27/03/2026
【蟻文藝遊：2026年香港巴塞爾藝術展互動體驗 星巴克 x Jack Butcher「對話的藝術」🎲】
每年香港巴塞爾藝術展都有唔少大牌國際藝術家帶住藝術品嚟到香港供藝術迷欣賞。但係除咗純欣賞，近年仲越嚟越多互動式藝術模式畀大家邊玩邊代入藝術家思維，反思生活中嘅議題。
今年，星巴克就聯同香港巴塞爾藝術展參展藝術家 Jack Butcher 推出名為「對話的藝術」（The Art of Conversatiion）嘅互動體驗，希望由隨機分配限量杯墊並透過交換活動，邀請顧客以對話作為交流嘅起點，重拾對話嘅力量。
此計劃將Butcher一貫對「可及性」與「參與式藝術」嘅關注延伸至具體現場互動體驗。參與者喺指定星巴克®分店買咖啡可獲限量版骰仔圖案杯墊，透過交換，逐步儲齊一至六骰仔圖案成為完整套裝。成功集齊參與者就可以喺香港巴塞爾藝術展Butcher的展位兌換一次擲骰嘅機會（每次擲骰價值美金88元／港幣690元），並即獲得一套與所擲點數相對應訂製限量骰子收藏品。
此次活動是Jack Butcher「Work, Luck, Play」裝置藝術嘅一部分，喺2026年巴塞爾藝術展呈現三件共同探索努力、不確定性與人際連結如何創造意義嘅作品。
Work
從實體工藝到數位抽象嘅演變，透過四雙手轉化呈現—由精細物質勞動過渡至像素化嘅游標—捕捉現代工作如何轉化為簡化嘅介面驅動姿態。象徵不斷精進嘅工藝—以持續嘅努力與專注，鑄就卓越。
Luck
當勝算已定，不確定性便化為必然。六粒永不失手嘅骰仔，每一次擲出都能如願以償。偶然坍縮為確定，曾經難以預料嘅，成為無可避免嘅結果— 反映那些透過偶然相遇塑造意義嘅意外連結—機緣，往往是最美嘅禮物。
Play
以「對話的藝術」為體現邀請顧客擲骰、引發對話，並將記憶帶走。三件作品共同構成一個鮮活嘅體驗，讓創意將人們凝聚在一起。
參加方法：由即日起至29日可在以下地點收集杯墊：
📍香港巴塞爾藝術展：3樓 ZERO10區 - Silk Art House 展位（Z9展位）
📍3 間指定星巴克分店*
☕️星巴克灣仔東亞大廈店： 灣仔軒尼詩道23-29號東亞大廈1樓
☕️星巴克香港故宮文化博物館店： 西九龍博物館道8號香港故宮文化博物館G/F
☕️星巴克永安店： 香港中環德輔道中71號永安集團大廈地下A號舖
#蟻文藝遊 #蟻文青
