Safi for 17.09

Safi for 17.09 Contact information, map and directions, contact form, opening hours, services, ratings, photos, videos and announcements from Safi for 17.09, Art, Safi.

19/09/2026

والناس القراب قبلوا اعتذاري ❤️💙🙏🏻

30/08/2026

بكل فخر واعتزاز …20 سنة من الوفاء والعطاء ❤️💙🔥

15/08/2026

هاد العام، المجموعة كتدخل عامها العشرين. عشرين عام ماشي موسم ولا جوج، وماشي مرحلة كتدوز وتنسى. عشرين عام ديال الحضور، التضحية، المواقف، الاحتجاج، التشجيع والنضال من أجل الأولمبيك. عاشت الأولمبيك و الشارك و لا عاش من خانهم 🔵🔴

عتابنا كبير والقلب معمر😡💔حنا صبرنا وسكتنا بزاف، ولكن دابا عيينا. من صغرنا حتى هرمنا كبرنا عام على عام من الحب والوفاء وا...
01/06/2026

عتابنا كبير والقلب معمر😡💔

حنا صبرنا وسكتنا بزاف، ولكن دابا عيينا. من صغرنا حتى هرمنا كبرنا عام على عام من الحب والوفاء والتضحية، ونتوما كتردوها لينا بهاد المهزلة؟ عيب وعار.
نتوما لي شدين الكراسي وقرارات الفرقة في يدكم، فينكم؟ فين التخطيط؟ فين الرؤية؟ كل عام وعود وكلام في الصحافة، والنتيجة صفر في التيران. كتجيبوا لاعبين بلا روح، مدربين بلا مشروع، وصفقات ما كتفهم منها والو. الفرقة ماشي شركة ديال الربح والخسارة، هذا تاريخ ديال مدينة كاملة. عيب تضيعوها على قبل حسابات ضيقة ومصالح شخصية.
الجمهور ديال بصح كان حاضر في المسيرة باش مايخونش الغالية ومن ديما من وراكم شتا وصيف،كيضحي بوقتوا،بقرايتوا،بخدمتوا،بصحتوا، و نتوما اش درتو؟خيبتو الظن.
نتوما لي لابسين التوني، نتوما لي كتلعبوا على الألوان. فين الغيرة؟ فين الروح؟ كتشوفوا التيران عامر كيهتف بسميتكم وفي المقابل كتلعبوا بلا نفس، بلا قتالية. كورة تضيع، التحام كتهربوا منو، وفي آخر الماتش كتخرجوا راسكم مرفوع؟
حنا ما طلبناش تكونو نجوم عالمية، طلبنا غير تلعبوا بالقلب. تقاتلواعلى كل كورة كأنها آخر كورة في حياتكم. حيت حنا كنقاتلوا على كل دقيقة في التيران على ود الأولمبيك.
السماسرة، الناس ديال الكواليس، لي كيبيعوا ويشريوا في الفرقة... الله ياخد فيكم الحق.الفرقة ماشي لعبة بين يديكم. كاين جمهور كيبكي وكيتألم على كل هزيمة، وكاين ولاد صغار كيتفرجو فيكم وكيحلموا،حسبي الله ونعم الوكيل في كل من له يد باش إغرق الفرقة.
حنا ما غاديش نخونوا العهد والوصية، ولكن حتى نتوما لازم تعرفو قيمتكم. حاسبوا راسكم،حيت لحساب جاي جاي لكل واحد فيكم. الفرقة أكبر من أي واحد فيكم. إلى ما قديتوش بالأمانة، حشموا وخرجوا وخليو لي يبغي هاد اللوغوا بصح.
حنا باقين واقفين، ولكن الصبر ديالنا عندوا حدود.

غدا ماشي وقت الأعذار، وماشي وقت الانتظار، غدا وقت الرجال اللي عمرهم ربطو حبهم للأولمبيك بنتيجة ولا classement.الأولمبيك ...
31/05/2026

غدا ماشي وقت الأعذار، وماشي وقت الانتظار، غدا وقت الرجال اللي عمرهم ربطو حبهم للأولمبيك بنتيجة ولا classement.
الأولمبيك دازت من محطات كثيرة عبر السنين ، فرحنا و بكينا عليها مجموعين ، و لكن الحاجة لي عمرها تبدلات و لا عمرها غادي تبدل هي هاد العهد ديال الوفاء لي جامعنا بالغالية .
الشغف ديالنا كجمهور تبنى بالوفاء، بالصبر، وبالناس اللي كاتحضر فكل الظروف وكتخلي صوتها حاضر مهما كانت الصعوبات ، غدا ضد الماص ماتش مصيري ما خاص حتى واحد يبقى فالدار، كل واحد يجيب معاه صاحبو وخوتو و لاد دربهم ونعمرو المسيرة كيفما تعودنا. نخليو رسالة واضحة للجميع: النتائج ما كتبدلش الوفاء، والراية ديال الأولمبيك كاتبقى مرفوعة فكل الظروف. ما دام كاين الأمل، خاصنا نبقاو واقفين، و نشجعو ، ونساندو الفرقة حتى لآخر لحظة.


Address

Safi

Website

Alerts

Be the first to know and let us send you an email when Safi for 17.09 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category