https://www.facebook.com/100724832548936/

Aurora Guild Laos, Vientiane (2026)

16/09/2024

✨ ຍຸກນີ້ໃຊ້ Ai ໃຫ້ນຸ່ງຊຸດໃດກໍ່ໄດ້ຕາມໃຈທ່ານ !
👉ເຄີຍບໍ່ເວລາຂາຍເສື້ອຜ້າ ຕ້ອງການນາງແບບ ແລະ ຕາກ້ອງມາຖ່າຍໃຫ້ບໍ່ໄດ້ ເຖີງໄດ້ແຕ່ກະ ແພງ !! 😫

😊ມື້ນີ້ທາງພວກເຮົາເອົາຜົນງານ ການເທຣນ AI ໂດຍເຮົາໃຫ້ນາງແບບຝຣັ່ງ ມານຸ່ງເສື້ອຜ້າຕັດຫຍິບແບບລາວໆ ເພື່ອໃຊ້ເປັນນາງແບບ ນຸ່ງຊຸດຖ່າຍໂຄສະນາ ໃຫ້ກັບຮ້ານຜ້າໄໝ ແລະ ນີ້ຄືຜົນງານຂອງເຮົາ:

✅ຂໍ້ດີ
- ສັ່ງແບບໃຫ້ເຮັດທ່າໂພສໄດ້ຕາມໃຈຕ້ອງການ
- ບໍ່ຈຳເປັນຕ້ອງມີ studio ຫຼື ຕາກ້ອງຖ່າຍ
- ສາມາດປ່ຽນໜ້າໂຕເອງ ຫຼື ເປັນໜ້າຄົນປະເທດໃດ 1
- ວ່ອງໄວ ແລະ ບໍ່ເສຍເວລາ ປະຫຍັດງົບໄປຫຼາຍເຕີບ
❎ຂໍ້ເສຍ
- ລາຍລະອຽດເສື້ອອາດຈະບໍ່ຕົງໜ້ອຍ 1
( ຖ້າເທຣນ AI ດີໆ ກໍເກັບລາຍລະອຽດໄດ້ດີ )
----------------------------------------
🤖ສຳຫຼັບໃຜສົນໃຈ ຍາກໃຫ້ທາງ Aurora Guild Laos Aurora Ai ເທຣນ Ai ໃຫ້ລອງຊຸດ ເສື້ອຜ້າ ເຄື່ອງນຸ່ງ ຕາມໃຈຕ້ອງການຂອງທ່ານ ຫຼື ຍາກຮຽນຮູ້ ເພື່ອຊ່ວຍເຫຼືອໃນວຽກງານຂອງທ່ານ ຕິດຕໍ່ມາທາງເພຈເລີຍ

09/07/2022

6 ປັດໄຈຂອງການປະເມີນມູນຄ່າ NFT ສຳລັບນັກສະສົມ

NFT ນັ້ນເປັນສິນຊັບທີ່ມີລັກສະນະສະເພາະຕົວ ບໍ່ສາມາດແທນກັນໄດ້ ເຊິ່ງດ້ວຍລາຄາທີ່ສູງ ແລະ ຄວາມໃໝ່ ໄດ້ດຶງດູດໃຫ້ຜູ້ຄົນເຂົ້າມາສົນໃຈ ແລະ ຕ້ອງການເປັນເຈົ້າຂອງຜົນງານສິລະປະເຫຼົ່ານີ້ ແຕ່ດ້ວຍການຕີມູນຄ່າ NFT ນັ້ນສາມາດເຮັດໄດ້ຍາກ ເນື່ອງຈາກເປັນສິນຊັບທີ່ໃໝ່ ແຕ່ເຮົາກໍ່ສາມາດປະເມີນຈາກສະຖິຕິ ເຊິ່ງສາມາດແບ່ງວິທີການປະເມີນໄດ້ດັ່ງນີ້:

1. ຄວາມສາມາດໃນການໃຊ້ງານ (Utility): ຄືການນຳເອົາຜົນງານໄປໃຊ້ທັງໃນໂລກດິຈິຕ໋ອນ ແລະ ໂລກຄວາມເປັນຈິງ ເຊັ່ນ: ໄອເທັມເກມ, ປີ້ຄອນເສີດ ເປັນຕົ້ນ.

2. ລະດັບຄວາມຫາຍາກ ຫຼື ການມີລັກສະນະສະເພາະ (Rality): ເປັນປັດໄຈຫຼັກຂອງການເລືອກ NFT ຍິ່ງຖ້າມີຈຳກັດຍິ່ງເຮັດໃຫ້ມີຄວາມຕ້ອງການສູງ ເຊັ່ນ: CryptoPunks ຫຼື The First 5000 Day ທີ່ມີຈຳນວນຈຳກັດ.

3. ກຸ່ມຄົນທີ່ສະນັບສະໜູນໂຄງການ (Community Size): ເມື່ອມີກຸ່ມຄົນທີ່ສົນໃຈໃນຜົນງານຫຼາຍຂຶ້ນກໍ່ຈະເກີດການບອກຕໍ່ກັນໃນກຸ່ມຫຼາຍຂຶ້ນເຮັດໃຫ້ຜົນງານນັ້ນສາມາດເຂົ້າເຖິງຜູ້ຊື້ໄດ້ຫຼາຍຂຶ້ນ.

4. ປະສິດທິພາບຂອງ NFT (Potential of the NFTs): ເຊິ່ງປະສິດທິພາບຂອງໂຄງການ NFT ຈະຂຶ້ນຢູ່ກັບຄວາມຫາຍາກ, ຄວາມໂດດເດັ່ນຂອງຜົນງານ ລວມໄປເຖິງກຸ່ມຄົນທີ່ສະໜັບສະໜູນໂຄງການ.

5. ແຫຼ່ງທີ່ມາ (Provenance): ເບື້ອງຫຼັງ ແລະ ແຫຼ່ງທີ່ມາຂອງຂອງຜົນງານທີ່ຜູ້ຊື້ຄວນຮູ້ເພື່ອປະເມີນມູນຄ່າ ແລະ ການຂະຫຍາຍຕົວ.

6. ຄວາມມັກສ່ວນບຸກຄົນ (Personal taste): ໂດຍແຕ່ລະຄົນຈະໃຫ້ມູນຄ່າສິ່ງຂອງແຕ່ລະຢ່າງບໍ່ຄືກັນ ເຊິ່ງຜົນງານສິລະປະກໍ່ເຊັ່ນດຽວກັນເຊິ່ງຈະຂຶ້ນກັບຄວາມມັກຂອງສ່ວນບຸກຄົນ.

ນອກຈາກນີ້ແລ້ວ ກໍ່ຍັງມີປັດໄຈອື່ນໆທີ່ເປັນຕົວຂັບເຄື່ອນລາຄາ NFT ອີກຫຼາຍຢ່າງ ເນື່ອງຈາກເປັນນະວັດຕະກຳທີ່ໃໝ່ ແລະ ກໍ່ຕ້ອງສຶກສາ, ຮຽນຮູ້ໃນອະນາຄົດຂ້າງໜ້າອີກດ້ວຍ.

*NFT: https://bit.ly/3vdricf

ແຫຼ່ງຂໍ້ມູນຈາກ: https://bit.ly/3EIY8EM

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

08/07/2022

Lamborghini ເປີດໂຕໂຄງການໃໝ່ສໍາລັບການຢືນຢັນລົດແຂ່ງດ້ວຍ NFT
ທີມແຂ່ງລົດ GT Vincenzo Sospiri Racing (VSR) ໄດ້ຮັບການສະໜັບສະໜູນຈາກ Lamborghini Squadra Corse ປະກາດເປີດຕົວຟັງຊັ່ນໃໝ່ສຳລັບການຮັບຮອງຊິ້ນສ່ວນລົດແຂ່ງດ້ວຍ NFT.
ໃນວັນທີ່ 5 ກໍລະກົດ ບໍລິສັດໄດ້ເປີດຕົວໂຄງການໃໝ່ທີ່ຈະຮ່ວມມືກັບແພັດຟອມ Go2NFT ( https://go2nft.io/ ) ເຊິ່ງທີມງານຄາດວ່າຈະສ້າງການຮັບຮອງສຳລັບລົດແຂ່ງດ້ວຍ NFT ຂອງ Go2NFT ແລະ ແພັດຟອມບລ໋ອກເຊນ Skey Network.
Vincenzo Sospiri ຈາກ VSR ໄດ້ກ່າວເນັ້ນຢໍ້າເຖິງຄວາມສໍາຄັນຂອງ NFT ກັບວົງການລົດແຂ່ງວ່າ: “ໂຄງການນີ້ມີເພື່ອໃຫ້ແນ່ໃຈວ່າເຮົາສາມາດຮັບຮອງຄວາມຖືກຕ້ອງ ແລະ ກວດສອບທຸກສ່ວນຂອງລົດແຂ່ງໄດ້ຢ່າງປອດໄພ, ກວດສອບປະສິດທິພາບ ແລະ ທີ່ມາໄດ້ຢ່າງຊັດເຈນ”.
ນອກຈາກຊິ້ນສ່ວນລົດແລ້ວ VSR ຍັງວາງແຜນທີ່ຈະເປີດຕົວໂປຼແກມການຮັບຮອງ NFT ກັບສິນຄ້າຢ່າງເປັນທາງການ ແລະ ຜະລິດຕະພັນອື່ນໆ, ຄວາມຄິດລິເລີ່ມນີ້ມີຈຸດມຸ້ງໝາຍເພື່ອສົ່ງເສີມຄວາມໄວ້ວາງໃຈໃຫ້ບັນດາແຟນຄຣັບ.

ອ້າງອິງ: https://www.siambitcoin.com/2022/07/06/lamborghini/

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

07/07/2022

Binance ຍົກເລີກຄ່າທໍານຽມການຊື້-ຂາຍ Bitcoin ເນື່ອງໃນໂອກາດສະຫຼອງຄົບຮອບ 5 ປີ❗❗

Binance ກະດານເທຣດ Crypto ທີ່ໃຫຍ່ທີ່ສຸດໃນໂລກຕາມປະລິມານຊື້-ຂາຍ ໄດ້ຍົກເລີກຄ່າທໍານຽມການຊື້-ຂາຍ Bitcoin ແບບ Spot ເນື່ອງໃນໂອກາດຄົບຮອບ 5 ປີ.
ຜູ້ໃຊ້ງານຈະສາມາດຊື້-ຂາຍ Bitcoin, Tether (USDC), Binance USD (BUSD), USD Coin ຂອງ Circle (USDC) ລວມເຖິງສະກຸນເງິນເອີໂຣ ແລະ ສະກຸນເງິນອື່ນໆ ຟຣີບໍ່ເສຍຄ່າທໍານຽມ.
Binance ກ່າວວ່າ “ຜູ້ໃຊ້ສາມາດເພີດເພີນໄປກັບການຊື້-ຂາຍ ທີ່ບໍ່ມີຄ່າທໍານຽມ ຈົນກວ່າຈະມີການປະກາດເພີ່ມເຕີມ” ເຊິ່ງຈະເປີດໃຫ້ບໍລິການຕັ້ງແຕ່ 8 ກໍລະກົດນີ້ເປັນຕົ້ນໄປ.

* Bitcoin: https://bit.ly/3lb30JY

ອ້າງອີງ: https://www.siambitcoin.com/2022/07/07/binance-to-eliminate-fees-for-bitcoin-spot-trading/

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

07/07/2022

Snoop Dogg ກຽມເປີດຮ້ານຂະໜົມຫວານໃນ NFT Bored Ape Yacht Club Theme
ຮ້ານອາຫານ fast food ຊື່ Bored & Hungry ເຊິ່ງເປັນຮ້ານອາຫານແຫ່ງທໍາອິດທີ່ໄດ້ຮັບແຮງບັນດານໃຈຈາກຄໍເລັກຊັ່ນ NFT ຊື່ດັງຢ່າງ Bored Ape Yacht Club ໂດຍໄດ້ເປີດເຮັດການໃນກຸງ Los Angeles ໃນຊ່ວງລະດູໃບໄມປົ່ງນີ້.
Snoop Dogg ແລະ Food Fighters Universe ເຊິ່ງເປັນ start up ທີ່ກໍ່ຕັ້ງໂດຍ Andy Nguyen, Kevin Seo ແລະ Phillip Huynh ໄດ້ປະກາດແຜນການທີ່ຈະເປີດໂຕ Dr. Bombay’s Sweet Exploration ເຊິ່ງຈະເປັນ “ປະສົບການທີ່ດີສໍາລັບຮ້ານຂະໝົມຫວານ”.
Dr. Bombay’s ເປັນຊື່ທີ່ Snoop ນັ້ນຕັ້ງໃຫ້ອາວາຕາ Bored Ape Yacht Club ຂອງເຂົາ, Bored Ape Yacht Club ນັ້ນເປັນໜຶ່ງໃນຄໍເລັກຊັ່ນ NFT ໃນເຊນຂອງ Ethereum ທີ່ໄດ້ຮັບຄວາມນິຍົມຫຼາຍທີ່ສຸດ ໂດຍມີອາວາຕາທີ່ບໍ່ຊໍ້າກັນເຖິງ 10,000 ໂຕ ອີກທັງປະລິມານການຊື້-ຂາຍໃນຕະຫຼາດຮອງລວມກັນຫຼາຍກວ່າ 2,100 ລ້ານໂດລາຈົນເຖິງປັດຈຸບັນ.
ໂດຍທີ່ຮ້ານຂະໜົມຫວານຂອງ Snoop Dogg ນັ້ນບໍ່ແມ່ນຮ້ານ “ຢ່າງເປັນທາງການ” ຂອງ Bored Ape ທີ່ສ້າງໂດຍ yuga Labs ແຕ່ Snoop Dogg ຢູ່ໃນສິດຂອງເຂົາທີ່ຈະໃຊ້ພາບ NFT ໂດຍໃຊ້ຫຼັກການຂອງ proof of ownership ໃນກໍລະນີນີ້ຄື ພາບດິຈິຕ໋ອນຂອງລິງຂີ້ເບື່ອ ທີ່ໃຊ້ສິດໃນການເຂົ້າເຖິງແກ່ຊຸມຊົນຂອງຜູ້ທີ່ເປັນເຈົ້າຂອງ NFT ເຫຼົ່ານີ້ ລວມເຖິງສິດທາງການຄ້າ ແລະ ສິດທິພິເສດອື່ນໆ.
* NFT: https://bit.ly/3vdricf

ອ້າງອີງ: https://siamblockchain.com/2022/06/05/snoop-dogg-to-open-bored-ape-nft-themed-dessert-restaurant/

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

06/07/2022

Ebay ກ້າວເຂົ້າສູ່ອຸດສາຫະກຳ Metaverse ແລະ NFT ຢ່າງເປັນທາງການ
Ebay ຜູ້ນຳດ້ານ e-commerce ຂອງອາເມລິກາ (NASDAQ:EBAY) ເຊິ່ງແບນດັງອີກແບນໜຶ່ງທີ່ໄດ້ມີຄວາມສົນໃນ Metaverse ແລະ NFT ແລະ ໄດ້ມີການຍື່ນຂໍຈົດທະບຽນເຄື່ອງໝາຍການຄ້າສຳລັບຜະລິດຕະພັນຕ່າງໆ ໃນອຸດສາຫະກຳຄຣິບໂຕ.
Ebay ໄດ້ເຂົ້າຮ່ວມໃຊ້ງານ NFT ທັງໃນກະດານເທຣດ ຫຼື ຊື້ຂາຍ NFT ໃນຕະຫຼາດລວມເຖິງຮ້ານຄ້າອອນໄລທີ່ມີທັງສິນຄ້າໂຕຈິງ ແລະ ສິນຄ້າ ດິຈິຕ໋ອນ.
ພາບລວມຂອງແອັບພິເຄຊັ່ນສະແດງໃຫ້ເຫັນວ່າ Metaverse ຂອງ ebay ມີເປົ້າໝາຍເພື່ອນຳສະເໜີຜະລິດຕະພັນເຊັ່ນ: ເວັບໄຊແບບໂຕ້ຕອບທີ່ອະນຸຍາດໃຫ້ຜູ້ໃຊ້ມີສ່ວນຮ່ວມກັບສິນຊັບດິຈິຕ໋ອນໃນບ໋ອນເຊນ ແລະ ບໍລິສັດຍັງວາງແຜນທີ່ຈະໃຫ້ບໍລິການແລກປ່ຽນສິນຄ້າທີ່ກ່ຽວກັບ NFT ອີກດ້ວຍ

* NFT: https://bit.ly/3vdricf
Metaverse: https://bit.ly/3MFZAdX

ອ້າງອິງ: https://bit.ly/39Zp0FS

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

04/07/2022

ໜ່ວຍງານໂຄສະນາຂອງ UAE ກັບ NGO ໃຊ້ NFT ຊ່ວຍເຫຼືອນັກໂທດຜູ້ຍິງ
ໜ່ວຍງານດ້ານການໂຄສະນາຂອງປະເທດ ສະຫະລັດເອມິເຣດ ຫຼື UAE (United Arab Emirates) ກັບອົງກອນບໍ່ສະແຫວງຫາຜົນກຳໄລ ຫຼື NGO (Non-Governmental Organisation) ໄດ້ມີການເປີດໂຕການລົນນະລົງໂດຍການລະດົມທຶນຊ່ວຍເຫຼືອຜູ້ຍິງຊາວອີຢິບທີ່ຕິດຄຸກ ຜ່ານທາງການຂາຍຜົນງານ NFT ການລະດົມທຶນນີ້ແມ່ນມີຈຸດປະສົງໃນເລື່ອງຂອງການປົດໜີ້ ແລະ ຊ່ວຍຜູ້ຍິງອອກຈາກຄຸກ.
ສາເຫດສ່ວນໃຫຍ່ທີ່ຜູ້ຍິງອີຢິບຕິດຄຸກແມ່ນມາຈາກ ບໍ່ສາມາດໃຊ້ໜີ້ຄືນໄດ້ ເຊິ່ງໃນລາຍງານພົບວ່າໃນທຸກໆປີ ຜູ້ຍິງຊາວອີຢິບຖືກສົ່ງເຂົ້ນຄຸກດ້ວຍຂໍ້ຫາດຽວກັນກໍຄື ບໍ່ສາມາດຊຳລະໜີ້ໄດ້.
Reham Mufleh ຜູ້ຈັດການທົ່ວໄປຂອງໜ່ວຍງານການໂຄສະນາໄດ້ກ່າວວ່າ: “ຍ້ອນເຫດຜົນດັ່ງທີ່ກ່າວມານັ້ນ ຈຶ່ງເຮັດໃຫ້ທາງໜ່ວຍງານຕ້ອງຕັດສິນໃຈເຮັດບາງສິ່ງບາງຢ່າງເພື່ອຊ່ວຍເຫຼືອນັກໂທດຍິງອອກມາ ເຊິ່ງທາງໜ່ວຍງານໄດ້ມີການນຳໃຊ້ເຕັກໂນໂລຊີບ໋ອກເຊນໃນການເຂົ້າມາຊ່ວຍ ແລະ ຈັບມືຮ່ວມກັບບັນດາສິນລະປິນຕ່າງໆທົ່ວໂລກ
ຜົນງານແຕ່ລະອັນແມ່ນຈະແຕ້ມບັນລະຍາຍເລື່ອງລາວຂອງຜູ້ຍິງກ່ຽວກັບເຫດຜົນທີ່ເຮັດໃຫ້ພວກເຂົາຕ້ອງຕິດຄຸກ, ກຳໄລທັງໝົດຈາກການຂາຍຜົນງານຈະຖືກນຳໄປຊ່ວຍເຫຼືອນັກໂທດຜູ້ຍິງທີ່ຕິດຄຸກ ແລະ ເປັນການມອບໂອກາດອີກເທື່ອໜຶ່ງໃຫ້ພວກເຂົາ”

* NFT: https://bit.ly/3vdricf

ແຫຼ່ງຂໍ້ມູນຈາກ: https://bit.ly/3m4naFQ

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

02/07/2022

ສິນຊັບດິຈິຕ໋ອນ (Digital Asset) ແມ່ນຫຍັງ? ແລະ ມີປະເພດໃດແດ່? ສິນຊັບດິຈິຕ໋ອນ ແມ່ນຫຍັັງ?
ສິນຊັບດິຈິຕ໋ອນ ແມ່ນໜ່ວຍຂໍ້ມູນດິຈິຕ໋ອນທີ່ຖືກສ້າງຂຶ້ນມາໃຫ້ເປັນຕົວກາງໃນການແລກປ່ຽນມູນຄ່າ ຫຼື ຊື້-ຂາຍສິນຄ້າ ແລະ ບໍລິການຕ່າງໆໄດ້ ທຽບເທົ່າກັບເງິນສົດທີ່ເຮົາໃຊ້ໃນປະຈຸບັນ ສິ່ງທີ່ແຕກຕ່າງກັນກໍ່ຄື ເງິນສົດນັ້ນສາມາດຈັບຕ້ອງໄດ້ ແຕ່ສິນຊັບດິຈິຕ໋ອນບໍ່ສາມາດຈັບຕ້ອງໄດ້ ເນື່ອງຈາກວ່າເປັນສິ່ງທີ່ຖືກສ້າງມາເພື່ອໃຫ້ເປັນຕົວແທນສິນຊັບດິຈິຕ໋ອນນັ້ນເອງ.
ສິນຊັບດິຈິຕ໋ອນມີປະເພດໃດແດ່?
ສິນຊັບດິຈິຕ໋ອນ ບໍ່ໄດ້ມີພຽງສະກຸນເງິນດິຈິຕ໋ອນ ຫຼື ບິດຄອຍເທົ່ານັ້ນ ແລະ ປັດຈຸບັນອາດຈະເລີ່ມມີສິນຊັບດິຈິຕ໋ອນອື່ນໆເກີດຂຶ້ນມາໃໝ່ ແຕ່ຕົວທີ່ມີກົດໝາຍຮອງຮັບ ແລະ ຄວບຄຸມເປັນທາງການສາມາດແບ່ງໄດ້ດັ່ງນີ້:
Cryptocurrency ຫຼື ສະກຸນເງິນດິຈິຕ໋ອນ ເປັນສິນຊັບດິຈິຕ໋ອນທີ່ຖືກສ້າງຂຶ້ນມາເພື່ອໃຊ້ເປັນສື່ກາງໃນການແລກປ່ຽນມູນຄ່າ ຫຼື ຊື້ສິນຄ້າ ແລະ ບໍລິການຕ່າງໆ.
ຕົວຢ່າງ: Bitcoin (ບິດຄອຍ), Etheruem ຫຼື Stablecoin ສະກຸນຕ່າງໆເຊັ່ນ: USDT, USDC, BUSD ແລະ DAI ເປັນຕົ້ນ.

2. Digital Token: ເປັນໜ່ວຍອີເລັກໂທນິກທີ່ສ້າງຂຶ້ນເພື່ອ “ກໍານົດສິດ” ເຊິ່ງແບ່ງເປັນ 2 ປະເພດຄື:
- Investment Token (ສິດໃນການຮ່ວມລົງທຶນ): Investment Token ຫຼື ເອີ້ນວ່າ ໂທເຄັນດິຈິຕ໋ອນເພື່ອການລົງທຶນ ໂທເຄັນຊະນິດນີ້ຈະຄ້າຍໆກັບ “ຫຸ້ນ” (ແຕ່ບໍ່ແມ່ນຫຸ້ນ) ເປັນສິນຊັບດິຈິຕ໋ອນທີ່ຖືກສ້າງມາເພື່ອໃຫ້ສິດໃນການລົງທຶນ ແລະ ກໍານົດຜົນຕອບແທນເຊັ່ນ: ສ່ວນແບ່ງລາຍໄດ້, ຜົນກຳໄລ ຫຼື ສິດທີ່ຈະໄດ້ສິນຄ້າບໍລິການ ຫຼື ສິດອື່ນໆ. ການອອກສິນຊັບດິຈິຕ໋ອນປະເພດນີ້ກໍ່ຄືການລະດົມທຶນຈາກບໍລິສັດທີ່ຕ້ອງການທຶນເພື່ອໄປພັດທະນາສິນຄ້າ ຫຼື ບໍລິການຂອງຕົວເອງເພື່ອສ້າງຜົນກຳໄລ ແລະ ແບ່ງຜົນກຳໄລ ຫຼື ສິດອື່ນໆໃຫ້ແກ່ຜູ້ທີ່ຖືໂທເຄັນນັ້ນໆ ເຊິ່ງການອອກຫຼຽນຄັ້ງທຳອິດຈະເປີດໃຫ້ນັກລົງທຶນທີ່ສົນໃຈເຂົ້າມາຊື້ ໂດຍຈະເອີ້ນຂະບວນການນີ້ວ່າ Initial Coin Offering (ICO) ໂດຍສິດຕ່າງໆທີ່ນັກລົງທຶນຈະໄດ້ຈະຖືກກຳນົດໄວ້ໃນ Smart Contract ແລະເມື່ອວ່າກິດຈະການຂອງບໍລິສັດມີກຳໄລແລ້ວກໍ່ຈະເອົາມາແບ່ງຕາມອັດຕາສ່ວນໃຫ້ນັກລົງທຶນທີ່ມາຊື້ໂທເຄັນນັ້ນເອງ.
- Utility Token (ສິດໃນການໃຊ້ປະໂຫຍດ): Utility Token ຫຼື ເອີ້ນວ່າ ໂທເຄັນດິຈິຕ໋ອນເພື່ອການໃຊ້ປະໂຫຍດໃນສິນຄ້າ ຫຼື ບໍລິການ ໂທເຄັນຊະນິດນີ້ ຄ້າຍໆກັບຄູປອງຕ່າງໆ ໂດຍຈະບອກສິດປະໂຫຍດທັງໝົດຂອງຜູ້ຖືໂທເຄັນໄວ້ຢ່າງຊັດເຈນເພື່ອໃຫ້ຜູ້ຖືໂທເຄັນໄດ້ຮັບການບໍລິການ ຫຼື ແລກປ່ຽນສິນຄ້າແທນເງິນສົດຕາມເງື່ອນໄຂຂອງຫຼຽນນັ້ນໆ ເຊັ່ນ: ການໃຊ້ໂທເຄັນແລກປ່ຽນການບໍລິການຕ່າງໆພາຍໃນອົງກອນໃດໜຶ່ງ ໂດຍສະເພາະເຊັ່ນຫຼຽນ JFIN ທີ່ໃຊ້ກັນໃນເຄືອບໍລິສັດຂອງ JMART Group ເທົ່ານັ້ນ.
ສະຫຼຸບແລ້ວ ເຮົາຈະສາມາດສັງເກດໄດ້ວ່າ Digital Token ຈະກໍານົດສິດໃຫ້ຜູ້ຖືວ່າ ເມື່ອມີໃນຄອບຄອງແລ້ວຈະໄດ້ຮັບຫຍັງແນ່ ແລະ ສາມາດຈັບຕ້ອງໄດ້ຫຼາຍກວ່າ Cryptocurrency. ນອກຈາກນີ້ຜູ້ຮ່ວມລົງທຶນ ໃນ Digital Token ຍັງຈະໄດ້ຮັບສ່ວນແບ່ງກໍາໄລ ແລະ ຜົນປະໂຫຍດອື່ນໆຈາກບໍລິສັດທີ່ຂາຍໂທເຄັນໃຫ້ຕາມທີ່ກຳນົດໄວ້ອີກດ້ວຍ.

* Cryptocurrency: https://bit.ly/3OzZKFu

ອ້າງອິງ: https://www.blockdit.com/posts/60e58458d2f7330bac9948e8
ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

01/07/2022

Binance ໄດ້ຮັບການອະນຸມັດຈາກລັດຖະບານຝຣັ່ງໃຫ້ເປັນ Platfrom ຊື້-ຂາຍ Crypto ຖືກຕ້ອງຕາມກົດໝາຍ
Binance ໄດ້ມີການປະກາດໃນວັນທີ 4 ພຶດສະພາທີ່ຜ່ານມານີ້ວ່າ ເວບເທຣດໄດ້ຮັບການອະນຸມັດຢ່າງເປັນທາງການແລ້ວຈາກລັດຖະບານຝຣັ່ງ ໃຫ້ລົງທະບຽນເປັນຜູ້ໃຫ້ບໍລິການສິນຊັບດິຈິຕ໋ອນໃນປະເທດ.
ຕາມຄໍາຖະແຖງການຂອງໜ່ວຍງານກໍາກັບດູແລດ້ານການເງິນຂອງຝຣັ່ງ Financial Market Authority (AMF) ແລະ Authority for Control and Prudential Resolution (ACPR) ທີ່ໄດ້ອອກໃບອະນຸຍາດຜູ້ໃຫ້ບໍລິການສິນຊັບດິຈິຕ໋ອນໃຫ້ກັບບໍລິສັດ.
ຈາກຂໍ້ມູນຂອງ Binance, AMF ເປັນໜ່ວຍງານກໍາກັບດູແລການເງິນຂອງຝຣັ່ງ ແລະ ມີໜ້າທີ່ຮັບຜິດຊອບໃນການກວດສອບຄວາມຮູ້ທາງການເງິນຂອງນັກລົງທຶນ.
ສ່ວນທາງ ACPR ເປັນໜ່ວຍງານອິດສະຫຼະທີ່ເບິ່ງແຍງທະນາຄານ ແລະ ສະຖາບັນການເງິນໃນປະເທດ.
David Princay ຊີອີໂອຂອງ Binance France ໄດ້ກ່າວວ່າ “ການລົງທະບຽນ Binance ໃນຄັ້ງນີ້ ຖືເປັນບາດກ້າວສໍາຄັນຂອງການຍອມຮັບ Crypto ໃນເອີຣົບ ໂດຍສະເພາະຢ່າງຍິ່ງ ລະດັບການປ້ອງກັນໃໝ່, ຈະຊ່ວຍເພີ່ມການຍອມຮັບ Crypto ໃນຝຣັ່ງ ເຊິ່ງການຍອມຮັບນີ້ ຈະຊ່ວຍນໍາສະພາບຄ່ອງມາສູ່ຕະຫຼາດຫຼາຍຂຶ້ນ ຈະໄດ້ຮັບການຕ້ອນຮັບຈາກຜູ້ໃຊ້ ແລະ ສະມາຊິກໃນຊຸມຊົມ”.
ນອກນັ້ນ CZ ຊີອີໂອຂອງ Binance ຍັງໄດ້ກ່າວອີກວ່າ “ບໍລິສັດຈະຈ້າງຜູ້ຢູ່ອາໄສໃນທ້ອງຖິ່ນຈໍານວນຫຼາຍ ແຕ່ແນ່ນອນວ່າ ຢ່າງໜ້ອຍພວກເຂົາຕ້ອງເຂົ້າໃຈກ່ຽວກັບ Crypto ເພື່ອໃຫ້ແນ່ໃຈວ່າ ສາຂາ Binance ໃນຝຣັ່ງຈະເຮັດວຽກໄດ້ຢ່າງສະດວກ”.

Cryptocurrency: https://bit.ly/382aEmL

ອ້າງອີງ: https://bit.ly/39IdCgX

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

30/06/2022

ROI ແມ່ນຫຍັງ?

ບໍ່ວ່າຈະຫຼິ້ນຫຸ້ນ ຫຼື ເຮັດທຸລະກິດ ທຸກການລົງທຶນຕ້ອງມີການຫວັງຜົນຕອບແທນ ຫຼື ROI ທັງນັ້ນ ແລະ ຖ້າຈະໃຫ້ດີ ເຮົາກໍ່ຄວນທີ່ຈະຫວັງໃຫ້ຜົນຕອບແທນ ໃຫ້ໄດ້ກໍາໄລ ຫຼື ໄດ້ເງິນຫຼາຍກວ່າທີ່ລົງທຶນໄປແມ່ນ ຫຼື ບໍ່?
Return on Investment ຫຼື ROI ຄືການວັດຜົນຕອບແທນຈາກການລົງທຶນ ເມື່ອເຮົາລົງທຶນຫຍັງໄປແລ້ວ ເຮົາຕ້ອງການຮູ້, ປະເມີນໄດ້ວ່າການລົງທຶນນັ້ນຄຸ້ມຄ່າ ຫຼື ບໍ່ ຈຶ່ງຕ້ອງມີການວັດຜົນຕອບແທນນັ້ນເອງ. ໂດຍການລົງທຶນທຸກປະເພດທີ່ໃຊ້ເງິນທຶນ ສາມາດວັດຄ່າ ROI ໄດ້ ບໍ່ວ່າຈະເປັນການເຮັດໂຄສະນາຜ່ານໂທລະພາບ ລວມໄປເຖິງການອອກບຣູດ ການເຮັດແຄັມເປນຕ່າງໆ ໂດຍ ROI ຍິ່ງສູງ ຍິ່ງດີ ເພາະແປວ່າ “ໃຊ້ເງິນລົງທຶນໜ້ອຍ ແຕ່ໄດ້ຮັບຜົນແທນຫຼາຍກວ່າທີ່ລົງທຶນໄປນັ້ນເອງ”.
ROI ມີຄວາມສໍາຄັນຕໍ່ກັບການຕະຫຼາດຫຼາຍ ໂດຍສະເພາະໃນປະຈຸບັນທີ່ນິຍົມເຮັດໂຄສະນາທາງອອນລາຍເຊັ່ນ: Facebook ເປັນຕົ້ນ, ເພາະເຮັດໃຫ້ຮູ້ລາຍໄດ້ທີ່ໄດ້ຮັບຈາກການລົງໂຄສະນາ ລວມໄປເຖິງເຮັດໃຫ້ຮູ້ວ່າ ການສ້າງແຄັມເປນ ການອອກບຣູດ ປະສົບຜົນສໍາເລັດ ຫຼື ບໍ່ ແລະ ຍັງເຮັດໃຫ້ປຽບທຽບໄດ້ວ່າ ການເຮັດແຄັມເປນແບບໃດໄດ້ຮັບຜົນຕອບຮັບທີ່ດີກວ່າ ເພື່ອໃຫ້ສາມາດຕັດສິນໃຈໄດ້ວ່າ ຈະລົງທຶນກັບແຄັມເປນແບບໃດຫຼາຍກວ່າກັນ ແລະ ຍົກເລີກແຄັມເປນທີ່ບໍ່ປະສົບຜົນສໍາເລັດ.
ທັງໝົດນີ້ ແມ່ນສົ່ງຜົນໃຫ້ວາງແຜນການຕະຫຼາດໄດ້ດີຂຶ້ນ ແລະ ມີຍອດຂາຍທີ່ເຕີບໃຫຍ່ຂຶ້ນ. ROI ກໍ່ຄືສັດສ່ວນຂອງກໍາໄລຕໍ່ຄ່າໃຊ້ຈ່າຍທີ່ໃຊ້ໃນການລົງທຶນ ເຊິ່ງວິທີຄໍານວນ ROI ສາມາດເບິ່ງໄດ້ດັ່ງນີ້:
Return on Investment ຫຼື ROI = (ກໍາໄລ ຫານ ຕົ້ນທຶນ) ຄູນ 100 ແລະ
ກໍາໄລ = ລາຍຮັບ - ເງິນລົງທຶນທັງໝົດ
ຈະເຫັນໄດ້ວ່າ ROI ມີຄວາມສໍາຄັນທີ່ຊ່ວຍໃນການເຮັດທຸລະກິດຫຼາຍ ຖ້າເຮັດທຸລະກິດໂດຍທີ່ບໍ່ສົນໃຈຜົນຕອບແທນຈາກການລົງທຶນນັ້ນຈະເປັນແບບໃດ ຄຸ້ມຄ່າ ຫຼື ບໍ່ ການເຮັດທຸລະກິດໃຫ້ເຕີບໃຫຍ່ກໍ່ອາດເປັນໄປໄດ້ຍາກ ເພາະເບິ່ງບໍ່ເຫັນທິດທາງວ່າ ເຮັດການຕະຫຼາດແບບໃດຈະສໍາເລັດຫຼາຍກວ່ານັ້ນເອງ.

ອ້າງອິງ:
https://thaiwinner.com/what-is-roi/
https://bit.ly/3MkMPFt /

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

29/06/2022

ເຄືອຂ່າຍ Blockchain ຂອງຈີນ ມີແຜນຂະຫຍາຍທຸລະກິດໄປຍັງຕ່າງປະເທດ ດ້ວຍການເປີດໂຕ Platfrom ໃໝ່
ບໍລິສັດ Blockchain ທີ່ໄດ້ຮັບການສະໜັບສະໜູນຈາກລັດຂອງຈີນກໍາລັງວາງແຜນທີ່ຈະຂະຫຍາຍທຸລະກິດໄປຍັງຕ່າງປະເທດ ໃນຂະນະທີ່ປັກກິ່ງຍັງຄົງຂັບເຄື່ອນບັນຊີແຍກປະເພດດິຈິຕ໋ອນຕໍ່ໄປ.
BSN “ເປັນບໍລິການແບບຄົບວົງຈອນ” ທີ່ຊ່ວຍໃຫ້ລູກຄ້າສາມາດປັບໃຊ້ Blockchain ໃນ loud ໂດຍບໍ່ຕ້ອງພັດທະນາເຄືອຂ່າຍຂອງຕົນເອງຕັ້ງແຕ່ເລີ່ມຕົ້ນ, Yifan He CEO ຂອງບໍລິສັດກ່າວວ່າ ບໍລິສັດກໍາລັງວາງແຜນທີ່ຈະເປີດໂຕໂຄງການທີ່ຊື່ວ່າ “BSN Spartan Network” ທີ່ຕ່າງປະເທດໃນຊ່ວງທ້າຍປີ.
BSN ບໍ່ໄດ້ດໍາເນີນການກັບສິນຊັບດິຈິຕ໋ອນໃດໆ ເນື່ອງຈາກຈຸດຢືນທີ່ເຂັ້ມງວດຂອງປັກກິ່ງ ໂດຍທາງ BSN ໄດ້ດໍາເນີນການ Run Blockchain Frameworks ແລ້ວກວ່າ 28 ລາຍການ, 19 Portal ພ້ອມດ້ວຍນັກພັດທະນາຫຼາຍກວ່າ 25,000 ຄົນ ແລະ ແອັບກວ່າ 3,000 ລາຍການ ນອກຈາກນີ້ ຍັງມີລາຍງານວ່າ ບໍລິສັດກໍາລັງເຮັດວຽກຮ່ວມກັບລະບົບສະກຸນເງິນດິຈິຕ໋ອນຂອງທະນາຄານກາງ (CBDC) ອີກດ້ວຍ.
Yifan He ເສີມວ່າ ຈຸດປະສົງຂອງໂຄງການຄື ການຫຼຸດຕົ້ນທຶນການໃຊ້ເຄືອຂ່າຍສາທາລະນະໃຫ້ເຫຼືອໜ້ອຍທີ່ສຸດ ສິ່ງນີ້ຈະຊ່ວຍໃຫ້ລະບົບໄອທີ ແລະ ທຸລະກິດແບບດັ້ງເດີມ ສາມາດໃຊ້ເຄືອຂ່າຍສາທາລະນະເປັນສ່ວນໜຶ່ງຂອງລະບົບຂອງພວກເຂົາໄດ້.
ຍັງບໍ່ຊັດເຈນວ່າ ບໍລິສັດຕ່າງຊາດຈະແຫ່ກັນໄປທີ່ລະບົບດັ່ງກ່າວ ຫຼື ບໍ່ ໂດຍພິຈາລະນາເຖິງລະດັບການສອດຄ່ອງຂອງລັດຖະບານຈີນໃນທຸກສິ່ງທີ່ກ່ຽວຂ້ອງກັບອິນເຕີເນັດ, ຢ່າງໃດກໍຕາມ ຕອນນີ້ບໍລິສັດໄດ້ພະຍາຍາມທີ່ຈະບັນເທົາຄວາມກັງວົນດັ່ງກ່າວ ໂດຍລະບຸວ່າ ລະບົບຈະເປັນການເປີດເຜີຍຂໍ້ມູນ ແລະ ມີການປ້ອງກັນຕໍ່ການແຊກແຊງ ແລະ ການເຝົ້າລະວັງຂອງລັດ.

* Blockchain: https://bit.ly/3yuKwMi

ອ້າງອີງ: https://bit.ly/3NID7gC

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

28/06/2022

Coin Burn ຫຼື ການເຜົາຫຼຽນ ສົ່ງຜົນແນວໃດຕໍ່ລາຄາຫຼຽນໃນຕະຫຼາດ

ຮູ້ຈັກກັບການເຜົາຫຼຽນ (Coin Burn) ສິ່ງຈໍາເປັນທີ່ນັກລົງທຶນໃນຄຣິບໂຕຄວນສຶກສາໄວ້ ການເຜົາຫຼຽນ (Coin Burn) ແມ່ນການນຳເອົາຫຼຽນອອກຈາກລະບົບ ຫຼື ທຳລາຍຫຼຽນ Cryptocurrency ເພື່ອປັບສັດສ່ວນຂອງຫຼຽນໃຫ້ໜ້ອຍລົງໂດຍແຕ່ລະຫຼຽນຈະມີກໍານົດໄລຍະເວລາໃນການເຜົາຫຼຽນທີ່ແຕກຕ່າງກັນ ຕາມທີ່ລະບຸໄວ້ໃນ Whitepaper ຂອງແຕ່ລະຫຼຽນ, ເຊິ່ງວິທີການກໍ່ຄືການໂອນຫຼຽນ ໄປທີ່ Wallet ທີ່ບໍ່ມີໃຜສາມາດເຂົ້າເຖິງໄດ້ ເຊິ່ງຜູ້ພັດທະນາເອງກໍ່ຍັງບໍ່ສາມາດເຂົ້າເຖິງໄດ້.
ທຸກເທື່ອທີ່ມີການເຜົາຫຼຽນ ກໍ່ຈະມີໂອກາດທີ່ລາຄາຫຼຽນຈະເພີ່ມສູງຂຶ້ນ ເນື່ອງຈາກປະລິມານຫຼຽນທີ່ມີໃນລະບົບຈະຫຼຸດລົງ ແຕ່ຄວາມຕ້ອງການຍັງເທົ່າເກົ່າ ເຊິ່ງເປັນໄປຕາມກົດ Demand/Supply ທາງເສດຖະສາດ
ເມື່ອຄວາມຕ້ອງການຊື້ (Demand) ເພີ່ມ ລາຄາກໍ່ຈະເພີ່ມ ຖ້າຄວາມຕ້ອງການຊື້ຫຼຸດລົງລາຄາຫຼຽນກໍ່ຈະຫຼຸດລົງ.
ໃນກໍລະນີກົງກັນຂ້າມກັນຖ້າຄວາມຕ້ອງການຂາຍ (Supply) ເພີ່ມລາຄາກໍ່ຈະຫຼຸດລົງ ແຕ່ເມື່ອມີການເຜົາຫຼຽນ ຫຼື Coin Burn ກໍ່ຈະເຮັດໃຫ້ Supply ໃນຕະຫຼາດແມ່ຫຼຸດລົງ ດັ່ງນັ້ນ, ຈຶ່ງເຮັດໃຫ້ລາຄາຫຼຽນມີໂອກາດທີ່ຈະເພີ່ມສູງຂຶ້ນ.
ການເຜົາຫຼຽນກໍ່ບໍ່ໄດ້ສົ່ງຜົນໃຫ້ລາຄາເພີ່ມສູງຂຶ້ນສະເໝີໄປ ເພາະຕ້ອງເບິ່ງຈາກປັດໄຈອີກຫຼາຍໆຢ່າງ ທັງນີ້ຕ້ອງເບິ່ງຄວາມຕ້ອງການຊື້-ຂາຍໃນຕະຫຼາດອີກດ້ວຍ.
ຕົວຢ່າງ: ການເຜົາຫຼຽນຂອງ Binance Coin (BNB) ເຊິ່ງທາງ Binance ຈະມີກິດຈະກຳການເຜົາຫຼຽນທຸກ 3 ເດືອນໂດຍ Binance ຈະໃຊ້ເງິນຈາກກໍາໄລຂອງບໍລິສັດ 20% ມາຊື້ຫຼຽນຄືນໃນຕະຫຼາດ ແລະ ເອົາໄປເຜົາຖິ້ມ, ເຊິ່ງຈະເຮັດໃຫ້ລາຄາຫຼຽນ BNB ໃນຕະຫຼາດເພີ່ມສູງຂຶ້ນຕາມ Demand/Supply ໃນຕະຫຼາດ ເຊິ່ງຈະມີການຊື້ຄືນຈົນກວ່າຈະເຫຼືອ 50% ຂອງ Supply ທັງໝົດ.

* Cryptocurrency: https://bit.ly/3OzZKFu

ຕິດຕາມຂ່າວສານເພີ່ມຕື່ມ ແລະ ໂອ້ລົມກັນໄດ້ທີ່:
Facebook Official: https://www.facebook.com/auroraguildgames
Twitter: https://twitter.com/AGG_Aurora
Telegram official : https://t.me/auroraguildgames
Telegram Lao Community : https://t.me/auroralaos
Discord: https://discord.gg/J2PhJFq
TikTok: www.tiktok.com/
Youtube: https://www.youtube.com/channel/UCO2wNapZ-Q_gOuGhvEIPV6A

Aurora Guild Laos

16/09/2024

09/07/2022

08/07/2022

07/07/2022

07/07/2022

06/07/2022

04/07/2022

02/07/2022

01/07/2022

30/06/2022

29/06/2022

28/06/2022

Address

Telephone

Website

Alerts

Shortcuts

Share