06/09/2024
Par yeh toh haqeeqat hai ki tu door hai ab mujhse,
Phir bhi teri yaadon ne kabhi chhoda nahi mujhe,
Main sochta hoon har pal ki kya tu bhi yeh sochti hai,
Ki hum phir milenge, bas itna kehke khud ko behlaati hai?
Pata nahi tere dil mein ab bhi mere liye koi jazbaat hain,
Ya waqt ne mita diye sab yaadein, sab baatein, woh mulaqaaten,
Jitna main tujhe yaad karta hoon, tu mujhe karti hai ya nahi,
Kya tu bhi ab tak mujhe apne khwabon mein paati hai?
Par yeh dil toh ek junoon se bhara hai tere intezaar mein,
Jaane kyun lagta hai ki ek din tu zaroor lautegi mere dwaar pe,
Lekin shayad yeh mumkin nahi, yeh ek khayali baat hai,
Phir bhi umeed ka diya jalta hai, chahe yehi meri sazaa hai.
