05/09/2025
大家好，又係和大家講鬼故事嘅時間喇。
一句似曾相識嘅開場白，唔知道大家是否已經淡忘了DANNY CHEUNG 講鬼故事呢？
即使大家可能已經對小弟嘅鬼故事已經漸漸遺忘，亦實屬正常。因為小弟工作忙碌，每日所需處理嘅大小事情繁多，隨著年紀增長，身心不再像二三十歲那種頑強體能，每當晚上下班，深夜回到家中，身心俱感疲勞。因為工作和生活壓力
回家處理好家務後，又想沉醉於電視遊戲，以作減壓。故此未能一如往昔，由每個星期出一篇鬼故，減產為每一個月，後來更一季才能出一篇鬼故事跟大家見面。在此，小弟需向各位親愛嘅讀者致以萬分歉疚。
雖然如此，小弟亦一直有留意網上嘅鬼故頻道，例如小弟心中所敬重嘅網絡頻道MIHK，鱷老大嘅經典節目【老鱷講鬼故】，每集不同嘅題材和精彩內容，既有驚嚇又帶點搞笑。實屬小弟嘅精神食糧。
大家又可能會問，為何小弟事隔那麼久，又忽然做一篇鬼故事跟大家見面？
此為一個非常重要嘅原因，最近幾年，AI技術盛行，構圖繪圖包羅萬象。除此之外，AI更能夠懂得創作文章和故事，人工智能能夠透過大家給予題材，資料(時間，人物，地點)，故事嘅大綱，事態發展和大致內容，就能夠由AI來代為落筆，鋪寫一個屬於自己心中嘅故事，而且還能夠不斷修正，繕寫出一個適合自己又能夠滿足別人嘅故事。
喺上一個月，中大一名教授來理髮，期間教授與小弟分享AI嘅寫作功能和好處。由於多年朋友關係，大家無所不談。當然，小弟和教授嘅看法感不同，彼此對AI嘅存在，各持已見，透過利弊嘅分析，亦得悉AI嘅存在價值實屬無可置疑。
雖然小弟嘅寫作嘅時間不長，亦屬業餘寫手，經驗尚淺且有待改進。但對於AI所創作嘅文章，始終不敢苟同，重點在於AI始終係機械，係透過大數據，經過分析，然後以機會率去鋪寫一個較為大眾接受嘅故事。經過與教授嘅一席話，小弟亦曾多次嘗試透過上述嘅方法，用AI去寫故事，但內容始終感覺生硬，更帶點牽強，欠缺生命力，更徨論情感？？
基本一份爭勝心，加上一份埋藏小弟心中已久嘅靈感，由蠢蠢欲動到一應爆發。加上，今早鱷老大喺老鱷靈魂節目Morning Glory 中。老大所講嘅一番肺腑之言，燃起了小弟嘅寫作動力。
喺今集節目中，鱷老大表示隨著年紀增長，對於世界各國中嘅國際局勢和國與國中嘅關係，全建基於背後嘅龐大利益，老大更表示世界各國，並沒有一個國家，包括西方民主國家或邪惡極權國家，係會真正為人民福。人命和人權只是國與國用來作為政治嘅籌碼，屬實偽命題。人隨著年紀增長，就越看清整個世界和社會，還有人與人彼此之間嘅關係。越看得清楚，就越感覺痛心，越痛心就不知不覺間變得冷漠。雖然正如鱷老大口中所講，世界冇公義，冇公理。
但作為信奉天主與基督嘅信徒，我們要深信一個真理，就係世界雖充滿罪惡，但喺神與整個宇宙包括世界不同之處，就是神國係有審判，當耶穌基督再次回來世界之時，就係審判邪惡和處罰罪人嘅時候。小弟雖然材疏學淺，對於聖經所知亦實屬皮毛，但由始至終，小弟都深信世上有神嘅律例典章，世界雖被世途所物慾化，國與國，人與人之間，很多時候建基於利益，而利益往往出賣良知，扭曲人性。但神嘅四大原則公平，公正，公理，公義，永永遠遠都喺鐵律。無人可以逃離神喺審判下消遙法外。
再者，小弟往往堅信此一物理定律，就係愛因斯坦嘅相對論。未世即使充滿黑暗，但漆黑漫長嘅黑夜中，亦始終存有點點嘅火光。而反觀，喺烈日當空之時，太陽嘅光線雖然非常耀眼，但人嘅背後，亦始終留有一條長長嘅影子。
意思就係：世界上有正義嘅同時亦有邪惡，即使邪惡當道，亦總有神嘅光照耀漆黑，保守保護在黑夜中走路嘅你我，在此，為老大送上一份精神上嘅支持，作為今集鬼故事嘅序文………………
話回正題，小弟記得上一篇鬼故事，係講述鬼故事中三大主題嘅【猛鬼殯儀館】系列作，其實該文章係尚未完成，日後有待繼續為大家講述更多更多有關於殯儀業界內，各種各樣嘅工種和行內嘅鬼故事。預計喺今年年尾會跟大家見面。
而今集嘅主題，就係近乎於鬼故事三大主題中嘅【屋邨猛鬼錄】。
今集所講嘅鬼故事題目，就係一條位於九龍東又經已拆卸嘅村落。雖然該處並不是舊式公共屋邨
但由於該村位於九龍東鑽石山，所以小弟將之納入於【屋邨猛鬼錄】當中。
[大磡村]
一如既往，每當小弟講述有關於某地方嘅鬼故事
都習慣性地對於該地方來個簡單嘅敍述，講述一下該處嘅歷史與背景，大磡村位於東九龍鑽石山與新蒲光之間，即鳳德道和彩虹道之間的地帶。
五六十年代，大磡村曾經是市區中嘅一個大型寮屋區。九十年代開始進行市區重建計劃，北部大半大磡原址重建為龍蟠苑，星河明居和悦庭軒。
大磡南部由原村與瓦窑頭村湊合而成，維持該區內一條鶴雞群嘅寮屋村，直至最近十年才完全拆卸計劃。
大磡村歷史悠久，起源於北宋時代，因為曾經於村發掘出兩宋銅錢和瓷器，估計早於兩宋時代已有有於該處集村而居。而清乾隆年間，朱氏朱居元更扶老攜幼由廣東南下，遷居新安縣九龍沙挖埔，以採石為業，其後更向朝廷購買鑽石山以南土地(即大磡村一帶)，於是就立村建祠，養畜種田，發展成為一條小村落。
大磡村曾經有過繁華富裕嘅時光，村內嘅大觀園曾經為高尚住宅。喺戰後和平時期即(五六十年代）左右，大部份北京和上海嘅大戶人家南下，聚居於此處。當時有富戶二十二戶，每戶更設有花園亭臺，環境清雅。其中大觀園嘅四號石屋更為已故電影明星喬宏嘅舊居。該建築乃由花岡岩構成，石塊來自附近鑽石山礦場。當大磡村清拆後，大觀園四號別墅獲得保留，還有大磡村的舊牌坊還有日戰時期大磡村地底嘅軍事結構。故此
大觀園四號石屋連同鄰近殖民時期嘅英國皇家空軍機庫，還有其附屬設施機槍堡。合稱大磡三寶
五十年代，由於數以十萬計嘅內地居民由內地逃難往香港，香港政府一時間並無能力去安置難民
故此，容許他們於山邊搭建寮屋而居。當時由於大量難民不斷湧港，結果形成密密麻麻嘅大型寮屋區。而大磡村嘅寮屋區，其實並非在大磡村原址，而係原村南面稱為瓦窯頭村嘅位置。寮屋區甚至延伸至啟德舊機場附近，範圍非常廣大。
直至1990年代末期。大磡村仍有二千多戶居住
絕大部份係商住戶，居民超過七千人。四成屬於原住民。村內居住主要經營食肆，修車，加工廠
家庭式輕工業和服務業等等為主。
而整條大磡村建築物，都是一層至兩層高嘅鐵皮屋，寮屋，木屋。當中有販賣車仔麵檔和奶茶咖啡檔，還有古舊老舖。村內近乎能夠自給自足。
此外大磡村村內嘅大觀園農場，於清拆前主要種植蘭花，更加係香港早期引進蘭花嘅培植場，而且更保留了多項品種。園主林熙經營大觀園蘭場五十三年，早年由外地引入花卉來港培植，包括黃金菊，萬年青，以及芒樹等等，成為香港嘅綠化先驅。但大磡村清拆時，由於賠償金額過於低微，而且更不獲公屋安置，林先生將一千多盤價值連城嘅蘭花進行義賣，善款捐贈長者安居協會。當時大磡村清拆前夕，擁有一千五百多名市民，將林先生嘅培植多年蘭花一掃而空，總共籌得十多萬元。
有關大磡村嘅歷史和發展，大致都係以上嘅陳述
但一個面積非常廣大嘅貧民區，特別舊時嘅經濟尚待發展，加上社會環境惡劣，衞生欠佳，人們生活當然困苦潦倒。原來當時嘅大磡村寮屋區，係沒有獨立廁所。家家戶戶需要用村內唯一嘅公廁進行如廁和洗澡，面對一個又髒又濕嘅廁所，村內居民唯有咬緊牙關，辛勞工作，希望能夠盡量儲蓄到足夠嘅積蓄，搬離大磡，以改善當前嘅生活困境。
此外，寮屋區內錯綜複雜加上又長又窄嘅冷巷通道，讓人出入也不寒而慄。自自然然形成不同嘅靈異故事出產。
【無面女靈】
第一個故事嘅主人翁名叫[ 強伯 ]，強伯居住於大磡村多年。喺八十年代，獲房屋分配公屋，然後才搬離此地。每當強伯與街坊和身邊好友談論往昔，都會津津樂道且回味無窮。但有一件事，直到如今，每於強哥談起此事，他也會感覺毛骨悚然。
話說六十年代尾七十年代頭左右，強哥位於新蒲崗一家五金工廠進行打鐵工作，經過數年努力工作，強哥賺得一筆可觀嘅積蓄。強哥因為礙於行業過度勞碌且希望另覓行業賺取更可觀嘅收入。所謂[ 工字不出頭 ]，於是他辭去五金工作，隻身搬進大磡村其中一間石屋嘅一個房間，並且向該戶主租用村口其中一個舖位，經營車仔麵嘅小生意。
包租公嘅女兒阿霞年僅十九，初中畢業後就喺朋友介紹下前往新蒲崗工廠從事製衣業工作。阿霞外貌娟好，但為人性格內斂，平日不喜歡多說話
由於阿強與包租公一家同一屋簷下，日夕相對間自然生出愛慕之情。麵檔剛剛開始，生意尚算不錯，加上阿強早前辛苦賺來嘅積蓄，阿強想出一條上上策，就是透過每月一千蚊高薪聘請包租公女兒阿霞來到店內做幫工。對於當時而言，一千蚊也絕不是小數目。包租公夫婦當然一口答應，
阿霞就在阿強店內做工，而阿霞亦天資聰穎，面對廚房和店面嘅工作也駕輕就熟，面對客人也招呼週到，店舖嘅裡外也搞得妥妥貼貼。村內嘅居民經常以夫妻檔來形容兩人嘅關係。阿霞聽進耳中也感覺心裡甜蜜。
麵檔開業大約一年半後，由於該年夏季非常炎熱
麵檔生意於該月一落千丈，該兩個月嘅客人流量非常疏落。其中一日，天氣異常惡劣，整日下着滂陀大雨，該日嘅生意儼如雪上加霜，傍晚時份
更加連一個客人也沒有。阿強心知該日都係獨坐到關門，如此慘淡，不如早點關門讓阿霞早點回家晚飯作罷。於是他勸阿霞當晚稍早回家，陪伴兩老用飯。
阿強道：[霞，你今晚先返去啦～我一個人收檔就可以喇。]
阿霞聽後徐徐點頭，應道：[阿強，咁我先返屋企，你自己一個小心啲，記住鎖好門呀！]
他一個人望着店內那盤牛雜，打算將之下肚飯作為晚餐，並且希望思考一下可否增加幾道廣東小炒，解決近來生意困乏嘅境況。
當然他開着那部擺在店門口則的原子粒收音機，
開着一瓶啤酒，且將賣剩嘅菜煮熟，有肉有菜且有酒作為下肚物，用膳完畢清理好廚房後，阿強將那半瓶嘅啤酒徐徐下肚。望着店外那暗黃嘅街燈。阿強徐徐閉上雙眼，打算小睡一會才回家。
正當他醋睡之際。店內那撥輪電話響起。
[喂，強記麵檔，想食乜嘢？]阿強徐徐應道
電話筒另一邊卻傳來語氣非常急速嘅聲音。[阿強，阿霞喺邊呀？乜仲未往㗎？]原來此人乃是包租公，當時包租公氣急敗壞。
其實由阿霞離開麵檔到此刻，都係半個小時左右
但兩人平日下班回家嘅路程，只需短短十分鐘即可。此刻阿強心中一份強烈嘅不安，感覺事有蹺蹊。於是阿強立刻把檔麵嘅閘門關上，自己一個人遊走於村內嘅橫街窄巷尋找阿霞。大約半小時
過去。阿強不斷地快步急速搜尋，他越行越遠，更加到達平日不會行經嘅長巷揑搜尋阿霞。
由於大磡村內嘅橫街窄巷繁多，那些冷巷又長又窄且潮濕昏暗，巷頂更加鋪滿種種大小粗幼不一嘅電線，由於阿強心裡萬分焦急，他漸漸感覺自己處身於迷宮當中，他一邊走，一邊喊着阿霞的名字，希望盡早能夠找到她。但回應他的，只是長巷兩旁居民嘅粗口聲，責罵聲。阿強開始感覺心裡慌張起來。
當阿強由急步轉為快步之際。就在轉角處進入一條掘頭巷，而掘頭巷又暗又濕，而且喺巷嘅盡頭就係一個小型垃圾房，該處堆滿了住戶所棄置嘅一袋袋垃圾，垃圾堆中放有一張圓型膠櫈，櫈上坐着一名長髮女子，當時那女子面向垃圾堆而背向阿強。那女子嘅頭髮長度和身型，與阿霞絕無二樣，但只是身體不停地一抽一抽在抖動，狀甚在抽哭般。阿強見狀鬆了一口氣，正想上前以作詢問，倍加安慰。
阿強語帶氣柔和道：[霞，做乜坐喺度呀？係咩有乜唔開心？你可以同我講㗎。呢度污糟邋遢，唔好坐喺度，我哋慢慢行返屋企啦～]
正當阿強說起此話，他以右手輕輕搭上阿霞肩膀
一股異常寒冷嘅冷氣透體而入，直達阿強全身，阿強身上每一個毛孔也感覺到那寒氣迫人嘅寒意
阿強本能地立即縮回右手，再道：[阿霞，你係咩唔舒服呀？做乜身上咁凍？]話還沒說完，那女子把頭緩緩地擰向阿強。
阿強當時看到的，是一張完全無眼耳口鼻，毫無五官嘅一張臉。臉上就如一塊豬皮一樣。阿強嚇得目瞪口呆，一句話也接不上。他全身嘅肌肉繃緊，四肢完全不由自主，動彈不得。此刻他心裡嘅恐懼近乎到達極點，完全不能自已。同一時間
那毫無五官嘅女靈體，下顎位置微微顫動，而且臉部骨頭與下顎產生磨擦而發出：咯，咯，咯嘅詭異聲音，彷彿該女靈體對阿強說話一般。女靈體雖然臉上毫無五官，但雙目和鼻樑那些位置出現點點凹陷感，真像一塊泥膠放在閣下面前，任由你搓圓掀偏。但當然這也是一廂情願嘅想法。
女靈體隨即動身，飄向阿強。阿強嘅驚恐程度已經到達頂點，就在被嚇至近乎崩潰邊緣，阿強身上嘅自衞本能終於燃起，一剎那間，他全身再次動起來，見到地上有一瓶空啤酒瓶，他立即拾起來，把空瓶狠狠往女鬼擲去。那女靈體被硬物穿過，竟如一縷煙消散，直至完全消失，阿強全身再次癱軟在地…………
隔了一會，從遠處有一把女子聲音響起：這聲音由遠而近，語氣帶點擔憂又焦急，阿強！阿強！
阿強稍為定神過來，發現眼前人竟然係阿霞。
但阿強卻一句話也答不上，只流露出猶有餘悸嘅樣子。
阿霞見到阿強如此狼狽，二話不說，立即彎下身，伸出她那右手，挽着阿強起來，而阿霞左手擔着雨傘，右手挽着阿強，兩人倚偎着慢慢步出長巷，然後就隨即回家。
當回到家後，阿強稍作定神，阿霞向他遞上一杯熱茶，陪伴在側，予以安慰。包租公夫婦見他驚魂未定，又見他褲上帶點泥濘。包租公立即用上木桶煲上熱水，讓他隨後梳洗，然後讓他回到房間早點休息。翌日，阿強開始發燒，並且一連高燒三天，但喺阿霞嘅照下，幸而退燒，身體狀況並無大礙，只是麵檔一連休息三天。
當阿強身體無大礙後，早上起床後正在用早點之際，他和阿霞和包租公夫婦講起當晚之事，他告訴包租公當時收到來電，得悉阿霞遲遲未歸，於是心急如焚立即於村內四處尋找。由於心裡焦急萬分，自己也不知不覺間走到何處？期間於一條掘頭巷嘅垃圾房看到女鬼。
包租公欲立即反駁，並道：[阿強，冇呀，大前晚咁大雨，阿霞一早就返左屋企喇，仲話你叫佢早啲返嚟，落咁大雨，今晚都係冇生意喇。]
包租婆隨即又插口道：[係呀，我哋三個等你食飯，又唔見你返嚟，於是阿霞感覺不安，攞住把遮就話出去揾你，點知原來你撞到啲污糟嘢！
不過，唔要緊要啦～等我幫你出村口衣紙舒阿六嬸度，買點金銀衣紙，元寶香燭返嚟，喺屋企門口附近度拜下，應該就冇事嘅，我想佢都係路過，冇心傷害你嘅，百無禁忌呀～]
經過此事後，阿強和阿霞嘅關係得到進一步發展
而阿強就繼續經營其麵檔生意，不久後，生意又再次暢旺起來，收入也頗為豐裕。兩人更於兩三年後，兩人更結髮為夫妻，並誕下一個兒子，一家三口更於八十年代獲政府分配上公共房屋，經過夫婦多年努力，兒子也學有所成，從事專業脊醫。而且兒子也非常孝順，喺十幾年前，已於大埔購入一私人屋苑作為兩老嘅晚年居所……………
【長巷半頭裂口女】
關於大磡村嘅鬼故事，真係包羅萬象，如果要深入講述整條大磡村歷來發生嘅鬼故事，真係可以出一本長篇鬼故，其實每當一個地方有着相當嘅年月，當中發生嘅人和事，可謂恆河沙數。
就如大磡村，由南北宋已經有人集村而居，就是由清末民初到八年抗戰，加上香港淪陷至戰後和平嘅重光時期，大磡村如上述所講，曾經有北方嘅富商巨賈為逃避戰亂而南下，他們居於大磡村並築起名為[大觀園 ]，大磡村亦曾經風光一時。五六十年代，由於大批國內嘅難民為逃避戰亂飢荒，亦大量湧入香港，於石硤尾，橫頭磡，大磡，何民田一帶山邊搭建鐵皮屋或寮屋。整個山頭被一層又一層嘅木屋寮屋所覆蓋。就如早年石硤尾發生大火，燒死嘅民眾不計其數。最終香港政府為避免同類慘劇重現，計劃興建大量公型房屋，俗稱徙置區，用以解決貧窮和衛生問題，更希望透過協助貧窮人口改善居住環境，整頓市容
長遠而言，只有大幅興建大量公型房屋，才能夠減少漫山遍野嘅木屋寮屋區。
每當貧窮嘅地方出現，罪案率就自自然然相對增加。當中嘅劫案，風化案，命案，也必然相繼發生。
據強哥口中得悉，很久以前，於大磡村就曾經發生一單駭人聽聞嘅命案。村內其中一名女子，於深夜時份歸家中途，就被一名竊匪以鐵鎚迎面痛擊。不知道那匪徒是否太過用力，還是那女子頭骨特別脆弱。被那鐵鎚一擊之下。整個頭顱竟像椰子殼般被削去大半邊，女事主當場失血過多而命喪當場。直至翌日清晨時份才被村民發現其屍首。
由於命案發生，震驚了整條大磡村，村民之間當然非常警惕，囑咐家人鄰居盡量避免深夜時份獨自一人游走於村內嘅長巷當中。
而以下呢個故事，就並非發生於強哥身上，當中故事嘅主人翁，就係強記麵檔其中一名熟客。
熟客名叫阿俊，多年來一直光顧強哥，直至大磡村清拆，阿俊亦每隔一個月就和強哥霞姨茶聚，
三人嘅關係猶如親人一般。
有一次聚會當中，阿俊和父母還有強哥夫婦於品茗期間講起鬼故事。阿俊就跟大家分享一個永遠難忘嘅恐怖經歷。事情發生於九十年代頭，當年阿俊適逢中五會考，由於數學科成績欠佳，加上大考在即，阿俊於黃大仙一班補習社惡補數學。
其中一個晚上，他向老師多問幾條數學題，直至晚上十一點才離開補習社。他一個人由黃大仙步行至大磡村回家。正當行至村口之際，已經深夜十一點半了。夜深人靜，加上大磡村村內嘅街燈寥寥可數。他才醒起家人和鄰里嘅囑咐，盡量避免一個人行經長長嘅冷巷回家。
而阿俊所居之處又適正大磡村上半部份，每當他步行回家有兩條路徑。一就是行出村口，沿着村外嘅行人路，由南往北行，多走十五至二十分鐘路程方能到家。另一修捷徑，就是由大磡村南入口，經過村內那休憩嘅公園。那個所謂嘅公園，其實一幅爛地，只有兩三張石枱和石櫈，加上一個佈滿了鐵銹嘅滑梯。然後行經爛地後面嘅一條長長嘅冷巷，就能夠迅速到家，路程足足縮短大約十五分鐘，方便且快捷。
阿俊從早晨到晚上都無時無刻在溫習功課，身心早已感俱疲，加上長輩經常告誡和叮囑於深夜時份，絕不要獨自一人行經此地。但此刻他腦海中不停告訴自己，只想盡快回家休息。於是他硬着頭皮，唯有冒險前行。
當他經過那個所謂嘅休憩公園，漫漫步入長巷，一道異常陰寒嘅冷風迎面吹來，當他進入長巷大約步行十來步左右，他發現大約巷中隱隱約約站着一名女子，他心裡立時泛起一份寒意，為何夜深人靜，會有一個女人如此站在漆黑處。於是他放慢腳步，意識告訴他立起警戒心，並不斷作出假設，心中想着那女人是否賊人或童黨所裝扮，等待途人經過而施以襲擊搶奪財物。又或許可能是那些道姑道友毒癮發作，精神病人徘徊不去之類，於是他將背囊掛在自己嘅胸前，並拿出鎖匙，並將之夾實於五指之間，形狀如拳套。一旦遭到襲擊，就能夠立刻自衞並施以反擊。
阿俊小心翼翼慢慢往前行，並且他和那女人嘅距離逐漸拉近，二人由相隔五十米，三十米，二十米。由於整條長巷沒有路燈，形成漆黑一片。靠的就只有月色嘅光線，僅僅看到前路。他越往前行，就靠近那女子。當他和那女人距離只有五米左右，喺月光嘅映照下，他竟然看到那女子係呆呆站着，而且其身軀及站姿，真讓人感覺一份說不出嘅詭異。
阿俊終於行近她身旁，喺擦肩而過之際，阿俊全身雞皮疙瘩，額上嘅冷汗也滴下，因為他竟然看到那女子嘅頭顱只剩半邊，正確點描述，應該是一半頭顱完好無缺，另一邊卻凸陷下去，就連鼻樑和眼睛也沒有，那張殘缺不全的臉嘅下半部份，卻露出那張撕裂至耳垂嘅口，而裂口內嘅牙齒卻完完整整外露於上下唇之間。
阿俊嘅理性告訴他，人如果沒了半邊頭顱，根本冇可能生存下去的。邏輯和理智也清楚地告訴他
人嘅頭顱爆裂後仍然能夠直站或走路，係絕對不可能嘅一回事。如今眼前所見到嘅女人，除非是靈體………………
阿俊終於經過那女子，當時他小心翼翼，只看了一眼就低着頭慢慢前行，他不敢加快腳步，唯恐一跋步就讓那女子擦覺。當他前行約二十來步左右，他的好奇心戰勝了恐懼，一股強大嘅勇氣，叫他回頭一望。
所謂：[ 唔望猶自可，一看嚇傻咗 ]，阿俊發現那女子竟然站在他身後不過兩米。此刻和她只有咫尺之間。那女子另一邊完整嘅頭顱，彼着只有半邊又濕又亂又髒嘅長髮，她隨即也慢慢抬起頭來，與阿俊面對面對視着。此刻阿俊整個人動彈不得，而那女子卻不慌不忙地用右手將遮着臉嘅髒髮徐徐撥開，那只剩半邊頭顱下半嘅裂嘴露出一排瘀黑色牙肉和慘白嘅牙齒，整張臉呈現於阿俊眼前。接著，那女子張大了口，露出一個大大嘅黑洞，身體不停地在抖動，彷彿對着阿俊展開瘋狂的恥笑。
阿俊嘅驚慌程度已經到達極限，不知道是否本能反應衝破所有嘅障礙，他的潛意識竟再次燃起，身體重新得着啟動，他立刻慘叫一聲：[屌那星～鬼呀！！！]然後轉身即跑，頭也不回的，往家嘅方向狂奔。那時候嘅阿俊，雙腿好像裝上了引擎一樣，從未像此刻那樣快而敏捷地奔跑。其間，他亦感覺到一陣輕輕嘅腳步在追隨着他，但求生意識讓他絕不可以回頭觀望。經過五分鐘嘅路程，他終於到達家門口，他非常老練地將鎖匙插進鎖匙膽，用力一扭，家門立即打開，他一側身就進入屋內並把門緊緊地鎖上，動作非常連貫
同時，門外卻傳來嘭，嘭，嘭嘅敲門聲。他深知那女鬼仍在門外，並打算進入屋內。
當時他已嚇到近乎魂飛魄散，整個人癱軟在客廳嘅大門前。由於他的父親乃修習茅山道術，他父親得悉兒子遭鬼所纏，事情再慢點處理，情況難以預料，他立即衝向家中神壇，拿起一瓶放有楊柳支嘅清水，將柳枝抽起，將大門打開，將瓶子往外用力一掃，同時大喝一聲：[ 吒！何方妖魔，竟問來到本壇大膽放肆？？？]。
當時只聽得一聲女人：呀！嘅一聲慘叫，那聲音快速的由近而遠飄去。
阿俊的父親立即把門關上，並將他扶起來，然後阿俊向他父親將剛才所發生嘅恐怖經歷娓娓道來
他的父親當然大罵他一頓，明知山路險，而偏向虎山行。他對兒子厲聲責備，並警告他別再重犯，明言此次撞鬼嘅恐怖經歷乃是不幸中之大幸
假如自己不懂得點點法科道術，情況真係難以想像？翌日，阿俊當然大病一場，一連三天高燒，幸好最終亦痊癒過來，繼續努力好好準備中五會考，最後，他亦成功升讀預科，並入讀中文大學
但自從這次嘅恐怖經歷，他就算於光天白日下，亦不再敢經此長巷出入，直至整條大磡村清拆………
其實，大磡村內遍布橫街窄巷，年代如此久遠，
很難不聯想到每一條長巷，都可能存在着一個甚至多個嘅怨靈或厲鬼………………………………
【片場小鳳仙】
整條大磡村中，最為人熟悉嘅除左係大觀園外，
[大觀片場]當然亦係大磡村內嘅地標。大觀片場又名大觀製片場，為香港於1930至1960年代嘅電影製片廠，1936年建於土瓜灣，1947年就遷移往大磡村，直至1968年結束。
喺當時嘅[ 大觀片場 ]，為村民與外面世界接軌嘅重要橋樑，原因在於片場營業嘅時代，經常有眾多嘅電影巨星，各大小明星出入，由於作為製片和拍攝嘅地方。經常有記者隨行採訪。作為一電影工場，知名度也帶契了村內嘅居民，為他們所經營嘅店舖帶來頗為豐裕嘅收入，而村民更時常能夠與電影明星近距離接觸，他們也不時與明星合照或索取簽名。這樣，就成為村內民有着一份與外界不同嘅虛榮感。與偶像接觸，並不是容易嘅一件事………………
而大磡村村民對大觀片場頗為不滿嘅，就係片場中數個嘅大型建築物，每楝建築足足有四五樓層高。每當入夜，由於村內嘅街燈不多，橫街窄巷又錯綜複雜，加上那數楝大型建築物彷如伏着地上嘅奇怪巨獸，將村外街燈嘅光線完全阻隔，因此也是導致大磡村入夜之後，感覺異常幽暗嘅最大原因之一。
反觀，片場也有其重要嘅價值，原因在於拍攝電影期間需要大量人手。村民亦因此被電影公司招聘作為臨時演員，又或者作為片場內嘅保安或清潔工。[ 大觀片場 ]真係一個讓人又愛又恨嘅地方。
從強哥口中得悉，喺多年前，片場內就曾經發生過一單保安撞鬼嘅事件。話說村內一名居民名叫阿標，此人出名膽大生毛，不信鬼神，平常於人前經常表示自己：天不怕，地也不怕。他為人也易於暴躁，樣貌頗為凶惡，又曾經習武，身上嘅右臂右肩至胸口部位更紋上一條青龍，兩胸之間更紋有一粒火珠。形如青龍吞珠，可謂：氣勢非凡。
他於村內嘅鄰里介紹之下，亦受聘擔任保安工作
當時正值六十年代末，七十年代頭。大觀片場雖然將近結束。但由於廠房嘅道具和戲服仍在，電影公司當然要聘請夜間保安來防止賊人有機可乘
把公司嘅財產偷走。
當時適逢農曆七月，天氣異常炎熱。由於七十年代之際，冷氣機還未盛行。保安於深夜巡邏期間，經常帶着一把葵扇邊行邊撥涼，以散散身上嘅汗水，或於保安崗位放着一把電動風扇吹向自己，為漫長又炎熱嘅深夜，帶來點點嘅慰藉。
阿標受聘後上班已經有一個星期多。每天晚上，阿標如常按着上級指示，到指定岡位簽簿報到。
大約兩個星期過去，阿標和夜更數名保安混熟，其中一個早晨，他們下班後於村內一間茶寮品茗。
閒談間，一名年長嘅保安說起大觀照片場陰氣非常重，特別係五號廠房。他叮囑其他同事，每當夜間巡邏，經過五號廠房，簽簿後就盡快溜之大吉，避免撞到污糟邋遢嘢。阿標卻一笑置之，更表示自己向來都絕不迷信。並叫大家不要擔心
[ 有我阿標喺度，鬼靈精怪都要躝屍趷路 ！]阿標一番豪情壯語，聽得在場同事哈哈大笑。只有年長嘅德叔愁眉深鎖。
其中一個夜間，五名夜間同事當中，只有阿標和德叔二人當夜，其餘三人都放假回鄉探親，而德叔當晚因有家事處理，而需離開片場回到黃大仙家中，他告訴阿標，將於深夜三點左右回來的。阿標點點頭，拍拍胸口，並向德叔揚手道：[德叔，得㗎啦！辦大事有我喺度，你放心返屋企先，搞定好屋企嘢先返嚟啦！]
德叔語重心長地向阿標再三道：記住呀～一陣十二點半開始巡尾更，經過五號廠簽到，快快簽簿，快快行人，知道嘛！！]阿標點點頭示意明白。
當晚天氣非常悶熱，毫無涼風，而且就連蟲聲蟬聲也沒有。零晨時份，阿標步出更亭，例行巡邏簽簿，當他環繞片場外圍巡邏後，正要返回更亭小休片刻，他經過片場嘅五號廠房，發現該處異常寒冷。那股寒氣和周遭嘅悶熱構成極大嘅對比
接著，一陣幽幽嘅哭聲又夾雜住一把唱大戲嘅依依鴉鴉聲，竟從廠房內傳出，聽得人毛骨悚然。
當時一陣寒意湧上阿標心頭，但他一直以來，都向來表示自己絕不相信鬼神之說。一份逞強好勝嘅決心很快克服心中剛剛幕起嘅那份恐懼。
他心想，絕對冇可能嘅，一直以來，我凶神惡煞
鬼怪妖精見到本大爺都畏忌七分。再加上，世界上，又邊有咁多鬼怪呢？絕對係村內某些道友道姑偷取銅線或廠房嘅道具等等。
鑒於他自信心強且責任感重，他決定用鎖匙打開封鎖五號廠房嘅鐵鏈並把那對大木門打開。鎖匙插入鎖膽，一條大鐵鏈應聲倒地，。
而阿標又不是魯莽匹夫之流，他非常機警，先將大門輕輕一推，大門緩緩地打開。一陣陳年嘅霉臭味立時湧出，阿標右手拿起那支銀色嘅長電筒並開啟，先用光線往廠房內一照。原來整個五號廠房係一個大上海舞廳嘅佈景
舞廳嘅佈景非常真實，正中央係一個大舞池，兩旁擺放着一張又一張鋪着檯布嘅圓檯。舞池後方就是一幅大屏幕，和真實嘅舞廳完全無異。正當阿標打算入內察看是否有人在胡混或偷竊？他驟然看到舞池嘅正中央，竟站着一個身穿白色小鳳仙嘅女子。阿標當然又再嚇了一跳，但基於責任
他都要勸喻那女子立即離開。
阿標對那呆站着的女子大聲道：[喂！小姐，三更半夜喇，你做乜一個人企喺度，你快點離開吧！！！]，但那女沒絲毫回應，只呆若木雞般站着，背向着他。
阿標見狀，膽子反而異常增大，正當他踏步上前，行近那女子。那女子忽然向前一滑，整個人已經沒入了屏幕當中。阿標完全不能相信眼前所見嘅一切。他是非常確定看到那女子是兩腳沒有人所舉步走路嘅動作，而是見到那女子身子微微一傾，整個人就遠至五六米之外。很明顯，這並不是行，而是飄。加上人走路時，即使放輕步伐也有腳步聲，而那女子移動身體之時，就連絲毫嘅一點聲音也沒有，根本就係雙腳離地而行…………
此刻阿標卻還未感到害怕，他依然確信眼前景象乃是幻覺，一份求真嘅自信竟然湧上心頭，他拿着電筒，行至那屏幕，並步入幕後一看究竟？
當他進行幕後，他發現了很多陳年嘅道具和佈景板散落一地，而最靠近牆壁嘅位置，更擺放着一個又一個嘅人偶，那些人偶身穿民初時代嘅打扮
男的是中山裝或長衫，女的卻是鳳仙或旗袍。
就在阿標還在查探是否有人躲在後台之際，忽然間，他嗅到一陣非常濃烈嘅惡臭味，那味彷彿是夾雜了頭髮和豬皮嘅燒焦味，同一時間，一陣非常幽怨嘅歌聲響起，那聲音是由屏幕頂傳下來的
阿標抬頭一看，竟看到一個身穿白色小鳳仙裝嘅女人，坐在那條支撐大屏幕嘅橫樑上，那女子哼着二三十年代嘅影星周旋嘅歌曲：四季歌
春季到來綠滿窗，大姑娘窗下綉鴛鴦，
忽然一陣無情棒， 打得鴛鴦天各一旁，
夏季到來柳絲長，大姑娘飄泊到長江，
江南江北風光好，怎及清紗築橋樑，
秋季到來荷花香，大姑娘夜夜夢家鄉，
醒來不見爹娘面，只見窗前明月光，
冬季到來雪茫茫，寒衣做好送情郎，
血肉築成長城長，奴願做當年小孟姜。
阿標被眼前嘅景象嚇到目瞪口呆，於沒有長梯攀爬嘅情況下，那女子根本毫無能力坐到高處。
種種嘅情況下，眼前此女子，絕對不是常人而是靈體。阿標腦海中一片空白，他目不轉睛地望着那坐在懸樑嘅小鳳仙女子。
當那女子哼完整首歌後，她緩緩地與阿標相互對望，阿標全身冷汗直冒，雙腿發軟，整個人也嚇至癱坐地上。那女子雙眼含蓄着無限嘅幽怨，就在此時，女子身上散發着煙霧，而且那煙霧越來越濃烈，轉瞬間，女子竟然全身着火，並由高處墜下，正倒在阿標腳前大約三米左右。她痛苦異常，整個身軀因被火球籠罩下，導致全身扭曲，並且發出瘋狂嘅嘶叫，最後整個身體崩緊，喉嚨間發出三下嘅：呀～呀～呀！就停止了一切嘅動作。最後那燒焦嘅一副殘骸，竟然一縷消散。
此刻阿標真的人如其名，全身冷汗滲透，褲襠更滲出一灘黃色液體，他被嚇至失禁，小便也直標出來。就在此刻，阿標嘅身體和四肢終於回復正常。他立即起來，無鞍挽屐走般，跌跌撞撞地衝出五號廠房，他彷彿學成輕功一樣，飛奔回保安當值嘅更亭，把更亭嘅門緊緊上鎖，然後拿出身後嘅外套把自己整個人罩着，直至天亮……………
原來那天晚上，德叔嘅女兒發高燒，他的太太致電給他，說女兒高燒遲遲未退，德叔得悉事情嚴重，於是他返回黃大仙徙置區嘅住所，陪伴着女兒前往急症室求診，最終成功退燒，但女兒嘅情況稍為安定下來，德叔立刻返回片場當值，已經係清晨六點。德叔返回片場，當然第一時間前往更亭尋找阿標。此時，他只見阿標全身發抖，冷汗直流。德叔心知阿標應該撞到靈體，於是先斟上一杯熱茶，給他定驚。
當阿標冷靜下來，便將昨晚所經歷嘅一切，一一向德叔和盤托出。到轉更時份，二人如常前往茶樓品茗，德叔告訴阿標原來多年之前，大觀片場仍在運作嘅時候，期間發生過一次大火，一個唱戲嘅歌女非常不幸，葬身於火海當中。阿標終於知道昨晚所遇到的靈體，絕大機會就係該名歌女
但阿標向德叔請辭，怎樣也不再回去，
最後竟然連薪水也不拿，而且再沒有於大磡村出現…………………………………………
【大磡村公共浴室】
喺強哥口中所憶述，整條大磡村中，傳出鬧鬼嘅地方着實不少，村中嘅橫街窄巷，確實傳過唔少鬧鬼嘅傳聞。居住於村內嘅居民，絕大部份都係日出而作，日入而息。每當晚上十點後，村中嘅主要通道中，還有數盏油黃嘅街燈作為照明，但橫街內嘅冷巷，假若真的要經過，就真係要摸黑前行。村內每當一處地方發生鬧鬼或者靈異事件，居民都懂得避重就輕，盡量避免到達該處，就如[ 大觀片場 ]，大家都知道深夜時份盡量避免行近或經過。但有一些地方，就真係避無可避
就係大磡村公共浴室。
由於大磡村內嘅各戶，喺九十年代前，根本就冇獨立洗手間，每當住戶雖要如廁或洗澡，就必定要到達村口嘅公共浴室。閣下試想想，整條村數百戶人口而共用一個洗手間，那是多麼恐怖嘅一回事。
廁所係屬於好私人嘅空間，但喺五六十甚至七十年代，公共浴室實屬普遍之事。小弟嘅母親當年就係居住喺黃大仙嘅徙置區七層大廈。據她所述小時候她也非常害怕喺深夜如廁，因為要步出屋外，經過長長嘅走廊，才能夠進入浴室。而且徙置區嘅治安非常差，搶劫案和風化案時有發生，故此，很多居住於寮屋區或徙置區嘅婦女，大部份都喺黃昏或入黑前，梳洗乾淨，然後家中放一個馬桶方便晚上或深夜如廁。
講返大磡村公廁，一個每天應付數以百計嘅村民
大家也可聯想到公共浴室嘅衛生程度何等惡劣
據強哥口中憶述，村內分為男女廁所，但卻非常簡陋，每當踏入廁所之際，一股異常難聞嘅消毒藥水味，立刻撲鼻而來，加上廁所燈光不足，喺又暗又濕嘅環境下，情況令人相當壓惡。如果喺夏天，那種情況更加惡劣，每當夏天，人喺高溫嘅情況下，需要大量凍飲降溫。喝得凍飲多，腸胃自然唔多妥。加上夏天食物容易變壞，進食完不潔食物，上吐下瀉實屬自然。
所以廁內經常污糟邋遢，不是大小便殘餘物，就滿地沾濕嘅紙巾碎，報紙碎。總之就讓人反胃。
記得有一年，大磡村公共浴室發生一單命案，話說一個五六歲左右嘅小孩，跟着他母親於下午時份前往洗澡，期間那母親因為與其他師奶閒聊，
所謂[ 三個女人就一個墟 ]，她們之間你一言，就我一語，彼此之間越聊越起勁，該名太太完全忘記自己嘅兒子在浴室內。
原先那小孩在浴室內，由於沒人大人看管，當然順勢作反，他拿着那個西瓜波自娛一番，由於太過開心，一時間失足向後滑到地上，而他的後腦剛好又撞在那個石屎洗衣糟當中。他頓時失去知覺，整個人再反落一個裝滿水嘅木盤上，由於失血過多，最終返魂乏術。
此後，浴室內就傳出鬧鬼事件，有人經常喺晚上如廁期間，偶爾會聽到一個小孩子在拍球玩耍嘅嘻笑聲。
距離公共浴室不遠嘅一戶陳師奶，就發生過一次畢生難忘嘅恐怖經歷，話說某一年夏天，陳師奶個仔可能進食骯髒食物導致腸胃炎，導致肚瀉不斷。
就喺其中一個深夜，大約凌晨兩點左右，陳師奶個仔忽然肚痛大作，他說要上廁所。鑒於當年嘅寮屋會區治安非常差，龍蛇混雜。陳師奶原本打算叫陳生陪伴兒子外出如廁，但她自己也尿急，還有陳生從事建築工作，需要充夠嘅精力體力，
所以陳師奶和兒子兩人一起前往公共廁所。
當母子兩人踏入廁內，一股非常刺鼻嘅消毒藥水味和廁所嘅穢氣味立即撲鼻而來。兒子就立即衝進廁格內排洪，而陳師奶則進入廁內尾二嘅廁格如廁。當她解手完畢，穿回褲子步出廁格，她在洗手期間，抱怨廁內那陣霉菌和消毒劑嘅氣味。
正當她搖頭歎氣之際。忽然聽到廁內傳來一陣拍球嘅聲音。
那拍球聲係非常有規律，啪，啪，啪，每隔三秒一下，由於當時社會風氣比較單純，很多太太們都會見義勇為，面對頑皮嘅小孩，當然會責罵一翻。陳師奶也不例外。
她大聲問道：邊個咁夜仲匿喺廁所玩？同時，她依循那啪球嘅聲音望去。她發現一個橙色白色交替嘅西瓜波在廁所最後嘅一格，不停的在一下一下動彈。
她很自然地行近廁所尾格，當她把那虛掩嘅廁所門打開，卻發現尾格竟然空無一人，只一個西瓜波在地上跌跌蕩蕩，陳師奶正感覺希奇之際。忽然背後傳來一把聲音，[ 姨姨，姨姨！]一連兩聲毫無情感嘅說話於身後響起。
陳師奶當時感覺背脊泛起一陣寒氣，而且更寒冷刺骨。她下意識地回頭伸望。一看之下，陳師奶幾乎嚇至三魂唔見七魄。她望到一個大約五六歲左右嘅小孩，呆立在她面前，那小孩穿著一件白色腰背心黑色短褲，但卻赤着兩腳。而他身上竟濕透，身上所滴下來嘅水卻觸不着地，水滴着地之際竟全無影蹤。陳師奶對那小弟由下往上看。看到小孩身上嘅皮膚竟然是青青綠綠，四肢間竟有着烏黑色嘅瘀班。最恐怖之處，就是他的雙目竟呈現烏黑，沒有眼白更沒有眼珠。
他不斷對着着陳師奶說道：姨姨，你陪我玩啦
姨姨，呢度好悶冇人同我玩呀～你陪我玩，陪我踢波啦～嘻嘻嘻嘻
此情此景，陳師奶被嚇至崩潰，她慘叫一聲，連兒子也不顧，頭也不回，就如箭般快速飛奔回家
最後，陳師奶竟一連發燒三天，倒病在床。但幸好最終亦退燒，平安無事。
及後，每當有人向陳師奶問起有關於大磡村內嘅種種靈異故事，陳師奶也表現得相當抗拒，而且絕口不題。
好喇，咁耐冇和大家見面，今期嘅鬼故事一出來
又適逢農曆七月十四日，鬼節嘅正日。小弟希望透過今集嘅鬼故事，能夠為大家送上點點鬼節嘅氣氛啦～下一篇故事，希望能夠喺今年年尾前能夠和大家再見面啦～
【完】
