24/04/2026
Haakaroonni akkamiin herreega keetirraa maallaqa hatu?👇👇
Haakaroonni (hackers) maallaqa baankii fi herreega (account) adda addaa irraa hatuuf mala qaxxaamuraa fi teknoolojiiwwan gurguddoo dhimma itti ba’an keessaa warri baay’ee baraman isaan kana:
1. Phishing (ergaadhaan gowwomsuu )
Kun mala haakaroonni harka caaluun itti fayyadamaniidha. Iimeelii (Email), ergaa gabaabaa (SMS), bilbila baankii ati fayyadamtuu fakkeessanii sitti ergu.
• Akkamitti hojjeta?
Ergaa "Herregni kee cufameera, liinkii kana cuqaasii sirreessi" jedhu sitti ergu. Liinkii sana yoo cuqaastu, weebsaayitii baankii ati fayyadamtu fakkaatu tokko siif banuun pasword kee akka achirratti galchitu si gaafata. Yoo 'password' kee achirratti galchite, isaan si hatan jechuudha.
2.Kallattiin siif bilbiluun baga gammadde Ithiotelecom badhaasa siif qopheesseera, ergaan ethiotelecom akkuma si qaqqabeen account(lakkoofsa herreegaa) kee ergi siin jedhu. Bilbila ittiin siif bilbilanirratti akka ergituuf si hubachiisu. Ergasii battalatti ergaa(mesage) ethiotelecom irraa fakkaatutu sitti ergama garuu soba. Irra deddeebi'anii si amansiisuuf yaalu.
3. Malware fi Keyloggers (Sagantoota Hamoo)
Hawaasni baay'een aplikeeshinii (App) tola argamu ykn viidiyoo 'pirated' ta'e yoo buufatan, vaayirasii faana buufachuu danda'u.
Fknf. Keyloggers: Inni kun wanta ati bilbila ykn kompiyuutara kee irratti barreessitu hunda waraaba. 'Password' kee yommuu galchitu iccitii kee haakarootatti erga.
4. SIM kaardii jijjiiruu (SIM Swapping)
Malli kun baay'ee sodaachisaadha. Haakarichi gara tajaajila bilbilaa (Telecom) keetti bilbiluun, "SIM kaardiin koo na jalaa badeera, lakkoofsuma kanaan SIM haaraa naa bani" jedha. Ethiotel haala salphaan baasuu dhiisuu danda'a garuu yoo akka tasaa milkaa'eef, koodiin iccitii (OTP) baankiin sitti ergu hundi gara bilbila haakarichaa deema. Achumaan herrega kee keessa lixee maallaqa baasa.
5. Wi-Fi nama hundaaf banamaa ta'e fayyadamuu (Public Wi-Fi)
Wi-Fi bakka nagaa hin qabne (fakkeenyaaf hoteela fi bakkeewwan birootti fayyadamtuun baankii kee yoo fayyadamte, haakaroonni daataa bilbila kee irraa ba'u hunda gidduutti qabuun arguu danda'u. Malli kun mala "Man-in-the-Middle (MitM) attack" jedhamuun beekama.
Of eeggannoo gochuu qabdu:
• Lakk. iccitii kee erga galchitee booda koodiin bilbila keerratti akka dhufu godhadhu. 2FA(Two-Factor Authentication)
•Liinkii hin beekne hin cuqaasinaa: Ergaa baankii irraa fakkaatee dhufu kamiyyuu liinkii isaa cuqaasuu dhiisaa, gara 'App' baankii isa sirriitti deemuun itti fayyadamaa.
• App 'Official' qofa fayyadamaa: 'Play Store' ykn 'App Store' ala App kamiyyuu hin buufatinaa.
• Password jabaa fayyadamaa: Maqaa kee fi guyyaa dhalootaa kee password gochuun haakarootaaf baay'ee salphaadha.
Malli haakaroonni itti fayyadaman yeroo ammaa gowwoomsuu sammuu (Social Engineering) irratti xiyyeeffata. Iccitii kee eenyuufiyyuu bilbilaan hin kennin!
Dhimmoota addunyaa teenyaa fi odeeffannoowwan murteessoo biroo argachuuf ammuma 'like' tuquun 'share' godhaa.
Account koo Ibsinan Aliyii follow godhaa ergaa jabduu kan biroo argachuuf
