07/04/2026
කාලෙකට ඉස්සරින් මට මුණගැහුණ එක මනුස්සයෙක් කිව්වා , " අපි ආදරේ කරන්නෝන , අපිට වඩා අපි ගැන හිතන අපිට ආදරේ කරන මනුස්සයෙක් ට කියලා .. " . ඒ විදිහට ම ඒ මනුස්සයම මට ආයෙම දවසකදි කියනවා , " ඔයා මට ආදරෙයි කියන්න මං දන්නවා , හැබැයි මට ඔයාට ආදරේ කරන්න බෑ කියලා . " ඒ දවස්වල මට එයා කියපු , ඒ බර කතන්දර නොතේරුණා වුණත් , මට දැන් තේරෙනවා . ඒ කාලෙ වුණත් එයා මට කියලා තියෙන්නෙ එයාගෙ ආදරේ ලබන්න මං සුදුසු නෑ කියන එක නේද කියලා . ඊටත් වඩා මට දැන් තේරෙනවා එදා එයා නොකියා කිව්වෙ තව දුරටත් එයාට ආදරේ කරන්න එපා කියන එක නේද කියලා .
මං දන්නෑ අපිට කවදාවත්ම අයිති වෙන්නෑ කියලා දන්න මනුස්සයෙක් ගැන ඒ විදිහට ආදරේ හිතෙන එක ඩ කොච්චර මිනිස්සු ඉස්සරහ වුණත් ඒ එක මනුස්සයා මගේ ළඟ නැති අඩුව දැනෙන එක කොයි තරම් අසාධාරණයක් ද කියලා . ඒ විදිහට ම මට අදටත් තේරෙන්නෑ , එහෙම කිව්ව පලියට මනුස්සයෙක් ව හිතින් අතඇරලා දාන්න පුළුවන් ද කියන එක . මොකද ඒ මනුස්සයව මට මඟ ඇරිලා , එයා මාව මඟ ඇරලා අවුරුදු ගාණකට පස්සෙත් එයාගෙ උපන්දිනේ , එයා ආස කෑම , එයාගෙ හැම පුංචි ස්පෙෂල් දෙයක්ම එදා වගේම මට මතකයි . සමහර දේවල් පුරුද්දට හුරුවට වගේ වුණත් , සමහර දේවල් අනේ එයා මගේ ම වුණ දවසක එයාව සතුටින් තියන්න හිතලා නෝට් කරගෙන , reminder දාගෙන මතක තියාගත්තු දේවල් . දැන් එයා මං ගාව නැතුවත් ඒ reminders වෙනස් වෙලා නෑ . මගේ හිතේ එයා ගැන තිබ්බ ආදරේ වෙනස් වෙලා නෑ .
ඉතින් අදටත් එයාවම මතක් කරන , එයාවම අහන මගේ ආදරේ ගැන මට ම වුණත් පුදුම හිතෙන තැන් තියෙනවා . අර කතාවටත් කියන්නෙ , " කොහේ වුන්නත් කම් නැතී , එක් වරක් දුටුවොත් මට ඇතී " ... කියලා . අන්න ඒ නිසා , එයා ආදරේ කරන , එයාට ආදරේ කරන ඒ වාසනාවන්ත ගෑණු ළමයා ගාවට වෙලා , එයා හිනාවෙන දිහා , එයා සතුටින් ඉන්න දිහා මං හරි සැනසීමකින් බලාන ඉන්නවා . මගේ ජීවිත කතාව ලියන්න , අනේ එයා මගෙ එහා පැත්තෙ හිටියා නම් කියලා හිතෙන හැම තනි තප්පරේකම , එයා හුඟක්ම ලස්සන හිනාවෙලා ඉද්දිය , එයා හිනාවෙලා ඉන්නෙ අරයා ගාව ඉද්දිය කියලා මං හිත හදාගන්නවා . ඒක කොච්චර අමාරු වුණත් , මං දැන් ඒකට පුරුදු වෙලා ඉවරයි . ඒ දේවල් කොහොම වුණත් මට එයාට කියන්න බැරි වුණාට , මට එයාට කියන්න තිබ්බා නම් කියලා හිතෙන එකම එක දෙයක් මං ගාව තියෙනවා .
" අපි ආදරේ කරන්නෝන ඩ අපිට වැඩිපුර ම දැනෙන මනුස්සයට . ඒ වගේම අපි එයාට ආදරේ කරන්නෝන , අපි එයාට ආදරේ නිසාම විතරයි . එයාගෙන් ආපිටට ලැබුණත් නොලැබුණත් අපිට දරාගන්න පුළුවන් නම් විතරයි . ඉතින් ඒ ආදරේ ඔයා එපා කිව්වත් , ඔයාට ඉඟියක්වත් දැනෙන්න නොදී ඔයා වෙනුවෙන් ප්රාර්ථනා කරන මනුස්සයෙක්ගෙ ආදරේ හරි හයියයි .... "
ඉතිං මගේ සඳ !!!!
මේ ආත්මෙට විතරක්ම ,
ඔයා ආසම විදිහට ,
රටා සාරි අන්ඳලා ,
පිච්ච මල් කොණ්ඩෙ ගොතලා ,
එයා ව පරිස්සමෙන් බලාගන්න .
හැබැයි ,
සංසාරෙ කොයි ගමනක හරි ,
මට ඔයාගෙ පපුව ,
කොච්චරක් රස්නෙද බලන්න ,
ඉඩ තියාගන්න . 🖤🥺
හි රු 💜✍️🌻
#ආදරේ #හිරු
