აკაკი ბაქრაძის საზოგადოება

Home
Georgia
Tbilisi
აკაკი ბაქრაძის საზოგადოება

ჩვენი მისიაა აკაკი ბაქრაძის მწერლობისა და იდეების გავრცელება საზოგადოებაში და მომავალი ლიდერების აღზრდა მისი პრინციპებით.

20/07/2026

ქართული ასოციაციის აშშ-ში (Georgian Association in the USA) და აკაკი ბაქრაძის საზოგადოების ორგანიზებით, ილია ჭავჭავაძის ლიტერატურულ-მემორიალურ მუზეუმში გაიმართა შეხვედრა სტუდენტებთან თემაზე „ილია და თერგდალეულები“.

ღონისძიების მთავარ მიზანს საზღვარგარეთ მყოფ სტუდენტებთან ერთად თერგდალეულთა საზოგადოებრივ-პოლიტიკური მისიის რეფლექსია და მათი მოღვაწეობის თანამედროვე კონტექსტში გაანალიზება წარმოადგენდა.

მოხარულები ვართ, რომ შეხვედრა და დისკუსია საინტერესოდ წარიმართა, რისთვისაც მადლობას ვუხდით თითოეულ მონაწილეს და ვიმედოვნებთ, რომ ახალგაზრდების აქტიური ჩართულობა სამომავლოდაც გაგრძელდება.

09/06/2026

ტაო-კლარჯეთის წლევანდელი ექსპედიციისთვის საქართველოს სხვადასხვა უნივერსიტეტიდან 15 გამორჩეული სტუდენტი შეირჩა.

შერჩეულ სტუდენტებს აერთიანებთ ინტელექტუალური სიღრმე, მაღალი აკადემიური მოსწრება, ქვეყნის წინაშე პასუხისმგებლობის განცდა და ჩვენი კულტურული მემკვიდრეობისადმი განსაკუთრებული სიყვარული. ჩვენთვის უდიდესი მნიშვნელობა ჰქონდა არა მხოლოდ მათ სიტყვით გამოხატულ ინტერესს, არამედ საქმით დადასტურებულ დამოკიდებულებასაც.

აკაკი ბაქრაძის საზოგადოება მადლობას უხდის თითოეულ აპლიკანტს გამოჩენილი ინტერესისთვის. ვინაიდან კონკურსი საკმაოდ მაღალი იყო, ორგანიზაცია იმედოვნებს, რომ დარჩენილი კანდიდატები აქტიურად ჩაერთვებიან საზოგადოების სხვა საგანმანათლებლო თუ კულტურულ ინიციატივებში.

შეგახსენებთ, რომ წლევანდელი ექსპედიცია ტაო-კლარჯეთში 23-27 ივლისს გაიმართება.

მონაწილეებს შესაძლებლობა ექნებათ, არა მხოლოდ დაათვალიერონ, არამედ სიღრმისეულად გაიაზრონ ჩვენი კულტურული საგანძურის მნიშვნელობა და შეიმუშაონ მისი დაცვის პრაქტიკული პროექტი: https://akakibakradzesociety.org/დათვალიერება-კმარა-საგან/

ქვემოთ წარმოგიდგენთ ექსპედიციის მონაწილეებს.

06/06/2026

დიდი მადლობა სტუდენტებს, რომლებმაც ინიციატივა გამოიჩინეს, თბილისის სახელმწიფო უნივერსიტეტში ფილმ „მონანიების“ ჩვენება მოაწყვეს და საინტერესო დისკუსია გამართეს.

გინდა შენც გააცოცხლო ქართული კინო შენს უნივერსიტეტში?

პროგრამა „ქართული კინო შენს უნივერსიტეტში“ გაძლევს შანსს, თავად დაგეგმო კინოს საღამო და წარმართო დისკუსია შენთვის მნიშვნელოვან თემებზე:

- შენ ირჩევ ნებისმიერ ქართულ ფილმს, თემას და თავად უძღვები განხილვას;

- ჩვენ ვუზრუნველყოფთ შეხვედრისთვის საჭირო ხარჯებს;

- შენ ქმნი სივრცეს მეგობრებთან ერთად აქტუალურ საკითხებზე სამსჯელოდ.

გახდი ინიციატორი და გააცოცხლე ქართული კინო შენს უნივერსიტეტში!

🔗 მეტი ინფორმაციისთვის ეწვიეთ პროგრამის გვერდს: https://akakibakradzesociety.org/ქართული-კინოს-საღამოები/

29/05/2026

აკაკი ბაქრაძე საქართველოს დამოუკიდებლობის შესახებ.

ნაწყვეტი დოკუმენტური ფილმიდან „გზა შინისაკენ“ (1990 წ.).

გაგვიზიარე შენი ხედვა!

• რას ნიშნავს ბაქრაძისთვის „შინ დაბრუნება“ წარსულის აღდგენას თუ ახლის შენებას?

• რა არის ის უნიკალური ღირებულება, რაც დღეს საქართველოს შეუძლია მიიტანოს საკაცობრიო საგანძურში?

• გლობალიზაციისა და ტექნოლოგიების ეპოქაში, რა არის მთავარი საფრთხე, რამაც შეიძლება ერი „უსახლკაროდ“ დატოვოს?

19/05/2026

„როცა აყვავდა ნუში“ გვიყვება ზურა მამაცაშვილზე, ახალგაზრდაზე, რომელიც ერთი შეხედვით გარშემომყოფთა „იმედი და სიამაყეა“, თუმცა მისი უდარდელი ყოფა მხოლოდ ილუზიაა, პრივილეგიებითა და დათმობებით ნაშენები.

ეს არის ისტორია თაობაზე, რომელიც თავისუფლებასა და აღიარებას ეძებს, თუმცა ხშირად ვერ ხვდება, რა ფასი აქვს ამ „გამარჯვებას“.

ამავდროულად, ესაა ამბავი საზოგადოებაზე, სადაც მამების გადაჭარბებული მზრუნველობა ხშირად შვილების მორალურ კოლაფსს უდრის, ხოლო ტყუილით მათი მომავლის გადარჩენის მცდელობა პიროვნულ დამარცხებას.

საბოლოო არჩევანი მაინც ინდივიდზე რჩება: დარჩეს ყალბ ჩემპიონად, თუ თვალი გაუსწოროს სიმართლეს და ღირსება შეინარჩუნოს.

ფილმის მთავარი ფორმულა მარტივია:

„კაცი მაინც იმით იზომება, რამდენს იტვირთებს ცხოვრებაში“.

გახდი ინიციატორი, დააორგანიზე კინოჩვენება და გააცოცხლე ქართული კინო შენს უნივერსიტეტში!

🔗 მეტი ინფორმაციისთვის ეწვიეთ პროფილზე მითითებულ ბმულს.

15/05/2026

გაგვიზიარე შენი ხედვა!

• რატომ არის ემოცია პოლიტიკაში უფრო სახიფათო, ვიდრე ხელოვნებაში? რა არის ის მთავარი „რისკ-ფაქტორი“, რაც პოლიტიკას ხელოვნებისგან განასხვავებს?

• სად გადის ზღვარი „ჯანსაღ პატრიოტიზმსა“ და „ცივ პოლიტიკურ გათვლას“ შორის?

• ისტორიული გამოცდილებიდან გამომდინარე, შეგიძლიათ გაიხსენოთ შემთხვევა, როდესაც ემოციურ ნიადაგზე მიღებულმა გადაწყვეტილებამ ქვეყანა „უბედურებამდე“ მიიყვანა?

30/04/2026

გვინდა სიხარულით გაგიზიაროთ, რომ ექსპედიციაში მონაწილეობის სურვილი 140-მა სტუდენტმა გამოთქვა!

რაოდენობაზე მეტად ჩვენთვის სასიხარულოა ის, რომ კანდიდატები გამოირჩევიან გულწრფელი ინტერესით, მაღალი მოტივაციით, შთამბეჭდავი აკადემიური მიღწევებითა და პასუხისმგებლობის განცდით.

თითოეული აპლიკაცია ჩვენთვის მნიშვნელოვანია, რადგან ნათლად ვხედავთ, რამდენი ახალგაზრდისთვისაა ღირებული ტაო-კლარჯეთის ისტორიულ-კულტურული მემკვიდრეობის გააზრება და მასზე ზრუნვა.

ამ ეტაპზე გადავდივართ შერჩევის მომდევნო საფეხურზე:

ვიწყებთ გასაუბრებებს იმ კანდიდატებთან, რომლებიც შემდეგ ტურში გადავიდნენ, რომ საბოლოოდ ის 15 მონაწილე შევარჩიოთ, ვინც ექსპედიციაში გაემგზავრება.

დიდი მადლობა თითოეულ სტუდენტს ინტერესისთვის. ასევე, მადლობას გიხდით ნდობისთვის მათ, ვინც ჩვენი პროგრამის შესახებ ინფორმაცია გააზიარეთ და ამ პროცესში გვერდში დაგვიდექით.

შერჩეული მონაწილეები გამოცხადდებიან 8 ივნისს.

23/04/2026

გაგვიზიარე შენი ხედვა!

• როგორ შეიძლება წარსულში ჩადენილი დანაშაულისგან გათავისუფლება?

• რა მომენტში გარდაიქმნება საზოგადოება „ბრმა ძალად“ და რა როლს ასრულებს ამ დროს კრიტიკული აზროვნების ნაკლებობა?

• შესაძლებელია „ტაძრამდე“ მისვლა, თუ საზოგადოება თავისუფალია, მაგრამ ინდივიდი არა (ან პირიქით)?

Address

Tbilisi

Website

https://akakibakradzesociety.org/

Alerts

Be the first to know and let us send you an email when აკაკი ბაქრაძის საზოგადოება posts news and promotions. Your email address will not be used for any other purpose, and you can unsubscribe at any time.

Want your establishment to be the top-listed Arts & Entertainment in Tbilisi?