https://www.facebook.com/101642282977905/

Riya's 1M Journey, Ahmedabad (2026)

18/06/2026

વડોદરા હનીટ્રેપ: મેટ્રિમોનિયલ સાઇટથી યુવકને ફસાવી કાર અને પર્સ લૂંટનાર લીવ-ઇન કપલ ઝડપાયું

ઘટના: વડોદરાના ગોત્રી વિસ્તારમાં મેટ્રિમોનિયલ સાઇટના માધ્યમથી સુરતના એક સુપરવાઇઝર યુવક (પ્રિતેશ ગજેરા)ને પ્રેમજાળમાં ફસાવી તેની કાર, મોબાઇલ અને પર્સ લૂંટી લેવાની ચકચારી ઘટના સામે આવી છે.
કાવતરું અને લૂંટ: સોનિયા શર્મા નામની યુવતીએ લગ્નના બહાને યુવકને વડોદરા મળવા બોલાવ્યો હતો. કારમાં ફરતી વખતે યુવતીએ ફોન આવવાનું બહાનું કાઢી ગાડી સાઇડમાં રખાવી હતી. એ જ સમયે અન્ય શખ્સોએ આવીને યુવકને માર મારી ગાડી બાનમાં લીધી હતી. જોકે, ચાલુ ગાડીએ યુવકે ડ્રાઇવરને લાત મારતાં ગાડી ધીમી પડી હતી અને તે ફિલ્મી ઢબે કૂદીને બચી ગયો હતો.
પોલીસ કાર્યવાહી: ગોત્રી પોલીસે તપાસ હાથ ધરીને ભાયલી રોડ પરના ફ્લેટમાંથી લીવ-ઇન રિલેશનશિપમાં રહેતા આરોપી પૂનમ ઉર્ફે સોનિયા શર્મા (ઉંમર 34) અને તેના પાર્ટનર દેવેન્દ્ર બાલેશ્વર સિંગ (ઉંમર 36) ની ધરપકડ કરી લીધી છે.
મુખ્ય ખુલાસો: પોલીસ તપાસમાં બહાર આવ્યું છે કે આ આખું કાવતરું પકડાયેલા લીવ-ઇન કપલ અને યુવતીના પૂર્વ પતિ (વિક્કી શર્મા) એ ભેગા મળીને રચ્યું હતું. હાલ પૂર્વ પતિ ફરાર છે અને પોલીસ તેની શોધખોળ કરી રહી છે.

18/06/2026

₹10.36 કરોડની છેતરપિંડી CA દંપતીએ સગા સંબંધીઓ સાથે

CA દંપતીએ સગા સંબંધીઓ સાથે કરી ₹10.36 કરોડની છેતરપિંડી, પોલીસ પકડમાં
મુખ્ય આરોપી: અમદાવાદના ગોતા વિસ્તારમાં રહેતા ચાર્ટર્ડ એકાઉન્ટન્ટ (CA) જ્વલિત ઉર્ફે જય અને તેની પત્ની બોસકી.
શું છે સમગ્ર મામલો?: આ ઠગ CA દંપતીએ પોતાના જ મામા (કૌશલભાઈ નાયક) પાસેથી ₹5.91 કરોડ અને અન્ય સગા સંબંધીઓ પાસેથી ₹4.44 કરોડ મળીને કુલ ₹10.36 કરોડ શેરબજારમાં રોકાણ કરી વધુ નફો કમાવવાની લાલચ આપી પોતાના ખાતામાં ટ્રાન્સફર કરાવી લીધા હતા.
આ રીતે ભાંડો ફૂટ્યો: મામાએ દીકરાના વિઝા પ્રોસેસ માટે બેંક સ્ટેટમેન્ટ માંગતા દંપતીએ ખોટું સ્ટેટમેન્ટ અને ફેક ઇમેઇલ મોકલ્યો હતો. આ સિવાય પરિવારના દસ્તાવેજોનો દુરુપયોગ કરી ખોટી કંપનીઓ અને બેંક ખાતા ખોલાવી ફ્રોડ ટ્રાન્ઝેક્શન પણ કર્યા હતા.
પોલીસ કાર્યવાહી: EOW ક્રાઈમ બ્રાંચે ફરિયાદના આધારે દંપતીની ધરપકડ કરી 21 જૂન સુધીના રિમાન્ડ મેળવ્યા છે. ACP મનોજસિંહ ચાવડાના જણાવ્યા મુજબ
દંપતીની મિલકતો સીઝ કરવાની અને પૈસા ક્યાં રોક્યા છે તેની તપાસ ચાલી રહી છે.
ધ્યાન ખેંચતી બાબત: આરોપીઓ અમદાવાદ અને ગાંધીનગરમાં ઓફિસ ધરાવતા હતા અને લોકોને ફસાવવા માટે ખૂબ જ લક્ઝુરિયસ (લેવિશ) લાઈફસ્ટાઈલ જીવતા હતા. પોલીસે અન્ય ભોગ બનનાર લોકોને પણ સામે આવવા અપીલ કરી છે

18/06/2026

ટ્રેક્ટર ટ્રોલી નહીં બનાવી આપી બાંટવામાં દુકાન બંધ: રૂપિયા 12 લાખની છેતરપિંડી કેસમાં પિતા-પુત્ર અઢી વર્ષે પુણેથી ઝડપાયા

રૂપિયા 12 લાખના છેતરપિંડી કેસમાં છેલ્લા અઢી વર્ષથી નાસતા ફરતા પિતા-પુત્રને બાંટવા પોલીસે પુણેથી ઝડપી લઈ વધુ તપાસ હાથ ધરી હતી. માણાવદર તાલુકાના કોઠડી ગામના અજયભાઈ ઉકાભાઈ સુત્રેજા સહિત 16 લોકોએ અલગ અલગ રકમ મળી કુલ રૂપિયા 12 લાખ ટ્રેક્ટર ટ્રોલી સહિતના ખેત ઓજારો બનાવવા માટે બાંટવામાં બાલવી કૃપા ફેબ્રીકેશન નામની દુકાન ધરાવતા શાંતિભાઈ ભીખુભાઈ મકવાણા અને તેમના પુત્ર આશિષને આપ્યા હતા. પરંતુ પિતા, પુત્રએ ટ્રેક્ટર ટ્રોલી સહિતના ઓજારો નહીં બનાવી આપી વિશ્વાસઘાત, છેતરપિંડી કરી દુકાન બંધ કરી ઘરેથી નાસી ગયા હતા.
ઘટના અંગે અજય સુત્રેજાએ ફરિયાદ કરતા બાંટવા પોલીસે બંને વિરુદ્ધ ગુનો નોંધી કાર્યવાહી કરી હતી. છેલ્લા અઢી વર્ષથી ફરાર પિતા પુત્ર મહારાષ્ટ્રના પુણે જિલ્લાના ઉરૂલીકાંચન ખાતે હોવાની બાતમી મળી હતી. આ બાતમી આધારે બાંટવાના પીએસઆઈ એચ. વી. ચુડાસમાની ટીમે તપાસ કરી 63 વર્ષીય શાંતિલાલ ઉર્ફે ભીખુભાઈ લાધાભાઈ મકવાણા અને તેનો 35 વર્ષીય પુત્ર આશિષ ઉર્ફે ભયલોની ઉરૂલીકાંચન ખાતેથી ધરપકડ કરી હતી. પોલીસે બંને આરોપીને એક

દિવસના રિમાન્ડ પર મેળવી પોલીસે આગળની વધુ તપાસ પૂછપરછ હાથ ધરી હતી.
ફરી લુહારી કામ કરવા લાગ્યા'તા
પોલીસ તપાસમાં આરોપી શાંતિલાલ ઉર્ફે ભીખુભાઈ લાધાભાઈ મકવાણા અને તેનો પુત્ર આશિષ ઉર્ફે ભયલો બાંટવા ખાતે ટ્રેક્ટર ટ્રોલી ટ્રેક્ટર ટ્રોલી બનાવી આપવા 16 ખેડૂતો પાસેથી 12 લાખ રૂપિયા લઈ છેતરપિંડી કરી પરિવાર સાથે ઉરૂલીકાંચન રહેવા લાગ્યા હતા અને ત્યાં પણ પિતા, પુત્ર લુહારી કામ કરી ગુજરાન ચલાવતા હતા.

#ન્યૂઝ

18/06/2026

વડોદરાના તેલ ચોર કુલ રૂ.૩૫,૪૦૦નો મુદ્દામાલ કબજે કર્યો છે

મોંઘવારી એટલી નદી કે, ચોર ટોળકી તેલ પણ ચોરી ગઈ

વડોદરાના સયાજીગંજ વિસ્તારમાં દુકાનમાંથી તેલના ડબ્બાની ચોરીનો ભેદ ઉકેલાયો, બે આરોપી ઝડપાયા

વડોદરા | 16/06/26

તસ્કરોને મોંઘવારી એટલી નદી કે, ચોર ટોળકી તેલ પણ ચોરી કરી ગઈ હતી. વડોદરા શહેરના સયાજીગંજ વિસ્તારમાં આવેલ દર્શનમ ટ્રેડ સેન્ટર-૩માં આવેલી જીવન ઓઇલ વર્લ્ડ દુકાનમાંથી તેલના ડબ્બાની ચોરી કરનાર બે શખ્સોને સયાજીગંજ પોલીસે ગણતરીના કલાકોમાં ઝડપી પાડ્યા છે અને ગુનાનો ભેદ ઉકેલી નાખ્યો છે. પોલીસે ચોરીના બે તેલના ડબ્બા અને ચોરીમાં વપરાયેલી બાઇક સહિત કુલ રૂ.૩૫,૪૦૦નો મુદ્દામાલ કબજે કર્યો છે અને આ મામલે વધુ કાર્યવાહી હાથ ધરી છે.
ગત 13 જૂન, 2026ના રોજ બપોરે 12.30થી 1 વાગ્યાના અરસામાં બે શખ્સો બાઇક પર જીવન ઓઇલ વર્લ્ડ દુકાન પાસે આવ્યા હતા. જેમાંથી એક શખ્સ દુકાનમાં પ્રવેશી કોઈને જાણ કર્યા વિના તેલનો ડબ્બો ઉઠાવી બહાર આવ્યો હતો. ત્યારબાદ તેણે રોડ પર ઉભેલા તેના સાથીની મોટરસાયકલ પર તેલનો ડબ્બો મૂકતા બંને ફરાર થઈ ગયા હતા. સમગ્ર ઘટના દુકાનમાં હાજર ભગવાનભાઈએ નિહાળી હતી. બનાવ અંગે સયાજીગંજ પોલીસ સ્ટેશનમાં ગુનો નોંધાયો હતો.

બાતમીના આધારે બે શખ્સોને ઝડપી પાડ્યા

સયાજીગંજ પોલીસ સ્ટેશનના સર્વેલન્સ સ્ટાફે સીસીટીવી ફૂટેજ તથા હ્યુમન સોર્સના આધારે તપાસ શરૂ કરી હતી. આ દરમિયાન ડેરીડેન સર્કલ નજીક ફરજ પર રહેલા પોલીસ કર્મચારીઓને બાતમી મળી હતી કે ચોરીમાં સંડોવાયેલા ઓમવીર અને રાજ સૂર્યા પેલેસ હોટેલ સામે આવેલા અંબેમાતા મંદિર પાસે ઉભા છે. આ બાતમીના આધારે પોલીસે સ્થળ પર પહોંચી બંને શખ્સોને ઝડપી પાડ્યા હતા. પૂછપરછ દરમિયાન બંનેએ તેલના ડબ્બાની ચોરીની કબૂલાત કરતા તેમની ધરપકડ કરી હતી.

રૂ. ૩走,૪૦૦નો મુદ્દામાલ જપ્ત કરવામાં આવ્યો
પકડાયેલા આરોપીઓમાં ઓમવીર સતપાલસિંહ ઠાકુર (ઉ.વ. ૨૬, રહે. બાજવાડા, વડોદરા) તથા રાજ ઉર્ફે રાજકુમાર ભરતભાઈ દરબાર (ઉ.વ. ૨૩, રહે. ઇમામપુરા, વારસિયા, વડોદરા) પાસેથી ચોરીના બે તેલના ડબ્બા કિંમત રૂ.૫,૪૦૦ તથા ચોરીમાં વપરાયેલી બાઇક સહિત કુલ રૂ.૩૫,૪૦૦નો મુદ્દામાલ કબજે કર્યો છે.
પોલીસ તપાસમાં સામે આવ્યું છે કે બંને આરોપીઓ સામે અગાઉ પણ ચોરી, ઘરફોડ ચોરી, મારામારી સહિતના અકેક ગુનાઓ નોંધાયેલા છે. આરોપી ઓમવીર સામે સયાજીગંજ, રાવપુરા, મકરપુરા અને વાડી પોલીસ મથકોમાં ગુનાઓ નોંધાયેલા છે, જ્યારે રાજ ઉર્ફે રાજકુમાર સામે સિટી, માંજલપુર, કારેલીબાગ, સયાજીગંજ, રાવપુરા, મકરપુરા અને વાડી પોલીસ મથકોમાં વિવિધ ગુનાઓ નોંધાયેલા હોવાનું બહાર આવ્યું છે.

17/06/2026

₹~6.35 લાખનો દારૂ ઝડપી પાડ્યો પીછો કરતા ચાલક વાહન મૂકી ફરાર

પીછો કરતા ચાલક વાહન મૂકી ફરાર: દહેજ રોડ પર પોલીસે પિકઅપનો પીછોકરી

ભરૂચ પોલીસે દહેજ રોડ પર દારૂનો મોટો જથ્થો ઝડપી પાડ્યો છે. દહેજ ટોલ પ્લાઝા નજીક શંકાસ્પદ પિકઅપનો ફિલ્મી સ્ટાઇલમાં પીછો કરીને પોલીસે રૂપિયા 6.35 લાખથી વધુનો દારૂ જપ્ત કર્યો હતો. પોલીસને પેટ્રોલિંગ દરમિયાન મળેલી બાતમીના આધારે દહેજ રોડ પર નાકાબંધી ગોઠવવામાં આવી હતી.
આ દરમિયાન બોલેરો પિકઅપને રોકવાનો પ્રયાસ કરાતા ચાલકે વાહનની ગતિ વધારી ભાગવાનો પ્રયાસ કર્યો હતો. પોલીસે તાત્કાલિક તેનો પીછો શરૂ કર્યો. પીછા દરમિયાન ચાલકે વાહનને રસ્તા પરથી ઉતારી ભાગવાનો પ્રયાસ કર્યો હતો, પરંતુ તેણે કાબૂ ગુમાવતા વાહન રસ્તાની બાજુએ અટકી ગયું હતું.
આ તકનો લાભ લઈ ચાલક અંધારાનો ફાયદો ઉઠાવી સ્થળ પરથી ફરાર થઈ ગયો હતો. પોલીસે વાહનની તપાસ કરતા તેમાંથી વિવિધ બ્રાન્ડની વિદેશી દારૂની બોટલો મળી આવી હતી. જપ્ત કરાયેલા દારૂની કિંમત રૂપિયા 6,35,853 હોવાનું સામે આવ્યું છે. પિકઅપ વાન સહિત કુલ રૂપિયા 11,35,853નો મુદ્દામાલ કબજે લેવામાં આવ્યો છે.

17/06/2026

નમકીનના ગોડાઉન, કારમાંથી વિદેશી દારૂનો જથ્થો ઝડપાયો:

ક્રાઇમ બ્રાન્ચે ગોડાઉન માલિક સહિત ચારની ધરપકડ કરી, રૂપિયા 4.48 લાખનો મુદ્દામાલ જપ્ત
મુખ્ય સમાચાર વિગત:
ભાવનગર લોકલ ક્રાઇમ બ્રાન્ચનો સ્ટાફ સીટી વિસ્તારમાં મોડી રાત્રે પેટ્રોલિંગમાં હતો. તે દરમિયાન બાતમી મળી હતી કે, ઘોઘારોડ અખીલેશ સર્કલ પાસે, નટરાજ ફાર્મની બાજુમાં આવેલા 'ગોપાલ નમકીન'ના ગોડાઉન પાસે એક નંબર પ્લેટ વગરની આઇ-20 (i-20) કારમાંથી વિદેશી દારૂનો જથ્થો ઉતારવામાં આવી રહ્યો છે. આ ચોક્કસ માહિતીના આધારે ક્રાઇમ બ્રાન્ચે તાત્કાલિક દરોડો પાડીને દારૂના જથ્થા સાથે ચાર શખ્સની ધરપકડ કરી હતી.
વિદેશી દારૂની 180 MLની 1440 બોટલ મળી
મળતી માહિતી પ્રમાણે નટરાજ ફાર્મની બાજુમાં આવેલા 'ગોપાલ નમકીન'ના ગોડાઉન પર પોલીસે દરોડો પાડ્યો હતો. જેમાં પોલીસે ઘટનાસ્થળે કારમાંથી ગોડાઉનમાં દારૂ છુપાવી રહેલા ચાર શખ્સોને રંગેહાથ ઝડપી લીધા હતા. ગોડાઉન અને કારમાં તપાસ કરતા પ્લાસ્ટિકની થેલીઓમાંથી જુદી-જુદી બ્રાન્ડના વિદેશી દારૂના 180 એમએલની 1,440બોટલ (કિંમત રૂ. 1,48,800) મળી આવી હતી. પોલીસે દારૂના આ જથ્થા સહિત રૂ. 3 લાખની આઇ-20 કાર મળીને કુલ રૂ. 4,48,400નો મુદ્દામાલ કબજે કર્યો હતો.
દારૂ સપ્લાય કરનાર સહિત 5 સામે ફરિયાદ
પકડાયેલા આરોપીઓમાં ગોડાઉન માલિક રમેશ જાંબુચા, કાર ચાલક સતીશ ગોહેલ, રાહુલ બારૈયા અને નિતેશ મકવાણા (તમામ રહે. ભાવનગર)નો સમાવેશ થાય છે. પોલીસ પૂછપરછ દરમિયાન આરોપી સતીશ ગોહેલે કબૂલાત કરી હતી કે, આ દારૂનો જથ્થો ઘોઘારોડ પર રહેતા હરેશ ઉર્ફે ભયલું બારૈયા પાસેથી લાવવામાં આવ્યો હતો. ક્રાઇમ બ્રાન્ચે પકડાયેલા ચારેય આરોપીઓને ઘોઘારોડ પોલીસને હવાલે કરી, દારૂ સપ્લાય કરનાર હરેશ ઉર્ફે ભયલું સહિત પાંચેય શખ્સો સામે પ્રોહિબિશન એક્ટ હેઠળ ગુનો નોંધી આગળની તપાસ હાથ ધરી છે.

17/06/2026

સાણંદ ઘરફોડ ચોરીનો ભેદ ઉકેલ્યો ₹1.98 લાખના મુદ્દામાલ સાથે ત્રણ આરોપી ઝડપાયા 👇

સાણંદ GIDC પોલીસે ઘરફોડ ચોરીનો ભેદ ઉકેલ્યો: ગણતરીના કલાકોમાં ₹1.98 લાખના મુદ્દામાલ સાથે ત્રણ આરોપી ઝડપાયા
સાણંદ GIDC પોલીસે ખોરજ ગામમાં થયેલી ઘરફોડ ચોરીનો ગણતરીના કલાકોમાં ભેદ ઉકેલી નાખ્યો છે. પોલીસે ચોરી થયેલા ₹1.98 લાખના મુદ્દામાલ સાથે ત્રણ આરોપીઓને ઝડપી પાડી કાયદેસરની કાર્યવાહી હાથ ધરી છે.
આ ઘટના ખોરજ ગામમાં એક બંધ મકાનમાં બની હતી. અજાણ્યા ચોર ઇસમે તિજોરીમાંથી આશરે 18 તોલા સોનાના દાગીના અને 2 તોલા સોનાની સાંકળ સહિત કુલ ₹1,98,000ની મતાની ચોરી કરી હતી. આ અંગે પોલીસ સ્ટેશનમાં ગુનો નોંધાયા બાદ સાણંદ GIDC પોલીસે તપાસ શરૂ કરી હતી.
અમદાવાદ ગ્રામ્ય પોલીસ અધિકારીઓના માર્ગદર્શન હેઠળ, સાણંદ GIDC પોલીસની ટીમે હ્યુમન સોર્સ અને ટેકનિકલ સર્વેલન્સનો ઉપયોગ કર્યો હતો. પોલીસ કોન્સ્ટેબલ અનિરુદ્ધસિંહ અને શૈલેષસિંહને મળેલી ચોક્કસ બાતમીના આધારે પોલીસે ખોરજ ગામના રવિકુમાર નટુભાઈ ઠાકોરની અટકાયત કરી હતી.
પોલીસની સઘન પૂછપરછમાં આરોપી રવિકુમાર ઠાકોરે ગુનો કબૂલી લીધો હતો અને પોતાના સાથીદારોના નામ પણ આપ્યા હતા. તેના આધારે પોલીસે અન્ય બે આરોપીઓ દશરથ ઉર્ફે ભલી કુલાભાઈ ઠાકોર (રહે. ખોરજ, સાણંદ) અને અનિલ રણછોડભાઈ ઠાકોર (રહે. જખવાડા, વિરમગામ) ને પણ ઝડપી પાડ્યા હતા. પોલીસે ચોરીનો સંપૂર્ણ મુદ્દામાલ રિકવર કર્યો છે.
પોલીસ તપાસમાં બહાર આવ્યું છે કે ઝડપાયેલા આરોપીઓનો ગુનાહિત ઇતિહાસ છે. દશરથ ઉર્ફે ભલી ઠાકોર વિરમગામ ટાઉન પોલીસ સ્ટેશનમાં અગાઉ ગુનામાં સંડોવાયેલો છે, જ્યારે અનિલ ઠાકોર સામે નળસરોવર પોલીસ સ્ટેશનમાં પણ ગુનો નોંધાયેલો છે.
આ સફળ કામગીરીમાં પોલીસ ઇન્સ્પેક્ટર એ.એમ. દેસાઈ, પોલીસ સબ ઇન્સ્પેક્ટર એમ.ડી. જયસ્વાલ તથા પોલીસ સ્ટાફના ઇન્દ્રજીતસિંહ, અનિરુદ્ધસિંહ, હરપાલસિંહ અને શૈલેષસિંહની ટીમ સામેલ હતી.

17/06/2026

અમદાવાદ થી UK સુધી ડ્રગ્સ-ક્રિપ્ટોનું ગેરકાયદે નેટવર્ક 👇

અમદાવાદથી UK સુધી ડ્રગ્સ-ક્રિપ્ટોનું ગેરકાયદે નેટવર્ક: 226 કરોડના ટેરર ફંડિંગ કેસમાં વધુ એકની ધરપકડ, ઇન્સ્ટાગ્રામ પર ગ્રાહકોને શોધી સપ્લાયની વ્યવસ્થા ગોઠવતો
226 કરોડના આંતરરાષ્ટ્રીય ટેરર ફંડિંગ, ડ્રગ્સ ટ્રાફિકિંગ અને ડાર્ક વેબ સાથે જોડાયેલા કેસમાં સાયબર સેન્ટર ઓફ એક્સલન્સ (CCoE)એ વધુ એક આરોપીની ધરપકડ કરી છે. અમદાવાદના શબ્બરહુસેન મોહમ્મદહનીફ પોડેલાની ધરપકડ કરવામાં આવી છે.
આરોપી ઇન્સ્ટાગ્રામ પર ગ્રાહકોને શોધતો
સાયબર સેન્ટર ઓફ એક્સલન્સના એસપી ડૉ. રાજદીપસિંહ ઝાલાએ જણાવ્યું હતું કે, આરોપીએ ઇન્સ્ટાગ્રામ પર 'UK_MEDICINEONWHEEL' નામે એક એકાઉન્ટ બનાવ્યું હતું. આ એકાઉન્ટ મારફતે તે યુકેમાં ડ્રગ્સના ગ્રાહકોની શોધખોળ કરતો હતો અને ત્યારબાદ ડ્રગ્સની સપ્લાયની વ્યવસ્થા ગોઠવતો હતો.
કુરિયર સર્વિસ દ્વારા યુકેમાં ગ્રાહકો સુધી ડ્રગ્સ પહોંચાડતો
તેમણે જણાવ્યું કે, આરોપી પોતાના સહ આરોપી મોહસીન મોલાની મારફતે કુરિયર સર્વિસ દ્વારા યુકેમાં રહેતા સલમાન અંસારી સહિતના ગ્રાહકો સુધી ડ્રગ્સ પહોંચાડતો હતો. અમદાવાદથી યુકે સુધીનું આ નેટવર્ક ચલાવવામાં આવતું હતું અને ડ્રગ્સના વેચાણમાંથી મળતી કમાણી ક્રિપ્ટોકરન્સીમાં ફેરવવામાં આવતી હતી.
ત્યારબાદ આ ક્રિપ્ટોને રોકડમાં તબદીલ કરીને તેનો ઉપયોગ ગેરકાયદે નાણાકીય વ્યવહારો અને ટેરર ફંડિંગ માટે કરવામાં આવતો હોવાની આશંકા છે.
અત્યાર સુધીમાં 13 આરોપીઓની ધરપકડ
ડૉ. રાજદીપસિંહ ઝાલાએ વધુમાં જણાવ્યું હતું કે, ટેકનિકલ એનાલિસિસ અને બ્લોકચેન ટ્રેકિંગની મદદથી આ સમગ્ર નેટવર્કનો પર્દાફાશ કરવામાં આવ્યો છે. અગાઉ આ કેસમાં 12 આરોપીઓની ધરપકડ કરવામાં આવી હતી, જ્યારે હવે શબ્બરહુસેન પોડેલાની ધરપકડ સાથે કુલ ધરપકડનો આંકડો 13 પર પહોંચ્યો છે. આ કેસમાં હજુ વધુ આંતરરાષ્ટ્રીય કડીઓ બહાર આવે તેવી શક્યતા છે અને તપાસ આગળ ધપાવવામાં આવી રહી છે.

તમારી રાય આપો કોમેન્ટ મા

Riya's 1M Journey

18/06/2026

18/06/2026

18/06/2026

18/06/2026

17/06/2026

17/06/2026

17/06/2026

17/06/2026

Address

Website

Alerts

Shortcuts

Share