianareo, dia tsy ho tafintohina akory mandrakizay; fa toy izany no hanomezana malalaka ho anareo ny fidirana ho any amin’ny fanjakana mandrakizay, izay an’i Jesosy Kristy, Tompontsika sy Mpamonjy antsika.” – 2 Pet. 1:10,11.

Ireo no taratasy fiantohana ho an’ny fiainanao ara-panahy. Tsy fiantohana izay hositrahin’ny hafa aorian’ny fahafatesanao anefa fa antoka iray hanananao fiainana mifamatra amin’ny an’Andriamanitra, dia ny fiainana mandrakizay izany. Toky sy fanantenana lehibe manao ahoana re izany! Andeha isika hanambara amin’izao tontolo izao fa fonenana tsara kokoa no katsahintsika, fonenana any an-danitra. Natao ho antsika ny lanitra ary irintsika ny hanana anjara amin’izany. Tsy misy na inona na inona tokony havelantsika hampisaraka antsika amin’Andriamanitra sy ny lanitra. (...) Ry anadahy sy rahavavy, fiainana iray monja no anananao, aoka izany hanaovana ny tsara sy ho fiainana miara-miafina amin’i Kristy ao amin’Andriamanitra!

Aoka isika hifanampy amin’ny fanatrarana ny fahatanterahan-toetra ka hampitsahatra ny fifanakianana rehetra. Handroso hatrany isika mba ho tonga amin’ny fahatanterahana, mandra-pahatonga ny fotoana hanomezana malalaka ho antsika ny fidirana ho any amin’ny fanjakan’ny lanitra. – RH, 26 Mey 1904.

14/01/2026

Mofon’aina Alarobia 14 Janoary 2026 FIOVAM-PO

Asa. 3:19. « Koa mibebaha hianareo, ka miverena hamonoana ny fahotanareo, mba ho avy izay andro famelombelomana avy amin’ny fanatrehan'ny Tompo. »

Tsy maintsy mahalala ny hevitry ny tena fiovam-po marina, amin’ny alalan’ny fanandramana, isika mba hahazoantsika famonjena. Fahadisoana mahatahotra ho an’ny lehilahy sy vehivavy ny mitonona isan’andro ho Kristianina nefa tsy mendrika ny hitondra izany anarana izany akory. Tsinontsinona eo imason’Andriamanitra ny fitompoan-teny fantatra na ny toerana ambony. Izao no fanontaniana apetrany: moa ve ny fiainany mifandrindra amin’ny Didiko? Marobe ireo mihevitra fa efa niova fo nefa tsy mahazaka ny fizahan-toetra amin’ny alalan’ny Tenin’Andriamanitra. (...)

Ny fiovam-po dia fialana amin’ny tsy fahamarinana mankamin’ny fahamarinana. Rehefa miantehitra amin’ny fahamendrehan’i Kristy ka mino Azy marina tokoa ny mpanota mibebaka, dia havela ny helony. Hitombo amin’ny fahasoavana sy ny fahalalana an’Andriamanitra izy rehefa mitsahatra amin’ny fanaovan-dratsy ary mianatra manao ny tsara. (...)

Hanatevin-daharana ny miaramilan’ i Kristy izy ary hirotsaka hiady amim-pahasahiana sy amim-pifaliana, hanohitra ireo fironana mpahazo ny olombelona sy ny faniriana feno fitiavan-tena ary hampilefitra ny sitrapony eo anatrehan’ny Sitrapon’i Kristy. Isan’andro no hangatahany fahasoavana amin’ny Tompo ka hohatanjahina sy hampiana izy. Ny "izaho” no nanjaka tao am-pony taloha ary ny rendrarendran’izao tontolo izao no fahafinaretany. Miala eo amin’ny seza fanapahana ankehitriny ny “izaho” ka Andriamanitra no manjaka ao. (...) Manjary halany izao ny fahotana izay maminy taloha, ary amin’ny fanapahan-kevitra matotra sy tsy miovaova no hanarahany ny lalan’ny fahamarinana. Izany no tena fiovam-po marina. (...)

Aoka tsy hohadinointsika fa tsy maintsy miara-miasa amin’Andriamanitra ny olona eo amin’ny fiovam-po sy ny fanamasinana azy. “(...) miasà amin’ny tahotra sy ny hovitra hahatanteraka ny famonjena anareo” hoy ny Teny. "Fa Andriamanitra no miasa ao anatinareo na ny fikasana na ny fanaovana hahatanteraka ny sitrapony.” – Fil. 2:12,13. (...) Tsy maintsy avy amin’Andriamanitra ny hery mitondra fiovana, ary ny Fanahy Masina irery no mahay manova. Izay te hovonjena, na ambony izy na ambany, na manan-karena izy na mahantra, dia tsy maintsy milefitra amin’ny fiasan’izany hery izany. – RH, 7 Jolay 1904.

13/01/2026

Mofon’aina Talata 13 Janoary 2026 FANEKENA IFANAOVANA AMINY

Jao. 1:12. « Fa izay rehetra nandray Azy dia nomeny hery ho tonga zanak Andriamanitra, dia izay mino ny anarany. »

Ny fanekena ifanaovana amin’Andriamanitra no miantoka ny famonjena antsika. "Fa izay rehetra nandray Azy dia nomeny hery ho tonga zanak’Andriamanitra.” Moa ve irinao amin’ny fo sy ny saina ary ny fanahinao manontolo ny hiditra ao amin’izany fifanekena izany? – Ms 8, 1914.

Mangataha hery sy fahendrena amin’ilay Mpanavotra anao hoenti- manao ny asa fanorenana ny toetra; ataovy amim-pinoana sy amin-toky ombam-pitiavana izany. Hipetraka toy ny mpandrendrika Izy ka hanadio ny volamena sy ny volafotsy ho afaka amin’ny tain-drendrika rehetra. Aoka ianao hibanjina Azy mandrakariya dia tsy ho hita eo amin’ny rafi-toetranao ny tain-drendrika sy ny akora tsy misy vidiny.

Amin’ny finoana no ahafahanao mandray ny fahamendrehan’ny ran’Ilay Zanak’Andriamanitra, izay nalatsany mbâ hahatonga ny mpanota tsy ho very fa hanana ny fiainana mandrakizay.

Efa nomen’Andriamanitra an’i Kristy avokoa ny fahefana rehetra hoentiny mamonjy izay rehetra misaraka amin’i Satana ka mandray Azy ho hany fanantenany. (...) Fanapahan-kevitra sarobidy tokoa ny fahavononanao hiara-miasa amin’ilay mahay manohana anao tsy ho lavo. Hanasitrana anao tanteraka i Kristy, ilay Mpitsabo lehibe. Hiasa amin-kery miaraka amin’ireo izay manana fahitsiana Izy, hampahatanjaka sy hampandresy azy ireo. Ilay nividy anao ho Fananany no hanaisotra ny toetra ratsy rehetra ao aminao. (...)

Misaraha amin’ilay fahavalo, tapaho ny famatoran’ilay andrian’ny fanapahana eny amin’ny rivotra sy ny legionan’ireo mpiara-miasa aminy.

Hotoherin’i Satana ny ezaka ataon’ireo mijoro hiandany amin’ny Tompo, ka hampiasainy ny karazana famitahana rehetra mba hanaki viana ny fiezahan’izy ireo. Kanefa efa nomen’Andriamanitra ny Zanany mba hitondra ny fahotan’ireo izay mikatsaka ny Fahamarinany. Vonona Izy hanolotra fahasoavana ho an’izay rehetra mitady Azy amim-pinoana. (...)

Ny fampiasana ny finoana sy ny herim-po mitombandahy no mahalalina kokoa ny fahatakarana ny atao hoe Kristianina. Tokony hikatsaka ny finoana izay miasa amin’ny fitiavana sy manadio ny fanahy isika. Hifanandrina amin’ny toetra nolovaina sy ny fironana ho amin’ny ratsy nokolokoloina isika ka tsy maintsy miantehitra amin’ilay Kapitenin’ny famonjena antsika. Hataony tokoa izay tandrify Azy. – Ms 8, 1914.

10/01/2026

“So now there is no condemnation for those who belong to Christ Jesus.”
‭‭Romans‬ ‭8‬:‭1‬ ‭NLT‬‬

10/01/2026

Mofon’aina Sabotsy 10 Janoary 2026 TSY HANAMELOKA FA HAMONJY

Jao. 3:17. « Fa Andriamanitra tsy naniraka ny Zanaka ho amin’izao tontolo izao hanameloka izao tontolo izao, fa mba hamonjeny izao tontolo izao. »

Misy fanahy mangovitra noho ny tsy finoana. Hoy izy: “Ahoana no hahafantarako fa mihavana amin’Andriamanitra aho? Ahoana no hahazoako antoka fa tia sy mamela ny heloko Izy?” Tsy anjaranao, ry tanora malala, ny mampihavana ny tenanao amin’Andriamanitra. Manasa anao i Jesosy hanatona Azy miaraka amin’ny enta-mavesatrao sy ny fahasahirananao rehetra. (...) Raiso ny teny fikasana sy ny fanomezan’Andriamanitra. (...) Esory eo amin’ny tenanao ny fijerinao ka afindrao eny amin’i Jesosy, fa ao amin’ i Kristy no anehoana ny toetran’ny Ray. – YI, 29 Septambra 1892

Ny ran’i Kristy (...) no hany fanantenana ho antsika, satria amin’ny alalan’ny Fahamendrehany ihany no ahazoantsika famelan-keloka sy fihavanana. – YI, 22 Septambra 1892

Ny toetran’Andriamanitra izay aseho ao amin’i Kristy no mitaona ny finoantsika sy ny fitiavantsika, fa manana Ray izay mamindra fo sy miantra mandrakizay isika. Eo amin’ny dingana tsirairay handehanantsika any an-danitra, dia hiaraka amintsika Izy, hitari-dalana ao anatin’ny zava-tsarotra rehetra ary hamonjy antsika isaky ny misy fakam-panahy. – 29 Septambra 1892

(...) Misy fahamarinana lehibe sy sarobidy mila saintsaininao, mba hanana fanorenana mafy ny finoanao, noho ny fahalalana tsara ny momba an’Andriamanitra. (...)

Tsara ny mikatsaka hahalala izay rehetra azo ianarana avy amin’ny zavaboary, kanefa aza hadinoina fa ao amin’i Kristy no misy ny fanehoana amin’ny fomba feno ny toetran’ilay Andriamanitra velona. Amin’ny fibanjinana an’i Kristy sy ny fikatsahana ny hanahaka an’Andriamanitra no hivelaran’ny fahalalanao momba ny Toetrany ary amin’izany koa no hanandratana sy hanadiovana ny sainao sy ny fonao. Aoka ny tanora hikendry ny avo, tsy hiantehitra amin’ny fahendren’olombelona fa hiaina isan’andro isan’andro toy ny mahita izay tsy hita, ary hanao ny asany toy ny eo anatrehan’ireo anjelin’ny lanitra. (...)

Izay miantehitra lalandava amin’Andriamanitra amin’ny fitokisana tsotra sy arahim-bavaka dia hodidinin’ireo anjelin’ny lanitra. Izay miaina amin’ny finoana an’i Kristy dia hohatanjahina, ka ho afaka hiady ny ady tsaran’ny finoana ary hahazo ilay fiainana mandrakizay. – YI, 22 Septambra 1892.

06/01/2026

Mofon’aina Talata 06 Janoary 2026 FITIAVANA NATERAKY NY FAMINDRAM-PO

Heb. 8:12. « Fa hamindra fo amin'ny tsi-fahamarinany Aho, ary tsy hotsarovako intsony ny fahotany. »

Fitiavana miavaka tokoa no itiavan’Andriamanitra ny taranak’olombelona lavo — fitiavana nateraky ny famindrampo izany, satria tsy misy mendrika raha ny taranak’olombelona. Ny famindrampo dia midika fa tsy tonga lafatra ny olona iantefany. Noho ny fahotana no nampiasana ny famindrampo.

Halan’Andriamanitra ny fahotana, fa tiany sy iantrany kosa ny mpanota. Zanaka tiany havotana ireo zanakalahy sy zanakavavin’i Adama izay nania. Tamin’ny nanomezany ny Zanany no nanehoany tamin’izy ireo ny fitiavany sy ny famindrampony tsy manam- petra. – ST, 24 Mey 1902.

Mitady fiaraha-miasa amin’ireo voariny marefo sy nania Andriamanitra, voary izay notolorany tombontsoa be. (...) Omena ny olona ny tombontsoa ahafahany miara-miasa amin’ Andriamanitra ho famonjena ny fanahiny. Aoka izy handray an’i Kristy ho Mpamonjy ny tenany manokana ary koa hino Azy. (...)

Novolavolaina nandritra ny filan-kevitry ny Ray sy ny Zanaka ny drafi-panavotana. Ary i Kristy dia nanolo-tena mba ho eo amin’ny toerana tokony hisy ny olona raha toa misy ny tsy fahatokiany amin’Andriamanitra. Nanolo-tena Izy mba hanao fanavotana izay hampihavanana ny fanahy mino rehetra amin’Andriamanitra. Izay mametraka ny fahotany eo amin’ilay Mpisolo sy antoka ho azy dia afaka hiombom-peo amin’ny apostoly manao hoe: “Isaorana anie Andriamanitra Rain’i Jesosy Kristy Tompontsika, Izay nitahy antsika tao amin'i Kristy amin’ny fitahiam-panahy rehetra any an-danitra” – Efes. 1:3 “Mba hasehony amin’ny andro ho avy ny haben’ny haren’ny fahasoavany amin’ny fahamoram-panahiny amintsika ao amin’i Kristy Jesosy.” – Efes. 2:7.

Tamin’ny fitiavany tsy manam- petra no namolavolan’i Kristy ny drafi- pamonjena. Ary vonona mandrakariva izany drafitra izany hotanterahina ho an’izay rehetra manaiky hiara-miasa Aminy. Ho azy ireo no ilazan’i Kristy amin’ny Ray hoe: “Aza isaina ny fahotany, fa aoka lzaho no hitondra izany. (...) Efa nandray ny Fahamendrehako izy ary efa nihavana Amiko. (...) Efa noraisiny ny Fahamarinako, ka tahio amin’ny fitahiam-panahy izy ireo noho ny Amiko.” – ST, 27 Febroary 1901 (RH, 28 Mey 1908)

04/01/2026

Mofon’aina Alahady 04 Janoary 2026 FITIAVANA TSY HITA FETRA

Jer. 31:3. « Tany lavitra any no nisehoan’i Jehovah tamiko ka nanao hoe: Fitiavana mandrakizay no nitiavako anao, koa izany no nampaharetako famindrampo ho anao. »

Tsy ampy hahatakarana ny momba an’Andriamanitra ny fahalalan’olombelona na ny siansa. Tsy ny hitondra poforo momba ilay zava-miafina lehibe no tian’i Kristy hatao fa ny haneho fitiavana tsy hay faritana. (...) Iriny ny handrisika ny saintsika, izay nohalemen’ny fahotana, mba hahatakatra fa Andriamanitra dia fitiavana. (...)

Ny rain’ilay zanaka adala no ohatra nofidin’i Kristy hanehoana an’Andriamanitra. Io raim-pianakaviana io mantsy dia maniry ny hahita sy handray indray ilay zanaka izay nandao azy. Niandry sy nitazana azy izy (...) ary nanantena ny fiverenany. Rehefa tazany nihananatona ny vahiny iray, mahantra sy niakanjo voro-kitsay, dia nivoaka mba hitsena azy izy, andrao mba ny zanany izany. Nofahanany sy notafiany toy ny hoe zanany lahy izany vahiny izany. Azony ny valisoany nony farany, satria niverina tao an-trano tokoa ilay zanany, ary fiaikena feno fitalahoana no teo am-bavany: “Raiko Ô, efa nanota tamin’ny lanitra sy teo anatrehanao aho ka tsy mendrika hatao hoe zanakao intsony. Fa rainy kosa nanao tamin’ny ankizilahiny hoe: Alao haingana ny akanjo tsara indrindra ka ampiakanjoy azy; ary asio peratra ny tànany sy kapa ny tongony; ary ento aty ny zanak’omby nafahy, ka vonoy; ary aoka isika hihinana sy hifaly.” – Lio. 15:21-23.

Tsy nisy ny faniniana na ny fitanisana ny faharatsiana vitan’ilay zanaka adala. Tsapan’ity zanaka ity fa efa voavela sy hadino ny lasany, ary voafafa mandrakizay. Tahaka izany koa no ambaran’Andriamanitra amin’ny mpanota: “Izaho efa nandevona ny fahadisoanao tahaka ny fandevona ny zavona, ary ny fahotanao tahaka ny rahona." – Isa. 44:22. (...)

Andrasan’ny lanitra sy iriny fatratra ny hodian’ireo zanaka adala izay mirenireny lavitry ny vala. Marobe amin’ireo izay efa nania no azo taomina hiverina amin’ny alalan’ny fanompoana feno fitiavana ataon’ny zanak’Andriamanitra. (...)

Alao sary an-tsaina ny Ray vonton’alahelo, tsy niaro ny Zanany Izy fa nanolotra Azy tsy misy fepetra ho antsika (...) Raha mba takatsika bebe kokoa mantsy ny Fitiavany ! – Ms 76, 1903.

Address

Antananarivo

Website

Alerts

Be the first to know and let us send you an email when Ljf's Choir - Light Joy and Fraternity posts news and promotions. Your email address will not be used for any other purpose, and you can unsubscribe at any time.

Shortcuts

Share

Category