Sharada's Musings

18/02/2023

A humble attempt to sing the song "Pheron Na Nazar Se Najariya" from the movie 'Qala'. Plesse listen. Ignore all flaws. Link in the first comment.

18/02/2023

I have reached 200 followers! Thank you for your continued support. I could not have done it without each of you. 🙏🤗🎉

04/11/2022

https://youtube.com/clip/UgkxTEvZlpwSIvgvCVuJxiOe23yPc9sNsAuZ

25 seconds · Clipped by Sharada's Musings · Original video "ലോകം മുഴുവൻ സുഖം പകരാനായ് സ്നേഹദീപമേ മിഴി തുറക്കൂ (Lokam muzhuvan sukham pakaraanaay)" by Sharada...

02/10/2022

ഈ ലിങ്കിൽ പോയി പോസ്റ്റ് ലൈക്ക് ചെയ്യാനും ഷെയർ ചെയ്യാനും മറക്കരുത്. https://www.facebook.com/photo?fbid=509064531228384&set=a.452443130223858

എന്റെ പേര് ശാരദാ ദേവി. വി. തിരുവനന്തപുരം സ്വദേശം. ഞാൻ ഡിസബിലിറ്റിയുള്ള ഒരു വ്യക്തിയാണ്. വീൽചെയർ യൂസർ ആണ്. ഇംഗ്ലീഷ് പി എച് ഡി ഗവേഷണം പൂർത്തിയാക്കി അവസാനഘട്ടത്തിനു കാത്തിരിക്കുന്നു. ഡിസബിലിറ്റികൾ വ്യക്തികളുടെ അവകാശങ്ങളെക്കുറിച്ചു സമൂഹത്തിനു ബോധവൽക്കരണം നല്കാൻ എന്റേതായ രീതികളിൽ ശ്രമിക്കുന്നു. അച്ഛൻ, അമ്മ, അനിയൻ, പിന്നെ കുറച്ചു പൂച്ചകൾ എന്നിവർ അടങ്ങിയതാണ് എന്റെ കുടുംബം.

ജന്മനാ ഡിസബിലിറ്റി ഉള്ള വ്യക്തിയാണ് ഞാൻ. എന്നാൽ എന്റെ അച്ഛനും അമ്മയും എന്നെ മുഖ്യധാരാ സ്കൂളുകളിലും കോളേജിലും ഒക്കെ തന്നെ പഠിക്കാനായി ചേർത്തു. വിദ്യാഭ്യാസത്തിന്റെ ശക്തിയും പ്രാധാന്യവും അവർ എനിക്ക് മനസിലാക്കിത്തന്നു. കോട്ടൺ ഹിൽ സ്കൂളിൽ നിന്ന് എസ്എസ്എൽസിയും പ്ലസ് ടുവും ഡിസ്റ്റിൻക്ഷനോടെ പാസായിട്ട് ആഗ്രഹിച്ചത് പോലെ ഇംഗ്ലീഷ് സാഹിത്യത്തിൽ ബിരുദവും ബിരുദാനന്തര ബിരുദവും തിരുവനന്തപുരം സർക്കാർ വനിതാ കോളേജിൽ നിന്ന് ഫസ്റ്റ് ക്ലാസ്സോടെ എടുത്തു. കോളേജ് അധ്യാപകർക്ക് ഉണ്ടാവേണ്ട മിനിമം യോഗ്യതയായ യുജിസി നെറ്റ് പരീക്ഷയും പാസായി. കേരള സർവകലാശാലയിൽ നിന്ന് ഇംഗ്ലീഷിൽ എംഫിലും നേടി.

എന്റെ ജീവിതത്തിലെ വഴിത്തിരിവുകളിൽ ഒന്ന് ഞാൻ 5 വർഷങ്ങൾ പഠിച്ച കോളേജിലേക്ക് ഒരു ഗസ്റ്റ് അധ്യാപികയായി തിരിച്ചെത്തിയതായിരുന്നു. ഒരു വർഷം ഞാൻ അവിടെ പഠിപ്പിച്ചു. മറക്കാൻ ആവാത്ത അനുഭവങ്ങൾ ആണ് ആ ഒരു വർഷം എനിക്ക് സമ്മാനിച്ചത്.
പിന്നീടാണ് ഞാൻ പി എച് ഡിക്ക് ചേർന്നത്. കഴിഞ്ഞ അന്താരാഷ്ട്ര ഡിസബിലിറ്റി ദിനമായ ഡിസംബർ മൂന്നിന് ഞാൻ എന്റെ ഗവേഷണപ്രബന്ധം സമർപ്പിച്ചു. ഡിസബിലിറ്റി സ്റ്റഡീസ് ആണ് എന്റെ ഗവേഷണ മേഖല.

ഇത് വരെ എത്തിയത് ഒരുപാടു തടസങ്ങളിലൂടെയാണ്. നോൺ-ഡിസേബിൾഡ് വ്യക്തികൾക്ക് ചിന്തിക്കാൻ പോലും കഴിയാത്ത തരത്തിൽ ഉള്ള ബുദ്ധിമുട്ടുകൾ ഈ സമൂഹത്തിൽ നിന്നു നേരിട്ടാണ് ഇത് വരെ എത്തിയത്. ഈ സമൂഹം നോൺ-ഡിസേബിൾഡ് വ്യക്തികളുടെ ആവശ്യങ്ങൾക്കാണ് പ്രാധാന്യം കൊടുക്കുന്നത്. അത് കൊണ്ട് തന്നെ സമൂഹത്തിലെ ഓരോ മേഖലയിലും വീൽചെയർ സൗഹൃദങ്ങളായ ഇടങ്ങൾ കുറവാണ്. പ്രത്യേകിച്ചും വിദ്യാഭ്യാസ സ്ഥാപനങ്ങൾ. ചില തിക്താനുഭവങ്ങൾ ചില വ്യക്തികളുടെ ഇടപെടലിലൂടെ ഉണ്ടായിട്ടുണ്ട്. കുടുംബത്തിന്റെ പിന്തുണ കൊണ്ട് ഒരു പരിധി വരെ എന്റെ അവകാശങ്ങൾ കുറച്ചെങ്കിലും എനിക്ക് നേടാനായിട്ടുണ്ട്.

എങ്കിലും ഇപ്പോഴും ഞാൻ ഈ സമൂഹത്തിൽ പല തരത്തിൽ പാർശ്വവൽക്കരിക്കപ്പെട്ടുകൊണ്ടിരിക്കുകയാണ്.
സമൂഹത്തിന് ഡിസബിലിറ്റിയെക്കുറിച്ചും ഡിസബിലിറ്റികൾ ഉള്ള വ്യക്തികളെക്കുറിച്ചും ഒരുപാടു തെറ്റായ ധാരണകൾ ഉണ്ട്. ഒരു ഗവേഷക എന്ന നിലയിൽ ഞാൻ അത്തരം ധാരണകൾ ഇല്ലാതാക്കുവാൻ ശ്രമിക്കുന്നുണ്ട്. പലരുടെയും ഡിസബിലിറ്റിയോടുള്ള കാഴ്ചപാടുകൾ മാറ്റുവാൻ സാധിച്ചതിൽ സന്തോഷം ഉണ്ട്. പല മാധ്യമങ്ങളിലും എന്നെക്കുറിച്ചുള്ള ഫീച്ചറുകളും ഇന്റർവ്യൂകളും വന്നിട്ടുണ്ട്.ഇപ്പോൾ പല ഗവേഷണതൽപരർ ആയ വിദ്യാർത്ഥികളും ഗവേഷണസംബന്ധമായി ഉപദേശങ്ങൾക്കും നിർദേശങ്ങൾക്കും വിളിക്കാറുണ്ട്. അക്കാഡമിക് റിസോഴ്സ് പേഴ്സൺ ആയി കുറച്ചു പ്രഭാഷണങ്ങളും നടത്താൻ സാധിച്ചു. ഒരു കോളേജ് അധ്യാപികയാവുക എന്ന ലക്ഷ്യത്തിലേക്ക് സഞ്ചരിക്കുകയാണ്.

10/08/2022

Random singing....

02/04/2022

02/04/2022

Came to know that April is only yesterday night. Haven't written any poem for a long time now. I'm also not a great poet. Just a budding one. Thought to participate in it though I'm unsure whether I will be able to complete this because of my busy schedule. Just giving a try. Wrote a poem yesterday night but couldn't post it then. So posting now.

03/01/2022

വൈക്കം വിജയലക്ഷ്മിയുടെ വിവാഹമോചന വാർത്തയോട് പലരും പ്രതികരിച്ചിരിക്കുന്നത് കാണാനിടയായി. സാധാരണ വിവാഹമോചന വാർത്തകളോടുള്ളതിനേക്കാൾ കുറച്ചധികം ആകാംക്ഷ ആളുകൾക്ക് ഇതിൽ ഉണ്ടെന്നു തോന്നുന്നു. കാരണം ഇവിടെ വിവാഹമോചനം നേടിയത് ഡിസബിലിറ്റിയുള്ള ഒരു സ്ത്രീയായതു കൊണ്ട്, ഡിസബിലിറ്റികളുള്ള സ്ത്രീകൾക്ക് വിവാഹം എന്ന കാര്യം അപ്രാപ്യം ആയതു കൊണ്ട്. എന്താണ് വാസ്തവത്തിൽ സംഭവിച്ചതെന്നത് അവരുടെ സ്വകാര്യ വിഷയം ആണ്. ഞാൻ ശ്രദ്ധിച്ചത് വേറെ ഒരു കാര്യമാണ്. വൈക്കം വിജയലക്ഷ്മിയെക്കുറിച്ചുള്ള ചില കമന്റുകളിൽ അവർ മഹാ അഹങ്കാരിയാണെന്നും സംസാരരീതി കേട്ടാൽത്തന്നെ അത് മനസിലാകുമെന്നും ഒക്കെ ചിലർ എഴുതിയിരിക്കുന്നു. എന്ത് കൊണ്ടാണ് ഇങ്ങനെ അവർക്കു തോന്നുന്നത്? സിംപിൾ. വൈക്കം വിജയലക്ഷ്മി എന്ന ഗായിക ബോൾഡ് ആണ്. സംസാരത്തിൽ ആ ബോൾഡ്നെസും ആത്മവിശ്വാസവും നമുക്ക് അറിയാൻ കഴിയും. എന്നാൽ അവർക്കു കാഴ്ചയില്ല എന്ന കാരണത്താൽ ഏബ്ളിയിസ്റ്റ് ആയ സമൂഹം സംസാരത്തിലും പെരുമാറ്റത്തിലും വിനയവും അടക്കവും ഒതുക്കവും ഒക്കെ പ്രതീക്ഷിക്കും. ഡിസേബിൾഡ് ആയ വ്യക്തികൾ പാസ്സീവ് ആയി, നിഷ്ക്രിയരായി മറ്റുള്ളവരുടെ കനിവിൽ കഴിയണം. സമൂഹം കൽപ്പിച്ചു വെച്ചിട്ടുള്ള രീതികൾ കടന്നു പെരുമാറിയാൽ, സംസാരിച്ചാൽ ഒരു ഡിസേബിൾഡ് വ്യക്തി അഹങ്കാരിയാകും. ധിക്കാരിയാകും. പലപ്പോഴും സ്വന്തം ജീവിതത്തെക്കുറിച്ചു തീരുമാനങ്ങൾ എടുക്കുന്നതിനും അഭിപ്രായങ്ങൾ തുറന്നു പറയുന്നതിനും ആയിരിക്കും ഇത്തരം പട്ടങ്ങൾ ചാർത്തിക്കിട്ടുക. ഇവിടെ അതാണ് ഞാൻ കണ്ടത്. ഒരേ സമയം പാട്രിയാർക്കിയും ഏബ്ളിയിസവും ആണ് അത്തരം കമെന്റുകളിൽ കണ്ടത്. ഒരു നോൺ-ഡിസേബിൾഡ് സ്ത്രീക്ക് വിവാഹവും വിവാഹമോചനവും സാധ്യമെങ്കിൽ അത് പോലെ തന്നെ നോർമലൈസ് ചെയ്തു വേണം ഇതിനെയും കാണാൻ. കാരണം അവരും ഒരു സാധാരണ മനുഷ്യ സ്ത്രീയാണ്. ശരികളും തെറ്റുകളും എല്ലാം ഉള്ള ഒരു സ്ത്രീ. ഡിസേബിൾഡ് വ്യക്തികൾ ദിവ്യാവതാരങ്ങളെന്നും പ്രത്യേകമായ, അമാനുഷികമായ എന്തൊക്കെയോ കഴിവുകൾ ഉള്ളവരെന്നും ഉള്ള തെറ്റായ പൊതുബോധം കൂടി ഇവിടെ പ്രതിഫലിക്കുന്നുണ്ട്. ആ പൊതുബോധം മാറി ഡിസബിലിറ്റിയെ വൈവിധ്യമായി കരുതാൻ സമൂഹം ശ്രമിക്കേണ്ടിയിരിക്കുന്നു.
കാർട്ടൂൺ ചിത്രം എടുത്തിരിക്കുന്നത് Feminism in India വെബ്‌സൈറ്റിൽ നിന്ന്. കണ്ണുകൾ ഇല്ലാത്ത, രണ്ടു കൈകളിലും ക്രച്ചസ് പിടിച്ചു നിൽക്കുന്ന, ആടയാഭരണങ്ങൾ ധരിച്ച ഒരു ഡിസേബിൾഡ് വധുവിന്റെ അവ്യക്തരൂപം ആണ് ചിത്രത്തിൽ.
ശാരദാ ദേവി. വി
ഗവേഷക വിദ്യാർത്ഥി

11/12/2020

https://www.youtube.com/watch?v=lAq9j_tR-1M

A video made for Pallium India's awareness programme for International Day for Persons with Disabilities 2020.