Baraza Television

Baraza Television > “Mind-blowing facts & stories daily �
Watch till the end �
� Join millions discovering the unbelievable”
SUBSCRIBE YOUTUBE�
(3)

08/10/2026

Waziri wa Uchukuzi, Profesa Makame Mbarawa, ameiagiza Shirika la Reli Tanzania (TRC) kuchukua hatua zote muhimu kulinda miundombinu ya Reli ya Kisasa (SGR) na Reli ya Kati (MGR) dhidi ya athari za mvua kubwa za El Niño zinazotarajiwa kunyesha.

Profesa Mbarawa ametoa agizo hilo leo, Oktoba 8, 2026, wakati wa ziara ya ukaguzi wa miundombinu kutoka Kilosa hadi Gulwe/Mgodagoda mkoani Morogoro, akisisitiza umuhimu wa kuimarisha maeneo yenye madaraja yanayoweza kuathiriwa na mafuriko na mmomonyoko wa udongo. Amesema Serikali imewekeza zaidi ya Sh trilioni 8 katika ujenzi wa Loti ya Kwanza na ya Pili ya SGR, hivyo miundombinu hiyo inapaswa kulindwa kwa nguvu zote.

Aidha, ameitaka TRC kuweka akiba ya kutosha ya mawe katika maeneo yenye madaraja na kuhakikisha ulinzi wa pamoja wa SGR na MGR pale reli hizo zinapopita sambamba. Kwa upande wake, Kaimu Mkurugenzi wa Ujenzi na Miundombinu TRC, Mhandisi Ismail Athuman Ismail, amesema shirika limeunda timu za wataalamu zinazofuatilia miundombinu saa 24 na linaendelea kushirikiana na TMA kupata taarifa za hali ya hewa, huku likiimarisha uzalishaji wa mawe katika machimbo ya Kilosa na Godegode.

05/10/2026

Mwenyekiti wa CHADEMA Wilaya ya Mwanga na Mjumbe wa Baraza Kuu la CHADEMA Taifa, Lembrus Mchome, amemkosoa Makamu Mwenyekiti wa chama hicho Bara, John Heche, akisema baadhi ya kauli alizotoa katika mkutano wake wa hadhara Wilaya ya Serengeti zinaonyesha utovu wa nidhamu kwa viongozi na watangulizi wake ndani ya chama.

Mchome amesema Heche alizungumza kwa namna isiyofaa kuhusu aliyekuwa Mwenyekiti wa CHADEMA Taifa, Freeman Mbowe, akidai kauli hiyo inaleta utata kwa kuwa Mbowe bado ni mwanachama wa CHADEMA na mjumbe wa Kamati Tendaji ya chama Taifa.

Amesema Mbowe amekuwa na mchango mkubwa katika kumjenga Heche kisiasa, kijamii na kiuchumi, akitolea mfano uchaguzi wa ndani wa chama wa mwaka 2019 ambapo Heche alishindwa na Esther Matiko katika nafasi ya uongozi Kanda ya Serengeti.

Mchome amesema licha ya kushindwa huko, Mbowe alitumia busara na kumteua Heche kuwa mjumbe wa Kamati Kuu kupitia nafasi sita anazopewa Mwenyekiti kwa mujibu wa Katiba ya CHADEMA, akisema hatua hiyo ilionesha imani aliyokuwa nayo Mbowe kwa Heche.

Aidha, Mchome amesema katika mchakato wa maridhiano kati ya CHADEMA na CCM, Mbowe alimpendekeza Heche kuwa miongoni mwa wajumbe watano wa CHADEMA katika Tume ya Maridhiano, akidai kuwa licha ya kupewa nafasi hiyo, baadaye kulikuwa na malalamiko kuhusu namna taarifa za vikao vya maridhiano zilivyoshughulikiwa.

16/09/2026

Serikali imesisitiza kuwa vijana hawapaswi kuonekana k**a kizazi kitakachorithi changamoto za mabadiliko ya tabianchi pekee, bali wanatakiwa kuwa sehemu ya meza kuu ya maamuzi na utekelezaji wa suluhisho.Wito huo umetolewa na Mwakilishi wa Katibu Mkuu kutoka Ofisi ya Makamu wa Rais, Amina Mbarouk, wakati wa ufunguzi wa Mkutano wa Vijana na Watoto kuhusu Mabadiliko ya Tabianchi (LCOY Tanzania 2026) unaofanyika kwa siku tatu jijini Dodoma.
Mkutano huo unaoangazia nishati safi, teknolojia ya kidijitali (ikiwemo AI), na kilimo himilivu, unalenga kuandaa tamko rasmi la vijana wa Tanzania kuelekea mkutano wa kimataifa wa COP31. Wadau mbalimbali akiwemo Mratibu wa ActionAid Tanzania, Arif Fazel, wamewataka vijana takribani 150 wanaoshiriki kutumia nafasi hiyo kuibua mawazo makini badala ya kuishia kupiga picha na kubadilishana namba.

Unadhani ni hatua gani za makusudi zichukuliwe ili kuwapa vijana nafasi zaidi kwenye maamuzi ya mazingira? Shusha comment yako hapa chini.

Licha ya Makamu Mwenyekiti wa Chama cha Demokrasia na Maendeleo (CHADEMA) Bara, John Wegesa Heche, kukanusha mara kwa ma...
14/09/2026

Licha ya Makamu Mwenyekiti wa Chama cha Demokrasia na Maendeleo (CHADEMA) Bara, John Wegesa Heche, kukanusha mara kwa mara madai kwamba hupokea zawadi kutoka Chama Cha Mapinduzi (CCM) kwa matumizi yake binafsi, madai mapya yameibuka yakidai kuwa amekuwa akipokea mamilioni ya fedha kwa matumizi binafsi.

Kwa mujibu wa chanzo cha taarifa hiyo, viambatanisho vinavyodaiwa kuwa vya malipo vinaonesha kuwa Heche amekuwa akipokea fedha hizo, ambazo zinadaiwa kutumika kununua vitu mbalimbali vya kifahari, ikiwemo jezi za original za Arsenal, gari pamoja na kugharamia matibabu ya familia yake nje ya nchi.

Miongoni mwa vitu anavyodaiwa kununua ni jezi ya Arsenal ambayo amekuwa akiivaa mara kwa mara. Chanzo hicho kinadai kuwa jezi hiyo ilinunuliwa katika duka la vifaa vya Arsenal lililopo Emirates, kwa thamani ya Pauni 517.

Aidha, anadaiwa kumiliki Toyota Land Cruiser Prado 150 Series iliyonunuliwa kwa malipo ya awamu yenye thamani ya jumla ya Sh milioni 110.

Kwa mujibu wa madai hayo, malipo ya mwisho ya gari hilo yalifanyika Novemba 11, 2024, kipindi ambacho Heche alikuwa katika harakati za kugombea nafasi hiyo.

Chanzo hicho kinadai kuwa baadhi ya fedha ziliwekwa kupitia akaunti yake binafsi ya benki na mmoja wa mawakala wa benki kutoka eneo la Lumumba. Baadhi ya risiti zinazodaiwa kuwa sehemu ya viambatanisho hivyo zinaonesha kuwa alianza kuingiziwa Sh milioni 20, zikafuatiwa na Sh milioni 10 na malipo mengine yaliyofuata.

Aidha, chanzo hicho kinadai kuwa baada ya kukamilisha usajili wa gari, Heche alimtumia namba ya gari hiyo mtu aliyemtaja k**a ‘Daddy’ wake, ambaye Godbless Lema alimtaja hivi karibuni.

“Kwenye siasa hakuna adui wa kudumu, ndiyo maana tunawaambia msiweke siasa kwenye roho mkajenga chuki. Pale CHADEMA kila mtu ana mtu wake kutoka CCM wa kumuhudumia. Juzi tu hapa Peter Msigwa amepata msiba, analia k**a ambulance,” kilisema chanzo hicho.

Chanzo hicho pia kinadai kuwa Heche anapohitaji fedha huomba mwenyewe na kutimiziwa, huku kikidai kuwa kina viambatanisho vinavyothibitisha malipo hayo.

Madai hayo yameibuka wakati kukiwa na mjadala wa kisiasa kuhusu uhusiano unaodaiwa kuwepo kati ya baadhi ya wanasiasa wa upinzani na watu au makundi yenye uhusiano na Chama Cha Mapinduzi (CCM).

11/09/2026

Mwanachama wa CHADEMA na Mwenyekiti wa Kamati ya Maridhiano, Odero Charles Odero, ametoa pole kwa Rais wa Jamhuri ya Muungano wa Tanzania, Dkt. Samia Suluhu Hassan, kufuatia msiba wa kuondokewa na mume wake, huku akimuombea marehemu apumzike mahali pema.

Odero amewataka viongozi wa CHADEMA kutumia kipindi hiki cha msiba kufika na kutoa pole kwa Rais Samia na familia yake, akisisitiza kuwa misiba ni sehemu inayowaunganisha watu na kuwawezesha kusahau tofauti zao.

Amesema kauli ya Mwenyekiti wa CHADEMA Taifa, Tundu Lissu, ya kuwataka viongozi na wafuasi wa chama hicho kufikisha salamu zake za pole kwa Rais Samia na familia yake inaonesha uungwana, ubinadamu na moyo wa maridhiano.

Odero amekumbusha pia kuwa Rais Samia aliwahi kutuma salamu za pole kwa CHADEMA wakati wa msiba wa mmoja wa waanzilishi wa chama hicho, Edwin Mtei. Hivyo, amewataka viongozi wengine wa CHADEMA, wakiwemo waliopo Zanzibar, kutumia nafasi hiyo kufika na kuhani msiba.

09/09/2026

Mwanachama wa CHADEMA, Odero Charles Odero, amesema viongozi wa dini wana nafasi kubwa katika kuunganisha taifa na kusaidia mchakato wa mazungumzo, maridhiano na upatikanaji wa Katiba mpya.

Odero amesema mapendekezo ya Tume ya Jaji Chande yalisisitiza umuhimu wa taifa kuwa na mazungumzo ili kufikia hatua ya mwisho katika mchakato wa kupata Katiba, akisisitiza umuhimu wa viongozi wa kiroho katika mchakato huo.

Amesema viongozi wa dini wanaheshimiwa na kusikilizwa na viongozi wa serikali, vyama vya siasa pamoja na wananchi, hivyo wanaweza kutumia nafasi yao kuhamasisha maelewano, usuluhishi na upatanisho.

Ametaja taasisi mbalimbali za dini zikiwemo Baraza la Maaskofu Katoliki Tanzania (TEC), CCT, BAKWATA, Baraza la Kipentekoste Tanzania na viongozi wa Kanisa la Waadventista Wasabato kuwa zina wigo mpana wa kuwafikia Watanzania.

Odero amesema baada ya kongamano la wadau wa demokrasia lililofanyika Dar es Salaam Septemba 7 na 8, 2026, wito wa watu kukaa pamoja na kuzungumza umeendelea kusikika, huku akitaka kutafutwa kwa nguvu zaidi kwa taasisi au makundi yatakayoweza kuwakutanisha wadau wote kwa ajili ya maridhiano ya kitaifa.

06/09/2026

Mwenyekiti wa Jumuiya ya Wanahabari wa Mitandao ya Kijamii (JUMIKITA), Shaban Matwebe, ameamua kumsaidia mama aliyekua akionekana kwenye mitandao ya kijamii akiendesha baiskeli na mtoto mgongoni baada ya kuguswa na video yake iliyosambaa kwenye mitandao ya kijamii.

Matwebe amemlipia mama huyo kodi ya nyumba ya miaka miwili pamoja na kiasi cha laki tano Tsh (500,000) hatua iliyolenga kumsaidia kupata makazi bila mzigo wa kodi kwa kipindi hicho.

Aidha, kwa kushirikiana na wadau wengine, amemuwezesha mama huyo fedha za kuanzisha mtaji wa biashara ili aweze kujikwamua kiuchumi na kuendelea na maisha yake.

04/09/2026

Mwenyekiti wa CHADEMA Wilaya ya Mwanga na Mjumbe wa Baraza Kuu la CHADEMA Taifa, Lembrus Mchome, amemkosoa Makamu Mwenyekiti wa chama hicho, John Heche, akidai kuwa amekuwa akiwagawa na kuwagombanisha viongozi wa chama.

Mchome amesema kauli ya Mwenyekiti wa CHADEMA Taifa kuhusu baadhi ya viongozi kuwa “madalali wa Lumumba” imechochewa na taarifa anazodai kutolewa na Heche.

Aidha, amemtaka Heche kuruhusu uchunguzi kuhusu tuhuma zinazomhusu, akisisitiza kuwa uchunguzi wa wazi ndio njia ya kubaini ukweli.

03/09/2026

Mwanachama wa CHADEMA na Mwenyekiti wa Kamati ya Maridhiano, Odero, amesema Tundu Lissu alichaguliwa kuongoza chama hicho katika kutimiza malengo yake ya kisiasa, akisisitiza kuwa mazungumzo ndiyo njia muhimu ya kutatua changamoto za kisiasa.

Odero amesema kauli ya Lissu kuwa tayari kukaa gerezani kwa miaka 10 haina mantiki kwa mwanasiasa mwenye ndoto za kisiasa na anayeongoza chama chenye lengo la kushika dola.

Amesisitiza umuhimu wa CHADEMA na Serikali kukutana na kufanya mazungumzo ili kufikia mwafaka wa kitaifa, ikiwemo kuhusu maboresho ya mfumo wa uchaguzi, Katiba na masuala mengine ya kidemokrasia.

Address

Nairobi
22054

Website

Alerts

Be the first to know and let us send you an email when Baraza Television posts news and promotions. Your email address will not be used for any other purpose, and you can unsubscribe at any time.

Shortcuts

Share

Category