23/04/2026
tilvalinn dagur fyrir bókabúðarölt!
Gleðilegt bókasumar! Global Book Crawl bókabúðaröltið stendur fram á laugardag og í dag, sumardaginn fyrsta, eru allar bókabúðirnar sjö sem taka þátt opnar og því tilvalið að taka röltið með trompi og safna stimplum í vegabréfið. Það er líka alþjóðlegur dagur bókarinnar, fæðingardagur Halldórs Laxness og dánardagur Shakespeares og Cervantesar og því rík ástæða til að fagna deginum! Skálda verður opin frá 12 til 16, en athugið mismunandi afgreiðslutíma í hinum bókabúðunum. Það er til mikils að vinna því einn heppinn þátttakandi getur unnið stóran vinning frá öllum búðunum og þau sem ná ekki að klára vegabréfið eiga samt sem áður möguleika á minni vinningum. Sjáumst á röltinu 📚
