ARIMA pejy

ARIMA pejy ✍️POETA _ 🎙️MPIANTSA _❤️MPISEHATRA🔐


Misokatra amin' ny fiaraha_miasa😘
📞 0387985546

METEZA ALOHA MANAIKYTsy akory hoe nanadino ahoRaha toa tsy henohenoFa ny zava_misy iainakoNo mihitsy efa maneryMba hisin...
08/08/2026

METEZA ALOHA MANAIKY

Tsy akory hoe nanadino aho
Raha toa tsy henoheno
Fa ny zava_misy iainako
No mihitsy efa manery
Mba hisintaka aminao

Tsy mamela antsika
Hiaraka ny lahatra sy anjara
Satria ny marina dia Izao
Efa manambady aho
Ka voatery handao anao

Na... aza ianao tsy foiko
Dia angamba tsy hadisoako
Ny hamela anao ho irery
Ilay fitia an_tsokosoko manko
Mifono zava_misitery

Ka ndrao aho ho voafingana
Hirobi_drano lalina
Hanjary tsy ho afa_bela
Amin' Ilay fitiavanao
Ka hanao ny tsy fanao

Meteza aloha manaiky
Izao zava_misy Izao
Fa na Izaho koa aza anie
Tsy mahita Izay ho atao e
Mbola tsapako hoe mahery

Ilay Fitiavako anao.

✍️ ARIMA 11/04/26✍️

VERY ISIKA Mankaiza Izao ny làlan'ity firenena ityFa tsisy filaminana no tsisy koa fitiaIza mba mitsinjo Ilay tanàna nih...
05/08/2026

VERY ISIKA

Mankaiza Izao ny làlan'ity firenena ity
Fa tsisy filaminana no tsisy koa fitia
Iza mba mitsinjo Ilay tanàna nihaviana
Ny gasy rehetra Izao no efa azom_pahoriana

Mirongatra eto D**o ny karazana habibiana
Kanefa ireo mpitondra toa tsy mba misy liana
Variana dia variana amin' ny resam_politika
Ka Minia tsy mijery ireo vahoaka maro an'isa

Miaina tebiteby Izao ny tany manontolo
Ny samy Malagasy no indreo fa mifamono
Tsy fantatra intsony izay tokony hitokisana
Hatramin' ny ankizy toa tapitra haripaka

Aiza Ilay fiarovana ny zo maha olombelona
Ny resam_pihavanana tsy mety tafaverina
Iza no antenaina hampanjaka rariny eto
Fa ny zava_misy aloha ,very isika hatreto.

ARIMA 08/07/26

EFA TARALeo nitety ny hadalàna Dia iny Indray ianao Fa mody tsaratsara resakaMampodipody mandryTsy mihambahamba akoryFa ...
02/08/2026

EFA TARA

Leo nitety ny hadalàna
Dia iny Indray ianao
Fa mody tsaratsara resaka
Mampodipody mandry

Tsy mihambahamba akory
Fa avy dia mamihina ahy
Sy miseho be teny mamy
Milaza tsy mahafoy

Fa nisy inona nitranga
Sa ny lanitrao tsy manga
Dia Tonga mba handoko
Ilay ranomaso mena

Fahiny aho Teo nianjera
Latsaka tanaty lavaka
Saingy indrisy fa
Ninianao tsy nojerena

Dia Izao anio Izao
Mihevitra ny hanantena
Ny famelàna avy amiko
Fa Izaho angaha moa anjely

Eny e!ny lasa aleo tantara
Fa ny antsika Mbola hitohy
Ataovy nofinofy ihany
Dia miangavy aho mandehana

Miala tsiny fa efa tara .

✍️ Arima 03/07/26✍️

ATAOVY LOHA LAHARANA SY TENA TARIGETRA Tsy sakana manakanaNy Dianao handrosoIzay fahalavoana KelyMahazo anao AndroanyTsy...
30/07/2026

ATAOVY LOHA LAHARANA SY TENA TARIGETRA

Tsy sakana manakana
Ny Dianao handroso
Izay fahalavoana Kely
Mahazo anao Androany

Tsy afaka hamaritana
Ny hoavinao nahoviana
Izay Mety ho kilema
Tinazan'olona eto

Fa Izao ataovy an_doha
Ianao tsy Mety kivy
Sy miady mafy io indrindra
No hivoaka ho mpandresy

Rehefa Indray Andro any
Ka Tonga Ilay fotoana
Tsy maintsy hiotazana
Ny vokam_pisasarana

Ka ndehana izato izy
Tohizo aloha ny tolona
Sy ny ezakao rehetra
Dia Ilay nofinofinao

Ataovy loha laharana sy tena tarigetra.

✍️Arima 26_04_26✍️

TENA TIATena tia lehitsy izy Matoa hoe saropiaro aIlay Fitiavany inyTsy Tiany hifangaroTsy niniany Ilay miadySy mila Van...
28/07/2026

TENA TIA

Tena tia lehitsy izy
Matoa hoe saropiaro a
Ilay Fitiavany iny
Tsy Tiany hifangaro

Tsy niniany Ilay miady
Sy mila Vaniny iny
Fa ianao manambitamby
No Tena mba hiriany

Arima✍️

FANABEAZANA Mizotra mankaizaNy fanabeazana eto Toa zava_mamoafadySy zava_betavetaNo hita isan'androNy ranty tsisy henatr...
25/07/2026

FANABEAZANA

Mizotra mankaiza
Ny fanabeazana eto
Toa zava_mamoafady
Sy zava_betaveta
No hita isan'andro

Ny ranty tsisy henatra
Mameno tambajotra
Ny herisetra sy habibiana
Mitobaka misesy
Dia iza no omen_tsiny

Ny eny an_dàlana eny
Efa tsy hizoviana intsony
Fa zaza tsy ampy taona
Dia midoroka rongony
Migoka sy miloka

Tsy fahalalana ve ?
Sa tsy ampy fananarana?
Dia iza no diso eto
Ny Ray aman_dreny
Sa ny sampam_pampianarana

Samia mandinin_tena
Dia raiso koa ny andraikitra
Andao hiara_hanavotra
Ny zanaka amam_para
Ka Atomboy eo aminao ny fiovana

Dia ireo taranantsika
Ireo no hanoy ny dia
Hiaraka hampandroso
Ity Gasikara ity
Ka tena hifankatia.

ARIMA 24/07/26

Tsy ianao mirehareha No mamaritra hoe MafyF'ianao Ilay manginaDia Miasa am_pahendrenaNy fandeferanaoSy fanetrenao tenaIn...
24/07/2026

Tsy ianao mirehareha
No mamaritra hoe Mafy
F'ianao Ilay mangina
Dia Miasa am_pahendrena

Ny fandeferanao
Sy fanetrenao tena
Iny no hanoritra
Ilay ho avy volamena.

ARIMA✍️

SIMBAMbola Zaza hono Zaza bodo Kely Tsy ampy fialambolyKanefa dia efa piangaHanorin_tokantranoTsy misy an_kiambahambaF'i...
23/07/2026

SIMBA

Mbola Zaza hono
Zaza bodo Kely
Tsy ampy fialamboly

Kanefa dia efa pianga
Hanorin_tokantrano
Tsy misy an_kiambahamba

F'izany tsy mahagaga e
Izany Izao no zava_misy
Sy tena hifandrombahana

Fa Maika ho Aiza nefa?
Ity nofo tsy ampy hery
No dia mitetateta e

Ilay dobo izay marivo
No andeha hilomanosana
Hanimbany ny ampitso

Dia ho simba vetivety
Ny Zaza Malagasy.

ARIMA✍️

Mirary tontolo Andro mahafinaritra o 🥰aza adino miabonner ny PEJY😘
22/07/2026

Mirary tontolo Andro mahafinaritra o 🥰

aza adino miabonner ny PEJY😘

Address

67ha
Antananarivo

Website

Alerts

Be the first to know and let us send you an email when ARIMA pejy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category