05/09/2025
“ਪੰਜਾਬ, ਪੰਜਾਬੀ ਤੇ ਪੰਜਾਬੀਅਤ ਜ਼ਿੰਦਾਬਾਦ”
ਜਿੱਥੇ ਪੰਜਾਬ ਚ ਹੜ ਆਏ ਹੋਏ ਨੇ, ਉੱਥੇ ਲੋਕਾਂ ਦੀ ਸੇਵਾ ਦਾ ਵੀ ਹੜ ਆਇਆ ਹੋਇਆ… ਖਾਣਾ ਪਾਣੀ, ਰਾਸ਼ਨ, ਚਾਰਾ, ਦਵਾਈਆਂ, ਤੇ ਤਰਪਾਲਾਂ ਸਤਿਗੁਰ ਦੀ ਮੇਹਰ ਨਾਲ ਕਿਸੇ ਚੀਜ਼ ਦੀ ਤੋਟ ਨੀ ਆਉਣ ਦਿੱਤੀ, ਉਹ ਵੀ ਸਰਕਾਰੀ ਮਦਦ ਤੋਂ ਬਿਨਾ। ਸਰਕਾਰ ਤਾਂ ਬੱਸ ਬਿਆਨ ਹੀ ਦੇ ਸਕਦੀ ਹੈ।
ਦੁਨੀਆ ਚ ਜਿੱਥੇ ਵੀ ਪੀੜ ਪਈ ਪੰਜਾਬੀ ਸਭ ਤੋਂ ਮੂਰਲੀ ਕਤਾਰ ਵਿੱਚ ਖੜੇ ਦਿਸੇ… ਪਰ ਅਫਸੋਸ ਅੱਜ ਪੰਜਾਬ ਦੀ ਬਾਂਹ ਪੰਜਾਬ ਤੋਂ ਬਿਨਾ ਕਿਸੇ ਨੇ ਨਈ ਫੜੀ…
ਪਰ ਪੰਜਾਬ ਦੀ ਮਿੱਟੀ ਦੇ ਜਾਇਆਂ ਨੇ ਕਦੇ ਹੌਂਸਲਾ ਨੀ ਹਾਰਿਆ… ਗੁਰੂ ਕਾਲ ਤੋਂ ਲੈ ਕਰਕੇ… ਵੱਡਾ ਘੱਲੂਘਾਰਾ, ਛੋਟਾ ਘੱਲੂਘਾਰਾ, ਚਾਹੇ 47 ਦੀ ਵੰਡ ਹੋਵੇ ਜਾਂ ਫੇਰ 84 ਹੋਵੇ..
ਮਾਂ ਦੇ ਪੁੱਤ ਹਰ ਵਾਰ ਉੱਠ ਖੜੇ ਹੋਏ। ਸ਼ਾਇਦ ਇਹੀ ਹੌਂਸਲੇ ਤੇ ਗੁਰਾਂ ਦੀ ਕਿਰਪਾ ਸਦਕਾ ਪੰਜਾਬ ਬਚਿਆ ਹੋਇਆ।
ਸੇਵਾ ਭਾਵਨਾ 10-10 ਫੁੱਟ ਪਾਣੀ ਉੱਤੇ ਵੀ ਬੇਕੌਫ਼ ਹੋ ਕੇ ਤੈਰਦੀ ਫਿਰਦੀ ਹੈ…ਦਰਿਆਵਾਂ ਨੂੰ ਬੰਨ੍ਹ ਵੀ ਹੌਂਸਲੇ ਨਾਲ ਹੀ ਲੱਗ ਸਕਦਾ। ਭਾਣਾ ਮੰਨਣਾ, ਸਬਰ ਸੰਤੋਖ, ਮਜ਼ਲੂਮ ਦੀ ਸਹਾਇਤਾ, ਤੇ ਦਸਵੰਧ ਕੱਢਣਾ ਇਹ ਸਾਨੂੰ ਸਾਡੇ ਗੁਰੂ ਸਹਿਬਾਨਾ ਨੇ ਸਿਖਾਇਆ ਐ। ਚਾਹੇ ਅੱਜ ਪੰਜਾਬ ਦੀ ਮਦਦ ਕਰਨ ਭਾਰਤ ਦੀ ਕੋਈ ਹੋਰ ਸਟੇਟ ਨਹੀਂ ਆਈ, ਪਰ ਜਦੋਂ ਉਹਨਾਂ ਤੇ ਬਿਪਤਾ ਪਈ ਤਾਂ ਫੇਰ ਸਭ ਤੋਂ ਮੂਰੇ ਪੰਜਾਬੀ ਹੋਣਗੇ।
"ਝੂਲਤੇ ਨਿਸ਼ਾਨ ਰਹੇ ਪੰਥ ਮਹਾਰਾਜ ਕੇ"
