20/08/2021
BURDAH BAB II "KATENGATEAN KA NAPSO"
vocal Ahmad Baihaqi - Moh. Irfandi
LIrik : Doil LenNyornek
Music : Sofyan Ahmad
sé saongghuna napso, nika cengkal ben pengko
oben pon é patombu, tandha jha' ampon seppo
napso tak andi' malo, dhusa sé é kalako
tak énga' jha' la seppo, obu' pon poté kopo
abe' segghut maloppah, oben é semmir ropah
ma' le tak katon toah, nyangka abit matéyah
duh pasérah se bisa, nalé'éh napso nikah
mon jharan cé' ghempangah, cokop tongar élongah
jha' talé'éh napsonah, kalaban téngka dhusah
kocéng pakghun ngakanah, ka jhuko' cé' dhujanah
napso padhana bhaji', sé nyosoh dari kéné'
mon tak pas é maré'éh, sampé' rajeh nyosowéh
milanah jha' torotéh, napso tuli kadheli
mon pakkun étorotéh, napso tetti bheleih
bheli' napsona owan, é talon ka bhagusen
jha' torot napso ngakan, neng sé é katerrowén
bennyak oréng tak sadar, jha' racon sé é kakan
bennyak orang tak sadar, ngakan nyaman kéng palang
duh tako'ah ajunan, dha' ka lapar ben kenyang
kadhang bennyak réng lapar, lebih jhuba' ben kenyang
jha' buambueh molar, karna dhusa ban haram
raksa arassah korang, dha’ ka lakoh ghanjharan
napso kalaban syétan, jha' kancaé pas laben
lamon dateng sem-misem, parlo é curigain
sanajan tetti moso, sanajan tetti hakim
mon ka sétan ban napso, jha' lajje jha' torotin
saporanah ya Allah, a c**a tak alokoh
kantah réng bini’ cubeng, maskéh oréngah rattin
nyoro dha' ka bhagusen, abe' sé pércalapér
nyoro dha' ka lorosan, abe' sé cerkalacér
napa é kasangowah, bile depa' bhaktonah
seddang bhajang ban pasah, ghun é kala' wajibbhah
