21/10/2025
വായിക്കണം പൂർണ്ണമായും കാരണം ഇതൊരു ഹൃദയം കീറുന്ന കത്തിന്റെ മൊഴിമാറ്റമാണ്. മുങ്ങി മരിച്ച അഭയാർത്ഥി യുടെ കത്ത്.
ഒരുപാട് സ്വപ്നങ്ങളും പേറി ആ റബ്ബർ ബോട്ടിൽ തൻ്റെ സ്വപ്ന ഭൂമിയായ ഗ്രീസിലേയ്ക്ക് അഭ യാർത്ഥിയായി പോകുമ്പോൾ അവൻ അറിഞ്ഞില്ല മെഡിറ്റ നിയൻ അവനായി കാത്തുവച്ച ദുരന്തം.
മരണത്തെ മുന്നിൽ കാണു മ്പോൾ അവൻ പ്രീയപ്പെട്ട അമ്മയ്ക്ക് എഴുതിയ കത്ത് നാലായി മടക്കി പോക്കറ്റിൽ ഇട്ടിരുന്നു.
ഗാർഡിയൻ പ്രസിദ്ധികരിച്ച കത്തിൽ എന്റെ പരിഭാഷയാണ്
എത്രയും പ്രീയമുള്ള അമ്മേ ക്ഷമിക്കണം എനിക്കെന്റെ സ്വപ്ന ഭൂമിയിലേക്ക് നിങ്ങളുടെ സ്വപ്നങ്ങളുമായി എത്തിച്ചേ രാൻ കഴിയാത്തതിൽ.
, ഈ ബോട്ട് ഞങ്ങളുമായി മെഡിറ്ററെനിയന്റെ അഗാധ നീലിമ യിലേക്ക് മുങ്ങുകയാണ്. എന്റെ സ്വപ്നങ്ങൾക്ക് ഇപ്പോൾ മരണത്തിന്റെ നീല നിറമാണ്.
എന്റെ വാഗ്ദത്ത ഭൂമിയിലേക്ക് ഞാൻ എത്തില്ല, ഈ സ്വപ്ന യാത്രയ്ക്കായി ഞാൻ കടം വാങ്ങിയ പണം മടക്കി കൊടു ക്കാനും കൂടി കഴിയില്ല എന്ന വേദനയുണ്ട്, പക്ഷേ അമ്മ വിഷമിക്കരുത്.
എന്റെ ശരീരം ആരും വീണ്ടെടുക്കരുതേ എന്ന പ്രാർത്ഥന യാനെനിക്ക്. പ്രീയ പോസിഡൺ അതിനെ നിന്റെ ആഴങ്ങളിലേയ്ക്ക് വലിച്ചു കൊണ്ടു പോകൂ.
അമ്മേ എന്റെ ശരീരം ലഭിച്ചാലും അതു നിങ്ങൾക്ക് താങ്ങാൻ കഴിയാത്ത ചെലവിലേയ്ക്ക് ആകും കൊണ്ടു പോവുക. ഇവിടെനിന്നും അവിടെയ്ക്കുള്ള കടത്തു കൂലി, അടക്കാനുള്ള ചെലവുകൾ, അനുശോചന ത്തിനും മരണാ നന്തര ചടങ്ങുകൾക്കും ഉള്ള ചെലവുകൾ ഒക്കെ,
അതു കൊണ്ടു അമ്മേ എന്റെ ശരീരം കണ്ടെടുക്കാതിരിക്കു ന്നതാണ് നല്ലത് നിങ്ങൾക്കും എനിക്കും, നിങ്ങൾ വീണ്ടും ഈ ഭാഗ്യ ഹീനനെ ശപിക്കില്ലല്ലോ.
ഞാനും മറ്റുള്ളവരെ പോലെ യാത്രയാകുന്നു. കൂടെയുള്ള അവരുടെ സ്വപ്നങ്ങളെക്കാൾ വലുതല്ലല്ലോ എന്റെ സ്വപ്നങ്ങൾ
നിരന്തരം അമ്മയെ വേദന തീറ്റിക്കുന്ന കഠിനമായ വയറു വേദനയ്ക്കുള്ള മരുന്നുകൾ വാങ്ങുന്നതിനേക്കാൾ വലിയ സ്വപ്നങ്ങൾ എനിക്കില്ലമ്മേ.
ഇളകിപോയ പല്ലുകളുടെ സ്ഥാനത്ത് ഒരു ജോഡി പുതിയ പല്ലുകൾ അമ്മയ്ക്ക് വയ്ക്കുന്നതിനേക്കാൾ വലിയ സ്വപ്നം എനിക്കില്ലായിരുന്നു ഈ യാത്രയ്ക്ക് തിരിക്കുമ്പോൾ.
പ്രീയമുള്ള സ്നേഹിതേ ഞാൻ നിനക്കായി പണിതത് ഒരു ആകാശ കൊട്ടാരം ആയി പോയല്ലോ, നമ്മൾ സിനിമയിൽ ഒക്കെ കണ്ട കൊട്ടാരങ്ങൾ.
എന്റെയും നിന്റെയും വസ്ത്രങ്ങൾ ഒക്കെ മനോഹരമായി തൂക്കിയിട്ടി രിക്കുന്ന മുറികൾ ഒക്കെ, നീയും എന്നോട് ക്ഷമിക്കണം.
പ്രീയമുള്ള സഹോദര,
നിന്റെ ബിരുദദാന ചടങ്ങിന് മുൻപ് നിനക്ക് ഞാൻ എല്ലാ മാസവും അയച്ചു തരാം എന്ന് വാഗ്ദാനം ചെയ്ത അൻപതു യൂറോ അയച്ചു തരാൻ കഴിയാത്ത നിർഭാഗ്യവാൻ ആണല്ലോ നിന്റെ ചേട്ടൻ.
പ്രീയമുള്ള പെങ്ങളെ നിന്റെ പണക്കാരിയായ സുഹൃത്തിന്റെ കയ്യിലുള്ള വൈ ഫൈ ഉള്ള ഫോൺ പോലെ ഒന്നു വാങ്ങി തരാൻ ഈ ജ്യേഷ്ഠനു കഴിയുന്നില്ലല്ലോ. ക്ഷമിക്കണം പൊന്നു പെങ്ങളെ നീ.
പ്രീയമുള്ള എന്റെ ഭവനമേ നീയും എന്നോട് ക്ഷമിക്കണം നിന്റെ കതകുകളുടെ പിറകിൽ എന്റെ കോട്ടു തൂക്കിയിടാൻ ഞാനിനി വരില്ല. ഒരിക്കലും.
എനിക്ക് പേരറിയില്ലാത്ത ഈ കടലിൽ മുങ്ങി മരിക്കുമ്പോൾ എന്റെ ശവ ശരീരത്തിന് വേണ്ടി തിരയുന്ന മുങ്ങൽ വിദഗ്ധരെ നിങ്ങളും എന്നെ ശപിക്കരുത് എന്നെ കണ്ടു കിട്ടാത്തതിൽ.
ഞാൻ നിങ്ങൾക്കൊരു ഭാരമാകാത്തതിൽ പ്രീയമുള്ള അഭയാർത്ഥി അഭയ കേന്ദ്ര കാര്യാലയങ്ങൾക്കും നന്ദി
പ്രീയമുള്ള സാഗരമേ എന്റെ രാജ്യം ചോദിക്കാതെ പാസ്സ്പോർട്ട് ചോദിക്കാതെ, വിസയില്ലാതെ നിങ്ങളുടെ മടിത്തട്ടിൽ എന്നെ സ്വികരിച്ചതിൽ.
പ്രീയമുള്ള മീനങ്ങളെ,ഈ സാഗരത്തിലെ എണ്ണിയാൽ ഒടുങ്ങാത്ത ജീവ ജാലങ്ങളെ എന്റെ ജാതി ചോദിക്കാതെ, മതം ചോദിക്കാതെ,രാഷ്ട്രീയം ചോദിക്കാതെ, എന്റെ മാംസം ഭക്ഷിക്കുന്ന നിങ്ങളോട് ഞാൻ എന്നും കടപ്പെട്ടിരിക്കുന്നു. ഞാൻ എങ്ങനെയാണ് അതിനു നിങ്ങളോട് എന്റെ നന്ദി രേഖപ്പെടുത്തുക.
പ്രീയമുള്ള വാർത്താ ചാനലുകളെ ഓരോ മണിക്കൂറിലും അഞ്ചു മിനിറ്റ് നേരം എന്റെ മരണം രണ്ടു ദിവസത്തേയ്ക്ക് വാർത്തയാക്കി ദുഖിക്കുന്ന നിങ്ങൾക്കും നന്ദി.
ഈ വാർത്ത കേട്ടു കുറച്ചു നാളത്തേയ്ക്ക് ദുഖിക്കുന്ന നിങ്ങൾക്ക് ഓരോരുത്തർക്കും നന്ദി
മുങ്ങി മരിക്കുന്നതിൽ എനിക്കു ദുഃഖമില്ല, കാരണം ഞാൻ ഇവിടെ വിശ്രമിക്കുകയാ ണ്.ഞാൻ ആശ്വാസം കൊണ്ടു വരുന്നു (മറ്റുള്ളവർക്ക് )
സ്വന്തം അബ്ദുള്ള ഒലെഫ്
