13/05/2026
རང་ཡུལ་སྐད་དུ་༼ཙུག༽ བོད་སྐད་དུ་སྟར་བུ་ཞེས་པའི་ཤིང་ཏོག་ནི་རི་མཐོ་ས་གཙང་དང་གྲང་ངར་ཆེ་བའི་ས་ཆར་སྐྱེ་ཐུབ་པའི་ཤིང་ཏོག་ཕུལ་བྱུང་ཞིག་རེད།
སྟར་བུ་ནི་ཧི་མ་ལ་ཡའི་རི་རྒྱུད་དུ་སྐྱེ་བའི་ཤིང་ཏོག་རྩ་ཆེན་ཞིག་ཡིན་པ་མ་ཟད། བོད་ལུགས་གསོ་རིག་ནང་དུའང་སྨན་མཆོག་ཅིག་ཏུ་བརྩི་གྱི་ཡོད། སྟར་བུའི་ཕན་ཡོན་གཙོ་བོ་ཁག་གཤམ་གསལ་ལྟར་ཡིན།
༡། གློ་བའི་འཕྲོད་བསྟེན།
སྟར་བུ་ནི་གློ་བའི་ནད་རིགས་ལ་ཕན་ཐོགས་ཤིན་ཏུ་ཆེ། ལྷག་པར་དུ་ལུ་བ་དང་། དབུགས་མི་བདེ་བ། གློ་ཚད་སོགས་ལ་ཕན་པའི་སྨན་གྱི་ནུས་པ་ཁྱད་པར་ཅན་ཡོད།
༢། ཁྲག་ཤེད་དང་སྙིང་ལ་ཕན་པ།
འདིས་ལུས་ཀྱི་ཁྲག་གི་འཁོར་རྒྱུད་ལེགས་སུ་གཏོང་བ་དང་། ཁྲག་རྩ་མཁྲེགས་པོ་ཆགས་པ་ལས་སྔོན་འགོག་བྱེད་པས་སྙིང་གི་ནད་རིགས་སྔོན་འགོག་བྱེད་པར་ཕན་པ་ཆེ།
༣། ཕོ་བའི་ཟས་འཇུ་བར་ཕན་པ།
སྟར་བུས་ཕོ་བའི་མེ་དྲོད་གསོ་བ་དང་། ཟས་འཇུ་སྟོབས་ཆེ་རུ་གཏོང་བ། དང་ག་འབྱེད་པ་བཅས་ལ་ཕན་པས། ཕོ་བ་མི་བདེ་བ་དང་བཤལ་སྐྱུག་གི་ནད་ལ་སྨན་དུ་སྤྱོད་ཀྱི་ཡོད།
༤། ལུས་ཀྱི་ཟུངས་སྟོབས་འཕེལ་བ།
སྟར་བུའི་ནང་དུ་འཚོ་བཅུད་ (Vitamin C) ཧ་ཅང་མང་པོ་ཡོད་པས། ལུས་ཀྱི་ནད་འགོག་ནུས་པ་ཆེ་རུ་གཏོང་བ་དང་། ངལ་དུབ་སེལ་བ། ལུས་ཟུངས་གསོ་བ་བཅས་ལ་མཆོག་ཏུ་གྱུར།
༥། པགས་པའི་འཕྲོད་བསྟེན།
སྟར་བུའི་སྣུམ་ (Sea buckthorn oil) དེ་རྨ་ཁ་གསོ་བ་དང་། ཉི་མས་འཚིག་པའི་པགས་པར་ཕན་པ། པགས་པ་འཇམ་པོ་བཟོ་བ་བཅས་ཀྱི་ནུས་པ་ཡོད།
བོད་ལུགས་གསོ་རིག་ནང་གི་ནུས་པ།
སྟར་བུས་བད་ཀན་ཁྲག་མཁྲིས་སེལ་བར་བྱེད།
ཅེས་གསུངས་པ་ལྟར། སྟར་བུས་བད་ཀན་གྱི་ནད་དང་། ཁྲག་ནད། མཁྲིས་པ་བཅས་ལ་ཕན་པའི་ནུས་པ་ཡོད།
ShendraX Art
