26/08/2026
„Rauði liturinn er blóð. Bara það að vera kona og vera ein, og starfa í myndlist, þar er mjög erfitt. Það er bara töff að vera í þessu,“ segir Margrét Jónsdóttir um eitt verka sinna sem nú hangir uppi í Listasal Mosfellsbæjar. Verkin á sýningunni eru máluð á ólíkum tímum en tala saman á óvæntan hátt. Stór eldri vatnslitaverk kallast á við nýrri verk þar sem frumur, fræbelgir og heilög sár í rauðum og grænum tónum minna á hringrás lífsins. Að auki hefur Margrét svo stillt upp eldri myndum af hundaskít, máluðum upp úr ljósmyndum frá París, til að vega upp á móti skrautinu, eins og hún sjálf kallar náttúrumyndirnar.
Víðsjá hitti Margréti og ræddi við hana um sveitauppeldi á Íslandi og sveitalíf í Frakklandi, fegurð og forgengileika, líf myndlistarkonu, blóð, hundaskít, ellibelgi, dýran pappír og margt fleira.
Hlustið hér á Víðsjá: https://www.ruv.is/utvarp/spila/vidsja/23618/bis95s
„Rauði liturinn er blóð. Bara það að vera kona og vera ein, og starfa í myndlist, þar er mjög erfitt. Það er bara töff að vera í þessu,“ segir Margrét Jónsdóttir um eitt verka sinna sem nú hangir uppi í Listasal Mosfellsbæjar. Verkin á sýningunni eru máluð á ólíkum tímum en tala saman á óvæntan hátt. Stór eldri vatnslitaverk kallast á við nýrri verk þar sem frumur, fræbelgir og heilög sár í rauðum og grænum tónum minna á hringrás lífsins. Að auki hefur Margrét svo stillt upp eldri myndum af hundaskít, máluðum upp úr ljósmyndum frá París, til að vega upp á móti skrautinu, eins og hún sjálf kallar náttúrumyndirnar. Víðsjá hitti Margréti og ræddi við hana um sveitauppeldi á Íslandi og sveitalíf í Frakklandi, fegurð og forgengileika, líf myndlistarkonu, blóð, hundaskít, ellibelgi, dýran pappír og margt fleira.
Við heyrum einnig af ævi tónlistarmannsins Henry Threadgill í þætti dagsins, en hann gaf út ævisögu fyrir þremur árum sem hefur vakið mikla athygli, ekki síst fyrir algjörlega lygilegar sögur sem gerast víða um heim.
https://www.ruv.is/utvarp/spila/vidsja/23618/bis95s
