Seboko sa 'nete

07/01/2026

SELEMO SE SECHA

Selemo ke se secha mehaeso
Selemo sa ho tlisa mahlatsi le mahlohonolo
Sa ho atisa limela le liphoofolo ho phatlalla
Ebe khora hoa ho tona ho lule ho nyakalloa
Ebe selailai ho jeoe sa mpana phahloha

Ha se thomeha tjena ke nako entle ea ho tsepamisa maikutlo
Meralo ho thehoe e mecha
Liphoso tsa khale re li lebale re its'eke thajana ho tse silafatsang
Tse labalabeloang ebe tse ahang, chaba se phele

Chelete u eng na?
Chopholi, mochopoho ka liatleng tsa sechaba
Re sale re ipotsa e felletse kae?
Meralo hae matahane le cheletana e teng
Litakatso tsa botho ha li lahloe re shebe tsa ho phatsimosang bokamoso

Bacha le matla ke tseba ka botlalo
Ngola meralo ea hao ube u phethise
Tlala tlala le sehare Sena u iphatele metsuntsunyane
Le hao sa thole likarabo hang se fele matla
Se fele matla, Roma ha ea ahoa ka letsatsi
eba le morolo oa ho qala hape, le ha maemo a Le boima
Khumama ka mangoele u bue le ea kalletseng maru
U thatolle mathata u thapolise thakamelele.

© Kabelo Mohapi, 2025

06/08/2025

Litaba li fetohile kajeno,tlala ea boja likata e fetotse Mathesele,thothokiso ena etla u chorisa kelello Le h**e e tsepamise maikutlo ipalle Mosotho oa heso eona e joana;

Khoba

Eaba Lesotho Le ntse Le hloa mekoalaba
Tsatsi Le letsatsi ho luloa ho engooe Le monna oa mateneng
Batho ba fetohile ho makatsa
Ba setse ba koetlile marumo a bohajana

Beke e ka feta joang re so bone sebonoang
Sebonoang sa lesea la ho lahloa sa ntjana boraki
Eke ke mootloana oa ho shoella motebong empa ele tholoana ea ho phatsimosa bokamoso
litshiu tsa hae li khutsufatsoe ke motsoali oa ho shoa litho
A shoele litho pelo ele lefifi la bonkantjana

Bang ba re sesosa ke tlala e mahlonoko
E jeleng setsi kahara naha ea Thesele
Joang masimo a tletse lithota li namme hakale?
Lithota li bataletse,botsoa bo ikakhetse ka setotsoana
Temo e se bonoa joaloka ts'omo ea seetetelane
Masimu a rekisoa bo thena ba imone menoana ka bokholokhotho
Hoane ha bo fela esale ele litlokotsi tsa tonana

Sekoele maapara Kobo a matle
Mohoma hao lle masimong chaba se phele
Ho jaloe poone chaba se silele libobothoane
Masea a senang sekoli, chaba sa kamoso
Ikhoantlelleng lona Le bana ba lona Le se ba fenethe ka sehloho
Tlhatlamacholo a tsebe ho Le putsa ka likhapu-khapu tsa mahlohonolo

© Kabelo Mohapi,. All rights reserved.

04/08/2025

Oh ke nna❤️🥺

30/07/2025

28/07/2025

We have yet another live interview at 2.00pm on Ultimate Radio 99.8
It's all about poetry journey,stay tuned🎊

25/07/2025

Don't forget to tune in🥺❤️

Catch Dee on StreetChat 18:30 Monday 28082025. Re tla be re buoa ka Lithothokiso tsa Sesotho le ho boulela puo ea rona..

Follow his page Seboko sa 'nete.

🫡 Salute!!

24/07/2025

stay tuned as I embark on my journey of poetry at large on Monday on LTV ❤️🥺

23/07/2025

Tomorrow I have an interview in a program called street chat on LTV it's all gonna be about my journey on poetry please stay tuned🙏❤️🥺

07/07/2025

"Ha lefu le aparela lefatše lohle, lentsoe ke lona feela le setseng..."

📌 Kholumo-lumo ea COVID-19 e ile ea hlasela ka chere-chere. Empa ke ka mantsoe ao re neng re sa ts'oareloeng ka 'ona, ao re khonang ho hopola, ho lla, le ho phela hape.









COVID-19

Kholumo-lumo se metsa sechaba
Ea bolaea kaofela barui Le bafutsana
Left sa khetheng nku ka Pere
Moamohi ka bophelo Corona

E qalile re sa phutholohile
Ho qhoaollotsoe likobong tsatsi Le chabile
La likela hang batho ba seleballoa
Emong Le emong katlung a ikoalla
Hoa tuma h**e covid Hase sebapalloa
Hoa tlameha ho roaloa limonkoana

Kholumo-lumo ea tsietsa sechaba
Ea ba hanela ho reka Le ho tsamaea
Ba hanang melaoana ba pitikisoa
Batho ba kula ba hlokahala
Ba ipolokang ba phela ka ho inyanyatsa

Bo ramahlale ba batla Pheko
Batho ba etsa sekoele hoa batloa Jesu
Hoa hopoloa meriana ea sesotho
Ente ea fihla hoa entoa baholo
Bohle ba Bua ka lefu Le sehloho
COVID-19 e batlileng ere senyetsa bokamoso
© Kabelo Mohapi,2025. All rights reserved.