Ube Writes

18/05/2020

Entry no. 8
Pamagat: LikHarayang Pagkakaisa
✍Cristhina Barsovia Guinalang

Tigas ng bakal sa pali't subok kilala.
Sa uugit na krisis, Katagaluga'y lubog sa sikad at kulata,
Layaw ng Pilipino: pagkamakabaya'y nakakulong sa lambat ng pang-aalipusta,
Sa bulok na sistema, itataob ang bangkang lulan ay milyong hininga.

Perlas ng Silangana'y nagkawatak-watak mga anak-lupa,
Sagwan ang pagkamakasarili, matutop lang pangpang ng pandaraya.
Tangan ang lamparang papandaw-pandaw sa dilim na nagbabadya,
Bagyong masasal ng dalita't hirap: sa pusod nitong bansa.

Sa agos ng karimlan, bangka'y uugod-ugod sa karga,
Makasarili, mandaraya, mapangamkam at mapanghusga,
Gapusing mahigpit ang mga Tagalog, pagbuklurin sa pag-ibig,
Taguring makabaya'y isamuni, iahon sa maruming tubig.

Kung si Rizal at Bonifacio'y nagbisbis ng dugo't lama'y ipinunla,
Kontribusyon nati'y respeto itaas, isapuso't isadiwa,
Sapagka't ang pagkakaisa'y 'di sa bunton ng pilak likha,
Dahil walang bayang matatangi, sa pang-aapi at pandaraya.

18/05/2020

Cristhina Barsovia Guinalang (Ube Writes)
Group no. 4
Bagwis ng Pawis

Panahong sa lupa'y lagpak- 'di makatayo,
Umid ang tuka, pakpak at balahibo'y pako,
Tila tusok: piping tilaok, oliba'y 'di mahagilap,
Ginapang ngunit gintong pangarap ay mailap.

Naturingang walang silbi ng Katagalugang iwi-iwi ang laway,
Kamkam na ang tagumpay, mali pa ng kamay.
Bangon! Tayo! Lipad mumunting ibon,
Sa makamundong hamon, si Ama'y nasa likod lang ng ambon.

16/05/2020

Pamagat: Bulaklak sa Bukana ng Bulkan
✍: Cristhina Barsovia Guinalang

B-uong tapang na umire't binhi'y iniluwal sa sanlibutang pugad ng sala,
U-musbong ang mga buto, kaniyang kinandungan ng pagpaparaya,
L-upit ng mapaminsalang insekto, halimuyak umusok mala harang sa mapagsamantala,
A-raw't gabi bulaklak ay nagsisilbing kalasag sa nakakagimbal na pang-aalipusta.

K-atuturok na buto sa sanga ay minsan karga,
L-upang kulang sa sustansya, buto'y binisbisan ng malatansong aruga,
A-ngkla ng ugat ay parupok, bulaklak ay naninilaw na sa ula't init na rumaragasa,
K-ulay ng bulaklak ay pakayumanggi mula sa puting sumusula sa mata ng madla.

S-amo't-saring sakit, sepalo'y unti-unti ng nalalagasan ng hininga,
A-nimo'y umid ang dahon, talutot ay butas sa pagod na dala,
B-akas ang patpating tangkay, ugat ay puno na ng abog na mahiwaga,
U-haw at kunwari'y walang iniinda, ngunit alindog ni bulaklak ay puno na ng hamog na 'di nakikita.

L-ubog at aping-api na nakipaghulbot-espada para binhi'y makasilong sa lilim niya,
K- ahit nanlulupaypay sa tirik ni araw, pinipigilan ang katas 'wag bumaha,
A-t ngayo'y bulaklak nakahimlay sa apakan nang ang bulka'y sumuka sa lupa,
N-anay ko'y kagaya niya, pagmamahal sa binhi ay tunay kahit siya ma'y lagutan ng hininga.


🇮🇹

16/05/2020

Pamagat: Divide et Impera
Ni: Ube Writes 💜

Pinagtilad-tilad-ikaw, ako't siya,
Tayo'y pipili: mabuti o masama.
Lilihis ng daan, sa taksil sasama,
O mamuhay-hari sa piling ni Ama?

Sa katinua'y nawaglit ka ng ruta,
'Di batid na likod ng ambon ay sula,
Nawaldas sa isip ang gintong kataga,
'Buhay na ganap, babalik sa May Likha.'

16/05/2020

13/05/2020

Numero Uno ✍

07/05/2020

Pamagat: Lente
Code: KM 055

'Di maliparang uwak ang LASAK na sinaklaw ng epidemya,
Namamanginoon sa sansinukob, tao'y 'di makaKALAS sa pangamba,
Nagmanhik-manaog, SAKAL ang dukha't marangya,
Sa LAKAS ng katunggali, darakilang bayani'y bumulaga sa kamera.

Unang tuplok, APAT na malalabong kuha,
Nagmistulang PATA- matang malailog sa nana,
Sambukiring palay at TAPA, tinatapal sa mapanghusgang sikmura,
Habang sila'y ibinubong pawa, PAA'T kamay sa tinakal na lupa.

Pangalawang tuplok, med'yo pumapait LASA ng kuha,
Bayaning nakipaghulbot-espada, Katagaluga'y kanilang ALSA,
Sa nakamihasnang SALA, dustain daw mga anak ni Bathala,
'Di pwedeng kumalas, sila lang may hawak ng ALAS sa baraha.

Pangatlong tuplok, nataTAKAL na'ng oras ng iba,
Sila'y hapong-hapo, ngunit walang TALAK na tumilamsik sa banga,
Niyakap ang tirik ni araw, ginalugad si LATAK ng walang sandata,
Sila'y pakalat-KALAT sa lansangan, tanging bitbit ay gintong panata.

Pangapat na tuplok, BAKIT palupaypay ang baterya?
Puso nila'y BITAK sa katigasan ng ulo ng madla,
BATIK ang pighating gusto ng maaninag anino ng pamilya,
Sa pangala'y KABIT ang 'kasawian', pwedeng silang magaya sa bula.

Teka, anggulo'y TAPAT ngunit puno na pala ang memorya,
Lahat ng gawing TAPAT ng makabagong bersyon ng bayani ay 'di KITA,
Frontliners? Sila lang ang TAPAT na kanang kamay ni Ama,
Baliktarin ma'y TAPAT parin, nasa likod man ng kamera.

07/05/2020

💜

07/05/2020

Titulo: Kailan nga ba maginhawa ang paghihirap?

"Diretso't lumakad ka lang!
Isang hakbang pa!
Tingin sa likuran!
Nariyan pa ba?"

Nagkandarapang kumapa para mabuksan ang ilaw,
Tumambad ang gabing kulisap lang ang umalingawngaw,
Huni ni pipit, pamalit sa garalgal na boses ni ina,
Hagikhik ng amerikanong palaka, gumigising sa umaga.

Tanaw ko na ang ibang ibayo ng pasipiko,
Ang bughaw na ulap, tinunton aking noo,
Hambalos ni alon aking pinaliligo,
Walang bakas ng usok, nakasabit pa ako sa puno.

Pangalawang hakbang, tingin sa unahan
Trapiko'y humupa ng 'di namamataan,
Mga alipi'y sa hawla lang gabi't umaga,
Sama-sama pang lumuluhod sa ngalan ni Ama.

Saksi ang tsinelas 'di na naisusuot ni papa,
Wala ng sugal sa kwadradong lungga,
Mumunting salapi'y sa kalamnan na napupunta,
At hindi sa alas, hari't reyna ng baraha.

Pangatlong hakbang, ako'y naabutan.
Ng pandemikong krisis na bumuhay sa nakahimlay na sanlibutan,
Kung 'di umusbong ay 'di ko mararanasan,
Ang paraisong minsan ko lang napanaginipan.

Ssh. Nariyan na ba?
Oo, andito na ang papel ng nakaraan,
Sa kayumangging baol natagpuan at ito ang laman,
"Para makapagbulay at guminhawa ay kailangan pa ninyong magkandarapa."

07/05/2020

HAIKU

Which Road to Take When Lost?

Why do people pay
high prices of world's bargain?
Eternal life's free.

Why kept choosing path
that leads to blazing fire's lake?
Lord's light, lamp of feet.

Open your blind eyes,
Seek thy truth, seek His right palm,
Trawl the unseen way.

For the Son of Man
came to seek and to save lost,
REPENT, find His home.

07/05/2020

Title: Silhouette in Voidness
By: Ube Writes ✍💜

In murky water,
oftentimes we drown.
In darkness deep chasm,
expectations dragged us down.

Lift up! Comfort zone no more.
Soar the sky!
Spread like shadow!
Let them see your silhouette in awe.

01/05/2020

AMBAHAN

"PUGOS PARA SUGPO"
✍ 💜

Sukob nati'y 'di kumot,
Walang lunas na gamot,
Epidemyang sigalot,
Santinakpa'y binalot.

Pa'no ba susugpuin?
Sa sikad ba'y hinain?
Tao'y mapagmataas,
Gusto hawak ang alas.

Gapusin ang Tagalog,
Ibilanggo't itapon,
Lasunin sa hinagpis,
Alumbrado ay tikis.

Kulata't suntok-baga,
Gobyerno'y tikom-baba,
Pagka't tao'y busabos,
Matigas, 'di pagapos.

Tilamsik ng may utos,
Dugo nala'y aagos,
Hikbi ma'y mapaos,
'Di pa 'to matatapos.

Ikaw nga, o sukaban!
Handa ka bang humanggan?
Mahulog sa libingan,
Buto't lamuray'ng laman.

Puwes, kung ayaw mo pa,
Ayaw mo pang matasa,
Alituntuni'y sundin,
Disiplina'y linangin.

Pa'no ba susugpuin?
Lumuhod... Manalangin.
Panginoo'y tawagin,
Dasal para sa atin.

01/05/2020

💔
Applauded by many
Idolized by everybody;
Complimented with glee
But they haven't seen the inner me.

Different from others,
ate like monsters,
laughed in despairs
But they haven't seen my tears.

Always aimed to top
For criticisms are packed.
Afraid of society standard
that's why I study hard.

Laughed till that coke spilled thru my nose;
For they didn't know I'm the damsel in distress.
Smiled to everybody as if I'm fine
and gave them stories in vocal line.

-Krayolang Ube 💜

27/04/2020

"PUTAK"
Ni: Ube Writes

Paano pag ang akala mong 'katapusan' ay 'magsisimula' pa pala?

Hubad ang daigdig nang ako'y dumungaw,
'Tikom' ang bibig nang sangkatauhan gabi't araw,
Paunti-unti't may 'sigaw' na umaalingawngaw,
Bingi ako pero diwa ko ay napukaw.

Ako ay mapanghusga.

Iwinakli ang kumot, humayo't daigdig ay tinuklas,
Binagtas landas: walang gasgas; walang 'bakas' 'di na ipapabukas,
Walang bitbit na armas, bubusisain ko lang ng may pantas,
Sisimulan ko ng lilimiin ang 'bukas'.

Samo't saring laway ang sa aki'y tumilamsik,
Kanya-kanyang haka-haka ukol sa katapusan ng daigdig,
Kaya nagmanhik-manaog hinimay sila nang 'tanong'
Lahat ng 'sagot' na ibubulong sa balikat itutontong.

PAANO KUNG ANG MUNDO'Y MATATAPOS NA BUKAS?

Tak!
"Ako'y hari, haring walang putong,
panginoon akong namamanginoon.
Papaliparin ko mga agila't dragon sa buong nayon,
Papabisbisan ko ng toneladang la*on,
Kung matatapos din ma'y mas maiging sa sarili kung tugon."

Tak! Tak!
"Ako'y siyentista
Tutuklas ng dunong na kahanga-hanga,
Bomba-atomika na siyang panggunaw 'lupa'
Titiyaking mundo'y lulutang sa 'luha',
Kung matatapos din ma'y mas maiging sa sarili kung nasa."

Puso ko'y piniga; tumulo ang gata sa mga narinig
Kapwa pala ang hihila gumapang ka lang sa 'sahig',
Kaya tinupi ko ang 'banig', sa malayo ang titig.
At muling nakinig sa ibang ibayo ng daigdig.

Tak! Tak! Tak!u
"Ako'y mangagawa,
Susunod sa sugo sapagkat ako'y alipin ng tubig
Sa Luzon, Bisaya, Mindanaw karatig
Bombang agawton sasabog,
santinakpa'y maglalaho sa titig."

Tak! Tak! Tak! Tak!
"Afrika, Hordan, Ehipto
Florida't Mehiko, nag-iipuipo,
Hihip ng hangin kapag di nabago,
Sa lakas ng digma'y malulusaw tayo
Lalo na pag ang Amerika'y magtataas ng 'ulo',
At saka Tsina at Iran ay gagamit na ng 'ma*o',
Ako... ay sundalo."

Tak! Tak! Tak! Tak! Tak!
"Kamusta ang baga ng mundo?
Nakanser.
Nasunog kaya nakalbo.
Ang dating berdeng paraiso,
Sa isang buga'y nabalot ng a*o, produkto'y sako-sakong abo.
Ako si kaingero."

At nagdilim.
At kumulog at kumidlat at lumindol.
At ang ulan ay bumuhos at bumaha at umunos.
Libo-libong buhay tinangay ng agos,
Mata'y dilat habang natatabunan ng gusaling napudpod,
Laba ng bulkan, d'yan ka ilulunod.

Merkado ay isinara.
Trapiko'y humupa.
Sundalo'y nakahanay na sa hawla.
Pinto ng mga alipin ay sarado na.
Ayan na! Ayan na!
Ayan na ang Hari, ihanda ang trumpeta.

Patapos na ang mundo!
Mundo'y patapos na!
Ito na ba ang isiniwalat ni Mister Hawking sa pag-aaral niya?
"Kukulangin ng espasyo,
sa ibang planeta'y gagawa ng panibagong mundo."

PATAPOS NA ANG MUNDO.
Binibini't Ginoo?
Ganito ba ang gusto ninyo?
Sandamakmak na imbot at hidwaan,
BUKAS NA ANG KATAPUSAN!
Taghoy ng kalikasa'y 'di na rinig,
Tao'y mapangamkam, siyang mapanlupig.
'Di ba ang Eden ay naglaho?
Nang si Ada't Eva'y lumabag sa turo.

Hapong-hapo.

Minabuti kong maglakbay pabalik sa pinanggalingan.
Bitbit ang SANA ay 'pita' pero 'pait' ng sandaigdigan.
Magwawakas ang mundo sa halakhak ng sakim,
Magsisimula tayo ng may kudlit nang patalim.

Pero,
"Ang tao'y 'di tulad sa bula-
Na kapag napawi ay napawi na nga.
Tayo'y mamamatay upang magsimula,
Ang buhay na ganap babalik sa May Likha."

At ito ang aking putak
habang may tatlong luhang pumapatak,
Lalanguyin ko na ang umaapoy na dagat.

Ikaw, ano'ng putak mo?

10/04/2020

REVERSE POETRY

"Kumpisal"
✍ Krayolang Ube ( Ube Writes)💜

"Ama, mahal ka ng Iyong alipin."
"Ama, pananampalataya ay lalo ko pang pag-iibayuhin"
Mali ako!
Gusto mong malaman ang totoo?
Patawad.
Kung hindi kita kayang isabuhay,
Dahil walang halaga itong hiram na buhay,
Na banal Mong pangalan ay kaya kong yurakan,
Dahil malaking kahibangan.
Tama ka!
Ang Iyong halaga ay wala.
Hindi totoo na,
Ako ang siyang duwag.

(Basahin pataas)

05/04/2020

To my very first love:

Twenty-third of January
The date that stained unto my intellectual faculty;
The day when you left me desperately;
The day when rainbow started to turn grey.

I was young way back then,
Tryna kissed your armpit when the clock struck to ten.
Tryna giggled with your beard on my chin.
And hang on your back by passed seven.

We chuckled 'till that coke spilled thru our noses,
You taught me so much about Moises.
And even planted me pots of roses.
Yet, I harvested a bunch of thorns from your promises.

You gave me so much rea*on to live,
And made me believe 'YOU WON'T EVER LEAVE'
But life was so unfair,
You left with your mug of beer.

You almost slapped mamang with your adidas on her head.
With a teary-eye I said,
"Pang, ighinto mo".
And found you hugging me while dropping your shoe.

To the man who who broke my heart,
Your natal day is almost near-yet you are 3000 miles far
I still love Westlife since you loved them first
And I still love purple for it is your favorite.
-

05/04/2020

TAYA (PUSAKAL)"

✍Krayolang Ube (Ube Writes) 💜
Nirequest ni: Ma'am Micks Sertilo Osorelav - Saneca

PreScript: Inaalay ko po ito sa mga dakila nating frontliners at pati na rin po sa lahat ng taong nakatira sa mundong ibabaw.

"TAGU-TAGUAN MALIWANAG ANG BUWAN. TAYO'Y MAGLARO NG DILIM-DILIMAN. PAGBILANG KO NANG TATLO, NAKATAGO NA KAYO. ISA. DALAWA. TATLO."

ISA.
Isang sigalot na epidemya ngayo'y sa mundo kumawala,
Inaatake ang kampante mong kalamna't sikmura,
Na sa hapdi at kirot na nagbabadya,
Ilang libong buhay na ba ang alam mong nawala?

DALAWA?
Dalawampong libo?
O aabot pa ng dalawang milyon?
May alam ka bang solusyon?
Ilan na bang buhay ang kinuha ng Panginoon?
Pasalamat ka't nasa bahay ka't nakatunganga lang maghapon,
Nagaantay abutan ng donasyon,
Peru hinaing ng gobyerno'y di mo binibigyan ng tugon,
Sapagkat hangarin mo lang matupad ang 'yong layon.

Nakakalumo.
Nakakasindak.
Nakakagulantang.

Malakas ang kalaban!
Madami sila!
Magingat ka!
Andyan lang sila sa paligid- di natin nakikita.
Hukbong mikrobyo'y nakahanay na,
Handang umalipusta ng buhay gabi't umaga
Peru meron tayong panangga, tinatawag silang FRONTLINERS ng madla.

FRONTLINERS? Sila 'yong taong nasa unang hanay.
PULIS? SUNDALO? NURSE? DOKTOR? andyan sila nakaantabay.
LGU PERSONNELS? VOLUNTEERS?
Sila 'yong pader sa ati'y nagbabantay,
Mabigat man pasanin, taasnoo nila tayong inaakay.

Sila'y nasa unahan habang tayo'y nakaloklok sa tig isang tahanan.
Sila'y nasa unahan, di takot mahawaan masigurado lang ating kaligtasan.
Sila'y nasa unahan, di inaalintana ang pagod na nararamdaman,
Pamilya sa bahay napabayaa't iniwan,
Tinitiis na hindi masilaya't mahagkan,
Kaya't mahabag sana't alituntunin nila'y ating pakinggan.

Pwedeng labasan peru BAWAL LUMABAS!
H'wag kakalas!
H'wag tatakas!
Ihanda lagi ang ALCOHOL, panghugas!
'Di yan holy water peru kailangan mo ata ng basbas.
Matamaan kayo mahilig mag hugas,
Hugas-kamay matawag lang na santo kagaya nang nasa itaas.

Suutin mo ang MASK.
Iharap mo 'yong kulay asul.
Takpan mo at baho'y umaalingasaw- amoy a*ong ulol.
Di literal na mabaho hininga mo,
Gusto ko lang takpan 'yang bunganga mo na sa gitna ng sitwasyong kinakaharap ng mundo,
Linalait mo parin mga FRONTLINERS lalo na ang GOBYERNO.

Mahirap ba 'yong ONE METER APART?
Kinaya mo nga kahit sa buhay niya wala kang part.
Kung sinusunod mo jowa mo para walang social dischatting,
Sundin mo rin kaya 'yung patakarang SOCIAL DISTANCING.

TATLO.
Sa panahong ito, tatlong bagay kailangan ng mundo.
PUSO. UTAK. DASAL

PUSO.
Mahabaging pusong puno ng pagmamahal,
Tumulong ka hangga't bulsa mo'y makapal,
Pakainin mo sila ayon sa puso mong bukal
Pagpalain ka sana ng Maykapal.

UTAK.
Gamitin mo sa malinis na pamamaraan,
'Wag sa kalaswaan!
Na sa gitna ng epidemyang bumabalot sa Inang Silangan,
Magpapasend ka pa ng viral sa lipunan.

Kapatid, mali! Mag-isip ka!
Mag-isip ka kung pa'no makakatulong,
Mapangunawang utak iyong isulong,
Respetuhin mo rin frontliners na nagsisilbing PAYONG,
Sa gitna man ng delubyo, tayo'y kanilang SUKOB AT KANDONG.

DASAL.
Kapatid?
Maraming buhay na ang nalupig.
Isa lang 'tung krisis pandaigdig.
May bukod-tangi tayong Panginoon handang umunawa't makinig.
Kapatid?
Ipagdasal natin ang mga naghihikahos mabuhay,
AMA, may pamilya po silang naghihintay
Kunin mo po ang mikrobyong nasa kanilang katawan,
Palitan mo po ng ngiti, pawiin ang sakit na nararamdaman.
Nang sa gayo'y maipagpatuloy pa nila ang pagsamba sa 'yong banal na pangalan.

Tagu-taguan maliwanag ang buwan.
MAS LILIWANAG PA 'YAN PAG TAYO'Y MAGDADAMAYAN.
Tayo'y maglaro ng dilim-diliman
CORONA VIRUS ANG TAYA,
TAYO ANG PINAGLALARUAN.
LARO LANG 'YAN, KAYA NATING IPANALO ANG LABAN.

Sa TAYANG yan, kailangan natin ng PUSAKAL.
PUSO.
UTAK.
DASAL.

05/04/2020

"Kainin mo Ako" 😋
Written by: -Krayolang Ube 💜

Sa loob ng kwarto minsan akong naka kumot,
Pero tinanggalan mo ako ng saplot.
Ipinatong mo lahat ng aking kauri
Kahit sa sikip, mababasag aking puri.

Ihagod mo ang yung kamay sa buo kung katawan
Damahin mo ang init dala ng karupukan
Itapat mo sa ilaw ng marahan,
Biyakin mo ako ng dahan-dahan.

Dila mo'y ihagod sa buo kung pagkatao
Nang malasahan mo sarap na makamundo.
Sipsipin mo muna ang tamis ng aking katas
Resulta ng labing-walong araw na paninigas.

Pwede mo akong patungan ng panlasa
Sa gayu'y ganahan ka sa aking timpla.
Medyo mapait at mabuhok sa umpisa
Pero pag nasisid mo na, tiyak masasarapan ka.

Gamitan mo naman ng kamay,
Pag basang-basa na'y 'hwag kang maglaway.
Biyakin mo ng makain mo ng buo
Lunukin mo pati puti sa dulo.

Kainin mo 'ko ng walang pag alinlangan
Pwede kang dumura pag may ibang nalalasahan
Kainin mo 'ko. Kainin mo na.
Lalo na at Mira ang BALUT na binibenta.

04/04/2020

✍💜

Remember that David fight Goliath. And when King Saul asked him what made him so unafraid to fight the giant, he simply answered, "The Lord is with me, I will not fear."

My dear fellow writers, I know you've been battling with society standards. Some of us were afraid of rejections. We've been hearing lines like:

'Ang panget nang mga sulat mo.'
'Ikaw ba gumawa nyan?'
'Tumigil ka na kaya, wala namang yumayaman sa pagsusulat.'
'Bogo kaayo ka'g mga thoughts.'
'Unsa may ambag ninyo's komunidad?'

The deeper we hurt, the louder our pen moans. They don't understand that we write 'till our pens bleed no ink. We write 'till our hearts bleed no ache.

Fellow writers? LET US NOT FEAR. THE LORD IS WITH US.

04/04/2020

✍ Krayolang Ube 💜
Request ni: Niwd

SUKOB

Kumulog, tila langit na ang bumubulong,
Kakalimutan kita, suko na ako't di na susulong
Sana di na lang ako sumilong,
Nong minsan mo akung pinasukob sa iyong payong.

Akala ko'y magtatagal ka kahit sandali,
Umasa ako sa payong mo't di na inisip umuwi,
Sapagkat komportable na akung nakasukob sayo ng may ngiti,
Peru tumakbo ka noong ula'y napawi.

Tumagaktak nang malakas ang ulan,
Tumulo ang luha peru di namamataan,
Sapagkat sinampal ako ng butil ng katotohanan;
Na pansamantala mo lang akung pinayungan.

Para akung basang sisiw na iniwan ng inahin,
Magisa sa kalsada't di alam ang gagawin.
Peru tao ako: natatauhan,
Kaya sisimulan ko ng tahakin ang daan patungo kung saan kita kakalimutan.

Tatayo kung saan minsan nadapa,
Aayusin ang sarili, kahit ikaw ay wala.
Magisang maliligo sa ulan hangga't ito'y humupa,
Magtatampisaw muli ng walang takot na nagbabadya.

Anim na letra; dalawang pantig; dalawang salita,
Tapos na ang tag-ulan at tatapusin ko na rin ang nagdaan,
Haharapin ang kasalukayan ng may payong sa kiliran,
Na kung bumuhos man uli'y ayoko ng sumilong ng di masaktan.

💜

03/04/2020

"Shah Mat"
Theme: Pagibig, Ahedres at Tula

Isinulat ni: Cristhina Barsovia Ginalang
✍ Krayolang Ube ( Ube Writes) 💜

Dise-sais noo't dugyot pa,
Nakubkob ang pusong walang depensa,
Bawat atake't galaw, panay ang gilas,
Maingat ang kilos, isip pantas ang bakas.

Dumilim paligid, sumiklab ang kalbaryo:
May humarang; hindi makagalaw't sumakit ang ulo,
Oras ay lumipas, pasensya'y nagwakas,
Sa kabig ng pagmamahal, depensa'y nalago't nalagas.

Laro'y gaya ng pagibig; nalulupig
Maling hakbang, hirap ka ng tumindig
Kahit huling alas, pag pagsinta'y di taos
'Di na maisasalba kahit na maghikahos.

03/04/2020

Ginoo, 'di man kita kilala,
Isa ka pang blanko sa 'king mata
Wari'y punong wala pang sanga,
Nagagalak ako na ika'y nakasalamuha.
Wari'y isa ka pang dahon,
Dahong uod pa lang ang nakatuon,
Yumabong ka na't mabilis ang panahon
Sa sanga mo, ako magsisilbing ibon.

💜

02/04/2020

✍💜

the moon appears
to be in reach
i will tonight
reach out
and hold it
in my heart
kiss it gently
knowing that
you're looking
at the same moon
and kissing me back. 🌛

02/04/2020

✍💜
Boredom hit me again,
Music played, earphones in
But satisfaction didn't fit in
So I turned on data and scrolled then.

Bored asf, zero chat somehow
Log in to profoundly and hit chat now
Been ending chats coz pedos all around
Then there was this guy who popped and snow started to fall down.

He's funny (thru emoji)
He's smart ( English speakin baby)
He loves ball sports (sounds kinky)
Should I start writing our love story?

01/04/2020

Pen and paper speaks so well. ✍

30/03/2020

💔
i loved you.
you bid your goodbye
you can't say die
for the truth is,
i am no longer breathing from your lies.

a bleed from your knife won't kill me;
a bang from your gun won't trigger me;
just hurt me with words
'n liquid will flow gradually.

throw away my poetries,
dump them to garbages
that won't destroy me,
for i was already devastated
by our fake love story.

tie my neck with a rope,
hang me on an old oak,
make sure it will work
cause it feels just like a shoelace
tightened in my throat.

✍💜

30/03/2020

02202020
✍ Krayolang Ube 💜

We were both 20.
Two hearts met one winter grey
Void from similarities, you stole a kiss.
And my fantasies went wildest.

The day you and I met,
Birds rejoiced and sang melodies on earth.
Snow began to shower all roads in town;
Stars started to shimmer all night round.

You looked happy and contented with me
Just a smile on your cheeks 'n I'd be in glee
I thought happiness would lasts for eternity,
But you fooled me, like one plus one is equal to three.

You brought me once in a wondrous bliss,
Ironic words, hard to resist.
I thought feelings would lasts for centuries
But like east and west, we would never be as one
For you were my MORE and I was your LESS.

Was my fuel not enough to ignite your fire?
I used to gave you all the love with enormous desire
But I was naive trying to lit up a bonfire
While you kept calling the wind to blow wild for lifetime.

It's 02202020.
I still have two things from you,
Your unwashed shirt and your favorite lego.
How could I go back to zero?
When my poor heart still speaks about you.

30/03/2020

(FICTIONAL)

"Dik, gamay lang gyud huh, kadyot lang nga sakit."

Mabuang intawon ko'g pa ilin-ilin sa baboy kay lisod na mapaak ta, lami baya ta.

"Gahia ani e-release Sir, oil-based man kaau."

Naa na pud mi ila Navarro, regular customer namo. Halos every week mi ga anhi's iyang piggery kay daghan kaaug binuhi. Peru sa one month nakung balik-balik, wa gyud nku ni sya makita pa.

"Imo ni Asawa?" tingog sa lalaki nga manly kaau gikan sa akung likod. Speaking voice pa lang maka ingun gyud kag namit na.

"OJT ni Sir", matud pa ni Sir.

Dle na new sa ako ang maalaan kay pirmi gyud nia. Layo ra kaau nas Rundolph sa akung kahamis ug ka perfect baya.

Kani si Navarro, abi ko bag gors na peru mura mag si Ian Veneracion ang nawng. Pastilan gwapoha baya.

"Maayo na man kaau ka mo inject," pina smirk nga sulti ni Sir.

Syempre hilom-hilom ra ko kay 30 pa kabuok akong inject-kan. Humot na baya kaau ko kay daily perfume man nku ang mga manure.

"Langga, tarunga baya'g inject akung mga baboy huh."

Gitawag ko nya'g langga? Lamia tungabon ang purga oyy. Na autocrush gyud nku si Sir ba.

"Salig lang nku Sir. Wa baya koy 2,000 ipuli kung mamatay ni."

"Lang, basin gikapoy naka ba, ako napu'y inject nmu," pina sarcastic nga hung-hong ni Navarro.

"Sir, bisan pag himuon ko nmug reyna sa imung piggery, di gyud taka type ug e eject gyud taka."

***

So here I am, nag purchase nag bahog sa mga baboy namo ug 9 months na nga buntis since na inject-kan ko ni Sir. EJECT man gyud akung tubag peru INJECT may pag dungog nya.

LL: Dle mag British accent kay imbes EJECT, INJECT man noon. Cge na kay murag manganak nku.

✍ 💜

30/03/2020

paubos na ang tinta;
kuwaderno'y bilang na ang pahina;
salita'y hirap na itugma
...ba't ba kasi lumisan, o paksa! 😔
✍💜

30/03/2020

"Nag-iisang Eva"
✍Krayolang Ube 💜 (Ube Writes)
Ni request ni: Ade Lai Dingg

Nanay. Tatay. Gusto ko ng tinapay!

"Nay? Ba't wala si tatay?"
Tanong na nakapanglulumo para kang pinapatay.
Nag iisip magandang parirala masagot lang tanong ng bata
Kahit saloobi'y gusto ng magwala.

Mga anak, manalig kayo't palalakihin ko kayo,
Ibibigay ko layaw nyo't gusto
Iniwan man ng inyung ama'y di papatalo
Ako magsisilbing nanay at tatay, kakalingain ko kayo.

Yakap ko inyong magiging kumot
Haplos ko magiging gamot.
Bibilhan kayo ng karampatang saplot
Ako magiging clown nyo pag kayo'y nababagot.

Kayo ang lakas ni nanay sa araw-araw,
Bumangon na kayo't iniluto kayo ni nanay ng lugaw
O, bunso higupin mo 'tung sabaw
Makita ko lang kayung busog, saya ni nanay umaapaw.

Huwag kayong mag-alala at ako'y magisa
Kaya ko kayong mahalin ng higit pa sa dalawa
Aalagaan kayo hanggang tumanda
Sapagkat biyaya kayo ng may Likha. 💜

30/03/2020

Dami kung nireject na tao para sa'yo tas checkmate lang pala 😭

28/03/2020

Isang magandang umaga sa mga taong nilambing peru di jinowa.
💜

27/03/2020

Walang Label

Walang label dahil hindi pwede?
O walang label dahil iyun ang makabubuti?

"Hi"
Pambungad mong bati sakin sa chat.
"Ello"
Reply ko naman na may halong atat.

Araw. Linggo. Buwan ang lumipas
Pinadama mo sakin ako'y di pampalipas oras;
Para bang Law of Gravity ni Newton ukol sa mansanas,
Ikaw ang puno, ako ang prutas.

Ikaw ang puno kung saan ako nakakapit, nakapukol
Hindi yun spring, winter o autumn peru ako'y na fall.
Ako ang prutas na sinasabi mong sweet delight,
Pinagsiksikan mo pang kamukha ko si snow-white.

'Kain ka na o kakainin kita?'
Banat mong waleey peru sa tenga'y musika,
'I love you' salitang bigla mong pinakawala
'I love you too' napasubo ako kahit label natin ay wala.

Oo wala!
Peru pinaramdam mo sakin na merong matalinhaga;
Na para bang gusto kong umakyat ng balite't maengkanto ng bahagya
Masabi ko lang na "Tabi po ako" mahal kung diwata.

Bato. Gunting. Papel.
Oo wala tayong label.
Bato nating puso'y takot nang magkaron ng papel
Sa kadahilanang minsan ng ginunting ng demonyong tinuring nating anghel.

✍ Krayolang Ube💜

27/03/2020

Krayolang Ube 💜 is signing in as a random writer. Will you support me? God bless 😇