22/08/2026
പെൺകുട്ടികൾക്ക് ഏറ്റവും മികച്ച ഓണം ഡ്രസ്സ് എന്നുപറയുന്നത് സാരിയും പട്ടുപാവാടയും ഒന്നുമല്ല.. - അത് ദാവണിയാണ്..!!❤️
ആദ്യമേ തന്നെ പറഞ്ഞുകൊള്ളട്ടെ, ഇപ്പോഴത്തെ പെൺകുട്ടികൾക്ക് ഞാൻ എഴുതാൻ പോകുന്നതിനോട് വലിയ താല്പര്യമൊന്നും ഉണ്ടാവില്ല.. പക്ഷേ 17 വയസ്സുള്ള ഒരു പെൺകുട്ടിയുടെ അമ്മ എന്ന നിലയിലാണ് ഞാൻ ഇത് എഴുതുന്നത്.. ഫേസ്ബുക്ക് അധികവും ഉപയോഗിക്കുന്നത് പ്രായമായവർ ആണ് എന്നതുകൊണ്ട് തന്നെ എനിക്ക് മനസ്സ് തുറക്കാൻ പറ്റിയ ഇടം ഇതാണെന്ന് തോന്നിയിട്ടാണ് ഇവിടെ എഴുതുന്നത്.."!
ഒട്ടുമിക്ക പെൺകുട്ടികളും ഓണത്തിന് ഉടുക്കാൻ താല്പര്യപ്പെടുന്നത് സാരിയാണ് , പ്രത്യേകിച്ചും ചെറിയ പെൺകുട്ടികൾ. കാരണം അവർ ജീവിതത്തിൽ ആദ്യമായിട്ടായിരിക്കും സാരി ഉടുക്കാൻ പോകുന്നത്.. അതിൻറെ ഒരു ആവേശം അവരിൽ ഉണ്ടാകും.. പക്ഷേ , സാരി ഉടുത്തു ശീലമില്ലാത്തവർക്ക് ആദ്യമായി സാരി ഉടുക്കുമ്പോൾ എത്രത്തോളം ബുദ്ധിമുട്ട് ഉണ്ടാവും എന്ന് പ്രത്യേകിച്ച് പറഞ്ഞു തരേണ്ടതില്ലല്ലോ..!!
സാരി ഉടുത്തു ചുമ്മാ ഒരു സ്ഥലത്ത് അടങ്ങി ഇരിക്കാൻ ആണെങ്കിൽ ഓക്കേ , വലിയ പ്രശ്നമൊന്നും ഉണ്ടാവില്ല.. പക്ഷേ ഓണം പരിപാടിയാകുമ്പോൾ ഒരുപാട് കലാപരിപാടികളും കായിക ഇനങ്ങളും ഒക്കെ ഉണ്ടാവുമല്ലോ.. സാരി ഉടുത്തു അതിൽ ഒക്കെ പങ്കെടുക്കുക എന്ന് പറയുന്നത് വളരെ ബുദ്ധിമുട്ടായിരിക്കും.. പ്രത്യേകിച്ച് വടംവലി , ഉറിയടി പോലെയുള്ള മത്സരയിനങ്ങളിൽ ഒക്കെ സാരിയുടുത്ത പെൺകുട്ടികൾക്കു പങ്കെടുക്കാൻ വളരെ ബുദ്ധിമുട്ടായിരിക്കും.. എൻ്റെ മോൾ ഒക്കെ ആ സമയത്ത് ഇടാൻ വേണ്ടി മാത്രം ഒരു ടീഷർട്ട് കൊണ്ട് പോവുകയാണ് പതിവ്.. എന്നിട്ട് അത് സാരിയുടെ മുകളിലൂടെ ഇടും. സംഭവം നല്ലതാണ് എങ്കിലും ഫോട്ടോസ് ഒക്കെ എടുക്കുന്ന സമയത്ത് സാരിയുടെ മുകളിൽ ടീഷർട്ട് ഇട്ടു കാണുന്നത് ഒരു അഭംഗി തന്നെയാണ്..!!
സാരി അല്ലാതെ മിക്ക പെൺകുട്ടികളും ഇപ്പോൾ താല്പര്യപ്പെടുന്ന ഒരു വേഷമാണ് പട്ടുപാവാട.. സത്യം പറഞ്ഞാൽ മുതിർന്ന പെൺകുട്ടികൾക്ക് പട്ടുപാവാട ഒരുകാലത്ത് ഒട്ടും ഇഷ്ടമല്ലായിരുന്നു.. കാരണം അവർ കുട്ടിക്കാലം മുതൽ ധരിച്ചു വരുന്ന ഒരു വേഷമായിരുന്നു പട്ടുപാവാട.. എന്നാൽ, ഇപ്പോഴത്തെ പെൺകുട്ടികൾ ആരും തന്നെ ചെറുപ്പത്തിൽ പട്ടുപാവാട ധരിക്കാറില്ലല്ലോ. അവർക്ക് പട്ടുപാവാട ധരിക്കാനുള്ള ഒരേയൊരു അവസരം ഈ ഓണവും വിഷുവും ഒക്കെയാണ്.. അതുകൊണ്ടൊക്കെയാണെന്ന് തോന്നുന്നു ഇപ്പോഴത്തെ കോളേജ് പെൺപിള്ളേർ പോലും സാരിക്ക് പകരം പട്ടുപാവാട ചൂസ് ചെയ്യുന്നത് ശ്രദ്ധിച്ചിട്ടുണ്ട്..!!
പക്ഷേ , സത്യത്തിൽ അതാണ് ഏറ്റവും വലിയ ബുദ്ധിമുട്ട്. പ്രധാനപ്പെട്ട പ്രശ്നം അതിന് ഷാൾ ഇല്ലാത്തതുകൊണ്ട് തന്നെ കുറച്ച് അധികം ശരീരവളർച്ച ഉള്ള പെൺകുട്ടികൾക്ക് പട്ടുപാവാട കുറച്ച് ബുദ്ധിമുട്ടായിരിക്കും.. പ്രത്യേകിച്ച് പൂക്കളം ഇടുമ്പോഴും മറ്റും വലിയ രീതിയിൽ അവർ ബുദ്ധിമുട്ട് അനുഭവിക്കുന്നത് നേരിട്ട് കണ്ടിട്ടുണ്ട്.. മാത്രവുമല്ല എന്തെങ്കിലും കായിക ഇനങ്ങളിൽ പങ്കെടുക്കുന്ന സമയത്ത് പട്ടുപാവാട ധരിച്ചുകൊണ്ട് ഓടാനും ചാടാനും മറ്റുമൊക്കെ വലിയ ബുദ്ധിമുട്ടാണ്.. പിന്നെ തുറന്നു പറയാലോ, ആൺനോട്ടങ്ങൾ ഏറ്റവും കൂടുതൽ ചെല്ലുന്നത് പട്ടുപാവാട ഉടുത്ത പെൺകുട്ടികളിലേക്ക് ആയിരിക്കും , ഇപ്പോഴത്തെ പെൺകുട്ടികൾക്ക് അതൊന്നും ഒരു പ്രശ്നമല്ല എങ്കിലും , ഒരു പെൺകുട്ടിയുടെ അമ്മ എന്ന നിലയിൽ ഞാൻ അത് വലിയ രീതിയിൽ പ്രോത്സാഹിപ്പിക്കാൻ ആഗ്രഹിക്കുന്നില്ല , എന്നെ പഴഞ്ചൻ എന്നു വിളിച്ചു കളിയാക്കിയാലും എൻറെ മോളെ മറ്റൊരാൾ മറ്റൊരു അർത്ഥത്തിൽ നോക്കുന്നതിനോട് എനിക്ക് താല്പര്യമില്ല..!!
ഇതുകൊണ്ടൊക്കെയാണ് ഞാൻ ആദ്യം പറഞ്ഞത്, പെൺകുട്ടികൾക്ക് ഓണത്തിനും മറ്റും ഒക്കെ ഇടാൻ പറ്റിയ ഏറ്റവും മികച്ച വേഷം ദാവണിയാണ് എന്ന്.. ഇതിൻറെ പ്രധാനപ്പെട്ട ഒരു ഗുണം എന്നു പറഞ്ഞാൽ നമുക്ക് എങ്ങനെ വേണമെങ്കിലും ഇളകി നടക്കാം എന്നതാണ്.. സാരി പോലെ ശരീരത്തിന് ചുറ്റും ചുറ്റിയല്ല ദാവണി ഉടുക്കുന്നത് എന്നതുകൊണ്ട് തന്നെ ഓടാനും ചാടാനും ഒന്നും വലിയ ബുദ്ധിമുട്ടുണ്ടാവില്ല നമ്മുടെ കുട്ടികൾക്ക്.. അതുപോലെ തന്നെ നെഞ്ചത്ത് ഒരു ഷോൾ ഉള്ളതുകൊണ്ട് തന്നെ തുറിച്ചുനോട്ടങ്ങളെ പേടിക്കേണ്ട, കുമ്പിടാൻ പേടിക്കേണ്ട, ചാടാൻ പേടിക്കേണ്ട , ഏറ്റവും പ്രധാനമായി പറയുകയാണെങ്കിൽ ആൺ നോട്ടങ്ങളെ പേടിക്കേണ്ട..!!🙏
എത്രപേർ ഇതിനോട് യോജിക്കും എന്നറിയില്ല.. പക്ഷേ മനസ്സിൽ ഇങ്ങനെയൊരു ചിന്ത വന്നപ്പോൾ എഴുതാം എന്ന് തോന്നി...
നന്ദി നമസ്കാരം!!! 🥰🙏
