21/08/2026
🥐 ස්ට්රොබෙරි ජෑම් සහ බටර් ක්රොසොන්
පුංචි ගම්මානයක ජීවත් වූ පැට්රිෂියා හැමදාමත් බේකරිය ළඟින් යන්න හරිම ආස කළා.
ස්ටැන්ලි මාමාට අයිති මේ බේකරියේ වීදුරු රාක්ක පුරවා තිබුනේ ගමේ කවුරුත් ඉතාම අගය කල අනර්ඝතම පාන් වර්ග.
"මේ ස්ට්රෝබෙරි ස්ටැන්ලිට දෙන්න" එක් උදෑසනක අම්මා පැට්රිෂියාගේ කූඩය පුරවා ,ඇය අලුතින්ම ගෙතූ රේන්ද ලේන්සුවෙන් වැසුවා.
ගග ලග පාරෙන් ඇවිදන් යන ඇය ගග දිය පිස හමා එන සුලගට ආසා කලා. ගං ඉවුරට ගිහින් බැලුවාම පයික් මාලු පැටවුන් රංචු ගැහෙනවා බලන්න පුලුවන්. මේ මාලු පැටවුන්ට දාන්න හැමදාම අම්මාගෙන් ඉල්ලන් පාන් කැල්ලක් කූඩෙට දාගෙන යන්න ඇය අමතක කරන්නේ නෑ.
ඇය තම පුංචි කූඩයත් අරගෙන බේකරිය ළං වෙන්නත් කලින්ම, උණුසුම් බටර් ක්රොසොන්වල සුවඳ සුළඟත් එක්ක ඇගේ නහයට දැනුණා.
“ම්ම්ම්…!” පැට්රිෂියා සතුටින් හුස්මක් ගත්තා.
වීදුරු රාක්කෙට නහය ඔබාගෙන බලන ඇයට හුස්ම ගන්නත් අමතක වුනා. ඒ තරම් කෑම ජාති ගොඩක්.
කරේලියානු පේස්ට්රි, රයි පාන්, බෙරි සහ කස්ටඩ් පේස්ට්රි සහ එකී මෙකී නොකී තවත් කෑම වර්ග......
ඒ අතරින් තවත් අපූරු සුවඳක් ඇයට දැනුණා අලුතින් උඳුනෙන් එළියට ගත් පුංචි බෑගට් පාන්!
ඒත් පැට්රිෂියාගේ ප්රියතමය නම් හැමදාමත් බටර් ක්රොසොන්.
"පොඩි නෝනාට අද මොනවද ඕනේ.." ස්ටැන්ලි මාමා ඇහුවේ සිනාසෙමින්. ඔහු ඇත්තටම ඩෝනට් එකක් වගේම හරිම ආදරණීයයි. ඇයට ඔහු දකින හැමවෙලෙම හිතුනේ එහෙමයි .
" ක්රොසොන් එකක් සත දහයි දෙකක් ගත්තොත් සත විස්සයි..." ඇය ගනන් හැදුවේ අම්මාගේ ගනන් පාඩම මතක් කරගෙනයි.
" සල්ලි ඔයා තියා ගන්නකෝ ... මට මේ ස්ට්රෝබෙරි කූඩය හොදටෝම ඇති..." ස්ටැන්ලි මාමා කවුන්ටරයෙන් එළියට එබිලා කූඩය බාර ගත්තා.
ඒ වෙනුවට කුඩයට ක්රොසොන් වගේම බැගට් පාන් ගෙඩියකුත් දානවා ඇය බලාගෙනයි හිටියේ.
හනික කූඩය ගත්ත ඇය ගෙදර ස්ටැන්ලි මාමාට සුබ පතා යන්න පිටත් වුනා.
ඇයට උණුසුම් ක්රොසොන් එකක් අරගෙන ගෙදර ගිහින්, අම්මා හදන ස්ට්රෝබෙරි ජෑම් ටිකක් ඒ තුළට දමාගෙන කන්න හරිම නොඉවසිල්ලයි..
අම්මාගේ ජෑම් එක සාමාන්ය ජෑම් එකක් නෙවෙයි.
ගෙවත්තේ ඇයම ආදරයෙන් වගා කරන හොඳම ස්ට්රෝබෙරි පැළවලින් තෝරාගත් ඉදුණු ස්ට්රෝබෙරිවලින් තමයි ඒක හදන්නේ. ජෑම් එකේ පුංචි ස්ට්රෝබෙරි කැබලිත් තිබුණා.
බටර්වල ක්රීම් වගේ මෘදු රසයත්, ස්ට්රෝබෙරිවල මිහිරි පලතුරු රසයත් එකට එකතු වුණාම…
ඒක පැට්රිෂියාගේ ලෝකයේ රසවත්ම උදෑසන ආහාරය වුණා.
ඉතින්, බේකරිය ළඟින් යන හැම උදෑසනකම පැට්රිෂියාට දැනුණේ එකම දෙයක්.
බටර් ක්රොසොන් සුවඳ කියන්නේ ගෙදර ගෙන යන්න බලාගෙන ඉන්න පුංචි සතුටක සුවඳක් කියලයි.
උත්තර ධ්රැවයේ සිට ලියමි…
