25/05/2026
ജപ്പാന്റെ തലസ്ഥാനമായ ടോക്കിയോയുടെ പ്രാന്തപ്രദേശങ്ങളിൽ വലിയ പര്വതങ്ങളുടെ താഴ്വാരത്ത് വനങ്ങളാല് ചുറ്റപ്പെട്ട ഒരു പ്രദേശം. അവിടെ മരങ്ങള്ക്കിടയില് ഒളിഞ്ഞു കിടക്കുന്ന ഒരു കൊട്ടാരമുണ്ട്. ഇടയ്കിടെ പെയ്യുന്ന മഴയും, കാറ്റും, ചിലസമയങ്ങളില് മൂടല് മഞ്ഞും അവിടെക്കുള്ള യാത്ര ദുഷ്കരമാക്കും. തകര്ന്നു തുടങ്ങിയ മതില്കെട്ടിനകത്തെ ഒരു പുരാതനമായ മാളിക. അത് ഒരു വലിയ തിന്മയെ ഉൾക്കൊള്ളുന്നതായി പറയപ്പെഹിമുറോ മന്ദിരത്തെക്കുറിച്ച് ബ്ലോഗ് ആയും, വ്ളോഗ് ആയും ഒരുപാട് കഥകള് ഇന്റര്നെറ്റിന്റെ ലോകത്ത് പ്രചരിക്കുന്നുണ്ട്. അതില് എന്നെ വളരെ അധികം ഭയപ്പെടുത്തിയ ഒരു ബ്ലോഗ് പോസ്റ്റിലെ അനുഭവകുറിപ്പാണ് ഞാന് നിങ്ങളുമായി പങ്കുവെച്ചത്.
ഹിമുറോ മന്ദിരത്തെക്കുറിച്ച് ഞാൻ അടുത്തിടെ യാണ് കേട്ടത്. സമീപകാലത്ത് യാദൃശ്ചികമായി കണ്ട ഒരു ഒരു വീഡിയോ ഈ മന്ദിരത്തെ കുറിച്ചുള്ളതായിരുന്നു.അതോടുകൂടി എനിക്ക് ആകാംഷയായി. ഹിമുറോ മന്ദിരത്തെ കുറിച്ച് കൂടുതല് അറിയാനായി എന്റെ പ്രാഥമിക അന്വേഷണം ആരംഭിച്ചു.അതിന്റെ ദുരൂഹമായ ചരിത്രത്തെക്കുറിച്ചുള്ള ഫോട്ടോഗ്രാഫുകളും, ബ്ലോഗ് പോസ്റ്റുകളും നിരവധിയായി ഇന്റര്നെറ്റില് നിന്ന് ലഭ്യമായി.കൂടാതെ അതിൻ്റെ മതിലുകൾക്കുള്ളിൽ നടന്നതെന്ന് പറയപ്പെടുന്ന, രാത്രി മുഴുവൻ നീളുന്ന പ്രേതവേട്ട വീഡിയോകളും യൂട്യൂബിൽ ഉണ്ടായിരുന്നു. എന്നാൽ ഞാൻ കൂടുതൽ ആഴത്തിൽ അന്വേഷിച്ചപ്പോൾ, ഹിമുറോ മന്ദിരത്തെക്കുറിച്ച് ഞാൻ അറിഞ്ഞ കാര്യങ്ങള് എല്ലാം എന്നെ ആശയക്കുഴപ്പത്തിലാക്കാൻ തുടങ്ങി. അതെന്താണെന്ന് പറയുന്നതിന് മുമ്പ് ഹിമുരോ മാന്ഷന്റെ പറപ്പെടുന്ന ചരിത്രതിലെക്കൊന്നു പോയ്വരാം..
