Melissa erzielt

09/08/2026

Fir all déi, déi drun zweifelen, datt et méiglech ass eng Steenzopp ze kachen, déi kënne gären bei de Familljen, déi um Summerdream gëscht bei eis waren, nofroen. Dat geet ! merci iech all fir déi léif Ënnerstëtzung beim Kachen, ouni iech wär se ganz sécher net gelongen! A vergiesst net beim nächsten Zoppekachen, de Steen an d'Waasser ze leeën. Ajo, ier ech et vergiessen, et ass keen Zaubersteen! , mee en hondsgewéinlechen Steen.

06/08/2026

wéi schmaacht eng Steenzopp ?

eng wonnerbar, nee, extragutt Steenzopp gëtt zu Stengefort gekacht a geschmaacht.

Summerdream, Samschdeg ,den 8.August vun 16 Auer un
Summerdream Festival
Eng Geschicht, déi vun der Kraaft vun der Gemeinschaft erzielt, iwwer den Ëmgang mam (mat dem) Friemen an d'Chancen, déi entstinn. An eiser räicher Konsumwelt kann och, oder villäicht grad? e Märchen dach un d'Nodenke bréngen an hannerfroen wien räich oder aarm ass. A wann d'Geschicht och nëmmen e Lächelen an e Gesiicht zaubert, huet si hiren éischten Zweck erfëllt.

02/08/2026

" Ech hu nach ni sou vill grouss Kannera gesinn" sot dem Lori säi Papp. Zesumme mam léiwe Lori senge Frënn an den opmierksamen Elteren war ech haut am Zauberbësch. Jidder Kand huet elo e selwer gemoolten Schmunzelsteen. Ech weess, datt dee Steen hëlleft, well Kanner ëmpfänken all dat Gutt mat 2 Hänn a ginn et weider.

22/07/2026

11/07/2026

Mäi Wonsch: offen, flexibel, spontan an entwécklungsfäeg bleiwen, sou wéi d'Kanner et sinn !
Gëscht an der Zowaaasch waren Kanner dobäi, déi meng Siicht vun der Welt an hire Wiesen net gedeelt hunn. Am Ufank! ech hu Kanner héiere sangen hannert mir, nodeem ech eng éischt Geschicht vu Bëschwiesen erzielt hat: Et gi keng Elfen, et gi keng Elfen, tralalala. No enger nächster Geschicht vun der Fliedermaus koum e Kand nieft mech a sot: "Soooooo, Melissa, ginn et wierklech Elfen?"
"Wanns du Elfe gesi wëlls, dann gleew drun, datt et der ginn, well da weise si sech!"
E puer Minutte méi spéit, héieren ech hannert mir e Gesang : " Nëmmen deen, deen u Elfen gleewt, dee kann der och gesinn!tralalala."
Ech bleiwen op alle Fall dobäi, datt Bëschwiesen sech mir weisen an dat op ganz verschidden Manéieren.... schéine Weekend

08/07/2026

Wie fäert déi pickeg Brennnessel? De Schleek net.
Wie seet de Bärenklau ass héich gewuess? De Schleek net. Keen Thema fir hien fir bis an d'iewescht Etag ze kommen.
De moien an der Zowaasch, ëmmer nees schéin do ze sinn a fir e Grupp eng Wanderung virzebereeden.

05/07/2026

ëmmer nees flott, wann d' Brennnessel op eemol net méi fir ze fäerten ass, mee fir ze bewonneren.Haut um Kockeldico,Fest activités nature Kockelscheier.
Update :Schued nëmmen, datt géint 5 Auer mäi Amaachglas mat Brennnesselsom an de Kierfchen , deen op der Foto 4 nach do ass geklaut ass. Et ass keen finanzielle Schued, mee mécht mech immens traureg.😧

22/06/2026

Fir ze fäerten, op kee Fall, fir ze bewonneren, op alle Fall. Mir bréngen Fliedermausgeschichten deen Dag op Baastenduerf , vun onheemlech, bis fantasievoll, vu grujeleg bis witzeg, sou kléngen dës Geschichten. Et ginn der esou vill, dat beweist wéi faszinant dës Déieren fir de Mënsch waren a nach ëmmer sinn.

18/06/2026

Wow, 🤩dat war e Geschichtemoien zu Munneref op der Sich no der Maus Kätti an der Maus Mim. An jo, mir hu se fonnt!