Ajith Poojappura Director/writer

26/02/2026

ഒരു പൂവിന്റെ മൗനം മഴ തുള്ളികൾ തീർക്കുമോ... അതോ മഞ്ഞു കണങ്ങളാൽ തീരുമോ...

ചിലപ്പോൾ പൊഴിഞ്ഞു വീഴാൻ തുടങ്ങുന്ന പൂവിതളുകളിൽ മഞ്ഞിന്റെ തണുത്ത ചിറകുകൾ വീശി തഴുകുന്നുണ്ടാകാം...

ഇന്ന് എന്നത്തേക്കാളും ദളങ്ങൾക്കു ശോഭ കൂടുതലായിരുന്നു...

അറിഞിരുന്നില്ല... ശോഭയോടെ ചിരിക്കുന്ന പൂവിനെ പറിച്ചെടുക്കാൻ ഒരു ദിവസം ഏതോ കൈകൾ വരുമെന്ന്...

അദൃശ്യ കരങ്ങളുടെ സ്പർശനം മറ്റൊരു പുനർജന്മത്തിന്റെ തലോടൽ ആയിരിക്കുമോ...

09/09/2025

കുന്നുമ്പാറ....

ചരിത്രം കാൽപാടുകൾ പതിപ്പിച്ച പുണ്യസ്ഥലം...

അവിടെ ഒത്തിരി നേരം...

15/08/2025

https://youtu.be/-ftrKS_dyFo

ഉണ്ണി മുവീസിന്റെ ബാനറിൽ
ഉണ്ണികൃഷ്ണൻ കെ പി നിർമ്മിച്ച്...

ഞാൻ കഥ, തിരക്കഥ, സംഭാഷണം നിർവഹിച്ച്

ജീവൻ കോട്ടായി സംവിധാനം ചെയ്ത മെഡിക്കൽ ത്രില്ലെർ

"ബോംബെ പോസിറ്റീവ് " ലെ ഗാനം പ്രിയപ്പെട്ട പ്രേക്ഷകർക്ക് മുന്നിൽ സമർപ്പിക്കുന്നു...

ഗാനം എല്ലാവരിലേക്കും എത്തിക്കുമല്ലോ...

Song - AzhalMusic, Composed, Arranged & Programmed by Ranjin RajLyrics - BK Harinarayanan Singer - K.S.HarisankarGuitars - Godfray ImmanuelSarangi - Manonman...

08/08/2025

ദുർഗപ്രിയയുടെ ആഗ്രഹം പൂർത്തിയാകുന്നു...

ദുർഗപ്രിയ നായികയാകുന്ന അജു വർഗീസ്, അസീസ്, നെടുമങ്ങാട്, അരിസ്റ്റോ സുരേഷ്, തമ്പാനൂർ ഷെറീഫ് എന്നിവർക്കൊപ്പം പുതുമുഖങ്ങളും അണി നിരക്കുന്ന ശ്രീ ബിജു രവീന്ദ്രൻ നിർമിച്ച് ഞാൻ കഥ, തിരക്കഥ, സംഭാഷണം, സംവിധാനം നിർവഹിച്ച "PTA" എന്ന ചിത്രം പ്രദർശനത്തിന് തയാറാകുന്നു...

09/02/2025

കളരിവിളക്ക് തെളിഞ്ഞതും... കൊന്ന മരം പൂത്തതും.. കുന്നത്ത് സൂര്യൻ ഉദിച്ചതും ആ വലിയ മനസ്സിൽ ആയിരുന്നു... അദ്ദേഹം തൂലിക എടുത്തപ്പോൾ... ആ വീരഗാഥ രചിക്കുമ്പോൾ ചന്തുചേകവർ എന്ന ലക്ഷണമൊത്ത വീരനെ തേടി അധികം അലയേണ്ടി വന്നില്ല... രണ്ടാമത് ഒന്ന് ആലോചിക്കേണ്ടിയും വന്നില്ല...
വർഷങ്ങൾ 35 കഴിഞ്ഞിരിക്കുന്നു... വീണ്ടും എം ടി യുടെ തൂലികയിൽ പിറന്ന വടക്കൻ വീരഗാഥയിലെ അനശ്വര കഥാപാത്രങ്ങളെ കാണാൻ തീയേറ്ററിൽ ജനസാഗരം ഒഴുകിയെത്തുന്നുണ്ടെങ്കിൽ അത് കാലാതിവർത്തിയായ ഒരു മഹാ സൃഷ്ടിയുടെ വിജയം തന്നെയാണ്...

ഇനി ഇങ്ങനെയൊരു ലക്ഷണമൊത്ത ക്ലാസിക് മലയാളത്തിൽ ഉണ്ടാകുമോ എന്നറിയില്ല... ഉണ്ടാകുമായിരിക്കാം എന്നാലും പുതിയ തലമുറയ്ക്ക് തിരക്കഥയും, സംവിധാനവും,അഭിനയവും, ചായഗ്രഹണവും, കലാസംവിധാനവും പഠിക്കാൻ ഉതകുന്ന ഒരു നല്ലൊരു പഠന ക്ലാസ് കൂടിയാണ് ഈ ചിത്രം...

പുത്തൻ തലമുറയിലെ കുട്ടികളെ...ഒരിക്കലും നിങ്ങൾ "ഒരു വടക്കൻ വീരഗാഥ" എന്ന ഈ മഹാ ചലച്ചിത്ര കാവ്യം കാണാതിരിക്കരുത്...

സംശയമില്ല..
ചന്തു ചേകവരും,
ആരോമലും, അരിങ്ങോടരും,
ആർച്ചയും... എല്ലാം നിങ്ങൾക്ക് നാളെ കണ്ടു പഠിക്കാനുള്ള വിസ്മയങ്ങളാണ്....

"ഒരു വടക്കൻ വീരഗാഥ"

ഒരു വിസ്മയം...

25/09/2024

Congrats team director jeevan script ajith poojapura
Produced by unnikrishnan kp and hareeshkumar

17/05/2024

മഴ മേഘങ്ങൾ ഉരുണ്ടു കൂടുന്നുണ്ട്... മനുഷ്യ ശരീരങ്ങളെ കനൽ ചൂടിൽ കരിച്ചെടുത്ത കടുത്ത വേനൽ കാലം മെല്ലെ വിടപറയുകയാണ്... ഇനി മഴക്കാലം... മൺസൂൺ മനോഹരം....

27/01/2024

ഇന്നലെ രാത്രി (26/01/2024) 10.30 ന് തിരുവനന്തപുരം തമ്പാനൂർ ബസ്റ്റാന്റിൽ നിന്നും കോഴിക്കോട്ടേക്ക് പുറപ്പെട്ട KSRTC ബസിലെ ഡ്രൈവർ യാത്രക്കാരോട് വളരെ മോശമായി പെരുമാറുന്നത് കണ്ട അതേ ബസിലെ യാത്രക്കാരനായ ഒരു ഡോക്ടർ സംഭവം വീഡിയോയിൽ പകർത്തി എനിക്ക് അയച്ചു തന്നു... ഞാൻ അത് അപ്പോൾ തന്നെ ശ്രീ പൂജപ്പുര രാധാകൃഷ്ണന് അയച്ചു കൊടുത്തു... വിഷയം മനസ്സിലായ അദ്ദേഹം അപ്പോൾ തന്നെ ബന്ധപ്പെട്ടവരെ വിളിച്ച് അന്വേഷിച്ചു... അതിനു ശേഷം അദ്ദേഹം എന്നെ തിരികെ വിളിച്ചു അപ്പോൾ സമയം രാത്രി 11.30 ആകുന്നു... ഞാൻ അദ്ദേഹത്തോട് ചോദിച്ചു ഈ രാത്രിയിൽ വിളിച്ചത് ബുദ്ധിമുട്ടായോ.... അതിനു മറുപടിയായി അദ്ദേഹം പറഞ്ഞു.... KSRTC യെ രക്ഷിക്കാൻ വകുപ്പ് മന്ത്രിയോടൊപ്പം ഞങ്ങളും അഹോരാത്രം പണിയെടുക്കുന്നു... അതിനു ജനങ്ങളുടെ ഇങ്ങനെയുള്ള പിന്തുണയും ഉണ്ടാകുന്നത് അഭിനന്ദനീയമാണ്... ഇന്ന് രാവിലെ അദ്ദേഹം വീണ്ടും എന്നെ വിളിച്ചു ഇന്നലെ അയച്ചു തന്ന പരാതിക്കു തീർപ്പുണ്ടാക്കി... യാത്രക്കാരോട് മോശമായി പെരുമാറിയ ഡ്രൈവറെയും കണ്ടക്ടറെയും ശാസിക്കുകയും അവർ യാത്രക്കാരനോട് ക്ഷമ പറയാമെന്നും പറഞ്ഞു....

ഇതാണ് ഒരു ജനകീയ സർക്കാറിലെ ജനകീയനായ മന്ത്രിയുടെ ഇടപെടൽ... ഇങ്ങനെയാകണം ജനങ്ങൾക്കു വേണ്ടി ഒരു ജനസേവകൻ ചെയ്യേണ്ടത്...

അഭിനന്ദനങ്ങൾ
കെ ബി ഗണേഷ് കുമാർ...
പൂജപ്പുര രാധാകൃഷ്ണൻ...

20/07/2023

എനിക്ക് വ്യക്തമായ ഒരു രാഷ്ട്രീയ ചിന്തയുണ്ട്... കാഴ്ചപ്പാടുണ്ട്, എങ്കിലും പറയട്ടെ....രാഷ്ട്രീയം എന്തുമാകട്ടെ... ഏത് ചേരിയുമാകട്ടെ.... ആശയപരമായി എതിർ ചേരിയിൽ നിൽക്കുന്നവർ പോലും നേതാക്കളുടെ മരണത്തിൽ അനുശോചനം രേഖപ്പെടുത്തുമ്പോൾ "ഞങ്ങൾ തമ്മിൽ നല്ലൊരു സൗഹൃദം ഉണ്ടായിരുന്നു " എന്ന് പറയുന്നു... അതാണ് കേരളത്തിന്റെ മുഖമുദ്ര... അതാണ് ഈ നാടിന്റെ സംസ്കാരം... നമ്മുടെ സംസ്കാരം ഉയർത്തിപിടിക്കുന്നതിൽ ഈ നാടിന്റെ കലാകാരന്മാർ വലിയൊരു പങ്കു വഹിച്ചിട്ടുണ്ട്... എന്നാൽ കേരളത്തിന്റെ രാഷ്ട്രീയ ചരിത്രത്തിൽ ഇടം നേടിയ മുൻ മുഖ്യമന്ത്രി കൂടിയായിരുന്ന ശ്രീ ഉമ്മൻ ചാണ്ടിയെ മരണത്തിൽ പോലും അവഹേളിച്ചു കൊണ്ട് വീഡിയോ പോസ്റ്റ്‌ ചെയ്ത നടൻ വിനായകനെ ഒരു കലാകാരൻ എന്നു പറയാൻ വിഷമമുണ്ട്... ഇയാൾ കലാകാരന്മാർക്ക് ഒരു അപമാനമാണ്... ഒരു കലാകാരൻ എന്ന നിലയിൽ വിനായകന്റെ വീഡിയോ വലിയ വിഷമം ഉണ്ടാക്കുന്നു...