Gorkhe salam

06/09/2026

हार्दिक श्रद्धाञ्जली 🙏🕉️

दाजु **हुकुमलाल मगरज्यूको आकस्मिक निधनको खबरले म स्वयं तथा सम्पूर्ण गोरखे सलाम प्रोडक्सन परिवार अत्यन्तै दुःखी र स्तब्ध भएका छौँ।

दाजुको स्वरमा गुञ्जिएका गीतहरू, विशेषगरी “कागज नम्बरदेखि तिमी टाढा नजाऊ” जस्ता गीतहरू आज पनि कानमा गुन्जिरहेजस्तो लाग्छ। गोरखाली गायन क्षेत्रमा दाजुलाई हामीले मायाले “कुमार सानु” भनेर सम्बोधन गर्ने गर्थ्यौँ। तर आज अचानक विधाताले दाजुलाई हामीबाट सदाका लागि टाढा लैजानुभयो।

दाजुको असामयिक निधन सम्पूर्ण गोरखा जाति तथा गोरखाली सांगीतिक क्षेत्रकै लागि अपूरणीय क्षति हो। उहाँको मीठो स्वर, सरल स्वभाव र आत्मीय व्यक्तित्व सधैँ हाम्रो स्मृतिमा जीवित रहनेछ।

यस दुःखद घडीमा शोकसन्तप्त सम्पूर्ण परिवारजनमा भगवान् भोलेनाथले यो असह्य पीडा सहन सक्ने शक्ति प्रदान गरून् र दिवंगत आत्माले चिरशान्ति प्राप्त गरून् भन्ने कामना गर्दछौँ।

ॐ शान्ति 🕉️
हार्दिक श्रद्धाञ्जली दाजु। 🙏

02/09/2026

🎬 विशेष अनुरोध | असमका सम्पूर्ण कलाकारहरूका लागि 🎬

नेपाली चलचित्र जगतका महान् तथा लेजेन्डरी लेखक, निर्देशक एवं अभिनेता श्री तुलसी घिमिरेज्यूको असम भ्रमणका क्रममा उहाँबाट हामीले चलचित्र तथा कला क्षेत्रका विषयमा धेरै महत्वपूर्ण सरसल्लाह, मार्गदर्शन र प्रेरणा प्राप्त गर्ने सौभाग्य पायौँ।

उहाँले मलाई एउटा महत्वपूर्ण जिम्मेवारी दिनुभएको छ—
असममा रहेका सम्पूर्ण कलाकार तथा चलचित्रकर्मीहरूको सूची तयार पार्ने।

त्यसैले तलका कुनै पनि विधामा सक्रिय हुनुहुने कलाकार दाजुभाइ तथा दिदीबहिनीहरूले आफ्नो नाम र सम्पर्क नम्बर यस नम्बरमा पठाइदिनुहुन हार्दिक अनुरोध गर्दछु:

📞 8011984009

आवश्यक कलाकारहरूको विवरण:
🎭 १. अभिनय / Acting
🎤 २. गायन / Singing
💄 ३. रूपसज्जा / Make-up
🎥 ४. क्यामेरा तथा DOP / Camera & DOP

📜 सम्पूर्ण कलाकारहरूको सूची तयार भएपछि श्री तुलसी घिमिरेज्यूले असमका सम्पूर्ण कलाकारहरूसँग एक दिन विशेष भेटघाट गरी सरसल्लाह, अनुभव आदान–प्रदान तथा आत्मीय संवाद गर्नुहुने प्रतिबद्धता व्यक्त गर्नुभएको छ।

यो हामी सम्पूर्ण कलाकार तथा चलचित्रप्रेमीहरूका लागि अत्यन्तै गौरवपूर्ण र ऐतिहासिक अवसर हो।

त्यसैले यो सूचना सम्बन्धित सम्पूर्ण कलाकारहरूसम्म पुर्‍याइदिनुहुन हार्दिक अनुरोध गर्दछु। 🙏

धन्यवाद।

राजीव तामाङ
🎬 Gorkhe Salam Production

24/08/2026

Gorkhe tayar

24/08/2026

The ढ्यांग्रो प्रोडक्सन तथा गोर्खे सलाम प्रोडक्सनद्वारा निर्मित गोर्खाली चलचित्र ‘झमेला’ को स्क्रिनिङ पुनः सुरु हुन गइरहेको जानकारी गराउन चाहन्छौँ।

सम्पूर्ण गोर्खाली भाषा, साहित्य, कला र संस्कृतिलाई माया गर्नुहुने आयोजक, दर्शक तथा श्रोताहरूमा हार्दिक अनुरोध छ कि झमेला चलचित्रलाई आ–आफ्नो घर, गाउँ तथा क्षेत्रमा प्रदर्शनको आयोजना गरी गोर्खाली चलचित्र उद्योगको निर्माण, विकास र प्रवर्द्धनमा सक्दो सहयोग गरिदिनुहुन हार्दिक अपिल गर्दछौँ।

हाम्रो भाषा, हाम्रो कला, हाम्रो संस्कृति र हाम्रो चलचित्र उद्योगको संरक्षण तथा विकास हामी सबैको साझा जिम्मेवारी हो। यहाँहरूको माया, साथ र सहयोगले गोर्खाली चलचित्रलाई अझ अगाडि बढ्न ठूलो हौसला मिल्नेछ।

जय गोर्खा!

20/08/2026

Lets make gorkhali cinema industry in Assam...

13/08/2026

Wait....

07/08/2026

हार्दिक श्रद्धाञ्जली

असममा गोर्खाली चलचित्र निर्माणको मशाल समातेर अगाडि बढ्ने साहसी सिने कलाकार तथा गोर्खे सलाम प्रोडक्सनका एक समर्पित स्रष्टा सुमन क्षेत्री आज हामीबीच हुनुहुन्न भन्ने यथार्थ स्वीकार्न अत्यन्तै पीडादायी छ। यति छोटो उमेरमै हामी सबैलाई छोडेर जानुभएको भए पनि, गोर्खाली चलचित्रप्रतिको तपाईंको अथाह माया, समर्पण, संघर्ष र योगदानले सधैं इतिहासमा आफ्नो अमिट छाप छोडेर जानेछ।

स्रोत–साधनको अभाव, अनेकौं चुनौती र कठिन परिस्थितिका बीच पनि तपाईंले कहिल्यै आफ्नो सपना छोड्नुभएन। गोर्खाली चलचित्रलाई असममा स्थापित गर्ने, नयाँ पुस्तालाई प्रेरणा दिने र हाम्रो भाषा, कला तथा संस्कृतिलाई पर्दामार्फत चिनाउने तपाईंको अथक प्रयास सधैं स्मरणीय रहनेछ। तपाईंले गर्नुभएको प्रत्येक काम, प्रत्येक संघर्ष र प्रत्येक योगदान हामी सबैका लागि प्रेरणाको स्रोत बनेर रहनेछ।

आज तपाईं शारीरिक रूपमा हामीसँग हुनुहुन्न, तर तपाईंका सपना, तपाईंको मेहनत, तपाईंको मुस्कान र तपाईंले देखाउनुभएको बाटो हाम्रो हरेक यात्रामा सधैं जीवित रहनेछ। गोर्खे सलाम प्रोडक्सनको हरेक सिर्जना, हरेक चलचित्र र हरेक सफलतामा तपाईंको सम्झना सधैं रहिरहनेछ।

तपाईंको अभाव केवल गोर्खे सलाम प्रोडक्सनको मात्र होइन, सम्पूर्ण असमेली गोर्खाली चलचित्र उद्योगको अपूरणीय क्षति हो। यो खालीपन कसैले पनि पूरा गर्न सक्दैन। तपाईंले छोटो जीवनमा जे गर्नुभयो, त्यो धेरैले लामो जीवन बिताउँदा पनि गर्न सक्दैनन्। त्यसैले तपाईंको नाम, तपाईंको योगदान र तपाईंको संघर्ष सधैं सम्मानका साथ स्मरण गरिनेछ।

हामी सम्पूर्ण कलाकार, प्राविधिक, शुभचिन्तक तथा गोर्खे सलाम प्रोडक्सन परिवार तपाईंप्रति हार्दिक श्रद्धाञ्जली अर्पण गर्दछौं। तपाईंले देख्नुभएको गोर्खाली चलचित्रको उज्ज्वल भविष्य साकार पार्ने प्रतिबद्धता हामी सधैं निभाउनेछौं। तपाईंका अधुरा सपनाहरूलाई पूरा गर्ने प्रयास नै तपाईंप्रति हाम्रो सच्चा सम्मान हुनेछ।

परमपिता भगवान् भोलेनाथले दिवंगत आत्मालाई चिरशान्ति प्रदान गरून् र शोकसन्तप्त परिवारलाई यो असह्य पीडा सहन सक्ने शक्ति प्रदान गरून्।

भावपूर्ण श्रद्धाञ्जली।
सुमन क्षेत्री अमर रहून्।
तपाईंको योगदान सधैं हाम्रो हृदयमा जीवित रहनेछ।

13/04/2026

25/03/2026

Mo feri awdei xu......

23/03/2026

Hasne hasaune bar bar
Mukhiya ji ko darbar.........ha ha ha