07/11/2025
منين كتسمع كريزي بويز، ماشي غير اسم مجموعة، كتسمع تاريخ، مبدأ، وعقلية تزادت فالميدان المغربي . من مراكش بدينا، ومن رحمها تعلمنا شنو كتعني الكرامة والانتماء . ما جيناش باش نزوقو الصورة، جينا باش نعطيو معنى جديد للوفاء، لأننا من النهار اللول ما اخترناش الزواق (ماختاريناش الطريق الغلط)، اخترنا الفكرة، واخترنا نعيشوها كيف ما هي: قاسية، نقية، وصادقة. كنا من الأولين اللي باشاو فالأيام ديال المنع، وما خفناش نواجهو الواقع بصدور محلولة وإيمان كبير أن الفيراج ماشي بلاصة للهتاف فقط، ولكن مدرسة ديال المبادئ و المواقف ابتداءا من الكورتيج اللي درناه فـ أكادير بقى علامة فالموفمو، مسيرة ديال كيلومترات على الأقدام كانت عنوان ديال التحدي والشرف، فيها بان المعنى الحقيقي ديال الانتماء، كيفاش ولاد الكورفا ميتيكا كوكبة وحدة . ندوزا ل مبدأ الاستقلالية عندنا خط أحمر، ما عمرنا كنا تابعين لحتى جهة، لا سياسية لا رياضية، قراراتنا كتخرج من وسطنا وكتعبر علينا كاملين. نحترمو باش التنقل وباش الأوفيسيال لأنهم رموزنا ، ماشي مجرد ثوب ولا لون، عمر الباش تقاس بلا إذن وهاد الشي كيعني لينا الشرف قبل كل حاجة. كريزي بويز ما كتفصلش بين حب الفريق وحب الوطن، والدليل مواقفنا الثابتة من قضايا بلادنا: من قضية الصحراء المغربية اللي ما فيها لا نقاش لا مساومة، إلى القضية الفلسطينية اللي كتعني لينا النخوة والكرامة، وصولاً إلى القضية السودانية اللي كتبرز أن المبدأ ما كيتجزأش. وكما كنا ديما سبّاقين فالميدان، كنا من الأولين اللي هضرو على على بزاف المواقف فـيامات ، وضحنا المعنى ديالو قبل ما يولّي موضوع نقاش فالشارع، حيت كنا كنشوفو أبعد من 90 دقيقة ديال ماتش. شعارنا باقي هو Born To Win، ماشي غير كلام، بل أسلوب حياة، تولدنا باش نربحو بالنخوة، بالفكر، وبالوفاء للي بدينا بيه الطريق، ماشي غير جي و قلنا على راسنا محافظون
