වරා waraa

වරා waraa ඉතින් නුබ හිනහේවි නම්
තවත් කවි ලියවේවි.... 💓

" යශෝධරාවක්" 💗වෙසක් සුලගට දැණෙන සීතල එදා වාගෙම අදත් ඉවසමිනුබේ සුවදින් පිරුණු තැන්වලතිබුණු සෙනෙහස තනිව විදගමිදරාගන්නට ...
30/05/2026

" යශෝධරාවක්" 💗

වෙසක් සුලගට දැණෙන සීතල
එදා වාගෙම අදත් ඉවසමි
නුබේ සුවදින් පිරුණු තැන්වල
තිබුණු සෙනෙහස තනිව විදගමි
දරාගන්නට බැරිම තැනදිත්
බලා සද දෙස ඉතින් සැනසෙමි
සිනිඳු වැලිකට පිරුණු මළුවේ
නුබේ නාමෙන් පහන් දල්වමි

👉 වරා

(අදුර කළුවර නෑ ) ❤️‍🩹නෙතට කදුලැලි ගෙන එනා මතක පොත පිටු පෙරලුනාසුලග ලග නැති කුටිය තුල දැල්වුණු පහන නිව්නා අදුර කළුවර නෑ ...
13/05/2026

(අදුර කළුවර නෑ ) ❤️‍🩹

නෙතට කදුලැලි ගෙන එනා
මතක පොත පිටු පෙරලුනා
සුලග ලග නැති කුටිය තුල දැල්වුණු පහන නිව්නා
අදුර කළුවර නෑ එලිය නෙත ලග නැවතුනා

සිතන සිතුවිලි සිරවෙනා
පතන පැතුමන් බොදවෙනා
අහස හඩවා පොලොව රිදවන කදුළු වැසි වැටුනා
අදුර කළුවර නෑ එලිය නෙත ලග නැවතුනා

නුබගෙ වතගොත සිහිවෙනා
මතක මගෙ සිත රිදවනා
මටම හිමිවුණ පුරුදු තනිකම කදුළු කැට මැකුවා
අදුර කළුවර නෑ එලිය නෙත ලග නැවතුනා

👉 වරා

"" පිදුමක්"" 💗රාක්ක පුරා අතගාමින්අලුත් පිටුවල සුවද විදගෙනදෙසීයක මදිකමට එලියට බහිද්දී මල්ලියේ ඇයි අසාසත පහක්වත් නොගෙනපොත්...
09/05/2026

"" පිදුමක්"" 💗

රාක්ක පුරා අතගාමින්

අලුත් පිටුවල සුවද විදගෙන

දෙසීයක මදිකමට එලියට බහිද්දී

මල්ලියේ ඇයි අසා

සත පහක්වත් නොගෙන

පොත් දෙකක් මා අත තැබූ

පුංචි සන්ධියේ දිනක මට

කෑගල්ලේ පොත් කඩේදී හමුවුණු

ඇස් නිල් පාට

තොල් රතු පාට

සුදුම සුදු අක්කාට

මේ පිටුව වෙන් කරමි..... 🫶

👉 වරා

(මමත් වැස්සට තෙමෙනවා) 😒🫶කොහේ පිපුණත් හැඩට නැතුවමකැලෑ මල් විසිකරනවාමලේ හයියට නටුව නැතුවමඉබේටම මල් වැටෙනවාඉලක්කය වැරදිලා ...
01/05/2026

(මමත් වැස්සට තෙමෙනවා) 😒🫶

කොහේ පිපුණත් හැඩට නැතුවම
කැලෑ මල් විසිකරනවා
මලේ හයියට නටුව නැතුවම
ඉබේටම මල් වැටෙනවා

ඉලක්කය වැරදිලා වැදුනට
පපුව මැද්දේ රිදෙනවා
මල්සරෝ මට විදපු එක ගැන
තවම මම පසු තැවෙනවා

හිතේ හිරවුණ නොකී කවි පද
කොහේ හරි මම ලියනවා
නුබේ නම එහි ලියා නැතුවට
මගේ හිත යට තියෙනවා

දරාගන්නට බැරිම තැනදිත්
බලා ඉන්නට හිතෙනවා
නුබේ සතුටට පළමු තැන දී
අනේ මම මග හරිනවා

👉 වරා

(අමුතු නැති මිනිස්සු) 😒නොගැලපේනම් නොගැලපෙන ලෙසම ගලපාමගහරිති මුණගැසුණු මතක පද නෙරපාඅනුන්කී කතාමත දකින්නට මුණිපා අවාරෙත් ...
29/04/2026

(අමුතු නැති මිනිස්සු) 😒

නොගැලපේනම් නොගැලපෙන ලෙසම ගලපා
මගහරිති මුණගැසුණු මතක පද නෙරපා
අනුන්කී කතාමත දකින්නට මුණිපා
අවාරෙත් සමනල්ලු ගියා බං සිරිපා

👉 වරා

(සම්පතා) 😒 🤍නත්තලේ නිවාඩුව හැමෝටම දෙනවාචුට්ටගේ පොට් එකට සෙට් එකම එනවාසීතලට ගිණි ගොඩක් වටේ ලං වෙනවාසති ගණන් බොන ව...
28/04/2026

(සම්පතා) 😒 🤍

නත්තලේ නිවාඩුව හැමෝටම දෙනවා
චුට්ටගේ පොට් එකට සෙට් එකම එනවා
සීතලට ගිණි ගොඩක් වටේ ලං වෙනවා
සති ගණන් බොන වයින් එක රැයින් බොනවා

පොඩි එවුන් මෙතන ඇයි ඇහුවාට පාල
සම්පතා මට වඩා සති තුනයි බාල
බෝතලේ කට තියන් ගැහුවාම කාල
හැමතැනම දුවනවා කඩාගෙන ගාල

මදි උනොත් මම පයින් හරි ගිහින් එන්නම්
නැහැ සුමුදුවගෙ බයික් එක අරන් යන්නම්
සිකරටුත් නැති වෙලේ අපෙ සල්ලි ඉල්ලං
සම්පතා ඉගිලුනේ පෙන්නගෙන සෙල්ලං

රස කතා කිය කියා එක පැයක් හිටියා
දුමක් දාමුද මචං අහනවා කොටියා
අරූ නෑ තාම බං කියනකොට කිටියා
සම්පතා හොයාගෙන ගියා අපෙ රොටියා

ඇමතුමක් අරන් මට කඩේ සිටි පවර
අඩ අඩා කියනවා අරූ ගිය ගමන
හතරවෙනි බෝතලේ භාගයයි ඉවර
සම්පතා ගිහින් බං හොයාගෙන නිවන

👉 වරා

(දවසක හවසක ) 💗සදුත් එනතුරු හිරුත් සිටියාරැලිත් වෙරළට ඇවිත් සිටියාකෙනෙක් ලග තව කෙනෙක් සි...
27/04/2026

(දවසක හවසක ) 💗

සදුත් එනතුරු හිරුත් සිටියා
රැලිත් වෙරළට ඇවිත් සිටියා
කෙනෙක් ලග තව කෙනෙක් සිටියා
මගෙත් තනියට මමත් සිටියා

👉 වරා

(මගෙ පාට) 🥰 🤩නිස්කාරනේ ගෙවුනු කාලේ නිමවෙච්ච සංසාරයේ දැණුනු ප්‍රේමේ ඇයයිමන්දාරමේ වැසුණු ගණ අදුර දුරුවෙච්ච මං පාඩුවේ දක...
27/04/2026

(මගෙ පාට) 🥰 🤩

නිස්කාරනේ ගෙවුනු කාලේ නිමවෙච්ච
සංසාරයේ දැණුනු ප්‍රේමේ ඇයයි
මන්දාරමේ වැසුණු ගණ අදුර දුරුවෙච්ච
මං පාඩුවේ දකින හීනේ ඇයයි

මගෙ හීන ගංගාවෙ රැජිනක් වෙලා විත්
පැතු හීන බබළන්න එලියක් වෙලා
ඇගෙ ගාව දැවටිච්ච අතගිල්ල සිපගත්තෙ
සුදු මූණ සිපගන්න තහනම් නිසා

වැව ගාව හිනහිච්ච හැටි තාම මතකයි
ඇගෙ ගාව නැවතිච්ච සිත කාගෙදෝ
මගෙ පාට ඔය මූණෙ සිතුවම් උනාවේ
නොකියාම තනියෙන්ම මම ආදරෙයි

👉 වරා

(චූටි අයියාගේ මළගම දා) 💔 2025 / 04 / 27අදත් හරි කළුවරයිහෙටත් එහෙමම තියෙයිකවිත් හරි අසරණයි මටත් පද අමතකයි ...
27/04/2026

(චූටි අයියාගේ මළගම දා) 💔 2025 / 04 / 27

අදත් හරි කළුවරයි
හෙටත් එහෙමම තියෙයි
කවිත් හරි අසරණයි
මටත් පද අමතකයි

👉 වරා

Address

Colombo

Website

Alerts

Be the first to know and let us send you an email when වරා waraa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category