Samson.is

24/04/2026

Týndu Strákarnir: Hlaðvarp um kerfið, veggina og afleiðingarnar

Þáttur #6 | Brynjar Karl Sigurðsson kemur út 25. apríl!

Brynjar Karl Sigurðsson, stofnandi Aþenu körfuboltafélagsins, er gestur í þætti #6 af Týndu Strákunum.

Í þættinum ræðum við Aþenu, baráttu Brynjars og það sem gerist þegar fólk reynir að byggja upp starf fyrir börn og ungmenni en mætir kerfi sem virðist of oft verja sjálft sig betur en þau sem það á að þjóna.

Við ræðum gaslýsingu, stjórnsýslu, þöggun og það hvernig mikilvægt starf getur lent í veggjum sem erfitt er að útskýra með almennri skynsemi.

Við þáttastjórnendur fórum á æfingu hjá Aþenu og ræddum þar við móður einnar stúlku. Hún lýsti starfinu sem einstöku og sagði það í raun hafa bjargað dóttur sinni. Það samtal situr eftir og setur umræðuna í skýrt samhengi. Hér er ekki verið að tala um hugmynd á blaði. Hér er verið að tala um börn, traust, öryggi og starf sem skiptir raunverulegu máli.

Brynjar segir meðal annars frá sláandi atviki þar sem matur sem félagið ætlaði að gefa stelpum hafi verið skemmdur. Hann lýsir líka hvernig rými sem gæti nýst til að skapa samfélag, styrk og skjól fyrir ungar stelpur standi tómt í stað þess að vera nýtt.

Við ræðum einnig okkar eigin samskipti við stjórnvöld og stofnanir. Það vekur spurningar þegar mál sem varða börn, úrræði, ábyrgð og kerfisbresti mæta þögn eða undanbrögðum. Hvorki heilbrigðisráðherra né mennta og barnamálaráðherra hafa svarað boði okkar um að koma í þáttinn.

Barna og fjölskyldustofa hafnaði einnig þátttöku og vísaði til þess að stofnunin geti ekki tjáð sig um einstök mál eða málefni skjólstæðinga. Við skiljum að stofnunin sé bundin trúnaði í einstökum málum. En þegar alvarlegar frásagnir, gögn og endurtekin mynstur birtast aftur og aftur, þá er ekki nóg að vísa allri umræðu frá sér. Kerfið þarf að geta rætt ábyrgð, verklag og almennar brotalamir án þess að fela sig á bak við þagnarskyldu.

Þessi þáttur er um íþróttir, börn, vald, kerfi og fólk sem syndir á móti straumnum þegar straumurinn liggur í ranga átt.

Þátturinn er jafnframt fyrsti þáttur Týndu Strákanna sem kemur út í mynd og verður aðgengilegur á YouTube og Spotify.

Týndu Strákarnir eru framleiddir af Samson.is í samstarfi við Raddir hlaðvarpsupptökuver.

16/04/2026

Kara er tónlistarkona mánaðarins hjá Samson.

Fyrsta lagið hennar, Minningar, var nóg til að við vildum heyra meira.

Lestu viðtalið. Hlekkur á viðtal í fyrstu athugasemd.

03/04/2026

Endilega deilið

Steindór Þórarinsson, stofnandi Strax í dag, birti í dag páskahugleiðingu á Vísi þar sem hann fer inn í eigin sögu, dimman dal, uppgjör og þá vinnu sem þarf stundum að fara í til að ná aftur fótfestu, friði og tilgangi.

Pistillinn er þó ekki bara persónulegur. Hann er líka ákall um að samfélagið staldri við og horfi heiðarlega á stöðu týndu barnanna okkar og þess unga fólks sem fellur milli kerfa. Þar liggur líka kjarni baráttunnar hjá Strax í dag. Að grípa fyrr inn í. Að hlusta fyrr. Að styðja fyrr. Því með því að ná til barnanna strax er hægt að létta á geðheilbrigðiskerfinu síðar og draga úr þeim þunga sem annars endar of oft í miklum skaða fyrir einstaklinga, fjölskyldur og samfélagið allt.

Það er ein af ástæðunum fyrir því að Steindór sameinaði krafta sína með Jóni K. Jacobsen (aka Nonni Lobo), föður Geris Arnars Jacobsen sem lést í brunanum á Stuðlum. Þeir vinna saman á bak við tjöldin að því að knýja fram umræðu, ábyrgð og breytingar. Hlaðvarpið Týndu Strákarnir: Hlaðvarp um kerfið, veggina og afleiðingarnar er aðeins einn hluti af þeirri vinnu.

Á næstu dögum eigum við fundi með alþingisfólki, meðal annars Ingu Sæland barna og menntamálaráðherra. Við höfum einnig boðið Ölmu D. Möller í þáttinn okkar, bæði formlega, í gegnum aðstoðarkonu hennar, með fundarbeiðni í tölvupósti og opinberlega í útvarpsviðtali 17. mars. Við höfum enn ekki fengið svar.

Baráttan heldur áfram. Ekki fyrir fyrirsagnir. Ekki fyrir sýndarmennsku. Heldur vegna þess að börnin sem týnast í kerfinu hafa ekki efni á meiri bið.

Við hvetjum fólk til að lesa pistilinn, deila honum áfram og staldra við á þessum degi.

Lesa hér:
https://www.visir.is/g/20262864765d/fostudagurinn-langi-spyr-stondum-vid-med-tyndu-bornunum-okkar-

01/04/2026

Nýr þáttur af Týndu Strákarnir: Hlaðvarp um kerfið, veggina og afleiðingarnar kemur á miðnætti á Spotify og Apple Podcasts.

Samson.is framleiðir Týndu Strákana í samstarfi við Raddir hlaðvarpsupptökuver fyrir samtökin Strax í dag, sem berjast fyrir bættu geðheilbrigðiskerfi.

Í þriðja þætti ræðir Rósa Ólöf Ólafíudóttir við okkur um bróður sinn, Lalla Johns, bókina sem hún skrifaði um líf hans og baráttu, og það kerfi sem braut ekki aðeins niður einn mann heldur líka fólkið í kringum hann.

Þetta er ekki létt spjall. Hér er farið inn í skjöl sem smættuðu manneskju, orðalag sem bar með sér fordóma og valdbeitingu, og kerfi sem skilaði ekki stuðningi heldur skaða. Rósa lýsir því hvernig hún fékk í hendurnar gögn um bróður sinn þar sem hann var metinn og afgreiddur með niðrandi hætti. Það sem stingur mest er að árið 2026 er þetta ekki bara saga úr fortíð. Mynstrin eru enn hér.

Í þættinum ræðum við einnig hvernig umræðan um Breiðavík opnaði á fleiri spurningar, hvað Rósa sá sjálf innan skólakerfisins og hvers vegna hún taldi nauðsynlegt að segja þessa sögu. Niðurstaðan er þung og skýr. Alltof lítið hefur breyst.

Rósa ræðir líka af hverju bókin varð til. Þar kemur fram ósk Lalla, óréttlætið sem hann varð fyrir, sú staðreynd að bati er mögulegur og hvernig saga hans varpar ljósi á baráttu venjulegs manns gegn valdbeitingu félagsmálakerfisins. Og það sem er verst, svipuð mynstur virðast enn sjást þegar drengir fara út af sporinu.

Í þessum þætti, í samtalinu við Sævar Hlyn í öðrum þætti og í því sem er fram undan, er farið að teiknast upp skýrt mynstur. Þetta eru ekki einstök mistök. Ekki einstök slys. Þetta eru mynstur. Fordómar í kerfinu. Fordómar í samfélaginu. Börn stimpluð áður en þau fá raunverulegt tækifæri.

Fylgdu Týndu Strákunum á Spotify og Apple Podcasts.
https://open.spotify.com/show/0XoNM0Nzz1Q2J5oQWKR9BL?si=29b9c7d9003a4bb6

Á næstunni koma til okkar meðal annars alþingiskona, kennari sem hefur barist við kerfið og einn týndur strákur sem segir frá reynslu sinni af Stuðlum og barnaverndarkerfinu. Hann kemur fram nafnlaust á meðan hann vinnur í sínum málum í dag.

Þetta er farið að tengjast. Og það sem er fram undan skiptir máli.

25/03/2026

Á miðnætti fer annar þáttur Týndu Strákanna í loftið.

Sævar Hlynur Jónsson kemur til okkar og ræðir hvernig skólakerfið dæmdi hann snemma sem vandræðaungling og hvernig sá dómur fylgdi honum áfram.

Í þættinum er farið yfir fíkn, heimilisleysi og það sem gerist þegar ungir strákar fá stimpil í stað stuðnings.

Þetta er þáttur um kerfi sem er fljótt að merkja en of seint að grípa.

Þátturinn verður aðgengilegur á Spotify og Apple Podcasts.

21/03/2026

Viltu taka þátt í þessu magnaða verkefni?

Hvet alla sem vilja leggja sitt að mörkum, að hafa samband ❤

Píeta Samtökin þurfa svo sannarlega á öllum þeim stuðning sem hægt er, enda vinna þau ótrúegla flott starf.

20/03/2026

Jón K. Jacobsen annar þáttastjórnandi þáttarins Týndu Strákarnir: Hlaðvarp um kerfið, veggina og afleiðingarnar ræðir hér kvöldið örlagaríka, skýrslu HMS og rætt er um spillingu í íslensku stjórnkerfi!

Hlekkur í fyrstu athugasemd

Nýr aukaþáttur er kominn á Spotify.

Í þessum þætti fara Týndu Strákarnir beint í HMS skýrsluna um brunann á Stuðlum 19. október 2024, sem birt var 18. mars 2026. Rætt er um það sem stendur í skýrslunni, það sem enn vantar svör við, rannsóknina sjálfa, upplifun Jóns K. Jacobsen, annars þáttastjórnanda þáttarins og föður drengsins sem lést á Stuðlum.

Þetta er ekki þáttur fyrir fólk sem vill loðin svör, fallegt orðalag og fleiri fundi. Þetta er bein umræða um ábyrgð, afleiðingar, spillingu og kerfi sem svarar seint, loðið eða alls ekki.

Í kvöld birtist líka grein á Samson.is þar sem málið er tekið enn dýpra. Sú vinna byggir á sérhannaðri gervigreindarlausn sem Samson hefur þróað til að greina skýrslur og gögn, aðgreina staðfest efni frá óvissu og draga fram það sem enn vantar svör við. Núna þarf að svara.

Hlekkur í fyrstu athugasemd.