Tai Ahom Cultural Team - Lakhipather

27/02/2022

শ্ৰীমন্ত শংকৰদেৱ সংঘৰ ৯১ সংখ্যক বাৰ্ষিক অধিৱেশনৰ নাহৰকটীয়া ৰাঙলী পথাৰত।

06/01/2022

“টাই আহোমৰ নামত বস্তু আহিলে আমি নাপাওঁ কিয়?”......
এইষাৰ আক’ কেনেকুৱা কথা!

টাই আহোম উন্নয়ন পৰিষদৰ দ্বাৰা অহা বস্তুবোৰ টাই আহোম উন্নয়ন পৰিষদে বিতৰণ কৰিছে। আমি লক্ষীপথাৰ টাই আহোম সাংস্কৃতিক দলে বিতৰণ কৰা নাই।

04/01/2022

নতুন বছৰৰ এইবাৰ প্ৰথমটো অনুষ্ঠানত অহা ৬ জানুৱাৰী তাৰিখে সকলোকে লগ পোৱাৰ আশাৰে...............!

13/11/2021

লক্ষীপথাৰ টাই আহোম সাংস্কৃতিক দলৰ জন্ম লগ্ন ৰে পৰা আমাৰ সৈতে সহযোগিতা আগবঢ়াই যোৱা মাকুমৰ “বিপাঞ্চী বাৰ্বী গগৈ” নঙ-চাউ’ৰ আকস্মিক মৃত্যুৰ বাতৰিটোৱে মৰ্মাহত কৰিলে। টাই আহোম ভাষা-সংস্কৃতিৰ পুনৰ উদ্ধাৰৰ যুদ্ধ খনৰ এগৰাকী বীৰাংগনাক আজি আমি হেৰুৱালোঁ লগতে টাই আহোম সাংস্কৃতিক যুদ্ধ খনৰ ই এক অপূৰণীয় ক্ষতি হৈ ৰব । মৃত্যু চিৰন্তন সত্য, জীৱন মানেই মৃত্যু, তথাপিও এনে কিছুমান মৃত্যু সহজে মানি ল’ব নোৱাৰি। নঙ-চাউ তুমি য’তেই আছা কুশলে থাকা, নেদেখা জনৰ আগত তাকে কামনা কৰিলোঁ।

27/06/2021

টাই আহোম উন্নয়ন পৰিষদে যদি প্ৰকৃততেই জাতিটোৰ উন্নয়নৰ হৈ কাম কৰিছে বা কৰিব বিচাৰিছে তেন্তে এই সমূহ অনুস্থানৰ ওপৰত চকু দিয়ক। কুকাৰ, গেছ স্তভ বিতৰণ কৰি জাতিৰ উন্নতি কৰা কাৰ্য্যই কিন্তু জাতিটোক লজ্জিত হে কৰিছে।

02/12/2020

লক্ষীপথাৰ টাই আহোম সাংস্কৃতিক দলৰ উদ্যোগত চাওলুং ছুকাফা দিৱস (অসম দিৱস) উদযাপন কৰা হয়। আজিৰ এই অনুস্থানত মূখ্য বন্তি প্ৰজ্বলক হিচাপে উপস্থিত থাকে লক্ষীপথাৰৰ বিশিষ্ট সমাজসেৱক তথা প্ৰাক্তন শিক্ষক মানচাও গোবিন্দ প্ৰসাদ গগৈ ডাঙৰীয়া।

24/11/2020

আজি লক্ষীপথাৰ টাই আহোম সাংস্কৃতিক দলৰ উদ্যোগত অনুস্থিত হোৱা, মহাবীৰ লাচিত দিৱস আৰু প্ৰাক্তন মুখ্যমন্ত্ৰী ডাম চাও তৰুন গগৈ ডাঙৰীয়াৰ শ্ৰদ্ধাঞ্জলি অনুস্থানত লক্ষীপথাৰ টাই আহোম সাংস্কৃতিক দলৰ সভাপতি মানচাও খূন-ফা কু-কৈ (ৰাজীৱ গগৈ) ডাঙৰীয়া ই বন্তি প্ৰজ্বলন কৰে।

24/11/2020

অসমৰ প্ৰাক্তন মুখ্যমন্ত্ৰী ডাম চাও তৰুন গগৈ ডাঙৰীয়াৰ বিদেহী আত্মাৰ সদগতিৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰিলো।
আজিৰ আমাৰ এই অনুস্থানটোত সকলোৰে উপস্থিতি কামনা কৰিলোঁ।

স্থান:- লক্ষীপথাৰ ৰৌন চাও চেং।

13/08/2020

"লক্ষীপথাৰৰ টাই আহোম সমাজৰ বিষয়ে কিছু জানো আহক’’

সাম্প্ৰতিক সময়ত সমগ্ৰ অসমৰ টাই আহোম সকলৰ মাজত ভাষা-সংস্কৃতিৰ যি পুনৰ উদ্ধাৰৰ এক জোৱাৰ দেখা গৈছে,এই ক্ষেত্ৰত লক্ষীপথাৰত বাস কৰা টাই আহোম সকল ও পিছ পৰি থকা নাই। অসমৰ ইমোৰৰ পৰা সিমোৰলৈ টাই আহোম ভাষা-সংস্কৃতি তথা পৰম্পৰাৰ পুনৰ উদ্ধাৰৰ সংগ্ৰাম খনত লক্ষীপথাৰৰ টাই আহোম সকলে কি দৰে যোগ দিছে তাৰ বিষয়ে দু-আষাৰ।
টাই আহোম ভাষা-সংস্কৃতি তথা পৰম্পৰাৰ যি পুনৰ উত্থানৰ জোৱাৰ ,এই জোৱাৰ লক্ষীপথাৰৰ টাই আহোমৰ মাজতো বহু বছৰ আগতেই আৰম্ভ হৈছিল যদিও ২০১৭ চনৰ শেষৰ ফালেহে এই সংগ্ৰামে এক নতুন গতি পালে। আন ঠাইৰ টাই আহোমৰ যুৱ প্ৰজন্মৰ দৰে লক্ষীপথাৰৰ যুৱক সকলেও নিজ জনগোষ্ঠীৰ ভাষা-সংস্কৃতিৰ তথা পৰম্পৰাৰ প্ৰতি অধিক আকাৰ্ষণ হ’ল আৰু ২০১৮ চনত সেই যুৱক সকলে লক্ষীপথাৰত নিজ জনগোষ্ঠীৰ পৰম্পৰাৰ ৰক্ষাৰ্থে তে তে তে লৈ টাই আহোম পৰম্পৰাক আঁকোৱালি ল’লে।এই তে তে তে অনুষ্ঠানত অংশগ্ৰহণ কৰা প্ৰায় সংখ্যকেই আছিল যুৱ প্ৰজন্ম।এই দৰে লক্ষীপথাৰত আৰম্ভ হৈছিল টাই আহোমৰ ভাষা-সংস্কৃতি তথা পৰম্পৰাৰ পুনৰ উদ্ধাৰৰ এক নতুন সংগ্ৰাম। তে তে তে লোৱা সেই যুৱকসকল আৰু গাঁৱৰ কিছুমান সচেতন ব্যক্তিৰ লগত আলোচনা কৰি টাই আহোম ভাষা-সংস্কৃতিৰ কৰ্মশালা আয়োজনৰ সিদ্ধান্ত লয়, সেই মতেই Society for Tai Ahom Resurgence(STAR)ৰ সহযোগত ২০১৮ চনৰ ২১ জুলাইৰ পৰা দহ দিনীয়া কাৰ্যসূচীৰে কৰ্মশালা আৰম্ভ হয় আৰু সফলভাৱে সমাপ্তিও হয়। এই কৰ্মশালা খনত প্ৰায় দুই শতাধিক প্ৰশিক্ষাৰ্থীয়ে অংশ গ্ৰহন কৰে। কৰ্মশালা খনেই যেন এক নতুন যুগৰ সূচনা কৰিলে। কাৰন লাহে লাহে দহ বিশ জনে ভাষাটো ক’বলৈ শিকিলে, ইজনে সিজনৰ লগত কথোপকথন কৰিবলৈ ল’লে, ভাষাটোৱে এক নতুন গতি পালে, আমিও অলপ সফল হ’লো। কৰ্মশালা খনত অংশগ্ৰহণ কৰা প্ৰশিক্ষাৰ্থী সকলৰ কিছুৱে মিলি এটি সাংস্কৃতিক দল ও গঠন কৰা হ’ল। যাৰ নাম “মুক চুম ফিঙ ঙে টাই আহোম-লক্ষীপথাৰ”(লক্ষীপথাৰ টাই আহোম সাংস্কৃতিক দল) ৰখা হ'ল। লাহে লাহে লক্ষীপথাৰৰ এজন দুজনকৈ বহু আহোমে নিজৰ ভাষা-সংস্কৃতিৰ ৰক্ষাৰ্থে ওলাই আহিল(সকলো নহয়)। নতুন নতুন অনুষ্ঠানৰ আৰম্ভ হ’ল। বহিৰাগতৰ সংস্কৃতি এৰি নিজৰ সংস্কৃতি আকোঁৱালি ল’লে। "পয়-মাই-ক' চুম-ফাই", পয়-পি-মাউ-টাই, ফুৰালুং আদি অনুষ্ঠান উদযাপন কৰিবলৈ লোৱা হ’ল। এই দৰেই আজি তিনিটি বছৰ পাৰ হৈছে।
আশা কৰো লক্ষীপথাৰৰ তথা অসমৰ সকলো টাই আহোমে নিজক চিনি নিজৰ টাই আহোম ভাষা-সংস্কৃতিক আকোঁৱালি লৈ নিজৰ জনগোষ্ঠীটোক শক্তিশালী কৰি তুলিব। আমাৰ অভিজ্ঞতাৰ ওপৰত ভিত্তি কৰি কওঁ যে, ভাষা-সংস্কৃতিৰ দ্বাৰা হে আহোম এক হ’ব পাৰিব।
# তলত বিগত বছৰবোৰৰ স্মৃতি হিচাপে কিছু ফটো আগবঢ়ালোঁ #
✍️𑜉𑜤𑜀𑜫 𑜋𑜪𑜤 𑜇𑜢𑜂𑜫 𑜂𑜦𑜧 𑜄𑜩 𑜒𑜡 𑜑𑜪𑜤

31/07/2020

31/01/2020

বয়-কম পি নং টাঙ লাই🙏
লক্ষীপথাৰ টাই আহোম সাংস্কৃতিক দলৰ তৰফৰ পৰা সকলো জ্ঞাতিবৰ্গলৈ “মে-ডাম-মে-ফি”ৰ শুভেচ্ছা যাচিলোঁ।

29/01/2020

গুৱাহাটীৰ "মে-ডাম-মে-ফি"ৰ অনুস্থানলৈ বুলি যাত্ৰা আৰম্ভ কৰিলো।