18/07/2020
Art 02 : Sexual harassment
මෙහි එන සිතුවමේ තේමාව වන්නේ ශ්රී ලාංකික සමාජයේ කාන්තාව එදිනෙදා මුහුණදෙන ලිංගික අපයෝජනයන් සම්බන්ධවයි.
එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාලයට අනුව ලිංගික හා ලිංගිකත්වය මත පදනම් වූ හිංසනය යනු කෙනෙක්ගේ කැමැත්තට එරෙහිව ස්ත්රී පුරුෂ සමාජභාවය මත පදනම් වන අසමතුලිත බල සහිත සම්බන්ධතාවයකි. ලෝක සෞඛය සංවිධානයට WHO අනුව ලොව වටා කාන්තාවන් තුන්දෙනෙකුගෙන් එක් අයකු ජීවිත කාලය තුළ තම සැමියාගෙන් හෝ වෙනත් පුද්ගලයකුගෙන් ශාරීරික හෝ ලිංගික ප්රචණ්ඩත්වයට ලක් වී තිබේ. මෙම ක්රියාවන් බොහෝ විට වාර්තා නොවන අතර එයට සමාජමය හේතු රැසක් බලපානු ලබයි. (උදාහරණයක් ලෙස සමාජීය වශයෙන් නම් දරණ පුද්ගලයන් පිළිබඳ බොහෝදෙනා එළිපිට කතා කිරීමට අකමැති වීම සහ පසු කාලීන ප්රතිවිපාක වලට බියවීමත්) . එසේම අපයෝජනයට හා ප්රචණ්ඩත්වයට වඩා ලාංකික සමාජය තුළ සිදු වනුයේ එම සිද්ධියට මුහුණදුන් පුද්ගලයාට වරද පැටවීමයි.
දණ්ඩ නීති සංග්රහයේ 345වන වගන්තියට අනුව යමෙකුට ලිංගික අතවර කරන හෝ වචනයෙන් හෝ ක්රියාවෙන් යම් තැනැත්තෙකුට ලිංගික හිරිහැරයක් හෝ අතවරයක් සිදුකරන කවර හෝ තැනැත්තකු ලිංගික අතවර කිරීමේ වරද සිදු කරයි. මෙයට අසභ්ය අභිනයන්, අනවශ්ය බලපෑම්, නුසුදුසු පණිවිඩ මෙන්ම මධ්යසාර මඟින් මත්කර සිදු කරන දෑද අයත් වේ.
මේ අයුරින් සමස්ත සමාජය තුළ කාන්තාව නිරතුරුවම අපයෝජනයට ලක්වේ. එය පවුල තුලදී, මිතුරන් හා විශ්වාසවන්තයින් ළඟදී, පාසලේදී, ආගමික ස්ථාන වලදී, කාර්යාලයේදී, පොදු ප්රවාහන සේවාවන් වලදී ආදී නොයෙක් ලෙස කාන්තාව හිංසනයට ලක්වේ.
මෙහි එන කලා කෘතිය ශ්රී ලාංකීය සමාජයේ කාන්තාව මුහුණ දෙන ලිංගික අතවරයන් පිළබඳ එක් නිරෑපණයකි. සිතුවම් කලාව තුළින් එකී කාන්තාවගේ සමාජ තත්ත්වයන් මනා ලෙස සංරචනය කිරීමට කලා සිතුවමකට ඇත්තේ අති විශාල හැකියාවකී.
The concept of this art work is the day today sexual harassment faced by the women in the content of Sri Lankan society.This has limited the potentials of women to achieve their targets and even limits their ordinary lifestyles in general.
Theme: Sexual harassment
Type of the art: Mix media art (Wood block printing and screen printing)
Size : A3
Artist: Inoka Herath
