កូនខ្មែរ

កូនខ្មែរ ខ្មែររួមគ្នា ខ្មែរខ្លាំង ខ្មែរអាចធ្វើបាន Government of Cambodia , Political crisis and development . rural development and social therapy ...............
(275)

08/09/2026

សេចក្តីប្រកាសព័ត៌មានរបស់ក្រសួងការបរទេស៖ កម្ពុជាតវ៉ាចំពោះការរំលោភបំពានជាបន្តបន្ទាប់របស់ថៃលើអធិបតេយ្យ និងបូរណភាពទឹកដីកម្ពុជា

តើកម្ពុជាកំពុងធ្វើអ្វីខ្លះដើម្បីឆ្លើយតបទៅនឹងការបន្តឈ្លានពានឥតឈប់ឈររបស់យោធាថៃ មកលើអធិបតេយ្យភាពរបស់កម្ពុជា?......នៅថ្ងៃទី៨...
08/09/2026

តើកម្ពុជាកំពុងធ្វើអ្វីខ្លះដើម្បីឆ្លើយតបទៅនឹងការបន្តឈ្លានពានឥតឈប់ឈររបស់យោធាថៃ មកលើអធិបតេយ្យភាពរបស់កម្ពុជា?......
នៅថ្ងៃទី៨ ខែកញ្ញា ឆ្នាំ២០២៦ ក្រុមការងារសាធារណមតិកម្ពុជា (Cambodia PR Team) បានគូសបញ្ជាក់ថា ដើម្បីឆ្លើយតបទៅនឹងការបន្តឈ្លានពានឥតឈប់ឈររបស់យោធាថៃ កម្ពុជាបានប្រកាសជំហរច្បាស់ៗថា កម្ពុជាមិនទទួលស្គាល់ជាដាច់ខាតនូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំង ហើយបន្តការពារ
យ៉ាងម៉ឺងម៉ាត់នូវខ្សែព្រំដែនអន្តរជាតិរវាងប្រទេសទាំងពីរ។ សកម្មភាពដែលយោធាថៃបាននិងកំពុងអនុវត្តត្រូវបានចាត់ ទុកជាការរំលោភបំពានលើអធិបតេយ្យភាព និងបូរណភាពទឹកដីរបស់កម្ពុជាដែលភាគីកម្ពុជាមិនអាចទទួលយកបានជាដាច់ខាត។

លើសពីនេះ ការរារាំងប្រជាពលរដ្ឋកម្ពុជាមិនឱ្យវិលត្រឡប់ទៅកាន់ផ្ទះសម្បែងរបស់ពួកគាត់វិញ គឺជាអំពើរំលោភសិទ្ធិមនុស្ស និងច្បាប់មនុស្សធម៌អន្តរជាតិយ៉ាងធ្ងន់ធ្ងរ។ ក្នុងន័យនេះ កម្ពុជាបានអំពាវនាវឱ្យភាគីថៃបញ្ឈប់សកម្មភាពទាំងឡាយណាដែលបង្កភាពតានតឹង និងងាកមកគោរពតាមគោលការណ៍ដែលបានព្រមព្រៀងគ្នា ដើម្បីអនុញ្ញាតឱ្យជនភៀសសឹកកម្ពុជា អាចវិលត្រឡប់ទៅផ្ទះសម្បែងរបស់ពួកគាត់វិញ ស្របតាមចំណុចទី៤ នៃសេចក្ដីប្រកាសរួមដែលបានចែងអំពីការអនុញ្ញាតឱ្យជនស៊ីវិលវិលត្រឡប់ទៅកាន់ផ្ទះសម្បែងដោយគ្មានការរំខានដោយសុវត្ថិភាព និងសេចក្ដីថ្លៃថ្នូរ៕

តើសកម្មភាពដែលថៃបានអនុវត្តក្រោយពីមានសេចក្ដីប្រកាសរួមថ្ងៃទី២៧ ខែធ្នូ ឆ្នាំ២០២៥ ស្របតាមស្មារតីនៃកិច្ចព្រមព្រៀងនោះដែរឬទេ?......
08/09/2026

តើសកម្មភាពដែលថៃបានអនុវត្តក្រោយពីមានសេចក្ដីប្រកាសរួមថ្ងៃទី២៧ ខែធ្នូ ឆ្នាំ២០២៥ ស្របតាមស្មារតីនៃកិច្ចព្រមព្រៀងនោះដែរឬទេ?......

ក្រុមការងារសាធារណមតិកម្ពុជា (Cambodia PR Team) នៅថ្ងៃទី៨ ខែកញ្ញា ឆ្នាំ២០២៦ បានលើកឡើងពន្យល់យ៉ាងច្បាស់ថា សកម្មភាពដែលភាគីថៃបានអនុវត្តនៅតាមតំបន់ព្រំដែនក្រោយពីមានសេចក្តីប្រកាសរួមថ្ងៃទី២៧ ខែធ្នូ ឆ្នាំ២០២៥ ត្រូវបានមើលឃើញថា មិនស្របទៅនឹងស្មារតីនៃកិច្ចព្រមព្រៀងដែលភាគីទាំងពីរបានឯកភាពគ្នានោះឡើយ។ សេចក្ដីប្រកាសរួមមានគោលបំណងសំខាន់ក្នុងការបន្ថយភាពតានតឹង រក្សាបទឈប់បាញ់ និងបង្កើតលក្ខខណ្ឌអំណោយ ផលសម្រាប់ការដោះស្រាយបញ្ហាព្រំដែនតាមរយៈការចរចា និងយន្តការសន្តិវិធី។

ប៉ុន្តែ សកម្មភាពរបស់កងកម្លាំងថៃបានដើរផ្ទុយទៅនឹងស្មារតីនៃការបន្ថយភាពតានតឹង និងការស្តារស្ថានភាពធម្មតានៅតាមព្រំដែន និងបង្កជាឧបសគ្គដល់ការវិលត្រឡប់របស់ប្រជាពលរដ្ឋកម្ពុជាទៅកាន់ផ្ទះសម្បែងរបស់ពួកគេវិញដោយសុវត្ថិភាព និងសេចក្តីថ្លៃថ្នូរ។ នេះមានន័យថា ថៃបំពានសេចក្ដីប្រកាសរួមនេះជារៀងរាល់ថ្ងៃ ខណៈដែលពួកគេអះអាង មិនដាច់ពីមាត់ថា ជាអ្នកស្រឡាញ់សន្តិភាព និងចង់បានដំណោះស្រាយតាមសន្តិវិធី។ ប៉ុន្តែ សកម្មភាពជាក់ស្ដែងផ្ទុយពីពាក្យសម្តីទាំងស្រុង៕

កម្ពុជាតវ៉ាបន្ថែមទៀតចំពោះការរំលោភបំពានជាបន្ត បន្ទាប់របស់ថៃលើអធិបតេយ្យនិងបូរណភាពទឹកដីកម្ពុជា----នៅថ្ងៃទី៨ ខែកញ្ញា ឆ្នាំ២០...
08/09/2026

កម្ពុជាតវ៉ាបន្ថែមទៀតចំពោះការរំលោភបំពានជាបន្ត បន្ទាប់របស់ថៃលើអធិបតេយ្យនិងបូរណភាពទឹកដីកម្ពុជា
----
នៅថ្ងៃទី៨ ខែកញ្ញា ឆ្នាំ២០២៦ ក្រសួងការបរទេសនិងសហប្រតិបត្តិការអន្តរជាតិបានចេញសេចក្តីប្រកាសព័ត៌មានដោយបានបញ្ជាក់ថា រាជរដ្ឋាភិបាលកម្ពុជា បានធ្វើការតវ៉ាជាផ្លូវការយ៉ាងខ្លាំងបន្ថែមទៀតចំពោះការបន្តរំលោភបំពានជាបន្តបន្ទាប់ដោយប្រទេសថៃមកលើអធិបតេយ្យនិងបូរណភាពទឹកដីរបស់កម្ពុជាក្នុងតំបន់មួយចំនួនដែលកាន់កាប់ដោយខុសច្បាប់របស់កងកម្លាំងប្រដាប់អាវុធថៃ ចាប់តាំងពីខែធ្នូ ឆ្នាំ២០២៥ មក។

សូមអានសេចក្តីប្រកាសព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិដូចតទៅ៖

រដ្ឋមន្ត្រីក្រសួងមហាផ្ទៃ លើកទឹកចិត្តមន្ត្រីមូលដ្ឋានដែលបម្រើប្រជាពលរដ្ឋបានល្អ ដោយផ្តល់មេដាយកិត្តិយស........ឯកឧត្តមអភិសន្ត...
08/09/2026

រដ្ឋមន្ត្រីក្រសួងមហាផ្ទៃ លើកទឹកចិត្តមន្ត្រីមូលដ្ឋានដែលបម្រើប្រជាពលរដ្ឋបានល្អ ដោយផ្តល់មេដាយកិត្តិយស........
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានថ្លែងថា ការលះបង់អស់កម្លាំងកាយចិត្ត បញ្ញា និងស្មារតីទទួលខុសត្រូវខ្ពស់របស់ក្រុមប្រឹក្សាឃុំ សង្កាត់ មេឃុំ ចៅសង្កាត់ ស្មៀន មន្ត្រីភូមិ និងមន្ត្រីរាជការគ្រប់ជាន់ថ្នាក់ គឺជាគំរូដ៏ល្អក្នុងការបម្រើជាតិមាតុភូមិ និងប្រជាពលរដ្ឋដោយភាពស្មោះត្រង់ មិនខ្លាចនឿយហត់ឡើយ។ ឯកឧត្តម បានថ្លែងបែបនេះ នៅថ្ងៃទី៨ ខែកញ្ញា ឆ្នាំ២០២៦ ក្នុងឱកាសសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ នៅសណ្ឋាគារសុខាភ្នំពេញ។

នាឱកាសនោះផងដែរ ឯកឧត្តមឧបនាយករដ្ឋមន្ត្រី ស សុខា បានថ្លែងបន្តថា ការលើកទឹកចិត្ត ដល់មន្ត្រីដែលបំពេញការងារល្អប្រសើរ ជាគ្រឿងឥស្សរិយយស និងមេដាយការងារគឺជាការទទួលស្គាល់ និងវាយតម្លៃខ្ពស់ចំពោះកិច្ចខិតខំប្រឹងប្រែង និងស្នាដៃដ៏ល្អប្រសើររបស់ថ្នាក់ដឹកនាំមូលដ្ឋាន ដែលបានបម្រើពលរដ្ឋ និងអភិវឌ្ឍមូលដ្ឋានបានយ៉ាងល្អ ហើយកិច្ចខិតខំប្រឹងប្រែងទាំងនេះ មិនត្រឹមតែជាមោទនភាពរបស់រដ្ឋបាលមូលដ្ឋានប៉ុណ្ណោះទេ ប៉ុន្តែថែមទាំងជាសេចក្តីថ្លៃថ្នូរ ការចាស់ទុំ និងការរីកចម្រើន ព្រមទាំងការពង្រឹងជាលំដាប់នៃប្រជាធិបតេយ្យ និងអភិបាលកិច្ចនៅមូលដ្ឋាន ដែលជាការចូលរួមដ៏សំខាន់ក្នុងការអភិវឌ្ឍមូលដ្ឋានឱ្យកាន់តែរឹងមាំ។

សូមជម្រាបជូនថា ក្នុងចំណោមអ្នកទទួលគ្រឿងឥស្សរិយយស និងមេដាយទាំង ២៧រូបនោះ មានស្ត្រីចំនួន ៨រូប ដែលបង្ហាញឱ្យឃើញពីការយកចិត្តទុកដាក់លើកម្ពស់តួនាទីស្ត្រីក្នុងការដឹកនាំ និងចូលរួមក្នុងកិច្ចការសាធារណៈ។ ក្នុងនោះ គ្រឿងឥស្សរិយយសព្រះរាជាណាចក្រកម្ពុជា ត្រូវបានបំពាក់ជូនមេឃុំ ចៅសង្កាត់ និងជំទប់ទី១ ចំនួន ១៩រូប ដោយបែងចែកតាមថ្នាក់ មហាសេរីវឌ្ឍន៍ មហាសេនា សេនា និងអស្សឫទ្ធិ ខណៈដែលមេដាយការងារ ត្រូវបានបំពាក់ជូនមេឃុំ និងចៅសង្កាត់ ចំនួន ៨រូប ដោយបែងចែកជាមេដាយមាសការងារ និងមេដាយប្រាក់ការងារ៕

08/09/2026

តើថៃត្រូវធ្វើអ្វីខ្លះ ដើម្បីកាត់បន្ថយភាពតានតឹងនៅតាមព្រំដែន?

ព្រឹទ្ធសភាកម្ពុជា ជួបពិភាក្សាជាមួយទូត EU ដើម្បីរឹតចំណងមិត្តភាព និងបញ្ជាក់ពីជំហររបស់កម្ពុជា ក្នុងការដោះស្រាយជម្លោះព្រំដែន...
08/09/2026

ព្រឹទ្ធសភាកម្ពុជា ជួបពិភាក្សាជាមួយទូត EU ដើម្បីរឹតចំណងមិត្តភាព និងបញ្ជាក់ពីជំហររបស់កម្ពុជា ក្នុងការដោះស្រាយជម្លោះព្រំដែនជាមួយថៃដោយសន្តិវិធី..........
នាព្រឹកថ្ងៃអង្គារ ទី៨ ខែកញ្ញា ឆ្នាំ២០២៦ ឯកឧត្តមបណ្ឌិត ឈីវ យីស៊ាង ប្រធានគណៈកម្មការទី៥ ព្រឹទ្ធសភា និងជានាយកខុទ្ទកាល័យសម្តេចតេជោ ប្រធានព្រឹទ្ធសភា បានអនុញ្ញាតឱ្យ ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា ចូលជួបសម្តែងការគួរសម និងពិភាក្សាការងារនៅបន្ទប់ប្រជុំគណៈកម្មការទី៥ នៃវិមានព្រឹទ្ធសភា។

នៅក្នុងជំនួបប្រកបដោយបរិយាកាសស្និទ្ធស្នាលនេះ ភាគីទាំងពីរបានវាយតម្លៃខ្ពស់ និងសម្តែងនូវសុទិដ្ឋិនិយមយ៉ាងខ្លាំងចំពោះវឌ្ឍនភាពនៃការរឹតចំណងទំនាក់ទំនង និងកិច្ចសហប្រតិបត្តិការទ្វេភាគីរវាងកម្ពុជា និងសហភាពអឺរ៉ុប។ ជាពិសេស ការពង្រឹងភាពជាដៃគូដើម្បីជំរុញការអភិវឌ្ឍសេដ្ឋកិច្ច ពាណិជ្ជកម្ម ការវិនិយោគ ការកសាងហេដ្ឋារចនាសម្ព័ន្ធ ទឹកស្អាត ការអភិវឌ្ឍធនធានមនុស្ស វប្បធម៌ ការអប់រំ និងសន្តិសុខ ដែលជាសមាសភាគដ៏សំខាន់ក្នុងការជួយឱ្យកម្ពុជាសម្រេចបាននូវចក្ខុវិស័យអភិវឌ្ឍន៍ឆ្នាំ២០៣០ និង២០៥០។

ជាមួយគ្នានេះដែរ ភាគីទាំងពីរបានផ្លាស់ប្តូរយោបល់យ៉ាងស៊ីជម្រៅលើការលើកកម្ពស់ការទូតសភា និងការចូលរួមរបស់សហភាពអឺរ៉ុបនៅក្នុងកិច្ចប្រជុំកំពូលហ្រ្វង់កូហ្វូនី ដែលកម្ពុជាធ្វើជាម្ចាស់ផ្ទះ។ បន្ថែមពីនេះ កិច្ចពិភាក្សាក៏បានគ្របដណ្តប់លើកិច្ចសហប្រតិបត្តិការកម្រិតពហុភាគីក្នុងក្របខណ្ឌតំបន់ ជាពិសេសអាស៊ាន-សហភាពអឺរ៉ុប ព្រមទាំងការវិវត្តថ្មីៗនៅក្នុងតំបន់ និងពិភពលោក។ ក្នុងនោះ រួមមានការលើកឡើងអំពីជម្លោះព្រំដែន និងសង្គ្រាមឈ្លានពានកម្ពុជា-ថៃ ដោយភាគីកម្ពុជាបានគូសបញ្ជាក់ពីជំហរច្បាស់លាស់ក្នុងការប្រើប្រាស់យន្តការដោះស្រាយដោយសន្តិវិធី ព្រមទាំងបានផ្លាស់ប្តូរទស្សនៈជុំវិញវិបត្តិនៅប្រទេសមីយ៉ាន់ម៉ាផងដែរ៕

08/09/2026

🔴 Live ព័ត៌មានសំខាន់ៗថ្ងៃនេះ

CMAC ហ្វឹកហ្វឺនជំនាញរុករកសំណល់យុទ្ធភណ្ឌសង្គ្រាមដល់កងទ័ពអាកាសអាមេរិក........យោងតាមការបង្ហោះផ្សាយរបស់ឯកឧត្តម ហេង រតនា ប្រត...
08/09/2026

CMAC ហ្វឹកហ្វឺនជំនាញរុករកសំណល់យុទ្ធភណ្ឌសង្គ្រាមដល់កងទ័ពអាកាសអាមេរិក........
យោងតាមការបង្ហោះផ្សាយរបស់ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ នៅថ្ងៃទី៧ ខែកញ្ញា ឆ្នាំ២០២៦ បានគូសបញ្ជាក់ថា នៅចុងខែសីហា និងដើមខែកញ្ញា ឆ្នាំ២០២៦នេះ អង្គភាពCMACកម្ពុជា បានសហការជាមួយអង្គការ Golden West បានផ្តល់ការហ្វឹកហ្វឺនដល់កងទ័ពសហរដ្ឋអាមេរិកលើបច្ចេកទេសសំណល់យុទ្ធភណ្ឌសង្គ្រាម និងជាពិសេសលើការប្រើប្រាស់ឧបករណ៍បច្ចេកទេសរុករកសំណល់យុទ្ធភណ្ឌសង្គ្រាម។

ចំពោះការហ្វឹកហ្វឺននេះផ្តល់ជូនកងទ័ពអាកាសសហរដ្ឋអាមេរិកផ្នែកជំនាញសំណល់យុទ្ធភណ្ឌសង្គ្រាមនិងក្រុមបច្ចេកទេសយុទ្ធោបករណ៍នៃសារណរដ្ឋកាប៊ូវ័រដេ (Cabo Verde) ដែលស្ថិតក្រោមគម្រោងជំនួយបោសសម្អាតមីនមនុស្សធម៌របស់សហរដ្ឋអាមេរិកគាំទ្រប្រទេសអាហ្វ្រិក។

តាមប្រភពដដែលបានឱ្យដឹងបន្ថែមថា អង្គការGolden West ជាដៃគូយ៉ាងសំខាន់ជាមួយអង្គភាពCMAC ក្នុងសកម្មភាពកម្ចាត់មីននៅកម្ពុជាជាង២៥ឆ្នាំមកហើយ ពោលចាប់តាំងពីដើមឆ្នាំ២០០០មកម្លេះ៕

At the end of August and the beginning of September 2026, the Cambodian Mine Action Centre (CMAC), in cooperation with the Golden West organization, provided training on Explosive Ordnance Disposal (EOD) techniques to the United States military. Specifically, they trained the United States Air Force EOD personnel and the National Guard am******on technicians from the Republic of Cabo Verde on handling of explosive remnants of war including searching technologies.

This training was conducted under the U.S. Humanitarian Mine Action project supporting African nations. It is worth noting that the Golden West organization has been a crucial partner of CMAC in demining activities in Cambodia for over 25 years, starting from the early 2000s!.

ប្រជានេសាទទាំង២រូបដែលថៃចាប់ខ្លួនបានត្រឡប់ទៅដល់លំនៅដ្ឋានវិញដោយសុវត្ថិភាព- - - - -យោងតាមការបង្ហោះផ្សាយរបស់ក្រសួងកសិកម្ម រ...
08/09/2026

ប្រជានេសាទទាំង២រូបដែលថៃចាប់ខ្លួនបានត្រឡប់ទៅដល់លំនៅដ្ឋានវិញដោយសុវត្ថិភាព

- - - - -
យោងតាមការបង្ហោះផ្សាយរបស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថាកាលពីថ្ងៃចន្ទ ទី៧ ខែកញ្ញា ឆ្នាំ២០២៦ ក្រុមការងារនៃក្រសួងកសិកម្ម រុក្ខាប្រមាញ់ និងនេសាទ ដឹកនាំដោយលោក អ៊ុយ ជីង អគ្គនាយករងនៃអគ្គនាយកដ្ឋានជលផល រួមជាមួយលោក ហាក់ ឡេង អភិបាលរងខេត្តកោះកុង ប្រធានច្រកចាំយាម និងនគរបាលអន្តោប្រវេសន៍ បានទទួលប្រជានេសាទ២រូបដែលត្រឡប់មកវិញបន្ទាប់ពីត្រូវបានទាហានជើងទឹកថៃចាប់និងឃុំឃាំងតាំងពីថ្ងៃទី២២ ខែកុម្ភៈ ឆ្នាំ២០២៦ នៅពេលកំពុងធ្វើនេសាទនៅក្បែរកោះយ៉ខេត្តកោះកុង។

គួរបញ្ជាក់ផងដែរថា បន្ទាប់ពីការពិនិត្យសុខភាពនៅសាខាកាកបាទក្រហមខេត្តកោះកុងរួច ក្រុមការងារនៃក្រសួងកសិកម្ម ក៏បានជូនប្រជានេសាទទាំង២រូប មកលំនៅដ្ឋាននៅ ឃុំបាក់ខ្លង ស្រុកមណ្ឌលសីម៉ា ខេត្តកោះកុង និងបាននាំយកការឧបត្តម្ភពីឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជាគ្រឿងឧបភោគនិងថវិកាជូនផងដែរ៕

Address

Phnom Penh
12304

Telephone

+85515239597

Website

Alerts

Be the first to know and let us send you an email when កូនខ្មែរ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category