Rotsy Ny Hary

15/04/2026

🤐

24/12/2025

NY ALAHELON'NY OLOMBELONA

Injay manako moramora
Toa ra mipololoatra
Feo kely feno akora
Sady latsa mafy loatra

Mitampody indray ny lasa
Ka mamoha ny efa maty
Zava-bery tsy voakasa
Sady vata hoboka aty

Ao ny sasany tomany
Ao koa ny ketra-po
Hisentoako eto izany
Holazaiko ny manjo

Fo kely iray maratra
Notsaingohim-boron-tiana
Hafaliana mahazatra
Izao re itomaniana

Voron-kely nantenaina
Hiaraka ory, hiara-paly
Kanjo dia naningotra aina
Kanjo kosa nampijaly

Safosafo tonga hoho
Tonga ratra sady fery
Hasambarana niamboho
Mba tadiaviko ka miery

Vata vola tsisy vody
Tsangambato very laza
Sambo vaky tsy ho tody
Ray sy reny maty zaza

Voninkazo nokoloina
Nefa kosa ka nalazo
Rehareha namboloina
Vao tazana dia tsy azo

Ho lo ny ra sy ny nofo
Zay nafindra tamin'iny
Ny hafaliany mantsy hiofo
Ho tadidy ny fahiny

Voron-kely rava akany
Zanak'ondry dia manjeny
Singan'aina ambony tany
Ikala maty ray sy reny

Bodo zatra tambitamby
Sy tamana angotingoty
Vao maraina dia somamby
Irony andron'ny kamboty

Andry roa re ka lavo
Hantahanta aiza intsony
Ny fo mangorak'ilay Avo
No sisa hampitony...

Aiza kosa re ry tany
Izay mba mamy entinao?
Sa toloko sy tomany
No hitana lava izao?

O! afero sy mangidy
Izany hiany no fisotro
Simbanao ny saro-bidy
Nitokiana sy nitrotro

Nantenain-ko paradisa
Ny fotoananao tontolo
Kanjo tany hay madisa
Feno angatra sy lolo

Jean Joseph RABEARIVELO
(Amboara Voafantina, tak. 86-87)

Zarao raha sitrakao !

15/12/2025

"Ilay fitsikinao"

Ilay fitsikinao mazàna
Toy ny tara-masoandro
Mpanome hafanana
Mandritry ny tontolo Andro

Ilay fitsiky mahasarika
Mambabo avy hatrany
Tsy mandalo fa maharitra
Miaraka amin'ny teny mamy

Toa fitsiky mahatalanjona
Manosika hibanjina
Izato endrikao mirana
Mampitraka raha sahirana

Satriko ianao hitsiky foana
Satria maha-te hijery
Ilay endrikao manoloana
Toa mampita hery

Rotsy Ny Hary
20/11/2025

14/12/2025

Aza adino ny 👊

11/12/2025

😥😥😥
zany 😕😕😕

31/10/2025

😍😍💖

19/08/2025