Axom Sahitya

15/08/2026

13/08/2026

আজি ৰ'দে কান্দিছে
সেয়ে নামি আহিছে
এজাক কিনকিনীয়া বৰষুণ
পৃথিৱী খুহি লৈছে
ৰ'দ ৰ দুখ
মোৰ শৰীৰতো পৰিছে
বৰষুণৰ টোপালৰ কণিকা
কিন্তু মোৰ দুখ
ধুই নিব পৰা কৈ
বৰষুণ জাক চহকী নহয়
সেয়ে বৰষুণৰ সৈতে
মোৰ বন্ধুত্ব নহ'ল

12/08/2026

প্ৰেম মানে জানো কেৱল প্ৰাপ্তি
প্ৰেম বিৰহৰো এটা অংশ হ'ব পাৰে
সেই বিৰহ যন্ত্ৰণা সহিও
মৌন হৈ থাকিব পৰাটো ও প্ৰেম

11/08/2026

শাওন ৰ পথাৰত
খেতিয়কৰ আশা বোৰ
সেউজীয়া হৈ পৰে

08/08/2026

তোৰ পৃথিৱীত এতিয়া
নিৰ্জনতা ৰ আৱেলি
বুকুৰ মাজত লুকাই ৰাখ
সংগোপনে অশান্তিৰ উশাহ
অথচ অহৰহ চলি থাকে
হৃদয়ৰ পদূলি ত
এখন শীতল যুঁজ
কাৰোবাৰ বিদায়ী ত
পদশব্দ হীন চোতালত
মৌনতাৰ কিৰিলী
চকুত জ্বলি ছাই হয়
সপোনৰ ভৰ
সুখৰ পিঠিত ওলমি ৰয়
মাথো দুখৰ পোচাক
অপেক্ষা ৰ বাটত আজি
জীৱন আধৰুৱা
সময় বোৰ হে যেন
কিবা শেষ নোহোৱা