Lankafire Media, Jaffna (2026)

25/09/2026

மீண்டும் பரபரப்பை ஏற்படுத்தியிருக்கிறது ஷிரந்தி ராஜபக்ச தொடர்பான FCID விசாரணை!

முன்னாள் ஜனாதிபதி மகிந்த ராஜபக்சவின் மனைவி ஷிரந்தி ராஜபக்ச, நிதிக் குற்றப் புலனாய்வுப் பிரிவான FCID முன்னிலையில் ஆஜராக வேண்டியிருந்த நிலையில், தற்போது சிங்கப்பூரிலிருந்து புதிய கோரிக்கை ஒன்றை முன்வைத்துள்ளார்.

‘சிறிலிய சவிய’ அமைப்பின் நிதிப் பரிவர்த்தனைகள் மற்றும் அதனுடன் தொடர்புடையதாகக் கூறப்படும் முறைகேடுகள் தொடர்பான விசாரணைக்காக, செப்டம்பர் 24ஆம் தேதி FCID முன்னிலையில் ஆஜராகுமாறு அவருக்கு அறிவிக்கப்பட்டிருந்தது.

ஆனால், தற்போது மருத்துவ சிகிச்சைக்காக சிங்கப்பூரில் இருப்பதால், குறிப்பிட்ட நாளில் விசாரணைக்கு ஆஜராக முடியாது என அவரது சட்டத்தரணி மூலம் FCID-க்கு எழுத்துமூலம் அறிவிக்கப்பட்டுள்ளது.

இதனையடுத்து, விசாரணைக்காக வேறு ஒரு திகதியை வழங்குமாறு ஷிரந்தி ராஜபக்ச தரப்பு கோரிக்கை விடுத்துள்ளது.

இந்த விசாரணையின் பின்னணியில், ‘சிறிலிய சவிய’ அமைப்புடன் தொடர்புடைய நிதிப் பரிவர்த்தனைகள் குறித்து FCID விசாரணை நடத்தி வருகிறது. முன்னதாகவும், 2026 பெப்ரவரி மாதம் ஷிரந்தி ராஜபக்ச FCID முன்னிலையில் பல மணி நேரம் வாக்குமூலம் வழங்கியிருந்தார்.

மேலும், விசாரணையில் ஒரு குறிப்பிட்ட 10 மில்லியன் ரூபாய் நிதி பரிமாற்றம் தொடர்பாகவும் கேள்விகள் எழுப்பப்பட உள்ளதாக ஊடகங்கள் செய்தி வெளியிட்டுள்ளன.

இப்போது முக்கியமான கேள்வி…

FCID வழங்கும் அடுத்த திகதியில் ஷிரந்தி ராஜபக்ச இலங்கைக்கு திரும்பி விசாரணைக்கு ஆஜராவாரா?

அடுத்தகட்ட நடவடிக்கைகள் குறித்து அதிகாரிகளின் முடிவு வெளியாகும் நிலையில், இந்த விவகாரம் மீண்டும் அரசியல் மற்றும் சமூக மட்டத்தில் கவனத்தை ஈர்த்துள்ளது.

இது தொடர்பான அடுத்தடுத்த உண்மையான அப்டேட்களை உடனுக்குடன் தெரிந்துகொள்ள Lankafire Media-யை Follow செய்து வைத்துக்கொள்ளுங்கள்.

மேலும், முக்கிய செய்திகளும் அவசர தகவல்களும் நேரடியாக உங்கள் WhatsApp-க்கு வர,

எங்கள் WhatsApp News Group-ல் இப்போதே Join ஆகுங்கள்.
https://chat.whatsapp.com/HeIfoYGBWUw9Psjpg3jE5s

25/09/2026

“‘போய் சாவுங்க’ என்று கூறியதாக சொல்லப்படும் பஸ் டிரைவர்… சில நிமிடங்களில் நடந்த கொடூர சம்பவம்!”

டெல்லியில் இருந்து உத்தரப் பிரதேசத்தின் மஹோபா நோக்கி சென்றுகொண்டிருந்த ஏசி தனியார் பேருந்து, யமுனா எக்ஸ்பிரஸ்வேயில் திடீரென தீப்பிடித்து எரிந்தது.

ஜீவர் விமான நிலையம் அருகே இரவு 11 மணியளவில் இந்த சம்பவம் நடந்ததாக தகவல்கள் தெரிவிக்கின்றன.

பஸ்சில் இருந்து கருகிய வாசனை வருவதாக பயணிகள் டிரைவரிடம் எச்சரித்ததாகவும், ஆனால் அவர் அதை பெரிதாக எடுத்துக்கொள்ளாமல் தொடர்ந்து பஸ்சை ஓட்டியதாகவும் போலீஸ் தரப்பில் தெரிவிக்கப்பட்டுள்ளது.

பின்னர் டிரைவர் இருக்கை அருகே தீப்பிடித்த நிலையில், தீ வேகமாக பஸ் முழுவதும் பரவியது.

பயணிகள் சிலர் ஜன்னல் வழியாகவும், கதவு வழியாகவும் வெளியே குதித்து தப்பினர்.

ஆனால் இந்த கொடூர தீ விபத்தில் ஒரு பெண் உட்பட 9 பேர் உயிரிழந்ததாக அதிகாரிகள் தெரிவித்துள்ளனர்.

இந்த சம்பவம் தொடர்பாக பஸ் டிரைவர்கள் பவன் குமார், யோகேஷ் தீக்சித் மற்றும் கண்டக்டர் ரோஹித் ஆகியோர் கைது செய்யப்பட்டுள்ளதாக போலீசார் கூறியுள்ளனர்.

சம்பவம் தொடர்பான விசாரணை தொடர்ந்து நடைபெற்று வருகிறது.

இதுபோன்ற முக்கிய செய்திகளை உடனுக்குடன் தெரிந்துகொள்ள எங்கள் பக்கத்தை Follow செய்யுங்கள்.

மேலும் தினசரி முக்கிய செய்திகளை பெற எங்கள் WhatsApp Group-ல் Join ஆகுங்கள்.
https://chat.whatsapp.com/HeIfoYGBWUw9Psjpg3jE5s

25/09/2026

ரூ.70 மில்லியன் லஞ்சக் குற்றச்சாட்டுடன் தொடர்புடைய வழக்கில், முன்னாள் Krrish Group பணிப்பாளர் ஒருவர் கைது செய்யப்பட்டுள்ள சம்பவம் இலங்கையில் பரபரப்பை ஏற்படுத்தியுள்ளது.

ஜானகி சிறிவர்தன என்ற முன்னாள் Krrish Group Executive Director மற்றும் பணிப்பாளரே, இலஞ்ச ஊழல் விசாரணை ஆணைக்குழுவான CIABOC அதிகாரிகளால் செப்டம்பர் 24ஆம் திகதி கைது செய்யப்பட்டுள்ளார்.

பாராளுமன்ற உறுப்பினர் நாமல் ராஜபக்ஷவுக்கு ரூ.70 மில்லியன் வழங்கியதாகக் கூறப்படும் குற்றச்சாட்டு தொடர்பிலேயே இந்த கைது இடம்பெற்றுள்ளது.

CIABOC நீதிமன்றத்தில் முன்வைத்த தகவலின்படி, இந்த தொகை மூன்று சந்தர்ப்பங்களில் வழங்கப்பட்டதாகக் கூறப்படுகிறது.

கொழும்பு கோட்டையில் உள்ள Transworks Square காணியை Krrish நிறுவனத்துக்காக பெற்றுக்கொள்வதற்கும், அதற்கான அனுமதிகளை விரைவுபடுத்துவதற்கும் உதவியதாகக் கூறப்படும் குற்றச்சாட்டுடன் இந்த பணப்பரிமாற்றம் தொடர்புபடுத்தப்பட்டுள்ளது.

இந்த நிலையில், கொழும்பு பிரதம நீதவான் நீதிமன்றம் ஜானகி சிறிவர்தனவை அக்டோபர் 6ஆம் திகதி வரை விளக்கமறியலில் வைக்க உத்தரவிட்டுள்ளது.

மேலும், இந்த விசாரணையின் ஒரு பகுதியாக நாமல் ராஜபக்ஷவிடம் சிறையில் வைத்து வாக்குமூலம் பதிவு செய்ய CIABOC-க்கு நீதிமன்றம் அனுமதி வழங்கியுள்ளது.

எனினும், ரூ.70 மில்லியன் தொடர்பான இந்த விவகாரம் தற்போது குற்றச்சாட்டு மற்றும் விசாரணை நிலையிலேயே உள்ளது; குற்றம் நிரூபிக்கப்பட்டதாக கருத முடியாது.

📲 இலங்கையின் முக்கிய செய்திகள், அதிரடி அப்டேட்கள் மற்றும் அவசர தகவல்களை உடனுக்குடன் தெரிந்துகொள்ள, எங்கள் WhatsApp குழுவில் இப்போதே இணையுங்கள்.
https://chat.whatsapp.com/HeIfoYGBWUw9Psjpg3jE5s

25/09/2026

இலங்கையானது "சிங்கள பௌத்த நாடு" என்றும், இந்த மண் தமக்கே உரித்தானது என்றும் சிங்களப் பேரினவாதிகள் காலங்காலமாகப் போலிப் பிரச்சாரங்களை முன்னெடுத்து வருகின்றனர்.

ஆனால், வரலாற்றின் பக்கங்களைப் புரட்டிப் பார்த்தால், இந்த வாதங்கள் அனைத்தும் அடிப்படையற்றவை மட்டுமல்ல, மிகப்பெரும் வரலாற்று மோசடி என்பது தெளிவாகும்.

வட இந்தியாவிலிருந்து வந்தேறிகளாக வந்திறங்கிய ஒரு கூட்டம், இந்த மண்ணின் ஆதிக்குடிகளான தமிழர்களைப் பார்த்து "வந்தேறிகள்" என்று அழைப்பது, உலகின் மிகப்பெரிய அயோக்கியத்தனம்.

சிங்களவர்களின் புனித நூலாகக் கருதப்படும் 'மகாவம்சம்' கூறுவதையே ஆதாரமாக எடுத்தாலும், அவர்களின் மூதாதையரான விஜயனும் அவனது கூட்டாளிகளும் வட இந்தியாவிலிருந்து நாடு கடத்தப்பட்டு, கள்ளத்தோணிகளாக இத்தீவில் வந்திறங்கியவர்களே.

சிங்கள மொழி என்பது வட இந்தியாவின் 'பாளி' (Pali) மற்றும் சமஸ்கிருதத்தின் சிதைந்த வடிவமே தவிர, இந்த மண்ணில் தானாகத் தோன்றிய மொழி அல்ல.

பௌத்தம் என்பது அசோகரின் மகனால் இந்தியாவில் இருந்து கொண்டுவரப்பட்ட ஓர் இறக்குமதி மதம்.

இராவணன் காலத்தில் இருந்தே சைவமதம் இலங்கையில் இருந்திருக்கின்றது.

மரபணு ரீதியாக சிங்களவர்கள் வங்காளம், ஒரிசா மற்றும் குஜராத் போன்ற வட இந்தியப் பகுதிகளுடன் தொடர்புடையவர்கள்.

இப்படி மொழி, மதம், இனம் என அனைத்தையும் வட இந்தியாவிலிருந்து சுமந்து வந்தவர்கள், இந்த மண்ணின் பூர்வீகக் குடிகளான தமிழர்களைப் பார்த்து "நீங்கள் எங்கிருந்து வந்தீர்கள்? தமிழ்நாட்டுக்கு சென்றுவிடுங்கள்” என்று சொல்வது எத்தகைய முட்டாள்தனமான வரலாற்று அறியாமை என்பதை அனைவரும் அறிந்து கொள்ள வேண்டும்.

இன்றுவரை பல low IQ சிங்கள சாமானிய மக்கள் மத்தியில் ஒரு தவறான நம்பிக்கை ஆழமாக வேரூன்றியுள்ளது:

"தமிழர்கள் அனைவரும் வெள்ளையர்கள் காலத்தில் தேயிலை பறிப்பதற்காக இந்தியாவிலிருந்து கொண்டுவரப்பட்டவர்கள்" என்பதே அந்தப் பொய்யான விம்பம்.

இது சிங்களவர்களது வரலாற்று அறிவின்மையையே காட்டுகிறது.

ஆங்கிலேயர்கள் 19-ம் நூற்றாண்டில் மலையகத் தமிழர்களை அழைத்து வருவதற்குப் பல்லாயிரம் ஆண்டுகளுக்கு முன்னரே, ஈழத்தமிழர்கள் இந்த மண்ணில் இராஜ்ஜியங்களை அமைத்து வாழ்ந்தவர்கள்.

வடக்கிலும் கிழக்கிலும் உள்ள பல்லாயிரம் ஆண்டு பழமையான சிவன் கோவில்களும், சங்க இலக்கியத் தொடர்புகளும் தமிழர்கள் இந்த மண்ணின் மூத்த குடிகள் (Original Inhabitants) என்பதற்கான அழியாத சாட்சிகள்.

மலையகத் தமிழர்களும் இந்த நாட்டின் பொருளாதார முதுகெலும்பாகத் திகழ்பவர்கள். ஆனால், அவர்களையும் பூர்வீகத் தமிழர்களையும் ஒன்றாகக் குழப்பிக்கொண்டு, ஒட்டுமொத்த தமிழினத்தையே "வந்தேறிகள்" என்று முத்திரை குத்துவது சிங்களவர்களின் திட்டமிட்ட அரசியல் சூழ்ச்சியாகும்.

இலங்கையின் வரலாற்றை அகழ்வாராய்ச்சி செய்தால் கிடைப்பது பெருங்கற்காலப் பண்பாடும் (Megalithic culture), திராவிடத் தொடர்புகளுமே தவிர, விஜயனின் வருகைக்கான தடயங்கள் அல்ல.

கரையோரத் தமிழர்கள் பலர் காலப்போக்கில் சிங்களவர்களாக மாற்றப்பட்டனர் (Assimilation) என்ற உண்மையை மறைத்துவிட்டு, இன்று பெரும்பான்மையாக இருப்பதாலேயே அவர்கள் இந்த நாட்டைச் சொந்தம் கொண்டாட முடியாது.

உண்மையில், இந்தத் தீவின் மூத்த குடிகள் தமிழர்களே. வட இந்தியாவிலிருந்து பிழைப்புத் தேடி வந்தவர்களே பிற்காலத்தில் சிங்களவர்களாக உருமாறினர்.

வட இந்தியாவிலிருந்து மொழியை கடன் வாங்கி, மதத்தை கடன் வாங்கி, கலாச்சாரத்தை கடன் வாங்கி, ஏன் தங்களது மூதாதையர்களையே வட இந்தியாவிலிருந்து வரவழைத்துவிட்டு, இன்று இலங்கையை "சிங்கள நாடு" என்று உரிமை கோருவதற்குச் சிங்களவர்களுக்கு எந்தவித தார்மீக உரிமையும் (Moral Right) கிடையாது.

வரலாற்றின் படி பார்த்தால், "வந்தேறிகள்" என்று யாராவது அழைக்கப்பட வேண்டும் என்றால், அது தமிழர்கள் அல்ல; தம்மை "பூமிபுத்திரர்கள்" என்று பொய் சொல்லிக்கொள்ளும் சிங்களவர்களே “உண்மையான வந்தேறிகள்”.

Credits @ mukinthan thurairajasingam

25/09/2026

மட்டக்களப்பு சித்தாண்டி பகுதியில், கையடக்கத் தொலைபேசியை மையமாகக் கொண்டு ஏற்பட்ட குடும்பத் தகராறு, இரு பிள்ளைகளின் தாயாரின் உயிரைப் பறித்துள்ளதாக தெரிவிக்கப்பட்டுள்ளது.

சித்தாண்டி கலைமகள் வீதியில் நேற்று செப்டம்பர் 24ஆம் திகதி மாலை சுமார் 4 மணியளவில் இந்த அதிர்ச்சி சம்பவம் இடம்பெற்றுள்ளதாக சந்திவெளி பொலிஸார் தெரிவித்துள்ளனர்.

32 வயதான தங்கராசா பிரதீபா என்ற இரண்டு பிள்ளைகளின் தாயாரே இவ்வாறு உயிரிழந்துள்ளார்.

தகவல்களின்படி, அவரது கணவர் மனைவியின் கையடக்கத் தொலைபேசியை எடுத்துச் சென்று விற்பனை செய்து, அந்தப் பணத்தில் மதுபானம் வாங்கியதாக தெரிவிக்கப்படுகிறது.

இதையடுத்து இருவருக்கும் இடையே நீண்ட நேரம் தகராறு ஏற்பட்டுள்ளது.

இதனால் வீட்டை விட்டு வெளியேறிய பெண், கணவனைப் பற்றி முறையிடுவதற்காக அவரது தாயார் வீட்டுக்குச் சென்றுள்ளார்.

அங்கு அவரைப் பின்தொடர்ந்து சென்ற கணவர், மனைவியின் கழுத்தில் கத்தியால் குத்தியதாகவும், இதில் அவர் சம்பவ இடத்திலேயே உயிரிழந்ததாகவும் பொலிஸார் தெரிவித்துள்ளனர்.

சம்பவத்தையடுத்து கணவன் அங்கிருந்து தப்பிச் சென்றுள்ளதாக தெரிவிக்கப்படுகிறது.

கடந்த மாதம் போதைப்பொருளுடன் குறித்த நபர் கைது செய்யப்பட்டிருந்ததாகவும், அவர் மதுபானத்திற்கு அடிமையாகியிருந்ததாகவும் பொலிஸ் விசாரணைகளில் தெரியவந்துள்ளதாக தகவல்கள் தெரிவிக்கின்றன.

சம்பவம் தொடர்பாக சந்திவெளி பொலிஸார் மேலதிக விசாரணைகளை முன்னெடுத்து வருகின்றனர்.

📲 இவ்வாறான முக்கியமான உள்ளூர் செய்திகள் மற்றும் அவசர தகவல்களை உடனுக்குடன் தெரிந்துகொள்ள, எங்கள் WhatsApp குழுவில் இணையுங்கள்.
https://chat.whatsapp.com/HeIfoYGBWUw9Psjpg3jE5s

25/09/2026

இலங்கைக்கு சுற்றுலா வந்த 27 வயது இளம் பெண் ஒருவர், ராவணா நீர்வீழ்ச்சியில் இருந்து தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.

நெதர்லாந்து நாட்டைச் சேர்ந்த 27 வயதான வெலென்டினா என்ற பெண்ணே இவ்வாறு உயிரிழந்துள்ளதாக பொலிஸார் தெரிவித்துள்ளனர்.

இன்று மாலை, வெளிநாட்டு சுற்றுலாப் பயணிகள் இருவர் ராவணா நீர்வீழ்ச்சியை பார்வையிடச் சென்றுள்ளனர்.

இதன்போது, அவர்களில் ஒருவரான இளம் பெண்ணின் கால் தவறி, சுமார் 100 அடி உயரத்திலிருந்து கீழே விழுந்ததாக தெரிவிக்கப்படுகிறது.

சம்பவத்தைத் தொடர்ந்து பிரதேசவாசிகள் அவரை மீட்டு வைத்தியசாலையில் அனுமதித்துள்ளனர்.

எனினும், வைத்தியர்கள் பரிசோதித்தபோது அவர் ஏற்கனவே உயிரிழந்திருந்ததாக தெரிவிக்கப்பட்டுள்ளது.

இந்த சம்பவம் தொடர்பில் எல்ல பொலிஸார் மேலதிக விசாரணைகளை முன்னெடுத்து வருகின்றனர்.

⚠️ இலங்கையின் முக்கிய செய்திகள் மற்றும் அவசர எச்சரிக்கைகளை உடனுக்குடன் தெரிந்துகொள்ள, எங்கள் WhatsApp குழுவில் இணையுங்கள்.
https://chat.whatsapp.com/HeIfoYGBWUw9Psjpg3jE5s

24/09/2026

“வெறும் 10 ஆயிரம் ரூபாய் சம்பள பாக்கி… ஆனால் அதற்காக எரிந்துபோனது 24 கோடி ரூபாய் மதிப்பிலான ஜவுளிகள்!”

குஜராத் மாநிலம் சூரத்தில் நடந்த இந்த சம்பவம் பெரும் அதிர்ச்சியை ஏற்படுத்தியுள்ளது.

சூரத்தின் சரோலி பகுதியில் உள்ள ஷ்யாம் சாங்கினி டெக்ஸ்டைல் மார்க்கெட்டில், கடந்த 9ஆம் திகதி நள்ளிரவு சுமார் 12.30 மணியளவில் திடீரென தீப்பிடித்துள்ளது.

ஜவுளிக் கடைகள் அடுத்தடுத்து அமைந்திருந்ததால், தீ வேகமாக அடுத்தடுத்த கடைகளுக்கும் பரவியது.

தீயணைப்பு வீரர்கள் சுமார் 10 மணி நேரத்திற்கும் மேலாக போராடி தீயை கட்டுக்குள் கொண்டு வந்துள்ளனர்.

இந்த தீ விபத்தில் 4 பேருக்கு சொந்தமான 17 கடைகளில் இருந்த ஜவுளிகள் முற்றாக எரிந்து நாசமாகியுள்ளன.

மொத்தமாக சுமார் 24 கோடி ரூபாய் மதிப்பிலான ஜவுளிகள் தீயில் அழிந்ததாக தெரிவிக்கப்பட்டுள்ளது.

இதையடுத்து கடை உரிமையாளர்கள் பொலிஸில் புகார் அளித்தனர்.

பொலிஸார் முதலில் CCTV காட்சிகளை ஆய்வு செய்தபோது, முகத்தை துணியால் மறைத்துக்கொண்டு சந்தேகத்திற்கிடமாக ஒருவர் அப்பகுதியில் நடமாடியது தெரியவந்துள்ளது.

விசாரணையில் அவர் 33 வயதான வினோத் சாவ்லி என்பதும், தீயில் சேதமடைந்த கடைகளில் ஒன்றின் உரிமையாளரிடம் முன்னாள் அக்கவுண்டண்டாக பணியாற்றியவர் என்பதும் தெரியவந்ததாக பொலிஸார் தெரிவித்துள்ளனர்.

அவரை கைது செய்து விசாரித்தபோது, தீ வைத்ததை ஒப்புக்கொண்டதாக பொலிஸார் கூறியுள்ளனர்.

பொலிஸ் தகவலின்படி, வினோத் சாவ்லி மாதம் 30 ஆயிரம் ரூபாய் சம்பளத்தில் அக்கவுண்டண்டாக பணியாற்றியுள்ளார்.

பின்னர் வேலைவிட்டு சென்ற நிலையில், தனக்கு வழங்க வேண்டிய 10 ஆயிரம் ரூபாய் சம்பளம் பாக்கி இருந்ததாகவும், அதை பலமுறை கேட்டும் பணம் வழங்கப்படவில்லை என்றும் அவர் தெரிவித்ததாக பொலிஸார் கூறியுள்ளனர்.

இதனால் ஆத்திரமடைந்த அவர், உரிமையாளரின் கடைக்கு மட்டும் தீ வைக்க திட்டமிட்டதாக விசாரணையில் தெரிவித்ததாக கூறப்படுகிறது.

அதன்படி, பெட்ரோல் வாங்கிச் சென்று கடையின் குடோனில் தீ வைத்ததாகவும் பொலிஸார் தெரிவித்துள்ளனர்.

ஆனால் அவர் எதிர்பார்த்ததற்கு மாறாக, தீ அருகிலிருந்த கடைகளுக்கும் பரவியது.

இதன் விளைவாக 17 கடைகளில் இருந்த சுமார் 24 கோடி ரூபாய் மதிப்பிலான ஜவுளிகள் நாசமாகியுள்ளதாக தெரிவிக்கப்பட்டுள்ளது.

சம்பவத்துக்குப் பின்னர் பொலிஸார் தன்னை தேடுவதை அறிந்த அவர் ராஜஸ்தான் மற்றும் அயோத்திக்கு சென்றதாகவும், பின்னர் மீண்டும் சூரத்துக்கு வந்தபோது கைது செய்யப்பட்டதாகவும் பொலிஸார் தெரிவித்துள்ளனர்.

10 ஆயிரம் ரூபாய் சம்பள பாக்கியால் ஏற்பட்ட கோபம்… இறுதியில் பல கோடி ரூபாய் இழப்பாக மாறியிருக்கிறது!

இந்த சம்பவம் தொடர்பான மேலதிக விசாரணைகள் தற்போது நடைபெற்று வருகின்றன.

இப்படியான அதிர்ச்சி சம்பவங்கள் மற்றும் முக்கிய செய்திகளை உடனுக்குடன் தெரிந்துகொள்ள எங்கள் பக்கத்தை Follow செய்யுங்கள்.

மேலும், முக்கியமான Breaking News மற்றும் Instant Updates நேரடியாக உங்கள் WhatsApp-க்கு கிடைக்க, எங்கள் WhatsApp Group-ல் Join ஆகுங்கள்.

24/09/2026

2010 பொலிஸ் பதவி உயர்வு வழக்கில் உயர் நீதிமன்ற தீர்ப்பு

“2010ஆம் ஆண்டு எடுக்கப்பட்ட ஒரு முக்கிய அமைச்சரவை முடிவு… 16 ஆண்டுகளுக்குப் பின்னர் உயர் நீதிமன்றத்தில் கேள்விக்குள்ளாகியுள்ளது!”

இலங்கையின் பொலிஸ் திணைக்களத்தில் மூன்று பிரதான பொலிஸ் பரிசோதகர்களுக்கு வழங்கப்பட்ட உதவிப் பொலிஸ் அத்தியட்சகர் — ASP — பதவி உயர்வுகளை உயர் நீதிமன்றம் செல்லாது என அறிவித்துள்ளது.

இந்த வழக்கு 2010ஆம் ஆண்டு, 33 பொலிஸ் அதிகாரிகளால் அடிப்படை உரிமை மனுவாக தாக்கல் செய்யப்பட்டது.

அப்போது, மூன்று பொலிஸ் அதிகாரிகளுக்கு அமைச்சரவை முடிவுகளின் மூலம் சிறப்பு பதவி உயர்வுகள் வழங்கப்பட்டிருந்தன.

அந்த மூவர் A.J.Y.B. கிரிஷாந்த, P.G.S. குணதிலக்க மற்றும் P.M. பிரஷாந்த பெரேரா என நீதிமன்ற பதிவுகளிலும் செய்தி அறிக்கைகளிலும் குறிப்பிடப்பட்டுள்ளனர்.

அந்தக் காலத்தில் பாதுகாப்பு அமைச்சராக இருந்த மகிந்த ராஜபக்ச, இந்த சிறப்பு பதவி உயர்வுகளுக்கான அமைச்சரவை பத்திரங்களை முன்வைத்ததாக வழக்கு தொடர்பான தகவல்கள் தெரிவிக்கின்றன.

குறிப்பாக, இந்த பதவி உயர்வுகள் வழக்கமான ஆட்சேர்ப்பு மற்றும் பதவி உயர்வு நடைமுறைகளுக்கு வெளியே வழங்கப்பட்டதாக மனுதாரர்கள் சவால் செய்திருந்தனர்.

இந்த வழக்கை விசாரித்த மூவரடங்கிய உயர் நீதிமன்ற அமர்வு, 2010 ஜூலை 28ஆம் திகதி எடுக்கப்பட்ட மூன்று அமைச்சரவை முடிவுகளும் சட்டரீதியாக செல்லாது என அறிவித்துள்ளது.

மேலும், அவை அரசியலமைப்பின் 12(1)ஆம் உறுப்புரையுடன் முரண்படுவதாகவும் நீதிமன்றம் தீர்மானித்துள்ளது.

நீதிமன்றத்தின் முக்கியமான அவதானிப்பு என்னவென்றால்…

பொது சேவையில் பதவி உயர்வுகள், சட்டம் மற்றும் நடைமுறையில் உள்ள பதவி உயர்வு திட்டத்தின் அடிப்படையிலும், பாகுபாடற்ற மற்றும் பொருண்மையான அளவுகோல்களின் அடிப்படையிலும் அமைய வேண்டும் என்பதாகும்.

மேலும், அந்த அமைச்சரவை பத்திரங்களில் மூன்று குறிப்பிட்ட அதிகாரிகளின் தனிப்பட்ட சேவைகள் குறித்து குறிப்பிடப்பட்டிருந்தாலும், நடைமுறையில் இருந்த பதவி உயர்வு முறையை மீறுவதற்கு தேவையான நிர்வாக காரணம் அல்லது நிறுவன ரீதியான அவசியம் போதுமான அளவில் நிரூபிக்கப்படவில்லை என நீதிமன்றம் குறிப்பிட்டுள்ளது.

இதனால், சுமார் 16 ஆண்டுகளுக்கு முன்னர் வழங்கப்பட்ட அந்த மூன்று சிறப்பு பதவி உயர்வுகளும் தற்போது நீதிமன்றத்தால் ரத்து செய்யப்பட்டுள்ளன.

இந்தத் தீர்ப்பு இலங்கையின் பொது சேவையில் பதவி உயர்வுகள் எந்த அடிப்படையில் வழங்கப்பட வேண்டும் என்ற கேள்வியையும் மீண்டும் கவனத்திற்கு கொண்டு வந்துள்ளது.

இந்த வழக்கின் முழுமையான சட்ட பின்னணி மற்றும் நீதிமன்றத்தின் முக்கிய அவதானிப்புகள் தொடர்பான மேலதிக தகவல்கள் வெளியாகும்போது, அவற்றையும் உங்களுக்கு உடனுக்குடன் வழங்குகிறோம்.

இப்படியான முக்கியமான இலங்கை அரசியல், நீதிமன்ற மற்றும் சட்ட செய்திகளை தவறவிடாமல் இருக்க எங்கள் பக்கத்தை Follow செய்யுங்கள்.

மேலும், முக்கியமான Breaking News மற்றும் Instant Updates நேரடியாகப் பெற எங்கள் WhatsApp Group-ல் Join ஆகுங்கள்.
https://chat.whatsapp.com/HeIfoYGBWUw9Psjpg3jE5s

24/09/2026

“வவுனியாவைச் சேர்ந்த இளம் ஆசிரியர் ஒருவர்… மின்னேரியாவில் சடலமாக மீட்கப்பட்ட சம்பவம் பெரும் அதிர்ச்சியை ஏற்படுத்தியுள்ளது!”

வவுனியா கோவில்குளம் இந்துக் கல்லூரியில் ஆசிரியராக பணியாற்றி வந்தவரும், வவுனியா விசேட காணி மத்தியஸ்த சபையின் உறுப்பினரும், கலை மற்றும் இலக்கிய ஆர்வலருமான வனிதா சேனாதிராஜா என்பவரே இவ்வாறு சடலமாக மீட்கப்பட்டுள்ளார்.

இன்று, செப்டம்பர் 23ஆம் திகதி, பொலனறுவை – மின்னேரியா பகுதியில் உள்ள தங்ககம் ஒன்றிலிருந்து அவரது சடலம் மீட்கப்பட்டுள்ளதாக மின்னேரியா பொலிஸார் தெரிவித்துள்ளனர்.

இளம் ஆசிரியராக மட்டுமன்றி, சமூக மற்றும் கலை இலக்கிய செயற்பாடுகளிலும் ஆர்வம் கொண்டிருந்த ஒருவரின் திடீர் மரணம், அவரை அறிந்தவர்கள் மத்தியில் அதிர்ச்சியை ஏற்படுத்தியுள்ளது.

அவரது மரணம் தொடர்பான காரணம் இதுவரை அதிகாரபூர்வமாக வெளியிடப்படவில்லை.

இந்த நிலையில், சம்பவம் தொடர்பாக மின்னேரியா பொலிஸார் விசாரணைகளை முன்னெடுத்து வருகின்றனர்.

அவரது மரணம் எவ்வாறு இடம்பெற்றது?
அவர் தங்கியிருந்த இடத்தில் என்ன நடந்தது?

இந்தக் கேள்விகளுக்கான பதில்களை கண்டறியும் வகையில் பொலிஸாரின் விசாரணைகள் தொடர்கின்றன.

விசாரணைகளின் முடிவில் அதிகாரபூர்வமாக வெளியாகும் தகவல்களே சம்பவத்தின் முழுமையான பின்னணியை தெளிவுபடுத்தும்.

இந்தச் செய்தி தொடர்பான புதிய தகவல்கள் வெளியாகும்போது, அவற்றை உடனுக்குடன் உங்களுக்கு வழங்குகிறோம்.

இப்படியான முக்கியமான உள்ளூர் செய்திகள் மற்றும் உடனடி அப்டேட்களை தவறவிடாமல் இருக்க எங்கள் பக்கத்தை Follow செய்யுங்கள்.

மேலும், முக்கியமான Breaking News மற்றும் Safety Alerts நேரடியாக உங்கள் WhatsApp-க்கு கிடைக்க, எங்கள் WhatsApp Group-ல் Join ஆகுங்கள்.
https://chat.whatsapp.com/HeIfoYGBWUw9Psjpg3jE5s

24/09/2026

“அனோஜன் சிவராசா விவகாரத்தில்… இப்போது இந்தியாவின் உதவியையும் நாடும் புதிய முயற்சி!”

சவுதி அரேபியாவில் சட்ட நடவடிக்கையை எதிர்கொண்டுள்ள இலங்கை பிரஜையான அனோஜன் சிவராசா தொடர்பில், புதிய இராஜதந்திர நகர்வு ஒன்று இடம்பெற்றுள்ளதாக தகவல் வெளியாகியுள்ளது.

இலங்கை அரசாங்கம் அதிகாரபூர்வமாக சவுதி அரசை நாடி கோரிக்கை விடுத்த பின்னர், இந்த விவகாரத்தில் இந்திய அரசும் தனது முயற்சிகளை முன்னெடுக்க முடியும் என இந்திய உயர்ஸ்தானிகர் சந்தோஷ் ஜா, தமிழ் முற்போக்கு கூட்டணி தலைவர் மனோ கணேசனிடம் தெரிவித்ததாக செய்திகள் தெரிவிக்கின்றன.

இதனையடுத்து, இன்று செப்டம்பர் 23ஆம் திகதி மாலை, தமிழ் முற்போக்கு கூட்டணி தூதுக்குழு இந்திய தூதரை சந்தித்துள்ளது.

இந்த சந்திப்பில், இந்திய பிரதமர் நரேந்திர மோடியின் நேரடி பங்களிப்பை கோரியதாகவும், அனோஜன் விவகாரத்தில் சாத்தியமான அனைத்து இராஜதந்திர வழிகளிலும் முயற்சிகளை மேற்கொள்ள வேண்டும் என வலியுறுத்தப்பட்டதாகவும் தெரிவிக்கப்பட்டுள்ளது.

மேலும், இந்திய பிரதமருக்கு அனுப்புவதற்கான எழுத்துமூலமான மனுவும் இந்திய தூதரிடம் கையளிக்கப்பட்டதாக தகவல் வெளியாகியுள்ளது.

முக்கியமாக, இலங்கை அரசாங்கம் ஏற்கனவே சவுதி அதிகாரிகளுடன் இராஜதந்திர வழிகளில் தொடர்பில் இருந்து வருவதாக இலங்கை வெளியுறவு அமைச்சகம் தெரிவித்துள்ளது. அனோஜனின் நலன்களை பாதுகாக்க தேவையான நடவடிக்கைகள் எடுக்கப்பட்டு வருவதாகவும் அமைச்சகம் கூறியுள்ளது.

அதேவேளை, அனோஜனுக்கு மரண தண்டனை விதிக்கப்பட்டதாக தகவல்கள் வெளியாகியுள்ள போதிலும், அதற்கான உத்தியோகபூர்வ எழுத்துமூல தீர்ப்பு இன்னும் இலங்கை அதிகாரிகளிடம் உறுதிப்படுத்தப்படவில்லை என்று முன்னதாக வெளியான தகவல்கள் தெரிவிக்கின்றன.

இதனால், தற்போது கவனம் செலுத்தப்படும் முக்கிய விடயம்…

சவுதி அரசாங்கத்துடனான இலங்கையின் இராஜதந்திர முயற்சிகளுடன், இந்தியாவின் முயற்சிகளும் இணைந்தால், இந்த விவகாரத்தில் அடுத்த கட்ட நடவடிக்கை என்னவாக இருக்கும்?

அதற்கான அதிகாரபூர்வ தகவல்கள் வெளியாகும் வரை இந்த விவகாரம் தொடர்ந்து கவனத்தில் உள்ளது.

அனோஜன் சிவராசா தொடர்பான முக்கிய அப்டேட்கள் மற்றும் இலங்கையின் முக்கிய செய்திகளை உடனுக்குடன் தெரிந்துகொள்ள எங்கள் பக்கத்தை Follow செய்யுங்கள்.

மேலும், முக்கியமான Breaking News மற்றும் Emergency Updates நேரடியாக கிடைக்க எங்கள் WhatsApp Group-ல் Join ஆகுங்கள்.
https://chat.whatsapp.com/HeIfoYGBWUw9Psjpg3jE5s

Lankafire Media

25/09/2026

25/09/2026

25/09/2026

25/09/2026

25/09/2026

25/09/2026

24/09/2026

24/09/2026

24/09/2026

24/09/2026

Address

Website

Alerts

Shortcuts

Share

Listing takedown request