Ny Antsaly

04/09/2026

Namana

03/09/2026

Tsy fanendy ny ravitoto🤡

02/09/2026

Ilay tiana mihitsy no tsy tiana indraindray

16/05/2026

Raha ny nofinofy moa ve tsy ho tonga eny amin'ny volana fa...

16/05/2026

Nindramiko kely

16/05/2026

18/04/2026

Ny Fasako, fasako ihany...

Ny fasako, fasako ihany,
fa ny foko dia fasana koa!
Io no fasako ivelan'ny tany,
Io no fasako iray, faharoa!

Tsy mba vero na mba rangolahy,
no manafina an'io fasana io
fa ny nofoko zary manahy
no mandrakotra omaly sy anio.

Sentosentoko mamelovelo,
ranomaso, toloko tsy tana
Izy ireny no sarin'avelo
mitampody ka sarotra ialana

Ao ny nofy novolavolaina,
izay nisinda nalaky, tsy hita!
Ao no rendrika ilay nantenaina,
ilay sambo nataoko ho tafita!

Ao ny tsantan'ny andro taloha
sy ny hiran'ny fahazazako
no milevina ka tsy mifoha,
na miverina mba hitondra ako!

Ao ny zava-drehetra voakasa,
saingy simba, ka very tadidy!
Ao ny taolan'ny androko lasa,
sy ny ora tsy masi-mandidy!

Ao ny nofo nikipaka mora,
ao ny maty daholo daholo!
Ao malazo na mbola tanora,
ka mianjera tsy mana-mpisolo!

Ilay fasako, fasana ihany,
fa ny foko dia fasana koa!
Io no fasako ivelan'ny tany,
Io no fasako iray faharoa!

J J Rabearivelo

11/02/2026

Nafarako ihany tsy handeha mafy be,
Fa ny eto ny lavaka, toa misy lalana...
Ka iny tiavo raha mety amin'ise,
Fa fanaka kely mandany fananana.

Nanaiky notiaviko fotoana fohy,
Ora, minitra tsy naharitra ela...
Tena fitiavana matoa niary tory,
Nifamofo tsy satry, nifamindra sela.

Nisy sarany ihany fa mba moramora,
Tsy irony mandeha amin'ny bus kilasy
Tsisy menaka mandry fa vita ny rora,
Azo hohanina ihany na dia ratsiratsy.

Saina ny boto amin'ny ankehitriny,
Adolan'ny sento hifoka rongony...
Ny ahy hafa mihitsy ny zavatra tiany,
Tsy manolana zaza fa mividy savony.
..hanasako vilia!

FanahyAdolantsento

23/01/2026

TIAKO IANAO

Inoako fa tsy izaho no manoratra eto izao,
Fa ny penina efa tonta ny taona nifanesy,
Tsy te-hahalala akory izay malalanao...
Na hiady sy hitolona ary tsy hanaiky resy.

Tsy takelaka milalotra na loko tsara sidika,
Fa molaly fahavaratra nasolo rano mainty,
Tsy irony hampafiriny, fa iretsy te-hitsidika,
Ny efi-tranonao, misamboady vola venty.
Ny Antsaly

08/12/2025

Na misy vidiny aza ny fotoana dia tsy mbola nahazo vola tamin'ny fahatongavana aloha...