Rexhep Bucinca, është një piktor ekspresionist abstrakt, i cili jeton dhe vepron në Prishtinë. I lindur më 1951 në një familje të lumtur 13 anëtarëshe, prej ku dolën inxhinerë e juristë, Rexhep Bucinca talentin dhe pasionin e tij për art të trashëguar nga nëna, zgjodhi ta zhvilloj më tutje në jetën e tij profesionale. Edukimin formal e filloi ne Shkollën e Mesme te Artit ne Pejë, ndërsa, pas përfu
ndimit të vitit të parë në Shkollën e Lartë të Artit në Prishtinë, më 1970 vazhdon studimet e tij për pesë vitet e ardhshme në Paris, në Akademinë e Arteve Dekorative (École Nationale Supérieure des Arts Décoratifs a Paris) me specializim nëëskenografi, si dhe në Konservatoriumin e Lirë të Filmit (Conservatoire Libre du Cinéma Français). Më 1974 fillon karrierën si skenograf në Radio Televizionin e Prishtinës ku kontribuon për 16 vjet. Krahas tyre vazhdoi të punoi si artist i pavarur duke realizuar vepra mbresëlënëse arti si në pikturë dhe punime relievi në dru. Më 2006 u punësua në Ambasadën Françeze në Prishtinë ku shërbeu për dhjetë vjet. Gjatë karrierës së tij morri pjesë në shumë ekspozita kolektive dhe individuale. Njohësit e artit e përshkruajnë punën e Rexhep Bucincës si “Art abstrakt ekspresionist”. Punë artistike me një frymë të gjallë ekspresive, guxim dhe mjeshtëri në përdorimin e brushës, fuqia e lojës së ngjyrave, dhe efekti i thellësisë në përjetimin e muzgut në peizazhet e tij janë veçantitë në mjeshtrinë e tij.
