03/04/2026
Company အမျိုးအစားနဲ့လိုက်ပြီး Workဗီဇာ (技人国)လျှောက်ထားသူများအတွက် ဂျပန်စာအရည်အချင်း သတ်မှတ်ချက် တင်းကျပ်တော့မည် 🇯🇵
ဂျပန်နိုင်ငံမှာ "နည်းပညာ၊ လူသားချင်းစာနာမှုဆိုင်ရာ အသိပညာနှင့် နိုင်ငံတကာလုပ်ငန်း" (Engineer/Specialist in Humanities/International Services - 技人国) ဗီဇာနဲ့ အလုပ်လုပ်ကိုင်မယ့်သူတွေအတွက် အရေးကြီးတဲ့ သတင်းတစ်ခု ထွက်ပေါ်လာပါတယ်။
ဂျပန်အစိုးရဟာ အဆိုပါဗီဇာနဲ့ ဂျပန်စာအသုံးပြုရမယ့် လုပ်ငန်းခွင်တွေမှာ ဝင်ရောက်မယ့်သူတွေအတွက် ဂျပန်စာအရည်အချင်း အထောက်အထား (N2 Level အဆင့်) ကို မဖြစ်မနေ တောင်းခံဖို့ မူဝါဒချမှတ်လိုက်ပြီဖြစ်ကြောင်း ဧပြီလ ၃ ရက်နေ့က သိရှိရပါတယ်။
📌 အဓိက ပြောင်းလဲလာမည့် အချက်များ -
• ဂျပန်စာ Level သတ်မှတ်ချက်: နိုင်ငံတကာစံနှုန်း CEFR အရ "B2" အဆင့်ရှိကြောင်း သက်သေပြရပါမယ်။ ဒါဟာ ဂျပန်စာအရည်အချင်းစစ်စာမေးပွဲ JLPT N2 အဆင့်နဲ့ ညီမျှပါတယ်။
• စစ်ဆေးမှု တင်းကျပ်ခြင်း: ယခင်က တက္ကသိုလ်ဘွဲ့ရရှိထားရုံနဲ့ ဗီဇာလျှောက်ထားနိုင်ခဲ့ပေမဲ့၊ အခုအခါမှာတော့ ဂျပန်စာအရည်အချင်းကိုပါ ပူးတွဲစစ်ဆေးတော့မှာ ဖြစ်ပါတယ်။
• မည်သူတွေ အကျုံးဝင်သလဲ: ဂျပန်ကို အသစ်ဝင်ရောက်လာမယ့်သူတွေနဲ့ ဂျပန်စာအသုံးပြုရမယ့် လုပ်ငန်းတွေမှာ ဗီဇာလျှောက်ထားသူတွေ အကျုံးဝင်ပါတယ်။ (ဂျပန်မှာ ကျောင်းတက်နေတဲ့ ကျောင်းသားတွေ ဗီဇာပြောင်းတာမျိုးကိုတော့ ချွင်းချက်အနေနဲ့ စဉ်းစားပေးဖို့ ရှိပါတယ်)။
• စတင်မည့်ကာလ: ဧပြီလလယ်ကစပြီး လမ်းညွှန်ချက်တွေကို ပြင်ဆင်သွားမှာဖြစ်ပါတယ်။
🔍 ဘာကြောင့် ဒီလိုလုပ်ရတာလဲ?
နည်းပညာဗီဇာနဲ့ ဝင်ရောက်လာပြီး ဗီဇာစည်းကမ်းနဲ့မညီတဲ့ "ရိုးရှင်းသည့် ကာယလုပ်သား (Simple Labor)" အဖြစ် ခိုးယူလုပ်ကိုင်နေတာတွေကို တားဆီးဖို့အတွက် အစိုးရက ဗီဇာစိစစ်မှုကို ပိုမိုတင်းကျပ်လိုက်တာ ဖြစ်ပါတယ်။
ဒါ့အပြင် အလုပ်သမားအခွင့်အရေး ချိုးဖောက်ထားလို့ ပိတ်ပင်ခံထားရတဲ့ ကုမ္ပဏီတွေအနေနဲ့လည်း ဒီဗီဇာနဲ့ လူသစ်ခေါ်ယူခွင့်ကို ခွင့်ပြုမှာ မဟုတ်တော့ပါဘူး။
💡 A Better Tomorrow မှ အကြံပြုချက်:
အင်ဂျင်နီယာလောကမှာ အလုပ်ပြောင်းဖို့ ဒါမှမဟုတ် ဂျပန်ကို လာဖို့ ပြင်ဆင်နေတဲ့ လူငယ်တွေအနေနဲ့ အခုကစပြီး JLPT N2 ရရှိအောင် ကြိုတင်ပြင်ဆင်ထားဖို့က မရှိမဖြစ် လိုအပ်ချက်တစ်ခု ဖြစ်လာပါပြီ။ ကိုယ့်ရဲ့ နည်းပညာအရည်အချင်းတင်မကဘဲ ဘာသာစကားပါ ကျွမ်းကျင်ထားမှသာ အနာဂတ်မှာ ပိုမိုစိတ်ချရတဲ့ အလုပ်အကိုင်အခွင့်အလမ်းတွေကို ပိုင်ဆိုင်နိုင်မှာ ဖြစ်ပါတယ်။
🔗 မူရင်းသတင်းရင်းမြစ် (Source):
https://nordot.app/1148160088924979803
20264.10 edit:
နားလည်မှုလွဲနေကြတာလေးရှိလို့ စာထပ်ဖြည့်ထားပါတယ်
ဘာသာစကားလိုအပ်မှုက ဂျပန်စာမှမဟုတ်ပါဘူး ဂျပန်နိုင်ငံအတွင်းကုမ္ပဏီဖြစ်ပြီး အင်္ဂလိပ်လိုသုံးပြီး customerနဲ့ပြောဆိုရမယ်ဆို CEFR.B2 အင်္ဂလိပ်စာနဲ့ညီမျှတဲ့ levelရှိဖို့လိုပါမယ်
နောက်တခုက Work visaမှန်သမျှအခုမှစလျှောက်မယ့်သူတွေရော နဂိုကိုင်ထားတဲ့သူတွေရော N2လိုတယ်ဆိုတာက မဟုတ်ပါဘူး
(များသောအားဖြင့် ဂျပန်လိုပဲပြောရတာများတာမို့ ဒီနေရာမှာ ဂျပန်စာN2ကိုပဲ ပြောသွားပါမယ်)
ဘယ်လိုလူတွေလိုမလဲဆို
1. category 3/4 အဆင့်ရှိတဲ့ကုမ္ပဏီနဲ့ အခုမှ work visa COE စလျှောက်မယ့်သူ
2. category 3/4 အဆင့်ရှိတဲ့ကုမ္ပဏီနဲ့ တခြားဗီဇာကနေ work visaကို ပြောင်းမယ့်သူ
3. category 4 အဆင့်ရှိတဲ့ကုမ္ပဏီကိုအလုပ်ပြောင်းပြီး work visaကိုသက်တမ်းတိုးမယ့်သူ
၁/၂/၃က သူတွေက work visa အလုပ်အမျိုးအစား အကုန်လုံးလားဆို မဟုတ်ပါဘူး
ဘာသာစကားကို အသုံးပြုပြီး customerနဲ့ ဆက်ဆံရတဲ့ အလုပ်အမျိုးအစားတွေပါ
📌📌နဂိုwork visaရပြီးသားသူတွေက အလုပ်မပြောင်းရင် မလိုသလို ပြောင်းလည်း category 4မဟုတ်ရင် မလိုပါဘူး 📌📌
Category 1/2/3/4က ဘာတွေလဲဆိုတော့
Category 1 (အကြီးစား/အကောင်းဆုံး)
ဘယ်လိုကုမ္ပဏီလဲ - စတော့ရှယ်ယာဈေးကွက်မှာ စာရင်းဝင်ထားတဲ့ ကုမ္ပဏီကြီးတွေ၊ အစိုးရဌာနတွေနဲ့ အများပိုင်ကုမ္ပဏီတွေ။
အားသာချက် - စာရွက်စာတမ်း အနည်းဆုံးပဲ လိုအပ်ပြီး ဗီဇာကျဖို့ အလွန်လွယ်ကူပါတယ်။
Category 2 (အလတ်စား/ခိုင်မာသော)
ဘယ်လိုကုမ္ပဏီလဲ - စတော့ရှယ်ယာစာရင်းမဝင်ပေမယ့် ဝန်ထမ်းတွေဆီကနေ အခွန်ဖြတ်တောက်ပေးသွင်းမှု (Withholding Tax) စုစုပေါင်း တစ်နှစ်ကို ယန်း သောင်း ၁,၀၀၀ နှင့်အထက် ရှိတဲ့ ကုမ္ပဏီတွေ
ပြောချင်တာ ဝန်ထမ်းများတဲ့ကုမ္ပဏီကြီးတွေပါ
အားသာချက် - ခိုင်မာတဲ့ ကုမ္ပဏီလို့ သတ်မှတ်တဲ့အတွက် စာရွက်စာတမ်း သိပ်အများကြီး မလိုပါဘူး။
Category 3 (အသေးစား/ပုံမှန်)
ဘယ်လိုကုမ္ပဏီလဲ - အခွန်ပေးသွင်းမှု အစီရင်ခံစာတင်ထားပေမယ့် အခွန်ပမာဏက ယန်း သောင်း ၁,၀၀၀ အောက် ရှိတဲ့ ကုမ္ပဏီတွေ (ပုံမှန်ကုမ္ပဏီအများစုက ဒီထဲမှာ ပါပါတယ်)
အချက်အလက် - ကုမ္ပဏီရဲ့ ငွေစာရင်းရှင်းတမ်း (Financial Statements) နဲ့ အခွန်စာရွက်စာတမ်း အစုံအလင် တင်ပြရပါတယ်။
Category 4 (အသစ်/စိုးရိမ်ရ)
ဘယ်လိုကုမ္ပဏီလဲ - ကုမ္ပဏီထောင်တာ မကြာသေးလို့ အခွန်မှတ်တမ်း မရှိသေးသူတွေ ဒါမှမဟုတ် အရှုံးပြနေတဲ့ ကုမ္ပဏီတွေ။
အချက်အလက် - စာရွက်စာတမ်း အများဆုံး တင်ပြရပြီး ဗီဇာရဖို့အတွက် ရှေ့လုပ်ငန်းစဉ် (Business Plan) သေချာပြသနိုင်ဖို့ လိုအပ်ပါတယ်။
category ဘယ်လောက်လဲသေချာချင်ရင် ကိုယ်ပြောင်းမယ့်/ကိုယ်လုပ်မယ့် ကုမ္ပဏီကို 職員の給与所得の源泉徴収票等の法定調書合計表မှာ သောင်း ၁,၀၀၀ ကျော်လား မကျော်ဘူးလား ဆိုပြီး မေးကြည့်ပါရှင်
❤️❤️❤️ဒီအောက်က စာသားက မနေ့က သတင်းတက်တက်ချင်းတင်ထားတဲ့ပို့စ်ပါ❤️❤️❤️
အရင်ထဲက ထွက်နေတဲ့သတင်းမို့ သိတော့သိပေမယ့် လဝကက Homepage မှာ အတိအကျတင်ပြီးမို့ တင်ပေးလိုကအရင်ထဲက ထွက်နေတဲ့သတင်းမို့ သိတော့သိပေမယ့် လဝကက Homepage မှာ အတိအကျတင်ပြီးမို့ တင်ပေးလိုက ်ပါတယ်
စနစ်သစ်စသုံးမယ့်ရက်ကို ကပ်ကပ်ပြီးထုတ်နေတာလေးက တစ်မျိုးလေးနော်
နောက်ထပ်လာစရာ အေးဂျူးနဲ့ တံဆိပ်ခေါင်းဖိုးပဲ ရှိတော့မယ်ထင်တယ်
ဂျပန် အလုပ်ဗီဇာလျှောက်တာနဲ့ပတ်သက်ပြီး စည်းကမ်းချက်အသစ် 📢
2026.4.15 ရက်နေ့ မှစတင်ပြီး Category 3 နှင့် 4 အမျိုးအစားထဲမှာ ပါတဲ့ ကုမ္ပဏီတွေမှာ အလုပ်ဗီဇာလျှောက်ထားတဲ့အခါ အောက်ကအချက်အလက်တွေ ထပ်တိုးတင်ပြဖို့ လိုအပ်လာပါပြီ
✅ ၁။ အလုပ်ရှင်/ကုမ္ပဏီ သူဌေးရဲ့ ဝန်ခံချက်(ဂျပန်လူမျိုးလား နိုင်ငံခြားသားလား ဆိုတာတွေဖြေရမှာပါ)
ဒါက အလုပ်ဗီဇာတခုထဲမဟုတ်ပဲ ဟင်းချက် Cook visa တို့ ခိုင်းဂေါ့အလုပ်ဗီဇာတို့မှာလည်း တင်ဖို့လိုမှာပါ
ဒါက ဗီဇာဝယ်ရောင်းလုပ်တဲ့သူတွေထိန်းဖို့ ထင်ပါတယ်
✅ ၂။ ဘာသာစကားကျွမ်းကျင်မှု အထောက်အထား (CEFR-B2 အဆင့်နှင့် ညီမျှရမယ်)
ဒါက စကားပြန် သို့မဟုတ် ဘာသာစကားသုံးပြီး လူမှုဆက်ဆံရေးနဲ့ပတ်သက်တဲ့အလုပ်မျိုး(Sales and marketing တို့လိုအလုပ်) တွေအတွက် ဖြစ်ပါတယ်
ဆိုလိုတဲ့သဘောက လူမှုဆက်ဆံရေးနဲ့ပတ်သက်တဲ့အလုပ်မျိုးမဟုတ်ရင်ဘာသာစကားမလိုအပ်ရင် မလိုဘူးဆိုတဲ့ သဘောမျိုးရေးထားပေမယ့် ဂျပန်ကုမ္ပဏီမှာလုပ်ရင် ဂျပန်စာကမလိုဘူးလား ဘာလားနဲ့ ရစ်ဦးမလားပဲ🥹
💡 ဂျပန်စာအတွက်ဆိုရင် ဘယ်လိုအချက်တွေက B2 နဲ့ ညီမျှသလဲ?
• JLPT N2 အထက် အောင်မြင်ထားသူ။
• BJT Test မှာ ရမှတ် ၄၀၀ အထက် ရရှိထားသူ။
• ဂျပန်မှာ အနှစ် (၂၀) ကျော် နေထိုင်ခဲ့သူ။
• ဂျပန်တက္ကသိုလ် သို့မဟုတ် သတ်မှတ်ထားတဲ့ ကောလိပ်တစ်ခုခုမှ ဘွဲ့ရရှိထားသူ။
• ဂျပန်မှာ အထက်တန်းအထိ ကျောင်းတက်ပြီး အောင်မြင်ထားသူ။
⚠️ ဒီဥပဒေသစ်ဟာ ၂၀၂၆ ဧပြီလလယ်ကစပြီး အကျုံးဝင်မှာဖြစ်လို့ လျှောက်ထားဖို့ ပြင်ဆင်နေတဲ့သူတွေက ၁၅ရက်မတိုင်ခင် မြန်မြန်တင်ကြတာကောင်းပါတယ်
အစစအရာရာ အဆင်ပြေကြပါစေရှင်🍀🍀🍀
#
Update သတင်းအားPPJP မှကူးယူဖော်ပြပါသည်
